<p>"ესბიერგში" ქართველთა დებიუტი გადაიდო, ხოლო დანიურ "ვიბორგში" დებიუტი ჰქონდა მათე ვაწაძეს... <br> ამ უქმეებზე მხოლოდ ერთი ქართული გოლი გავიდა და მისი ავტორი პოლონურ "პლოცკში" მოთამაშე <strong>გიორგი მერებაშვილია</strong>. კიდევ ორი ჩვენებური საგოლე პასებით გამოირჩა, ხოლო დანიურ "ვიბორგში" დებიუტი ჰქონდა <strong>მათე ვაწაძეს</strong>...</p><p><span style="text-decoration: underline;">იტალია. სერია A.</span></p><p>ამჯერად, <strong>ლევან მჭედლიძე</strong> ზურგის ტრავმამ შეაჩერა, მის გარეშე კი "ემპოლი" შინ დამარცხდა "ლაციოსთან" - 1:2.</p><p><span style="text-decoration: underline;">იტალია. ლეგა პრო.</span></p><p><strong>ირაკლი შეყილაძის</strong> (მე-80 წუთზე შევიდა) "ტუტოკუოიომ" 3:1 მოუგო "კარარეზეს".</p><p><span style="text-decoration: underline;">ჰოლანდია. ერედივიზიე.</span></p><p>"ვიტესის" კაპიტანმა <strong>გურამ კაშიამ </strong>შეუცვლელად ითამაშა "აიაქსთან" შინ წაგებულ (0:1) მატჩში.</p><p><span style="text-decoration: underline;">ესპანეთი. ლა ლიგა 1|2|3.</span></p><p><strong>გიორგი აბურჯანიას</strong> "ატლეტიკო სევილია" სტუმრად 1:2 დამარცხდა "უესკასთან". ჩვენებურმა 64-ე წუთიდან ითამაშა.</p><p><span style="text-decoration: underline;">გერმანია. II ბუნდესლიგა.</span></p><p><strong>აკაკი გოგიას</strong> დრეზდენის "დინამომ" შინ 1:2 წააგო "ჰანოვერთან". ქართველი ტრავმირებულია.</p><p><strong>ლუკას ჰუფნაგელის</strong> "ნიურნბერგი" დღეს "მიუნხენს" ესტუმრება.</p><p><span style="text-decoration: underline;">საფრანგეთი. ლიგა 2.</span></p><p><strong>ჯაბა კანკავას </strong>თამაშის დღეს მოუხსნეს დისკვალიფიკაცია, რომელიც კურიოზული წითელი ბარათისთვის ჰქონდა მიღებული. საქართველოს ნაკრების კაპიტანმაც შეუცვლელად ითამაშა "რეიმსში", რომელმაც სტუმრად 1:0 დაამარცხა "კლერმონი". ამით კანკავას გუნდმა 3-მატჩიანი მოუგებელი სერია დაასრულა.</p><p><span style="text-decoration: underline;">პორტუგალია. პრიმეირა ლიგა.</span></p><p><strong>გიორგი მაკარიძემ</strong> "ეშტორილთან" მატჩში ბოლოსკენ გაუშვა გოლი და ისიც - საკუთარი მცველის დაუდევრობის გამო: რებუჩომ თავის კარში გაიტანა. ამის გამო "მორეირენშე" ფრეს (1:1) დასჯერდა.</p><p><span style="text-decoration: underline;">პორტუგალია. სეგუნდა ლიგა.</span></p><p><strong>ავთო ებრალიძის</strong> (61-ე წუთზე შევიდა) "ჟილ ვისენტემ" 2:2 ითამაშა ლისაბონის "სპორტინგის" დუბლებთან.</p><p><span style="text-decoration: underline;">პოლონეთი. ექსტრაკლასა.</span></p><p><strong>ნიკა ძალამიძის</strong> "ლენჩნა" სტუმრად ქართველის ყოფილ გუნდ "იაგელონიასთან" 0:5 შერცხვა. ჩვენებური შესვენებისას შეცვალეს, როცა ანგარიში ჯერ კიდევ 0:2 იყო. ძალამიძის გუნდი 18 ქულით ბოლო ადგილზეა.