- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რუსეთი მიყვარს, პატივს ვცემ, მაგრამ... - ჯანო ანანიძის ვრცელი ინტერვიუ
<p>საქართველოს ნაკრებისა და მოსკოვის "სპარტაკის" ნახევარმცველმა championat.com-ს ვრცელი ინტერვიუ მისცა <br> საქართველოს ნაკრებისა და მოსკოვის "სპარტაკის" ნახევარმცველმა <strong>ჯანო ანანიძემ</strong> championat.com-ს ვრცელი ინტერვიუ მისცა, სადაც სეზონის განახლების მოლოდინსა და საჩემპიონო შანსებზე ისაუბრა.</p><p>შეგახსენებთ, რომ მოსკოვის "სპარტაკი" რუსეთის პრემიერლიგის საგაზაფხულო ეტაპს სატურნირო ცხრილში პირველ ადგილზე ხვდება.</p><p>- მსგავსი რამეების დიდად არ მჯერა. ვიღაცას 13 ნომრის შიში აქვს, მე - არა. უბრალოდ, მომწონს 7 ნომერი.</p><p>-<strong> ბავშვობაში 7-ნომრიანი მაისურით თამაშობდი?</strong></p><p>- ბავშვობაში, კიევის "დინამოს" სკოლაში და ეროვნულ ნაკრებშიც.</p><p><strong>- როცა ბოიარინცევმა, იბსონმა "სპარტაკი" დატოვეს, მაშინ არ გითხოვია 7-ნომრიანი მაისური?</p><p></strong>- მინდოდა, მაგრამ ბევრად გამოცდილი ფეხბურთელები იყვნენ გუნდში. ვუთმობდი. ახლა კი ისე მოხდა, რომ კირილ კომბაროვის წასვლის შემდეგ 7 ნომერი მე მომცეს. ფერნანდოსაც უნდოდა, მაგრამ უკვე დაკავებული იყო (იღიმის).</p><p><strong>- ნომრის შეცვლის შემდეგ თამაშსაც მოუმატე. ეს უბრალო დამთხვევაა?</p><p></strong>- არ ვიცი, შეიძლება ასეც ითქვას. "როსტოვსა" და "სპარტაკში" წინა ნომრითაც კარგად ვთამაშობდი. 7-ს 7-ზე თუ გავამრავლებთ, 49 გამოდის. სწორედ ამ ნომრით ვიწყებდი თამაშს "სპარტაკის" დუბლებში. ტრავმის შემდეგ ნახევარი წელი 27 ნომრით ვირბინე, შემდეგ - 12. მაგრამ კარიერის დიდი ნაწილი 7 და 49-ით გავატარე.</p><p><strong>- თუ რიცხვებში არა, მაშინ რაშია შენი კარგი თამაშის საიდუმლო?</p><p></strong>- ყველაფერი შედარებით მარტივადაა. მთავარი მწვრთნელის ნდობაა. ჩემთვის ესაა მნიშვნელოვანი. ვარჯიშებზე ადრეც 100%-ით ვიხარჯებოდი, მაგრამ სათამაშო პრაქტიკის გარეშე თავის გამოჩენა რთულია. ალენიჩევმა და კარერამ სათამაშო პრაქტიკა მომცეს. მწვრთნელის ნდობისას კი ორმაგად ვძლიერდები.</p><p>უთხარით ფეხბურთელს: "45 წუთი გაქვს. თუ ცუდად ითამაშებ, ოთხ მატჩს სათადარიგოთა სკამზე გაატარებ" და ის ცუდად ითამაშებს.</p><p><strong>- ასე გეუბნებოდნენ?</p><p></strong>- თქმით არა, მაგრამ პრაქტიკიდან გამომდინარე ასე გამოდიოდა. ერთ მატჩს მოედანზე ვატარებდი, მომდევნო სამს - სკამზე. სადღაც ალბათ მეც დავაკელი რაღაც, სადღაც მწვრთნელის სქემაში ვერ ჩავჯექი, სადღაც კი ტრავმა მივიღე...</p><p>სერიოზული ტრავმა მხოლოდ ერთხელ მქონდა. მაშინ 7 თვის გამოტოვება მომიწია. მენისკის ოპერაციიდან 20 დღეში ვარჯიში დავიწყე, დანარჩენი კი მუხლის დაზიანებებია.