<p>ზაზა ფაჩულიას მომხრეები ამერიკულ მედიაშიც ჰყავს <br> bluemanhoop.com აქვეყნებს სტატიას: "სამი მიზეზი, რატომ უნდა ითამაშოს ზაზა ფაჩულიამ "ოლ სტარში", რომელსაც აქვე გთავაზობთ:</p><p><a href="/kalatburti/qarthuli-kalathburthi/legionerebi/100236-es-zazaa-fachulias-qkashkashaq-momentebi-qgolden-steitshiq-video.html" target="_blank">ეს ზაზაა! - ფაჩულიას "კაშკაშა" მომენტები "გოლდენ სტეიტში" [VIDEO]</a></p><p>"NBA-ს "ოლ სტარის" მატჩი იმისთვის არის მოგონილი, რომ სეზონში ერთხელ მაინც ლიგის საუკეთესო კალათბურთელებმა გვერდიგვერდ ითამაშონ - <strong>სტეფ კარიმ</strong>, <strong>ლებრონ ჯეიმსმა</strong>, <strong>რასელ უესტბრუკმა</strong> და სხვებმა ერთი დღით მაინც გადადონ გვერდზე რეგულარული სეზონის ბატალიები და მაყურებელს შოუ ანახონ.</p><p>ფანები ირჩევენ საუკეთესოებს, ყველაზე ვარსკვლავურებს, მაგრამ, როგორც ადრე, ისე ახლა და მომავალშიც, ფანები ხმას აძლევენ ისეთ კანდიდატებს, რომელთაც მაინცდამაინც არ დაუმსახურებიათ "ყველა ვარსკვლავის" მატჩში მოხვედრა.</p><p><strong>კობი ბრაიანტი</strong> ხმებს იღებდა იმის მიუხედავად, რომ ის უკვე აღარ იყო აქტიური კალათბურთელი. შესაძლოა,<strong> დუეინ უეიდი </strong>ვიხილოთ 2017 წლის შოუში, მაგრამ ის ამას ნამდვილად არ იმსახურებს, გაცილებით უფრო იმსახურებს ამას მისი თანაგუნდელი <strong>ჯიმი ბატლერი</strong>. 2011 წელს <strong>იაო მინმა</strong> "ყველა ვარსკვლავის" მატჩში საჭირო ხმები მიიღო, არადა, მან მხოლოდ 5 მატჩი ითამაშა სეზონში. მაგრამ, მიუხედავად ყველაფრისა, ეს ბიჭები ვარსკვლავები არიან (ან იყვნენ).</p><p>ახლა კი შევხედოთ <strong>ზაზა ფაჩულიას</strong> საკითხს. შარშან მხოლოდ ბოლოსღა გაუსწრო კავაი ლეონარდმა მას არჩევნებში მცირედით. წლეულს ზაზა კატეგორიაში მეორეა და მხოლოდ თანაგუნდელ <strong>კევინ დურანტს </strong>ჩამორჩება.</p><p>ფაჩულია "გოლდენ სტეიტისთვის" სოლიდური კალათბურთელი გახდა. ის ვერ აგროვებს ისეთ სტატისტიკას, როგორც <strong>დემარკუს კაზინსი</strong>, ის არ არის გუნდში საუკეთესო, როგორც <strong>მარკ გასოლი</strong>. ვერ ნახავთ ისეთს, ვისაც მართლა სჯერა, რომ ზაზა ამ ბიჭებზე მეტად იმსახურებს "ოლ სტარში" თამაშს.</p><p>სწორედ ამიტომ გამოიგონა NBA-მ მედიისა და კალათბურთელების ჩართულობა, თუმცა ჩვენ სამ მიზეზს შემოგთავაზებთ, რატომ უნდა დაუშვას NBA-მ ზაზას "ოლ სტარობა":</p><p><p><div style="text-align: center;"><strong><span style="color: #ff0000;">ფაჩულია NBA-ს მსოფლიო ელჩი</span></strong></div></p> ზაზა ფაჩულია ხმებს "გოლდენ სტეიტის" ფანების წყალობით არ აგროვებს. დიახ, ისინი ეხმარებიან, მაგრამ ძირითადი ხმები ამერიკიდანაც კი არ მოდის. ზაზას მხარში უდგას 4,5-მილიონიანი სამშობლო, საქართველო. პატარა აღმოსავლეთევროპული ქვეყანა თურქეთსა და რუსეთს შორის. ისინი ერთიანი ძალით ცდილობენ ზაზას გაყვანას.</p><p>NBA-ს სურს, ეს საოცარი სახეობა მთელ მსოფლიოში განავითაროს, რაც მას ბოლო წლებში წარმატებით გამოსდის. უცხოური ქვეყნების ვარსკვლავები ბლომად თამაშობდნენ და თამაშობენ ამერიკაში: იაო მინი,<strong> დირკ ნოვიცკი</strong>, <strong>კრისტაპს პორზინგისი</strong> და სხვები. ახლა კი ფაჩულია, რომელიც ამ ბიჭების დონის კალათბურთელი არ არის, მაგრამ ორი წელია, ფანებს ის ძალიან სურთ "ოლ სტარში". ამიტომაც ზაზა ამ თამაშის მსოფლიო ელჩია.</p><p>ცენტრი ძალიან კარგად წარადგენს თავის ქვეყანაში NBA-ს. ეს კი მნიშვნელოვანი არგუმენტია, რომ ზაზამ ითამაშოს უმთავრეს შოუში. ფაჩულიას წარმატება გულს მისცემს ევროპელი კალათბურთელების ახალ ტალღას. წარმოიდგინეთ, ფაჩულიასა და პორზინგისის დაპირისპირება "ოლ სტარში" რას ნიშნავს ევროპელი ბავშვებისთვის.