<p>ამის შესახებ საქართველოს ვაჟ ძიუდოისტთა ნაკრების მთავარმა მწვრთნელმა ირაკლი ცირეკიძემ გერმანიიდან გვაცნობა <br> როგორც საქართველოს ვაჟ ძიუდოისტთა ნაკრების მთავარმა მწვრთნელმა <strong>ირაკლი ცირეკიძემ</strong> გერმანიიდან გვაცნობა, მსოფლიოსა და ოლიმპიადის ფინალისტი, ევროპის სამგზის ჩემპიონი <strong>ვალერი ლიპარტელიანი</strong> (100) დიუსელდორფის "დიდ პრიზზე" ვერ იჭიდავებს. მიზეზი თითის ტრავმაა, რომელიც ჯერ კიდევ პარიზის "დიდ მუზარადზე" იტკინა და უდიდესი ტკივილის ფასად ჩაამთავრა ბრინჯაოს მედლისთვის შეხვედრა ჰოლანდიელ მიხაელ კორელთან.</p><p>ეს მისი პირველი ოფიციალური შეჯიბრება იყო ახალ წონაში საბოლოოდ გადასვლის შემდეგ და დებიუტი მედლითაც აღნიშნა, მაგრამ ტრავმაც მიიღო.</p><p>გერმანიაში მისი ჭიდაობაც მაშინვე გახდა საეჭვო, თუმცა, ერთი მხრივ, ელოდნენ გერმანიაში ჩასატარებელი გამოკვლევის შედეგს და თან იყო იმედი, რომ შეჯიბრებამდე დარჩენილ ორკვირიან მონაკვეთში იქნებ პრობლემაც მოგვარებულიყო.</p><p>ახალი კვლევების შემდეგ მისი ჭიდაობა გამოირიცხა, რადგან, ცირეკიძის ცნობით, გუნდის კაპიტანს თითზე მყესი აქვს გაწყვეტილი. თუმცა რამდენადაც ამის საშუალებას ეს ტრავმა აძლევდა, მან მაინც მიიღო მონაწილეობა ერთობლივ შეკრებაში, პარიზიდან გერმანიაში გადასვლის შემდეგ ჩვენმა ნაკრებმა მიმდინარე კვირაში დიუსელდორფში რომ გამართა. ის ასევე დარჩება ტურნირის შემდეგ ჩასატარებელ ოთხდღიან წვრთნებზე, რომელშიც მონაწილეობას შეჯიბრებაზე მყოფი სხვა გუნდებიც მიიღებენ.</p><p>არადა, ეს ტურნირი ლიპარტელიანისთვის გამორჩეულად წარმატებულია - მის კარიერაში "დიდი პრიზის" ხუთი ოქროა და აქედან სამი დიუსელდორფში მოიგო! ბოლოს იქ 2015 წელს გაიმარჯვა, როცა ფინალში რუსი ყაზბეგ ზანკიშიევი დაამარცხა, მანამდე კი ნახევარფინალში ბექა ღვინიაშვილს, ხოლო მეოთხედფინალში შვედ ევროპის ჩემპიონ მარკუს ნიმანსაც აჯობა.</p><p>შეგახსენებთ, რომ დიუსელდორფის "დიდი პრიზი" 24-26 თებერვალს გაიმართება და მასში ჩვენი ნაკრები უძლიერესი შემადგენლობით იჭიდავებს.</p><p>ამჯერად ქალთა ტურნირში მონაწილე არ გვეყოლება.</p><p>წინასწარი მონაცემებით, შეჯიბრებაში ხუთივე კონტინენტი იქნება წარმოდგენილი და 51 ქვეყნის 378 ათლეტი იასპარეზებს.</p><p>ტურნირს 24 თებერვალს 60-66-კილოგრამიანი ვაჟები და 48-52-57-ის ქალები გახსნიან. მეორე დღეს ვაჟებში 73-81-ის, ქალებში კი 63-70-ის წარმომადგენლები შეეცდებიან მედლების მოპოვებას. 26-ში ტატამზე ვაჟებში 90, 100 და +100-ის ძიუდოისტები გავლენ, ქალებში კი ასპარეზი 78 და +78-კილოგრამიანებს დაეთმობათ.</p><p>ცირეკიძე ორი წონის - 66-ის და 100-ის გარდა, ყველა წონაში იყენებს კუთვნილ ორკაციან კვოტას, თუმცა ამათგანაც 100-ში ცაიტნოტში აღმოჩნდა, თორემ სხვა შემთხვევაში იქნებ კიდეც ჩაენაცვლებინა ლიპარტელიანი.