</p><p><strong>- 2009 წლიდან წონა და სიმაღლე შეგეცვალა?</p><p></strong>- მაშინ 56-57 კგ-ს ვიწონიდი, ახლა - 64-ს. სიმაღლეშიც დაახლოებით სამი სანტიმეტრით გავიზარდე.</p><p><strong>- რაში გამოიხატება კარერას მეთოდები?</p><p></strong>- "სპარტაკში" 10 წელია ვარ და მოსამზადებელ პერიოდში პირველად ვნახე ასეთი ფიზიკური დატვირთვა. ადრე აქცენტი მხოლოდ ბურთზე კეთდებოდა. ახლა კი, როგორც ბურთთან, ისე უბურთოდაც ბევრს დავრბივართ. შედეგებიდან გამომდინარე, ეს მეთოდი ამართლებს.</p><p><strong>- ამბობდი, კარერა ტაქტიკას დიდ ყურადღებას ანიჭებსო. "ბევრი" რამდენია?</p><p></strong>- ტაქტიკაზე ყოველი მატჩის წინ ვმუშაობთ. ამის გარეშე ახლა შეუძლებელია. ტაქტიკა და ფიზიკური მომზადება - აი, ორი მთავარი რამ, რასაც ჩვენი მწვრთნელი აქცევს ყურადღებას.</p><p><strong>- უკვე იცით, კონკრეტულად რის შექმნას აპირებს კარერა?</p><p></strong>- ისეთი კოლექტივის, რომელიც ყოველთვის იმარჯვებს. და ვფიქრობ, მან ეს უკვე შექმნა.</p><p><strong>- "როსტოვში" ჩატარებული სეზონი ჯერჯერობით კარიერაში საუკეთესოდ რჩება?</p><p></strong>- მიმდინარე სეზონი უკეთესია: 10 მატჩში 5 გოლი. უფრო სწორი იქნება, თუკი სეზონის ბოლოს შევადარებთ. "როსტოვში" თასი მოვიგე. იმედია, "სპარტაკშიც" მოვიგებ ტიტულს.</p><p><strong>- ბოჟოვიჩის ფენომენზე რას გვეტყვი?</p><p></strong>- ძლიერი ფსიქოლოგია. და, ცხადია, კარგი მწვრთნელიც. "როსტოვში" ასეთი მომენტი მქონდა: პირველი ტაიმი ცუდად ვითამაშე. შესვენებაზე ბუცებს ვიხდიდი, რადგან დარწმუნებული ვიყავი, ბოჟოვიჩი შემცვლიდა. მან კი, თუ არ ვცდები, კანგა შეცვალა. მეორე ტაიმში გამოსულმა ორი საგოლე გადაცემა გავაკეთე და თვითონაც გავიტანე. "ვოლგას" მოვუგეთ 4:0. ეს მწვრთნელის ინტუიციაა.</p><p><strong>- "სპარტაკში" გქონდა ასეთი მომენტები?</p><p></strong>- "ორენბურგთან" მატჩი ცუდად დავიწყე, შემდეგ კი მოვუმატე და გავიტანე. ჩემი პოზიცია ნდობას საჭიროებს. მე არც ცენტრალური მცველი ვარ და არც მეკარე. არ შემიძლია, პასს მუდმივად 5 მეტრში მყოფს ვაძლევდე. ჩემი მოვალეობა მეტოქე ფეხბურთელის მოტყუება და თანაგუნდელის მეკარესთან პირისპირ გაყვანაა. ზოგჯერ თვითონაც უნდა გავიტანო. ასეთ დროს შეცდომები არის. 1-2-ჯერ რომ დავუშვებ შეცდომას, მესამედ გამომივა.</p><p><strong>- კარერა პირლოს როლში აპირებდა შენს გამოყენებას. ჯერ არ უცდია?</p><p></strong>- სცადა, წინა შეკრებაზე საყრდენ ნახევარმცველად მათამაშა. თამაში შეტევაში დავიწყე და თითქოს ნორმალურად გამომდიოდა. ეს პოზიცია ჩემთვის უცხო არ არის - ჯერ კიდევ ეროვნულ ნაკრებში ამ პოზიციაზე კახა ცხადაძე მათამაშებდა. მოედნის ცენტრში დაახლოებით 7-8 მატჩი ჩავატარე.