- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ვან გაალი დენთის კასრზე
<p><p>არც ჩემპიონობა, არც თასი და ჩემპიონთა ლიგის საგზურიც საფრთხეშია! ვან გაალის დასასრული ჰანოვერში?</p> <br> <p>გუშინდელი დღის შემდეგ, „ბაიერნის“ უკიდურესად ოპტიმისტი მწვრთნელი ლუის ვან გაალი სერიოზულად უნდა ფიქრობდეს იმაზე, რომ შესაძლოა, ძალიან მალე უმუშევარი დარჩეს. ეს კვირა რეკორდმაისტერისთვის ძალიან მძიმე გამოდგა: დორტმუნდის „ბორუსიასთან“ ჩემპიონობის პრაქტიკული შანსის დაკარგვის შემდეგ, მიუნხენური გრანდი გერმანიის თასის ნახევარფინალიდანაც გავარდა (0:1 შალკესთან) და მიუხედავად იმისა, რომ მილანში 1:0 აქვს მოგებული, ასეთ ცუდ ფორმაში მყოფი „ბაიერნის“ ქომაგებს უკვე ისიც აღარ სჯერათ, რომ რეკორდმაისტერი ჩემპიონთა ლიგის მეოთხედფინალში გავა. ერთი სიტყვით, შარშან დუბლის შემსრულებელ (ჩემპიონობა და თასი) „ბაიერნს“ ამ სეზონში სრული კრახი ემუქრება. ფაქტია, რომ ბავარიელებმა უკვე დაკარგეს ორი ტიტული და შესაბამისად, ვან გაალის კრედიტიც ფაქტობრივად ამოწურულია და შაბათს მისმა გუნდმა „ჰანოვერში“ აუცილებლად, ნებისმიერ ფასად უნდა მოიგოს.</p><p>მიუნხენურ გრანდს ჰანოვერში ფრეც კი აღარ ეპატიება. თვითონ განსაჯეთ, მოვლენების განვითარების სავარაუდო სცენარი ასეთია: „ბაიერნმა“ ჰანოვერში რომ წააგოს, ამ გუნდს და შესაბამისად, ჩემპიონთა ლიგაში გამსვლელ მესამე ადგილს ხუთი ქულის დისტანციაზე დაშორდება და თუ „ლევერკუზენი“ „ვოლფსბურგს“ დაამარცხებს, სასურველ მეორე ადგილამდე ჩამორჩენა შვიდ ქულას შეადგენს, რაც უკვე ძალიან ბევრი იქნება. „ბაიერნს“ დარჩება 9 თამაში იმისათვის, რომ არ დარჩეს ჩემპიონთა ლიგის მიღმა და ყველამ ვიცით, რომ მიუნხენელებს გაისად ევროპის ელიტარულ საკლუბო ლიგაში ასპარეზობა ძალიან უნდათ, რადგან 2011/12 წლების ჩემპიონთა ლიგის ფინალი მიუნხენში უნდა გაიმართოს.</p><p>რამდენად რეალურია ის, რომ „ბაიერნის“ ხელმძღვანელებმა ვან გაალი დაიფრინონ? მართალია, ვიცე-პრეზიდენტი კარლ-ჰაინც რუმენიგე ამბობს, მწვრთნელის შესახებ დისკუსია არ დაწყებულა და ვფიქრობ, რომ არც დაიწყებაო, მაგრამ ეს საპნის ოპერაა. ფაქტი ისაა, რომ პრეზიდენტმა ული ჰიონესმა იანვარში, „ზუდდოიჩე ცაითუნგისთვის“ მიცემულ ინტერვიუში, კითხვაზე, რა შემთხვევაში დაფიქრდება მწვრთნელის შეცვლაზე, ასეთი პასუხი გასცა: „ეს მაშინ მოხდება, როცა ვიგრძნობ, რომ ჩემპიონთა ლიგის საგზურის მოპოვება სერიოზული საფრთხის ქვეშაა! ასეთ შემთხვევაში ზუსტად ისე ავნერვიულდები, როგორც ეს ორი წლის წინ, იურგენ კლინსმანის შემთხვევაში მოხდა.