</p><p>მწვრთნელი, ძირითადად, პარიზში ნაჭიდავებ შემადგენლობას დაეყრდნო, თუმცა 81-ში ორივე მონაწილე შეცვალა (მათ შორის - ფინალისტი <strong>ზებედა რეხვიაშვილიც</strong>) და გამოსაცდელად ახალი დუეტი გამოიძახა, მძიმე წონაში კი <strong>გურამ თუშიშვილის</strong> ნაცვლად ევროპის ჩემპიონი, მსოფლიოს მედალოსანი <strong>ადამ ოქრუაშვილი</strong> დააყენა, რაც წინასწარვე იყო განზრახული.</p><p>ტურნირის საპრიზო ფონდი საკმაოდ მაღალია, ჩემპიონის სარგო 3 000 დოლარია, საიდანაც 2400 უშუალოდ სპორტსმენის წილია, 600 - მწვრთნელის. ვიცე-ჩემპიონი 2000-ს მიიღებს (1600+400), მესამეპრიზიორი - 1000 დოლარს (800+200).</p><p>ამასთან, გამარჯვებულს 700 სარეიტინგო ქულა დაეწერება, მომდევნო ადგილებზე გასულებს კი, შესაბამისად, 490 და 350, თუმცა რეიტინგში ქულებს, მედალოსანთა გარდა, მომდევნო ადგილებზე გასულებიც მიიღებენ, თუმცა, ცხადია, დაბალი ადგილისთვის შეფასებაც დაბალი იქნება.</p><p>დასასრულ, გეტყვით, რომ ტურნირის წილისყრა დღეს, თბილისის დროით 17 საათზე გაიმართება.</p><p><strong>საქართველოს ნაკრები</strong></p><p>60 კგ. ამირან პაპინაშვილი, ლუხუმ ჩხვიმიანი</p><p>66 კგ. ვაჟა მარგველაშილი</p><p>73 კგ. ლაშა შავდათუაშვილი, ფრიდონ გიგანი</p><p>81 კგ. ნუგზარ ტატალაშვილი, ამბაკო ავალიანი</p><p>90 კგ. ავთანდილ ჭრიკიშვილი, ბექა ღვინიაშვილი</p><p>100 კგ. ლაშა ტაველური</p><p>+100 კგ. ადამ ოქრუაშვილი, ლევან მატიაშვილი</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
aburjga
ზებედამ ყველაზე ეფექტურად იჭიდავა. რატომ არ არის შემადგენლობაში?! ამ ფაქტს ჟურნალისტის კომენტარი მაინც აღარ ეკუთვნის?!
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
თბილისის გრან პრის საქართველოს ნაკრების ოთხი ლიდერი დააკლდება
ზურაბ ზვიადაური: დავით ქევხიშვილი უნდა გადადგეს
ირაკლი ცირეკიძის ინტერვიუ და ევროპის ჩემპიონატის შეფასება, სანამ ნაკრებიდან გაათავისუფლებდნენ
ბექა ღვინიაშვილი: ჩემი აზრით, ამისგან ტრაგედიის შექმნა არ შეიძლება
დღეს ძიუდოში ევროპის ჩემპიონატი იწყება - წილისყრამ ქართველები დაინდო
ირაკლი ცირეკიძემ დიუსელდორფის "დიდი პრიზისთვის" შემადგენლობა დაასახელა
ქართველი ანაკონდა - ინტერვიუ ვალერი ლიპარტელიანთან
დიუსელდორფის გრანდ სლემი: ქართული შვიდეულის გერმანული ხვედრი
ოლიმპიური ჩემპიონი ირაკლი ცირეკიძე იაპონიაში დააკავეს?
საქართველოს ძიუდოისტთა ნაკრების შემადგენლობა მსოფლიოსთვის ცნობილია
დიუსელდორფის "დიდი პრიზი": რა მოჩანს ორი ბრინჯაოს უკან?
ძიუდოს მსოფლიო რეიტინგი: ქართველები ტოპებში
10-11 თებერვალს ქართველი ძიუდოისტები პარიზის გრანდ სლემზე იასპარეზებენ
ქართველი ძიუდოისტების ბედისწერა ოლიმპიადაზე და ოქროს "დაწესებული" რაოდენობა - ბექაური, რომელსაც სწამს!..
დავით ქევხიშვილმა ძიუდოს ნაკრების მწვრთნელობის ერთ-ერთი კანდიდატი დაასახელა
დიუსელდორფის "დიდი მუზარადი": გოგოჭურის მეორე წარმატება