</p><p><strong>- როგორია 17 წლის ასაკში მოქმედი მსოფლიოს ჩემპიონების წინააღმდეგ თამაში?</p><p></strong>- ოჰ... იტალიელებს თამაშამდე ვუყურებდი და არ მჯეროდა, რომ ეს ჩემს თავს ხდებოდა.</p><p><strong>- გუნდელები გეხმარებოდნენ?</p><p></strong>- რა თქმა უნდა. ეს ხომ ჩემი პირველი მატჩი იყო მოქალაქეობის შეცვლის შემდეგ. ნახევრად რუსი ვარ, მიყვარს რუსეთი და პატივს ვცემ, მაგრამ წამითაც არ მიფიქრია, საქართველოს ნაკრებზე უარი მეთქვა. ჩემს შესაძლებლობებში დარწმუნებული ვიყავი და ასე ვფიქრობდი: თუ კარგი ფეხბურთელი ხარ, პასპორტის ფერის მიუხედავად ყველგან ითამაშებ.</p><p>რამდენიმე მატჩი, შესაძლოა, ამის გამოც გამოვტოვე, განსაკუთრებით, პირველ წლებში, როცა გუნდში ბევრი უცხოელი იყო: ველიტონი, ალექსი, იბსონი. ლიმიტი რომ არა, ახლა 200 თამაში მექნებოდა "სპარტაკში" ჩატარებული, მაგრამ ეგ არაფერი...</p><p><strong>- იმ მატჩიდან რა დაგამახსოვრდა?</p><p></strong>- საქმეც მაგაშია, რომ არაფერი. 0:2 წავაგეთ. თუმცა არა, ერთი მოგონება დამრჩა - კანავაროს მაისური გავუცვალე.</p><p><strong>- "ოქროს ბურთის" მფლობელი კანავარო...</p><p></strong>- ფაბიოს პირველი ტაიმის შემდეგ ვკითხე: "შევძლებთ მერე მაისურების გაცვლას?" და მიუხედავად იმისა, რომ მატჩი სრულად არ ჩამიტარებია, კანავაროს ჩემი თხოვნა არ დავიწყებია. მატჩის დასრულების შემდეგ თავად მოვიდა და მაისური მომცა.</p><p><strong>- კალაძის ორი ავტოგოლი - ესეც იშვიათი შემთხვევაა...</p><p></strong>- ნებისმიერს შეიძლება ეს დაემართოს. ამას წინათ წავიკითხე, ჩინეთის ჩემპიონატში ერთ-ერთმა ფეხბურთელმა ოთხი ავტოგოლი გაიტანა.</p><p><strong>- საქართველოს ნაკრებს 2018 წლის მსოფლიოს ჩემპიონატზე თამაშის მცირე შანსი აქვს?</p><p></strong>- მოლდოვა რომ დაგვემარცხებინა შინ, 4 ქულა გვექნებოდა და შანსი დიდი იქნებოდა, მაგრამ 1:1 ვითამაშეთ. თეორიული შანსი ჯერ კიდევ გვაქვს, პრაქტიკულად კი...</p><p><strong>- პირველ წლებში რუსული მართლა ცუდად იცოდი თუ ჟურნალისტებთან იმიზეზებდი?</p><p></strong>- არა, მართლა. სკოლაში რუსული ენა არ მისწავლია - უკრაინაში შევისწავლე ოდნავ. როცა რუსულად საუბარი დავიწყე, თქვენს კოლეგებს ინტერვიუზე უარს ვეუბნებოდი. ჩემი აქცენტის გამო კამერების დღემდე მრცხვენია.</p><p><strong>- წელს იუბილე გაქვს - "სპარტაკში" მოსვლიდან 10 წელი გადის...</p><p></strong>- "სპარტაკში" ჩემს დაბადების დღეზე მოვედი - 2007 წლის 10 ოქტომბერს. ჯერ 1992-წლიანებთან ვივარჯიშე, შემდეგ - 1991-იანებთან. ყველგან მნახეს და 4 დღის შემდეგ თქვეს, ვიტოვებთო.</p><p><strong>- 24 წლის ასაკში თავს გუნდის ვეტერანად ხომ არ თვლი?</p><p></strong>- არა. მაინც ახალგაზრდად ვითვლები - როგორც წესი, ჩემზე უფროსები მოდიან გუნდში.