- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ავსტრალიის ღია პირველობა. III დღე: გადარჩენილი პირველი ნომერი
<p>ფედერერის 309-ე მოგება, ორი ჯადოსნური "ქამბექი" და ცონგას აღიარება <br> გუშინ, ავსტრალიის ღია პირველობაზე მეორე წრე დაიწყო. მატჩების რაოდენობა განახევრდა, კაცების ბადეში კი პირველი სენსაცია მოხდა. თუმცა, ყველაფერს თანმიმდევრობით მივყვეთ.</p><p>მსოფლიოს პირველ ჩოგანს ენდი მარეის უდიდესი უპირატესობა ჰქონდა 19 წლის რუსზე ანდრეი რუბლიოვზე - 6:3, 6:0, 6:2. ბრიტანელის ფანებს ერთადერთხელ მიეცათ ნერვიულობის საბაბი, როცა მესამე სეტში ენდიმ ფეხი გადაიბრუნა. მსაჯმა ფიზიოთერაპევტიც კი გამოიძახა კორტზე, მაგრამ სერიოზული არაფერი ყოფილა. მესამე წრეში მარეი სემ კუერის უძლიერეს მოწოდებებს უნდა გაუმკლავდეს.</p><p>* * *</p><p>ზუსტად 17 წლის წინ, როჯერ ფედერერმა პირველი მატჩი ჩაატარა ავსტრალიის ღია პირველობაზე. პირველი წრის მატჩისგან განსხვავებით, 15 წლით უმცროსი ნოა რუბინის წინააღმდეგ მატჩში, ლეგენდა უფრო მობილიზებული, აგრესიული და ეფექტური ჩანდა. ფედერერს 17 ეისი და 48 "ვინერსი" დაუგროვდა - 7:5, 6:3, 7:6(5).</p><p>რუბინი დიდი ხანი ინარჩუნებდა მოწოდებას, მაგრამ ანერვიულდა და წააგო პირველი სეტი, 32 წუთში დათმო მეორე პარტია, სამაგიეროდ, იბრძოლა მესამეში. როჯერმა აშკარად მოუკლო და ამერიკელი წინ გაიჭრა - 3:0. და რუბინი ისევ დააღალატა ნერვებმა და სიჩქარემ. ის 5:2-ს იგებდა, მაგრამ საქმე ტაი-ბრეიკამდე მივიდა, რომელშიც ფედერერმა "დიდი სლემის" ტურნირებზე 309-ე გამარჯვება გაიფორმა. შემდეგი მეტოქეა ტომაშ ბერდიხი. ურთიერთშეხვედრებში შვეიცარიელი 16:6-ს უგებს ჩეხს. წაგების შემთხვევაში, როჯერი 2000 წლის შემდეგ, პირველად დატოვებს TOP30-ს.</p><p>* * *</p><p>მეორე შვეიცარიელმა სტენ ვავრინკამ პირველ წრეში ხუთი სეტი იწვალა მარტინ კლიჟანის წინააღმდეგ და როგორც ჩანს, სწორი დასკვნები გამოიტანა. ამჯერად, სტენმა იოლად მოარჯულა ამერიკელი სტივ ჯონსონი - 6:3, 6:4, 6:4. შვეიცარიელი ძალიან სუფთად თამაშობდა - მხოლოდ 25 უნებლიე შეცდომა დაუშვა და 46 "ვინერსი" მიითვალა. მოკლედ, ვავრინკამ დაახლოებით ის დონე აჩვენა, რაც 2014 წელს ჰქონდა, როცა მელბურნში პირველად მოიგო "დიდი სლემის" ტურნირი. მესამე წრეში მისი მეტოქე იქნება ვიქტორ ტროიცკი.</p><p>ასევე ხუთი სეტი ჰქონდა ნათამაშები პირველ წრეში იაპონელ კეი ნიშიკორის და მანაც, მეორე რაუნდში სამ სეტში მოიგო. აზიელს თავად მეტოქე - ფრანგი ჟერემი შარდი დაეხმარა, რომელიც ყოველ მესამე ბურთს ბადეს ახვედრებდა. ამან ნიშიკორის ძალიან გაუადვილა საქმე - 6:3, 6:4, 6:3. იაპონელის შემდეგი მეტოქე ლუკაშ ლაჩკო იქნება.