“</p><p>გაგახსენებთ, რომ ჰიონესმა კლინსმანი 2009 წლის 27 აპრილს გააგდო - სხვათა შორის, საკუთარ მოედანზე „შალკესთან“ 0:1-ზე წაგების შემდეგ. მაშინ „ბაიერნი“ მესამე ადგილზე იყო, ლიდერ „ვოლფსბურგს“ მხოლოდ სამი ქულით ჩამორჩებოდა, მეორეადგილოსან „ჰერტას“ კი სულაც ერთით. ამრიგად, აბსოლუტურად ლოგიკურად უნდა ვივარაუდოთ, რომ ვან გაალს შაბათს, „ჰანოვერთან“ შეხვედრაში მხოლოდ მოგება თუ გადაარჩენს და ისიც დროებით.</p><p>დორტმუნდის „ბორუსიასთან“ წაგების (1:3) შემდეგ, „ბაიერნის“ სპორტულმა დირექტორმა კრისტიან ნერლინგერმა თქვა, უმძიმეს სიტუაციაში ვართო და დასძინა, გერმანიის თასი არის ტიტული, რომელიც აუცილებლად უნდა მოვიგოთო. ნერლინგერის ამ განცხადებას კი თასიდან გავარდნა მოჰყვა.</p><p>ჩვენი გერმანელი კოლეგების ცნობით, ვან გაალს აღარც ფეხბურთელები უდგანან მხარში. მოთამაშეების უდიდეს ნაწილს დიდი ხანია აღარ მოსწონს ის, რომ მნიშვნელოვანი გამარჯვებების შემდეგაც კი, ლუისი შეგირდებს წნეხის ქვეშ აქცევს და თითოეულ მათგანს ყველაფრის თავიდან დამტკიცებას სთხოვს. „შალკესთან“ წაგების შემდეგ ვან გაალის „უპირველესმა მეგობარმა“ არიენ რობენმა მოედანი მაშინვე უსიტყვოდ დატოვა - „ბილდის“ ინფორმაციით, ლუისი გულზე აღარც ჰოლანდიელ დრიბლიორს ეხატება. სწორედ ამ ყველაფრიდან გამომდინარე წერს „ბილდი“, რომ თუ „ბაიერნი“ ჰანოვერში ვერ მოიგებს, ვან გაალს ჩემოდნების ჩალაგება მოუწევს...</p><p>ზოგადად, ძალიან იშვიათია ხოლმე შემთხვევა, როცა „ბაიერნი“ სეზონის წინ დასახული მიზნების მიღწევის შანსს მარტის დასაწყისში კარგავს. ჩვენს გერმანელ კოლეგებს რობენის საქციელიც ცუდად ენიშნათ - ჰოლანდიელმა საფინალო სასტვენიდან ზუსტად 15 წუთში, ავტობუსს უსიტყვოდ მიაშურა და ჟურნალისტებს ერთადერთი სიტყვა გადაუგდო: „ჩაო!“ მანამდე კი მხოლოდ კაპიტანმა ფილიპ ლამმა გაბედა ფანებთან მიახლოვება და მხარდაჭერისთვის მადლობის გადახდა, მოგვიანებით კი თქვა: „სეზონის გადარჩენა უკვე ძალიან ძნელია. ჩემპიონობის შანსი პრაქტიკულად დაკარგულია, თასიდანაც გამოვარდით, ეს კი იმას ნიშნავს, რომ „ბაიერნი“ ძალიან ცუდ სეზონს ატარებს. მატჩის დროს ძალიან ბევრ შეცდომებს ვუშვებთ და ამიტომაცაა, ასე საშინლად რომ გამოვიყურებით. „შალკეს“ ბევრი კუთხური თუ ჯარიმა ვაჩუქეთ, აღარაფერს ვამბობ გაშვებულ გოლზე, რომელიც ჩვენმა დაცვამ რაულს ლანგრით მიართვა. არანაირი კონცენტრაცია და „ბაიერნისთვის“ დამახასიათებელი სიჭკვიანე - საქმე მართლა ცუდადაა.“</p><p>მატჩისშემდგომ პრესკონფერენციაზე ვან გაალმა თქვა, „შალკემ“ მხოლოდ ერთი რეალური მომენტი შექმნა და ისიც გოლად აქციაო. ლუისი არ ფიქრობს, რომ ჩემოდნებზე ზის, თუმცა ამბობს, ეს არცაა ჩემი გადასაწყვეტიო. „მე ჩემს საქმეს ვაკეთებ და ვფიქრობ, რომ ძალიან კარგად ვაკეთებ,“ - ასეთი იყო ბოლო სიტყვები.