</p><p><strong>- გიორგი ჯიქია შენი მეურვეობის ქვეშაა?</p><p></strong>- ეს მას არ სჭირდება. ჯიქია კეთილი, მხიარული ბიჭია. ყოველთვის პოზიტიურ განწყობაზეა. ჩემი დახმარების გარეშეც შესანიშნად მოერგო გუნდს. ერთია, რომ ტექნიკა აქვს არაქართული (იცინის), მაგრამ ეგ არაფერი - გამოვასწორებთ.</p><p><strong>- ანუ არის უკვე ვიღაც, ვისთანაც ქართულად ისაუბრებ?</p><p></strong>- ქართულად პრაქტიკულად არ საუბრობს - მოსკოვში დაიბადა, აქ გაიზარდა და რუსულ სკოლაში დადიოდა. მელქაძეს ჰქონდა ანალოგიური პრობლემა, მაგრამ ენის საკითხში ძალიან მოუმატა. ჯიქიაც მოუმატებს, თუ ყოველდღე იმეცადინა. მაგრამ ხომ გესმით, აქ სკოლა არ გვაქვს, უფრო მნიშვნელოვანი საკითხებია. თამაშია საჭირო.</p><p><strong>- "როსტოვს" თუ არ ჩავთვლით, "სპარტაკიდან" წასვლასთან ახლოს ყოფილხარ?</p><p></strong>- ახლოს არა. რეალური წინადადებები წინა წელს მქონდა, მაგრამ როგორც კი "სპარტაკმა" ახალი კონტრაქტი შემომთავაზა, დანარჩენი ვარიანტები აღარც განმიხილავს. რა აზრი აქვს სადმე გადასვლას, როცა ჩემი გუნდი სატურნირო ცხრილში პირველია, მე კი სტაბილურად ვთამაშობ და ფეხბურთისგან სიამოვნებას ვიღებ?</p><p>ახლა მხოლოდ ერთი რამ მსურს - მინდა ვითამაშო და "სპარტაკის" ლეგენდა გავხდე.</p>
-
დელიგლაზოვა
მსიამოვნებს ძმაო შენი თამაშის ყურება,ყველაზე ჭკვიანი ფეხბურთელი ხარ ნაკრებში.დანარჩენები ჩვენს ნაკრებში პუბლიკის ფეხბურთელები არიან
-
ზაზა
ხვეწნა კი არ დაუწყეს, კაცურად აირჩია საქართველოს ნაკრები.. ჯანო ჩვენიანია!! ნაკრებს ჯანო ჰაერივით ჭირდება!!
-
მესხი
ჯანო დიდ სიამოვნებას ვიღებ შენს თამაშს რომ ვუყურებ მიყვარხარ ჯანო შენ ხარ ჩვენი საამაყო ქართველი გაფასებ მეე და დაგაფასოს უნდა მთელმა საქართველომ რადგან შენ ქვეყანა ფულზე არ გაყიდე ძმაო მილიონობით დოლარს იხდიდნე რუსები რომ მოქალაქეობა მიგეღო რუსეთის მაგრამ შენ ამ ყველაფერზე უარი განაცხადე და ჩვენი ქვეყანა საქართველო აირჩიე იმიტო რომ ნამდვილი ქართველი ვაჟკაცი ხარ.
-
dato
გენაცვალე ჯანო!!!!
-
nika
ანანიძე არის ნამდვილი ქართველი ფეხბურთელი და პატრიოტი დანარჩენები არიან პუბლიკის სპორცმენები.
-
სოსო
ჯერ კარგი ნიჭია ჯანო,შემდეგ კარგი კაცი და შემდეგ კარგი ქართველი.ახლა რომ გითხრათ ძალიან მიყვარს მეთქი,გაიცინებთ,ეგ რა ახალი ამბავიაო,მაგრამ იქაც ქართულ საქმეზე ფიქრობს,ქართველ ბიჭებში ქართული სულის გაღვივებას ცდილობს და ღმერთმა ამაშიც და ყველა სხვა საქმეშიც ხელი მოუმართოს,ნაჰრებს თუ ვერა იქნებ საქართველოს მაინც დაუბრუნოს ეს ბიჭები. ახლა კიდევ ერთი;ის ჩინელიც ხომ არ წამოვიყვანოთ?ივანიშვილის ადგილს თუ ვერა,პრემიერობას მაინც შესწვდებოდა საქართველოში.
