მერაბ შარიქაძე რუსეთთან მატჩის წინ: გუნდში საოცარი ატმოსფეროა

რუსეთთან მატჩამდე ჩატარებულ პრესკონფერენციაზე კომენტარი საქართველოს ნაკრების კაპიტანმა მერაბ შარიქაძემ გააკეთა:

"რუსეთთან წინა თამაში სასურველი სხვაობით ვერ მოვიგეთ, თუმცა მთავარია, რომ გავიმარჯვეთ. რუსეთთან მოგება მარტივი არასდროს ყოფილა და ჩვენ ამისთვის ყოველთვის დიდი ძალისხმევა გვჭირდებოდა. რაც შეეხება ბოლო თამაშს, ბევრჯერ დავჯარიმდით და კონკრეტულ მონაკვეთებში, ვერ შევძელით დომინირება, რის გამოსწორებასაც ხვალ ვეცდებით. გარდა ამისა, თავად მსაჯმაც აღიარა, რომ ერთი ნაღდი ლელო შეცდომის გამო არ ჩათვალა. ასეთ შემთხვევაში ანგარიში ბევრად კომფორტული იქნებოდა.

გუნდში საოცარი ატმოსფეროა და ახალგაზრდების ინტეგრირება ძალიან კარგად მიდის. შეცდომებს ახალგაზრდა მოთამაშეებიც უშვებენ და გამოცდილებიც, თუმცა ამის გამო არავინ არავის საყვედურობს. ეს ბიჭები უკვე არიან კარგი მოთამაშეები და გამოცდილების მიღებასთან ერთად, კიდევ უფრო გაიზრდებიან".

"ბორჯღალოსნებისა" და რუმინეთის შეხვედრას გულშემატკივრები დაესწრებიან