<p>დღის მიღწევები და სტატისტიკა <br> თავი შეირცხვინა გუშინ "დეტროიტმა", რომელიც 23 ქულით დამარცხდა "ნიუ ორლეანთან". მასპინძლები თითქმის სულ წინ იყვნენ, გადამწყვეტ უპირატესობას კი მეოთხე მეოთხედში მიაღწიეს, რომელიც 15 ქულის სხვაობით მოიგეს.</p><p>"დეტროიტმა" NBA-ის ყველა დროის ანტირეკორდი დაამყარა: 17.6 (!) პროცენტის სიზუსტით ისროლა საჯარიმოები - 17-დან სამი რეალიზებული ტყორცნა. აქედან ანდრე დრამონდის წილია - 10-დან ცხრა აცილება.</p><p>"ნიუ ორლეანის" რიგებში 33 ქულა დააგროვა ენტონი დევისმა და ის გახდა მეშვიდე ყველაზე ახალგაზრდა კალათბურთელი ისტორიაში, ვინც კარიერაში 7 ათასი ქულა მიითვალა.</p><p>* * *</p><p>"მაიამიმ" უკვე პირველ ტაიმში მოიპოვა 20-ქულიანი უპირატესობა და საბოლოოდ, 27 ქულით გაანადგურა "ფილადელფია". ფლორიდელებმა ბოლო 20 მატჩში მეჩვიდმეტედ მოიგეს. სწორედ ამ ფანტასტიკური შედეგების გამო, ეროვნულმა საკალათბურთო ასოციაციამ აღმოსავლეთ კონფერენციაში თებერვლის საუკეთესო მწვრთნელად "ჰიტის" დამრიგებელი ერიკ სპოელსტრა დაასახელა.</p><p>* * *</p><p>ლებრონ ჯეიმსის კარიერაში 49-ე და სეზონში მეშვიდე სამმაგმა დუბლმა ვერ უშველა "კლივლენდს" "ბოსტონთან" გასვლით მატჩში. ჯეიმსისა და კაირი ირვინგის კარგი თამაში გადაფარა აიზია ტომასმა, რომელმაც 31 ქულა ჩააგდო და აქედან ხუთი ქულა ბოლო 49 წამში დააგროვა. სტუმრებს კი ბოლო 38 წამში არც ერთი შედეგიანი შეტევა არ ჰქონიათ.</p><p>ეს გუნდები ამ სეზონში მესამედ შეხვდნენ ერთმანეთს და "ბოსტონმა" პირველად მოუგო "კავალიერზს".</p><p>* * *</p><p>აღმოსავლეთ კონფერენციაში ერთ-ერთი მთავარი მატჩი ტორონტოში გაიმართა, სადაც ადგილობრივმა "რეპტორზმა" პირველი მეოთხედი ორი ქულით მოიგო, მაგრამ მეორეში 18 ქულით განადგურდა და ეს აღმოჩნდა მატჩში გადამწყვეტი მონაკვეთი. თამაშის გმირია ბოგდან ბოგდანოვიჩი, რომელიც სათადარიგოთა სკამიდან შევიდა თამაშში და 27 ქულა დააგროვა.</p><p>* * *</p><p>"ატლანტამ" ზედიზედ მეშვიდედ დაამარცხა "დალასი". "ჰოქსმა" პირველი ნახევარი 11 ქულის სხვაობით მოიგო, მაგრამ შესვენების შემდეგ, მეტოქეს ანგარიშის გათანაბრებისა და წინ გასვლის საშუალება მისცა - 95:94. თუმცა, დარჩენილ დროში "მავერიქსმა" ქულა ვეღარ აიღო და წააგო - 95:100.</p><p>"ატლანტამ" მოიგო მატჩი 22 შეცდომის მიუხედავად.</p><p>* * *</p><p>"სან ანტონიოს" ძალიან გაუჭირდა შინ "ინდიანას" დამარცხება. "სპურსს" გამარჯვება მოუტანა კავაი ლენარდის ბაზერ-ბიტერმა, რომელიც სირენამდე 2.4 წამით ადრე ჩააგდო პოლ ჯორჯის მხრიდან დიდი წინააღმდეგობის მიუხედავად. დარჩენილ დროში ჯორჯმა მოასწრო სამქულიანის სროლა, მაგრამ ააცილა.