-
qutaiseli
აუ ან ბიჯს მართლა მაგრათ ვაფასებ,,მაგარი კლასნია უნდა მოუმატოს კიდე ჩემი აზრით პირველი იგროკია ჩვენ ნაკრებში
-
გლადიატორი
შენ ხარ საუკეთესო ქართველი ფეხბურთელი და არა ოქრიაშვილი,არიდარდო ჯანიკ ეგ კობიაშვილის ახირებებია კიი იცის ხალხმა ვინაა საუკეთესო და ვინ არა.გაფასებ და მიყვარხარ საუკთესო ხარ იმედიოა ჩემპიონობასაც მოგილოცავთ მალე წარმატებები
-
ივანიშვილი
გენაცვალე ძმაო შენ ხარ ნამდვილი ქართველი
-
შოთა
ანანიძე არის ჩვენ იმედი მასზე ბევრი რამეა დამოკიდებული ჩვენს ნაკრებში ის ათამაშებს გუნდს ის რომ არ გვაყვს ხო ხედავთ ბურთს საერთოდ ვერ ვფლობთ,ერთადერთი ფეხბურთელია ნაკრებში ვინც სწორ გადაწყვეტილებას იღებს თამაშის დროს იცის სად და როდის და როგორი პასი მიცეს აბა დანარჩენები ოქრიაშვილი და ყაზაიშვილი პუბლიკის ფეხბურთელები არიან.გენაცვალე ჯანიკო მიდი მიაწექი გბალეშიკობს მთელი საქართველო
-
საგინაძე
აი ნამდვილი ქართველი აი ნამდვილი ქვეყნის პატრიოტი მაბაძეთ ანანიძეს დააფასეთ ანანიძეე, ჩვენ არ გვყავს მასზე უკეთესი ეროვნულ ნაკრებსი არავინ.
Le Parisien: კვარაცხელია პსჟ-ს შეიძლება ბარსელონაში გაჰყვეს
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
Le Parisien-ი კვარაცხელიას ტრავმის შესახებ ინფორმაციას ავრცელებს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"მისნაირი ადამიანებისთვის ჯოჯოხეთში ცალკე ქვაბია" - ანანიძის ყოფილი თანაგუნდელის ხუმრობა ჯანოს შესახებ
"ვინც კი ოდესმე მინახავს, ყველაზე ჭკვიანი და ტექნიკური ფეხბურთელია" - ანანიძეზე ყოფილმა თანაგუნდელმა ისაუბრა
ჯანო ანანიძე მოსკოვის "სპარტაკს" მოსამზადებელ შეკრებაზე ესტუმრა [PHOTO]
სომხური დრამა ჩემპიონთა ლიგაზე, ქალი პრეზიდენტი და ანანიძის ექსმწვრთნელი...
"თავისი ტალანტის მხოლოდ 50% გამოიყენა" - მალხაზ ასათიანმა ერთმანეთს კვარაცხელია და ანანიძე შეადარა
ბრწყინვალე ჟესტი - ჯანო ანანიძემ ეთერ ლიპარტელიანს საჩუქრად ბინა გადასცა
"ჯიქიას რომ ქართული პასპორტი ჰქონდეს - რუსს მეორეხარისხოვნად მიიჩნევენ" - საფეხბურთო აგენტი
გიორგი ჯიქიას უგუნდობა დასრულდა
"სპარტაკიდან" წასული ჯიქიას სამსახურით რუსული კლუბები არ ინტერესდებიან და კარიერას, სავარაუდოდ, თურქეთში განაგრძობს
"მასზე უცნაური ჭორები ვრცელდება" - "ლოკომოტივის" მწვრთნელმა ჯიქია დაიცვა
ჯიქიას რუსეთიდან საზღვარგარეთ სურს გადაბარგება, მაგრამ პრობლემა წარმოეშვა
გიორგი ჯიქია კარიერას თურქეთის ჩემპიონატში გააგრძელებს
ხორვატიული "ჰაიდუკის" სპონსორი სანქცირებული რუსული ნავთობკომპანია "ლუკოილი" გახდა
"აგენტი 007. სპარტაკს" უკანალს უნდა ულოკავდეს" - ლარსონთან რუსულად დამშვიდობება
"შეუძლებელია, სპორტი რუსეთის გარეშე არსებობდეს, ევროპელებს ერთი სული აქვთ, როდის დავბრუნდებით საერთაშორისო არენაზე" - ანანიძის ყოფილი თანაგუნდელი
"დიახ, ვიცი, რომ ამ ტოპ-კლუბებიდან ხვიჩას შემოთავაზებები აქვს!" - ანანიძემ რუსულ პრესასთან კვარაცხელიას შესახებ ვრცლად ისაუბრა
ჯიქია დიდ გასამრჯელოს ითხოვს და შესაძლოა, ტაბიძის თანაგუნდელი გახდეს
სტივენ ჯერარდს მოსკოვის "სპარტაკის" ჩაბარება შესთავაზეს - ინგლისელის პასუხი ცნობილია