"ბასილაშვილმა ოცნების სახლი აიშენა, მოაწყო ყველანაირად და დაუტოვა..." - ახალი დეტალები ყოფილი წყვილის სკანდალურ საქმეში

ნიკოლოზ ბასილაშვილის ადვოკატი ირმა ჭკადუა ჟურნალ "სარკესთან" სკანდალური საქმის დეტალებზე საუბრობს. მისი თქმით, ჩემპიონის გამამართლებელი განაჩენი მალე გამოცხადდება და ნეკა დოროყაშვილის ადვოკატების მიერ გამოქვეყნებული ინფორმაცია სრული სიცრუეა.

"ნახეთ, თუ რა ქონებას ფლობდა ნელი დოროყაშვილი დაქორწინებამდე და რას ფლობს ახლა. ნიკოლოზ ბასილაშვილმა ოცნების სახლი აიშენა, მოაწყო ყველანაირად და დაუტოვა თავისი შვილის, ლუკასის დედას", - ამბობს ადვოკატი.

ჟურნალისტის კითხვაზე, თუ რა სახლზეა საუბარი, უფლებადამცველი პასუხობს, რომ ეს სახლი ნელი დოროყაშვილზე არის გაფორმებული და ამასთან დაკავშირებით დავა არ მიმდინარეობს.