</p><p>* * *</p><p>"დენვერის" ცენტრმა ნიკოლა იოკიჩმა ზედიზედ მეორე მატჩში შეასრულა სამმაგი დუბლი. "მილუოკის" წინააღმდეგ მისი მონაგარი იყო - 13 ქულა, 14 მოხსნა და 10 შედეგიანი პასი. ეს ამ კალათბურთელის მეოთხე ტრიპლ-დაბლია კარიერაში და ოთხივე შესრულებული აქვს მიმდინარე სეზონში.</p><p>* * *</p><p>"ბრუკლინმა", როგორც იქნა, შეწყვიტა 16-მატჩიანი წაგებათა სერია, რომელიც 20 იანვრიდან იღებდა სათავეს. ბრუკ ლოპესმა 24 ქულა დააგროვა და კარიერაში თავისი მონაგარი 10 ათას ქულამდე აიყვანა.</p><p>* * *</p><p>"ჰიუსტონმა" ამ სეზონში მეორედ გაანადგურა "კლიპერსი". მატჩში ყველაზე შედეგიანი ჯეიმს ჰარდენი იყო 26 ქულით, რაიან ანდერსონმა კი 11-დან ექვსი სამქულიანი ჩააგდო და 23 ქულა დააგროვა.</p><p><strong><em>ორლანდო-ნიუ იორკი 90:101</p><p></em></strong>24:31, 27:29, 16:19, 23:22</p><p>ო: ფურნიე (22), ოგასტინი (15), ვუჩევიჩი (14+10 მოხსნა), გრინი (11), გორდონი (10).</p><p>ნ-ი: პორზინგისი (20), როუზი (19), ენტონი (17), ჰოლიდეი (14), ტომასი (11).</p><p><strong><em>ტორონტო-ვაშინგტონი 96:105</p><p></em></strong>26:24, 20:38, 14:20, 36:23</p><p>ტ: დეროზანი (24), იბაკა (22+12 მოხსნა), პაუელი (17), ჯოზეფი (11), ვალანჩუნასი (7+11 მოხსნა).</p><p>ვ: ბოგდანოვიჩი(27), ბილი (23), მარკიფ მორისი (13), უოლი (12+13 პასი), გორტატი (12).</p><p><strong><em>ატლანტა-დალასი 100:95</p><p></em></strong>27:22, 36:30, 18:24, 19:19</p><p>ა: მილსეპი (18+10 პასი), ილიასოვა (18), შრიოდერი (17+6 პასი), ბეიზმორი (15), ჰოვარდი (14+12 მოხსნა), ჰარდუეი (10).</p><p>დ: ბარნსი (25), სეტ კარი (21), ფერელი (11+9 პასი), ნოვიცკი (11+10 მოხსნა).</p><p><strong><em>მაიმი-ფილადელფია 125:98</p><p></em></strong>37:27, 27:17, 24:30, 37:24</p><p>მ: ტ. ჯონსონი (24), ელინგტონი (18), დრაგიჩი (15), უეიტერსი (15), უაიტსაიდი (15+11 მოხსნა+4 დაფარება), ჯ. ჯონსონი (14).</p><p>ფ: კოვინგტონი (19), ჰოლმსი (15), მაკონელი (14), შარიჩი (10), როდრიგესი (10).</p><p><strong><em>მილუოკი-დენვერი 98:110</p><p></em></strong>15:32, 22:31, 29:23, 32:24</p><p>მ: მიდლტონი (21), ბროგდონი (17), ანტენტოკუნმპო (15), დელავედოვა (15), მონრო (11+6 პასი).</p><p>დ: გალინარი (22), ჰარისი (14), ჩენდლერი (13), იოკიჩი (13+14 მოხსნა+10 პასი), ბარტონი (13), მიურეი (10).</p><p><strong><em>ნ. ორლეანი-დეტროიტი 109:86</p><p></em></strong>31:18, 22:32, 25:20, 31:16</p><p>ნ-ო: დევისი (33+14 მოხსნა), ჰოლიდეი (22), კანინგემი (16), მური (11), აჟენსა (10).