</p><p>* * *</p><p>რაც შეეხება დღის სენსაციას, მისი ავტორი გახდა სწრაფად პროგრესირებადი ბრიტანელი დანიელ ევანსი. პირველ პარტიაში მას ბევრი არაფერი გამოუვიდა მარინ ჩილიჩის წინააღმდეგ, მაგრამ საკუთარი თავის მეორე სეტში ირწმუნა, როცა შვიდი ბრეიკ-პოინტი მოიგერია. ეს გახდა გარდამტეხი მომენტი მატჩში. ბრიტანელს ყველაფერი გამოსდიოდა და იოლად უმკლავდებოდა ხორვატის უძლიერეს დარტყმებს.</p><p>ჩილიჩს პირველივე წრეში შეეტყო, რომ შორს იყო ოპტიმალური ფორმისგან - საწყის მატჩში მან 0:2-დან შეძლო პოლონელი იერჟი იანოვიჩის დამარცხება.</p><p>* * *</p><p>განთესილები - ჯონ ისნერი და ნიკ კირგიოსი სეტებში 2:0-ს იგებდნენ, მაგრამ მათმა მეტოქეებმა შეძლეს ქამბექის შესრულება.</p><p>გერმანელ მიშა ზვერევს არასოდეს ჰქონდა "დიდ სლემზე" მოგებული შეხვედრა 0:2-დან, მაგრამ, ამჯერად, ხასიათი გამოავლინა. ისნერს პირველი მოწოდება დაეკარგა, ანერვიულდა და საბოლოოდ მოიშალა, როცა მეოთხე სეტში სამმაგი ბრეიკ-პოინტი და მატჩბოლი ვერ გამოიყენა და ჩოგანი დაამსხვრია. ზვერევი 2008 წლის შემდეგ პირველად გავიდა "დიდი სლემის" ტურნირის მესამე წრეში და იქ ტუნისელ მალიკ ჟაზირის შეხვდება.</p><p>კირგიოსსა და ანდრეას სეპის კი დეჟავიუ ჰქონდათ: ორი წლის წინ, ავსტრალიელი სეტებში 0:2-ს აგებდა იტალიელთან, მაგრამ შეძლო გამარჯვება (მაშინ, მეხუთე სეტი 8:6 დასრულდა). გუშინ, კორტზე გასვლის წინ, კირგიოსმა ყურში ჩასჩურჩულა მეტოქეს, რომ ის მატჩი ერთ-ერთი საყვარელია მისთვის.</p><p>და აი, ახლა, უკვე კირგიოსმა მოიგო პირველი ორი პარტია და წააგო მატჩი. ნიკმა მეხუთე სეტში მატჩბოლი ვერ გამოიყენა. მასპინძელი ამ წაგებაში თავად არის დამნაშავე, რადგან დიდი უპირატესობის მოპოვების შემდეგ, პუბლიკაზე თამაში დაიწყო და კონცენტრაცია დაკარგა.</p><p><strong>P. S</strong>. და კიდევ: დუშან ლაიოვიჩის დამაჯერებლად დამარცხების (6:2, 6:2, 6:3) შემდეგ, ჟო-ვილფრიდ ცონგამ აღიარა, რომ გაზაფხულზე მამა გახდება.</p><p><strong>კაცები. II წრე</strong></p><p>მარეი (ბრიტ, 1)-რუბლიოვი (რუს) 6:3, 6:0, 6:2</p><p>კუერი (აშშ, 31)-დე მინორი (ავსტრა) 7:6(5), 6:0, 6:1</p><p>მ. ზვერევი (გერ)-ისნერი (აშშ, 19) 6:7(4), 6:7(4), 6:4, 7:6(7), 9:7</p><p>ჟაზირი (ტუნ)-ბუბლიკი (ყაზ) 6:2, 6:3, 7:5</p><p>ბერდიხი (ჩეხ, 10)-ჰარისონი (აშშ) 6:3, 7:6(6), 6:2</p><p>ფედერერი (შვეიც, 17)-რუბინი (აშშ) 7:5, 6:3, 7:6(3)</p><p>ლაჩკო (სლოვაკ)-სელა (ისრ) 2:6, 6:3, 6:2, 6:4</p><p>ნიშიკორი (იაპ, 5)-შარდი (საფ) 6:3, 6:4, 6:3</p><p>ვავრინკა (შვეიც, 4)-ს. ჯონსონი (აშშ) 6:3, 6:4, 6:4</p><p>ტროიცკი (სერ, 29)-ლორენცი (იტა) 6:3, 1:6, 7:6(3), 3:6, 6:3</p><p>დარცისი (ბელ)-შვარცმანი (არგ) 6:3, 6:3, 2:6, 6:4</p><p>სეპი (იტა)-კირგიოსი (ავსტრა, 14) 1:6, 6:7(1), 6:4, 6:2, 10:8</p><p>ცონგა (საფ, 12)-ლაიოვიჩი (სერ) 6:2, 6:2, 6:3</p><p>სოკი (აშშ, 23)-ხაჩანოვი (რუს) 6:3, 6:4, 6:4</p><p>ტომიჩი (ავსტრა, 27)-ესტრელია ბურგოსი (დომ) 7:5, 7:6(4), 4:6, 7:6(5)</p><p>ევანსი (ბრიტ)-ჩილიჩი (ხორ, 7) 3:6, 7:5, 6:3, 6:3</p><p><strong>ყოველდღიური სპორტული გაზეთი "ლელო"</strong></p>
ნიკოლოზ ბასილაშვილი ჩინური ტურნირის პირველივე წრეში დამარცხდა
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
ოფიციალურად: როჯერ ფედერერი მილიარდერი გახდა
დიდი თავგადასავალი იწყება - მიქაუტაძე "ატლეტიკოსთან" სასტარტოშია
[VIDEO] ზივზივაძე "დორტმუნდთან" მატჩში გააძევეს
"მსოფლიო ჩემპიონატის ნახევარფინალში მონაწილეობას ვერ მივიღებ" - ლაშა გურული
დიდი 10 | ბათუმი 32:20 გორი
"ჩემთვის ის ყველა დროის საუკეთესო მწვრთნელია" - რა თქვა ზიდანმა?
"ამისთვის ფიზიკური მონაცემებია აუცილებელი" - ანჩელოტიმ ნეიმარის ფლანგზე თამაში გამორიცხა
ამერიკული თავგადასავალი გრძელდება - დიმიტრი ლეკიშვილი "ქემდენიდან" კარიერას "Holy Family"-ში გააგრძელებს
მოგებული პირველი ტაიმის შემდეგ "შავი ლომი" "ბენეტონთან" დამარცხდა
ახლა ხვიჩას დროა - ფრანგული გამოცემა პსჟ-ში ქართველის როლზე წერს
თურქეთმა საბერძნეთი შეარცხვინა - სუპერ ფინალის მოლოდინში!
16-წლამდელებმა აზერბაიჯანის ტურნე გამარჯვებით დაასრულეს
[VIDEO] ყაზაიშვილი ბწყინვალე ფორმაშია - ამჯერად სლუცკის გუნდთან ჰეთ-თრიკი შეასრულა
გერმანიამ ფინეთი მარტივად დაამარცხა და ევრობასკეტის ფინალში გავიდა
ლეგენდების მატჩი | დინამო V აიაქსი
ალთუნაშვილი "იბერია 1999-ში" დაბრუნდა
დღეს მიქაუტაძის ესპანური დებიუტია, ხვალ ხვიჩა დემბელე/დუეს გარეშე ითამაშებს
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
"კვარას" გაყიდვის შემდეგ, კონტეს "ნაპოლიდან" წასვლა სურდა, მაგრამ ამიტომ გადაიფიქრა" - ადანიმ იტალიელ სპეციალისტზე ისაუბრა
სტივ მანდანდამ ფეხბურთელის კარიერა დაასრულა
"ფენერბაჰჩეს" დომენიკო ტედესკო ჩაიბარებს
"ბატონო ნადალ, ფოტო შეიძლება?!" - ფედერერმა გულშემატკივრებთან საუბარში სასაცილო ისტორია გაიხსენა
"მგრძნობიარე ადამიანი ვარ, განსაკუთრებით მაშინ, თუ საქმე ეხება პიროვნებას, რომელსაც ძალიან ვაფასებ" - რაფაელ ნადალის ემოციური ინტერვიუ
ფერდინანდმა ყველა დროის საუკეთესო ოთხ სპორტსმენში არცერთი ფეხბურთელი არ შეიყვანა
"როჯერ, ახლახან ჩამოვფრინდი ბაზელში, საიდანაც..." - როგორ გაეხუმრა მარი ფედერერს
ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა
ოფიციალურად: როჯერ ფედერერი მილიარდერი გახდა