ევრო-აფრიკული დივიზიონის მე-2 ჯგუფში საქართველოს საჩოგბურთო ნაკრები მაროკოსთან დამარცხდა. ეროვნულ ნაკრებს დაუბრუნდა სანდრო მეტრეველი, რომელმაც ხანგრძლივი პაუზის შემდეგ პირველი შეხვედრა ჩაატარა.
Sportall.ge მეტრეველს დაუკავშირდა და რამდენიმე კითხვით მიმართა.
- პირველ რიგში, გილოცავთ ნაკრებში დაბრუნებას. როგორ შეაფასებდით ნაკრების თამაშს, რა გახდა მარცხის მიზეზი?
- რა თქმა უნდა, ძალიან სამწუხაროა, რომ დავმარცხდით. მარტო რეიტინგით ნუ ვიმსჯელებთ, მაროკოს საკმაოდ სოლიდური მოთამაშეები ჰყავდა. ფავორიტები ვიყავით, მაგრამ რას ვიზამთ, ყველაფერი ხდება.
- რომელიმე მოთამაშეს ტრავმა თუ აწუხებდა?
- როგორც ვიცი, ნიკას ცოტა ხელი აწუხებდა და თან, ჩემი აზრით, ავსტრალიის ღია პირველობის შემდეგ გადაღლილიც იყო.
- თქვენი აზრით, რა არის საქართველოს საჩოგბურთო ნაკრების მომავალი?
- ამ ერთი წაგებით ტრაგედიის შექმნა არ შეიძლება. მომავალში მეც დავეხმარები ნაკრებს ასევე ერთეულებშიც და ვფიქრობ, უკეთეს შედეგს მივაღწევთ.
- პირად კარიერაზე რომ გვითხრათ, რომელი ტურნირის თამაშს აპირებთ?
- ვგეგმავ მომზადებას და ვარჯიშს, შემდეგ უკვე ტურნირის თამაშს. როდის იქნება ეს, არ ვიცი.
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
საერთოდ არ ჩატარებულა შესარჩევი ამ ტურნირზე გასამგზავრებლად !!!
ვიღაცეებმა ჩათვალეს, რომ ესენი არიან ყველაზე მაგრები და მორჩა.
ჩაეტარებინათ შესარჩევი მატჩები (ბასილაშვილის გარდა) და ნახავდნენ ვინ მეტად იყო ღირსი საქართველოს დროშთ თამაშის და ვინ ნაკლებად...