</p><p>გიორგი მერებაშვილმა ჩემპიონატში მე-5 გოლი გაიტანა. მეკარესთან პირისპირ გასულმა შემტევმა მცველთან ჭიდილში დაარტყა და "კორონას" კარი დალაშქრა, მაგრამ საბოლოოდ, ქართველის გუნდი 2:4 დამარცხდა. მერებაშვილი 74-ე წუთზე შეცვალეს.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</p><p><a href="/mtavari/video.html?view=video&video=9059" target="_blank"><img src="pictures/artimages/image16/3cc1b486c42effa6dbaa0f6df8094929.jpg" border="0" alt="Sportall.Ge" title="[ლეგიონის უქმეები] მერებაშვილის გოლი, სირბილაძისა და კვეკვესკირის პასები [VIDEO]" /></a></p><p></strong></span></span></div></p></p><p>წინა ტურში მან საგოლე პასი მიითვალა, ახლა კი - გოლი.</p><p>როგორც ჩანს,<strong> ლაშა დვალს</strong> სერიოზული პრობლემები აქვს "შლიონსკში". ზედიზედ მეორე თამაშია, ის სათადარიგოთა სკამზე ზის. ამასობაში, მისმა თანაგუნდელებმა 1:0 დაამარცხეს "ვისლა".</p><p><strong>მათე ცინცაძემ</strong> შეუცვლელად ითამაშა "პოგონის" რიგებში, რომელიც სტუმრად "კრაკოვიას" დაუზავდა - 1:1.</p><p>"ლეგია" ერთ-ერთ აუტსაიდერ "რუხთან" 1:3 დამარცხდა. <strong>ვაკო ყაზაიშვილმა</strong> 65-ე წუთზე შეცვალა გილერმე.</p><p><strong>ლუკა ზარანდიას</strong> "არკა" დღეს ესტუმრება "ზაგლებიეს".</p><p><span style="text-decoration: underline;">დანია. სუპერლიგა.</span></p><p>ქართველთა დებიუტი "ესბიერგში" გადაიდო - <strong>ოთარ კაკაბაძეს</strong> "ხიმნასტიკიდან" დისკვალიფიკაცია გადაჰყვა, ხოლო <strong>ბუდუ ზივზივაძესა</strong> და <strong>ლაშა პარუნაშვილს</strong> ახლახან მისცეს დანიაში თამაშის უფლება და ჯერ გუნდთან ერთად პირველ ნაბიჯებს დგამენ. ქართველების გარეშე კი "ესბიერგმა" შინ 3:0 გაანადგურა "სონდერიისკე".</p><p><strong>დავით სხირტლაძის</strong> (87-ე წუთზე შეცვალეს) "სილკებორგმა" 1:0 დაამარცხა "ჰორსენსი".</p><p>"ვიბორგში" დებიუტი ჰქონდა <strong>მათე ვაწაძეს</strong>, რომელიც "მიდტიულანდთან" ფრედ (0:0) დასრულებულ შეხვედრაში მოედანზე 72-ე წუთზე გამოჩნდა.</p><p><span style="text-decoration: underline;">ავსტრია. ბუნდესლიგა.</span></p><p><strong>გიორგი ქვილითაიამ</strong> შეუცვლელად ითამაშა "ადმირას" წინააღმდეგ, თუმცა "რაპიდის" ქართველმა ცენტრფორვარდმა ამჯერად თავი ვეღარ გამოიჩინა - 0:0.</p><p><span style="text-decoration: underline;">რუმინეთი. ლიგა 1.</span></p><p><strong>აკაკი ხუბუტია</strong> ჯერ არ გამოჩენილა "გაზ მეთანის" რიგებში. ის განაცხადშიც არ ყოფილა "ვოლუნტარისთან" წაგებულ (0:1) მატჩში.</p><p><span style="text-decoration: underline;">ჩეხეთი. I ლიგა.</span></p><p><strong>ზურაბ ცისკარიძის </strong>"ტეპლიცემ" 1:1 ითამაშა "ბრნოსთან". ქართველი არ გამოჩენილა.</p><p>ტრავმირებული <strong>ლევან ყენიას</strong> "სლავიამ" 2:0 მოუგო "იჰლავას".