ვალენტინო როსისთვის სეზონი დასრულდა

მოტოგრანპრის ლეგენდარული პილოტი, იტალიელი ვალენტინო როსი იტალიაში მოტოკროსზე მომხდარი ავარიის გამო საავადმყოფოში მოხვდა, - იტყობინება Gazzetta dello Sport-ი. მსოფლიოს ცხრაგზის ჩემპიონმა მარჯვენა ფეხი მოიტეხა.

როსის სამკურნალოდ ოპერაცია დასჭირდა, რომლის შემდეგაც მას წელიწად-ნახევარი ფეხში მეტალის ფირფიტა დარჩება.

იტალიელის გუნდის, Movistar Yamaha-ს ოფიციალური გვერდი წერს, რომ როსიმ უკვე დაიწყო აღდგენა. მიმდინარე სეზონში ვალენტინო მეოთხე ადგილზეა მოტოგრანპრის ჩემპიონატის საერთო ჩათვლაში, მაგრამ მისთვის წლევანდელი ჩემპიონატი დასრულებულია.

(იბეჭდება მცირე ცვლილებით)
ყოველდღიური სპორტული გაზეთი "ლელო"