ქუთაისში მატჩის წინ სხვადასხვა საზეიმო ღონისძიებები ჩატარდა, „აია არენაზე“ კი თავიდანვე ლამაზი თამაში წავიდა და „ბორჯღალოსნები“ შესანიშნავი შეტევის შემდეგ ნინიაშვილის ლელოთი და აბჟანდაძის გარდასახვით დაწინაურდა. მეტოქემ სწრაფად გვიპასუხა რეალიზებული საჯარიმოთი. 22-ე წუთზე ნინიაშვილის გარღვევა აბჟანდაძემ დააგვირგვინა და მანვე გარდასახვა ზუსტად შეასრულა. მეტოქემ ისევ საჯარიმოთი შეამცირა ანგარიში. შემდეგ შორიდან საჯარიმო ვერ გამოიყენეს და პირველი ტაიმი 14:6 მოვიგეთ.