</p><p><span style="text-decoration: underline;">უნგრეთი. OTP-ბანკ ლიგა. </span></p><p><strong>ბუბა დაუშვილს </strong>არ უთამაშია, მისმა "დიოშდიორმა" კი სტუმრად "მეჟოკოვეშდთან" 0:3 წააგო.</p><p><span style="text-decoration: underline;">თურქეთი. I ლიგა.</span></p><p>"სანლიურფასა" და "გიოზთეფეს" მატჩში (2:2) ძირითადი მოვლენები მას მერე განვითარდა, რაც მწვრთნელმა სტუმართა ქართველი ნახევარმცველი <strong>სანდრო კობახიძე</strong> მოედნიდან გაიყვანა (55-ე წუთზე).</p><p><span style="text-decoration: underline;">კვიპროსი. I დივიზიონი.</span></p><p><strong>ირაკლი მაისურაძის</strong> (81-ე წუთზე გამოჩნდა) "ერმისმა" სტუმრად 4:0 გაანადგურა "ზაკაკიუ".</p><p>ქართველთა "ახნასი" გასვლაზე 2:4 დამარცხდა "ანორთოსისთან". <strong>ნიკა კაჭარავა</strong> (გაფრთხილება) სასტარტოში იყო. ის 58-ე წუთზე შეცვალეს, ხოლო <strong>გიორგი ილურიძემ </strong>76-ე წუთიდან ითამაშა.</p><p><span style="text-decoration: underline;">ფინეთი. თასი.</span></p><p><strong>ირაკლი სირბილაძის</strong> კპვ-მ 4:2 დაამარცხა "როვანიემი". მესამე გოლი მასპინძლებმა ჩვენებურის პასით გაიტანეს. სირბილაძე კლუბის ოფიციალურმა საიტმა მატჩის სამ საუკეთესო ფეხბურთელს შორის დაასახელა.</p><p><span style="text-decoration: underline;">რუსეთი. I დივიზიონის თასი.</span></p><p>კვიპროსში "ურალი" ნალჩიკის "სპარტაკთან" 0:1 დამარცხდა. რუსეთის პრემიერლიგის კლუბის ძირითადში შეუცვლელად ითამაშა ახალწვეულმა <strong>ჯიმი ტაბიძემ</strong>, ხოლო<strong> გიორგი ჭანტურია</strong> ტრავმირებულია. კურიოზული გოლი 73-ე წუთზე გავიდა, როცა რუსეთის მოქალაქე <strong>ნიკა ჩხაპელიას</strong> დარტყმას <strong>რეზო ღავთაძე</strong> (ასევე რუსეთის მოქალაქე) გადაეღობა და ავტოგოლი გამოუვიდა.</p><p><span style="text-decoration: underline;">აზერბაიჯანი. პრემიერლიგა.</span></p><p><strong>ზაურ სვანაძის</strong> "ინტერი" "ზირას" დაუზავდა - 1:1.<strong> ზურაბ ხიზანიშვილმა</strong> შეუცვლელად ითამაშა და ყვითელი ბარათი მიიღო. სტუმართა შორის ჯერ არ გამოჩენილა ახალწვეული <strong>გიორგი გოროზია</strong>.</p><p>"ნეფთჩიმ" 0:0 ითამაშა "ქიაფაზთან". ისევე, როგორც ხიზანიშვილმა, <strong>გიორგი ნავალოვსკიმაც</strong> შეუცვლელად ითამაშა და ყვითელი ბარათი მიიღო.</p><p><strong>ნუგზარ კვირტიას</strong> (79-ე წუთზე შევიდა) აზალ-მა სტუმრად 0:1 დათმო "სუმგაითთან".</p><p><strong>ნიკა კვეკვესკირმა</strong> დიდი წვლილი შეიტანა "გაბალას" (2:0 მოუგო "ყარაბაღს") ხელახალ გალიდერებაში. მასპინძლებმა მეორე გოლი ქართველი ნახევარმცველის პასით გაიტანეს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ქარ
გოგია არ არის ქართველი და ნუ წერთ ლეგიონერებში, კიმაგრამ ამ საიტს ვინმე ყურადღებას აქცევს?!!!