</p><p>დ: ლოუერი (22), ჰარისი (15), დრამონდი (13+17 მოხსნა), მარკუს მორისი (11).</p><p><strong><em>ბოსტონი-კლივლენდი 103:99</p><p></em></strong>20:26, 29:24, 25:21, 29:28</p><p>ბ: ტომასი (31), კრაუდერი (17+10 მოხსნა), ბრედლი (11), ოლინიკი (10), ჰორფორდი (9+10 მოხსნა+10 პასი).</p><p>კ: ირვინგი (28), ჯეიმსი (28+13 მოხსნა+10 პასი), უილიამსი (13), ტომპსონი (9+13 მოხსნა).</p><p><strong><em>სან ანტონიო-ინდიანა 100:99</p><p></em></strong>29:28, 18:21, 26:27, 27:23</p><p>ს-ა: ლენარდი (31+10 მოხსნა), ლი (18), პ. გასოლი (18).</p><p>ი: ჯორჯი (22), მაილზი (19), ტერნერი (16), ელისი (11).</p><p><strong><em>იუტა-მინესოტა 80:107</p><p></em></strong>16:21, 19:30, 18:30, 27:26</p><p>ი: ეკზამი (15), ჰეივორდი (13), ფეივორსი (10+12 მოხსნა).</p><p>მ: თაუნსი (21+15 მოხსნა), უიგინსი (20), მუჰამადი (18), ბიელიცა (13+11 მოხსნა), რუბიო (11+9 პასი).</p><p><strong><em>კლიპერსი-ჰიუსტონი 103:122</p><p></em></strong>37:34, 21:36, 20:38, 25:14</p><p>კ: გრიფინი (17), პოლი (16+11 პასი), რივერსი (16), მბა ა მუტე (13), ფელტონი (12), ჯორდანი (10).</p><p>ჰ: ჰარდენი (26+8 პასი), ანდერსონი (23), ნენე (16+10 მოხსნა), გორდონი (14), ბევერლი (14+12 მოხსნა), კაპელა (14+12 მოხსნა).</p><p><strong><em>საკრამენტო-ბრუკლინი 100:109</p><p></em></strong>31:35, 23:22, 18:24, 28:28</p><p>ს: ჰილდი (16), ლოუსონი (15+9 პასი), ევანსი (15), აფლალო (14), კოლისონი (11), ლაბისიერი (10).</p><p>ბ: ლოპესი (24), ლინი (17), უაიტჰედი (14), ლევერტი (13).</p><p><strong>ყოველდღიური სპორტული გაზეთი "ლელო"</strong></p>
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"NBA-ის ისტორიაში საუკეთესო მექულე ვარ" - პოლ პირსი
ხარატიშვილი ჩეხურ კლუბში გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
ბუცები, ბურთები და ბუკინისტები – აპრილი, სპორტი და წიგნები
[VIDEO] ლებრონისთვის და ლუკასთვის სეზონი დასრულებულია - "ლეიკერსი" "მინესოტასთან" დამარცხდა და პლეი-ოფს გამოეთიშა
დონჩიჩმა დაბადების დღე გამარჯვებით აღნიშნა - "ლეიკერსმა" კალიფორნიულ დერბიში "კლიპერსი" დაამარცხა [VIDEO]
გამარჯვების მომტანი სამქულიანი საკუთარი ნახევრიდან - საოცარი მატჩი NBA-ში [VIDEO]
40 წლის ლებრონ ჯეიმსმა "ლოს ანჯელეს ლეიკერსს" ბოლო წამზე მოაგებინა [VIDEO]
დონჩიჩი ყოფილ გუნდს პირველად დაუპირისპირდა - სლოვენიელმა სამმაგი დუბლი შეასრულა [VIDEO]