</p><p>გაცილებით საინტერესო იყო ბასტიან შვაინშტაიგერის სიტყვები, რომელმაც თქვა: „ყველაზე ცუდი ის არის, რომ მეტოქეებმა იციან, როგორ უნდა ითამაშონ ჩვენს წინააღმდეგ. საკმარისია, ფლანგებზე რიბერი და რობენი კარგად ჩაკეტონ, რომ ჩვენ ვეღარაფერს ვახერხებთ. „შალკემ“ დღეს სამი საყრდენი ნახევარმცველით ითამაშა და მოვლენები ზუსტად ისე განვითარდა, როგორც ფელიქს მაგათს უნდოდა.“</p><p>შვაინი აბსოლუტურად მართალია, რაც „დორტმუნდთან“ და „შალკესთან“ მატჩებში დამტკიცდა და ახლა უკვე რეალურად შესაძლებელია, რომ მილანის „ინტერთან“ საპასუხო შეხვედრაშიც დამტკიცეს. ვან გაალის საფეხბურთო ფილოსოფია მხოლოდ წინ ან გვერდით გაკეთებულ პასს აღიარებს, ლუისის ხელში „ბაიერნის“ ფეხბურთელებს პასის უკან მიცემის უფლება მხოლოდ უკიდურეს შემთხვევებში აქვთ - მაშინ, როცა სხვა გამოსავალი არ არსებობს.</p><p>ზედიზედ ორი საშინაო მარცხი „ბაიერნმა“ ბოლოს 2001 წლის აპრილში განიცადა, მაგრამ არც ის უნდა დაგვავიწყდეს, რომ მაშინ ეს სულაც არ იყო მტკივნეული, რადგან 2001 წელს რეკორდმაისტერმა ბუნდესლიგაც მოიგო და ჩემპიონთა ლიგაც. ეს უკანასკნელი კი ახლა ერთადერთი ტურნირია, რომლის მოგებაც ბავარიელებს ჯერ კიდევ შეუძლიათ, მაგრამ ასეთი თამაშით? რობენი ყოველთვის ხომ ვერ გაისვრის...</p></p>
[VIDEO] 2 წითელი ბარათი და 3 გაუქმებული გოლი - "ლევერკუზენმა" 9-კაციანი "ბაიერნი" ვერ დაამარცხა
თუ კეინი წავა - "ბაიერნი" ოსიმენის დამატებას შეეცდება
მოლაპარაკებები დაწყებულია - კეინი “ბაიერნთან” სავარაუდოდ, კონტრაქტს გაახანგრძლივებს
კვერნაძის 74 წუთი და "ფროზინონეს" მორიგი გამარჯვება
[VIDEOS] გულიაშვილმა ესპანეთში დუბლი შეასრულა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
18 წ. | 3 ლელო საფრანგეთთან
გოჩოლეიშვილი შეცვლაზე და "ჰამბურგის" ფრე "აუგსბურგთან"
ზივზივაძე სასტარტოში იყო - "ჰაიდენჰაიმმა" "გლადბახთან" ქულები გაიყო
როგორი შეფასებები მიიღო მამარდაშვილმა "სიტისთან" მატჩში?
[VIDEO] "ლივერპულის" უნუგეშო დაცვა და ოთხი გოლი მამარდაშვილის კარში - "სიტიმ" "წითლებს" ისევ მოუგო
ბასილაშვილი მონტე კარლოს საკვალიფიკაციო ეტაპის ფინალში იასპარეზებს!
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა
სამი კანდიდატი, საიდანაც ერთ-ერთი ფავორიტია - ვინ შეცვლის გატუზოს იტალიის ნაკრებში
მთავარი კანდიდატია - "აიაქსი" მომავალი სეზონიდან შესაძლოა, მიჩელმა გაწვრთნას
მხოლოდ მთავარი მწვრთნელობა სურს - ნესტამ დე ძერბის ასისტენტობა არ ისურვა
ტრანსფერთან ახლოს უფრო მეტი სათამაშო დროით - რამუში სავარაუდოდ, პსჟ-ის დატოვებს
ლიოვი მსოფლიო ჩემპიონატზე ერთ-ერთ ნაკრებს გაწვრთნის - მოულოდნელი დაბრუნება მუნდიალამდე 2 თვით ადრე