გამარჯვებას ნიკა მელიასა და ძმებ წულუკიძეებს ვუძღვნი - ზურაბ დათუნაშვილი

AutoSharing Option
გუშინ, 24 აპრილს სერბეთის სახელით მოასპარეზე ზურაბ დათუნაშვილმა ევროპის ჩემპიონის ტიტული მოიპოვა და დღეს ინტერვიუ "მთავარ არხს" მისცა.

"გამარჯვება მინდა პირველ რიგში ჩემს მუსლიმ ძმებს მივუძღვნა, წულუკიძეებსა და მის სამეგობროს ვგულისხმობ. მათ პროვოკაცია მოუწყვეს და უკანონოდ არიან დაკავებულები. ბიჭები, რომლებიც მთელი საქართველოს წესიერების მაგალითი უნდა იყვნენ, დღეს უკანონოდ ციხეში სხედან.

რა თქმა უნდა, ეს გამარჯვება ასევე ეძღვნება ნიკა მელიას, რომელიც დღეს საქართველოში თავისუფლების იდეის მატარებელია და ზუსტად ამისთვის ზის გლდანის საპყრობილეში. მსურს, გამარჯვებით ამ ხალხს ეს მძიმე წუთები ცოტათი მაინც
შევუმსუბუქო.

მინდა ქართველ ხალხს გულშემატკივრობისთვის მადლობა გადავუხადო. მადლობას ვუხდი სერბებს, რომლებიც გვერდში დამიდგნენ,"- თქვა დათუნაშვილმა.

ჟურნალისტმა დავით ერაძემ კი დაამატა, რომ ევროპის ჩემპიონმა მადლობა ჭიდაობის ფედერაციის პრეზიდენტ გეგა გეგეშიძესაც გადაუხადა, რადგან რომ არა მასთან კონფლიქტი, შესაძლოა ამხელა მოტივაცია არ ჰქონოდა და ევროპის ჩემპიონი ვერ გამხდარიყო.

მკითხველის კომენტარები / 45 /
დააგვიანდა გეგეშიძეს,თანაც ვერ ჩაუტარა სათანადოდ.............
გელა 8
21:28 29-04-2021
4
მე რაც ვუყურე ყველაზე მაგარი ქართველი მოჭიდავე იყო ამ ჩემპიონატზე და როგორც ასჩვენა თავის წონაშიც ვინმე თუ ლიდერია ეგაც მაგათ შორისაა. ძალიან განვითარებულა და ტყუილად არ მოუხადა მადლობა გეგეშიძეს მოტივაციის გამიძლიერებისთვის. მით უმეტესს საინტერესო მაგალითია დათუნაშვილი თუ რა პოტენციალის მატარებელია ქართველი ჭიდაობაში და რა მცირე ნაწილს იყენებს კარიერის განმავლობაში როცა ნელ-თბილად ვარჯიშობს და არ თავს არ იკლავს შრომით. ჩემთვის ამ კუთხით უფრო საინტერესო იყო მისი მაგალითი. თორემ სხვა მხრივ ნამდვილად სჯობდა ეს პოლიტიკური განცხადება, თუ არ ვიცი რა დავარქვა, არ გაეკეთებინა. მარტო თვითონ იზარალა, მე კი პირადად გული დამწყდა. არაფრის დამატება აღარ იყო საჭორო მაგის მხრიდან რომ ყველას დაენახა რომ მაგრად შეეშალათ დათუნაშვილთან როცა აიძულეს წასულიყო, ისე დამაჯერებლად მოიგო ოქრო, მაგრამ ჭკუა არ ეყო და ბოღმას ვერ მოერია. საწყენია.
გიორგი
20:41 27-04-2021
8

ასევე დაგაინტერესებთ
სიახლეები პოპულარული