</p><p><p><div style="text-align: center;"><strong><span style="color: #ff0000;">დავტროლოთ "კლივლენდი"</span></strong></div></p> 19 ივნისის შემდეგ ყველამ, ვისაც "ტვიტერი" გააჩნია, ერთხელ მაინც დაწერა 3:1 ლიდერობის შესახებ, რომელიც "გოლდენ სტეიტმა" "კლივლენდთან" გაანიავა. კლივლენდს უყვარს შეხსენება, რომ ეს "გოლდენ სტეიტმა" წააგო ფინალი.</p><p>მაშ, რატომ არ უნდა "დაიტროლოს" ჩემპიონი გუნდის ფანები სამაგიეროს გადახდის მიზნით? 3:1-ის პასუხად - Zaza Pachulia #NBAVote. სხვათა შორის, ამაში "გოლდენ სტეიტის" ფანებს კრეატიულობას ვერ დაუწუნებ. ისინი და ქართველი ფანები ამ მხრივ კარგად მუშაობენ.</p><p><img src="pictures/artimages/image17/befbe6c5649b2a5defa8883b8ff0fac9.jpg" border="0" alt="Sportall.Ge" title="bluemanhoop.com: სამი მიზეზი, რატომ უნდა ითამაშოს ზაზა ფაჩულიამ "ოლ სტარში"." /></p><p>და ამას აკეთებენ ორგანიზაციის ხელშეწყობის გარეშე, "გოლდენ სტეიტი" მხოლოდ 4 სუპერვარსკვლავის პრომოუშენს ხელმძღვანელობს.</p><p>ფაჩულიას კამპანია ძალიან ბუნებრივია - მისი ფანები, მისი ქვეყნის შვილები ყველაფერს აკეთებენ, რომ ზაზა "ოლ სტარში" მოხვდეს. ის არ არის საუკეთესო ცენტრი კალათბურთში და თუ ჩვენ "ოლ სტარს" საუკეთესოთა მატჩად ჩავთვლით, მისი ადგილი იქ არ არის, მაგრამ "ყველა ვარსკვლავის" მატჩი თავიდანვე შოუსთვის, გართობისა და ფანებისთვის იყო ჩაფიქრებული.</p><p><p><div style="text-align: center;"><strong><span style="color: #ff0000;">სამართლიანობა</span></strong></div></p> შარშანდელის შემდეგ NBA-მ წესები შეცვალა. ადრიან ვოინაროვსკიმ კარგად აღწერა, რომ ამ შემთხვევაში, ფანების ხმებს საერთოდ აღარ აქვს გადამწყვეტი მნიშვნელობა. მივიღეთ ის, რომ NBA აღარ ითვალისწინებს ფანების აზრს.</p><p>რეალურად ეს ცვლილება "ზაზას კანონია". NBA ამით ფანების სურვილს ბლოკავს. არ აქვს მნიშვნელობა რატომ, ფანებს სურთ ზაზა ფაჩულია "ოლ სტარის" მატჩში. ასე რომ არ იყოს, ის უბრალოდ ვერ მოხვდებოდა ლიდერთა შორის.</p><p>ვადასტურებ, რომ შარშან ძალიან ვღიზიანდებოდი, როცა ვხედავდი, რომ ზაზა <strong>გრინს</strong> უსწრებდა, მაგრამ ეს ფანების სურვილია. თუ ხალხს სურს ზაზა, უნდა მოიგოს ზაზამ.</p><p>NBA-ს ფანები იმსახურებენ, თავად აკონტროლონ არჩევნები. შესაძლოა, ეს სადღაც არასწორია, მაგრამ დამატებითი წინაღობებით სამართალი ვერ აღდგება. რატომ ვაძლევთ ასეთ დიდ მნიშვნელობას ამ არჩევნებს?</p><p>თუ ზაზა ფაჩულია მაინც ითამაშებს "ყველა ვარსკვლავის" მატჩში, მას მერე, რაც მას ბევრი წინაღობა დაახვედრეს, სწორედ ეს იქნება სამართლიანობის ზეიმი".</p>
golden state champion!!!!!!!!!
"ზაზას კანონი"....რა მაგრად ჟღერს! მარტო ამიტომ ღირდა მთელი ეს აქტიურობა.
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
მამუკელაშვილმა "ტორონტო რეპტორზთან" ორწლიანი კონტრაქტი გააფორმა
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
"ერთმანეთს თავებს ურტყამდნენ, სრული სიგიჟე იყო" - NBA-ის ყოფილმა ვარსკვლავმა ფაჩულიას და გარნეტის ეს დაპირისპირება გაიხსენა [VIDEO]
"არა რუსულ კანონს - ჩვენ უკეთესები უნდა ვიყოთ" - ქართველი სპორტსმენები ქვეყნის ევროპულ მომავალს უჭერენ მხარს
"რთულია უყურო ამ კადრებს და არ გაგიჩნდეს პროტესტი" - ზაზა ფაჩულია ქვეყანაში განვითარებულ მოვლენებს გამოეხმაურა
ფაჩულია კვარაცხელიას საგულშემატკივროდ ნეაპოლში ჩავიდა და ძოლასთან ერთად ისაუბრა
ზაზა ფაჩულია: შენგელიას მსგავსად მოქცევა მხოლოდ გამორჩეულ ლიდერებს ახასიათებთ
ხვიჩა კვარაცხელიას, კახა კალაძესა და ზაზა ფაჩულიას წმინდა გიორგის სახელობის გამარჯვების ორდენზე წარადგენენ