ჭიდაობა

ძიუდო

საქართველო 22-24 თებერვალს დიუსელდორფის გრანდ სლემზე 12 ძიუდოისტით წარდგება

AutoSharing Option
საერთაშორისო ძიუდოს ფედერაციამ დიუსელდორფის გრანდ სლემის მონაწილე ნაკრებების შემადგენლობა გამოაქვეყნა.

ტურნირზე, რომელიც 22-24 თებერვალს გაიმართება, საქართველოს ნაკრებიც მიიღებს მონაწილეობას.

საქართველოს ნაკრები დიუსელდორფში მხოლოდ ვაჟებით, 12 სპორტსმენით წარდგება.

წინასწარი შეხვედრები 22 და 24 თებერვალს 11:30-ზე დაიწყება, 23 თებერვალს - 12:00 საათზე. ფინალური ბლოკის პირდაპირი ტელერეპორტაჟი სამივე დღეს "სილკ უნივერსალზე" 20:00-ზე დაიწყება.

საქართველოს ნაკრების შემადგენლობა ასე გამოიყურება:

60 კგ
ჯაბა პაპინაშვილი, ლუხუმ ჩხვიმიანი

66 კგ
გიორგი გუგულაშვილი

73 კგ
ლაშა შავდათუაშვილი, ფრიდონ გიგანი

81 კგ
ბექა დონღვანი, გიორგი კაციაშვილი

90 კგ
ავთანდილ ჭრიკიშვილი

100 კგ
ვარლამ ლიპარტელიანი, ლაშა
ტაველური

+100 კგ
ონისე ბუღაძე, ლევან მატიაშვილი

როგორც ხედავთ, საქართველოს ნაკრების სიაში კვლავ არ არის მსოფლიოს მოქმედი ჩემპიონი მძიმე წონაში გურამ თუშიშვილი, რომელმაც პარიზის გრანდ სლემიც გამოტოვა.

2018 წელს დიუსელდორფის გრანდ სლემზე საქართველოს ნაკრებმა მხოლოდ ორი მედალი მოიპოვა: ვარლამ ლიპარტელიანმა ოქროს მედალი მოიგო, ხოლო ლუხუმ ჩხვიმიანმა - ბრინჯაოს მედალი.

ასევე დაგაინტერესებთ