Le Parisien: კვარაცხელია პსჟ-ს შეიძლება ბარსელონაში გაჰყვეს
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
Le Parisien-ი კვარაცხელიას ტრავმის შესახებ ინფორმაციას ავრცელებს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ლეგიონის უქმეეები: ოქრიაშვილი დაბრუნდა და გაიტანა [VIDEO]
"ბულგარეთმა საქართველოდან ელჩი გაიწვია" - საქართველოს ნაკრების ექსნახევარმცველის ხუმრობა
კვეკვესკირი შესაძლოა, თავის ძველ კლუბს დაუბრუნდეს
მერებაშვილის მორიგი მშვენიერი გოლი [VIDEO]
მათე ვაწაძემ თბილისის "დინამო" დატოვა
თბილისის "დინამომ" "ლიეპაია" გაანადგურა - ლატვიელების რიგებში ვაწაძემ ითამაშა [VIDEO]
ლეგიონის უქმეები: თემურ ქეცბაია იწყებს და იგებს
ირაკლი სირბილაძე შესაძლოა "იაროში" დაბრუნდეს
ირაკლი სირბილაძე ფინეთის მე-3 ლიგაში გადავიდა
მათე ვაწაძე: თუ ასე გაგრძელდა, მჯერა, პირველი ეტაპის გადალახვა შესაძლებელია
გურამ კაშიამ და ნიკა კვეკვესკირმა ფეხბურთის ფედერაციას თხოვნით მიმართეს
ნიკა კვეკვესკირმა ფეხბურთელის კარიერა დაასრულა და ნაკრების სამწვრთნელო შტაბს შეუერთდება
"მადლობა გულშემატკივარს, მიუხედავად ამხელა ანგარიშისა, მაინც გაავსეს ტრიბუნები..." - მათე ვაწაძე
ირაკლი სირბილაძე: ბევრს ჰგონია, რომ ფინეთში თამაში ადვილია, მაგრამ ცდებიან...
ქართველი ლეგიონერების კლუბების მეტოქეები ევროთასებზე ცნობილია
"ახალგაზრდებს დარიგებებს მისცემს და გვერდში დაუდგება, ნაკრებში მისი დაბრუნება კარგი იქნება" - მერებაშვილი კანკავაზე
Geo Team: კვეკვესკირი კარიერას უნგრულ გუნდში გააგრძელებს
"ძალიან რთულია ამ კადრების შორიდან ყურება, არა რუსულ კანონს!!!" - გიორგი მერებაშვილი [PHOTO]
გიორბელიძე სანიოლის სურვილის შესაბამისად - ქართველების პარასკევი
კვეკვესკირი: მცირეოდენ ფეხის დაცდენაზე რეაქცია უნდა გვქონდეს
ფინურ პრესაში ეწერა - ჩვენ მხოლოდ 3 ქართველი გვახსენდება: იოსებ სტალინი, საშა ჩივაძე და ირაკლი სირბილაძე
მათე ვაწაძე თბილისის "დინამოში" დაბრუნდა
საქართველოს ნაკრების ამჟამინდელი და ყოფილი ფეხბურთელები უეფას A ლიცენზიის მფლობელები გახდნენ
ოფიციალურად - ნიკა კვეკვესკირი "ნირედჰაზაში" გადავიდა