- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
უკომპრომისო და შედეგიანი XXIII ტური
<p>მეორე ეტაპის დაწყებიდან ყველაზე შედეგიანი სწორედ გასული ტური გამოდგა, რომლის 5 შეხვედრაში 14 გოლი გავიდა <br> საბედნიეროდ, ტურის წინათქმაში გამოთქმული შიში არ გამართლდა და ამინდმაც ხუთივე მატჩის ჩატარების საშუალებაც მოგვცა! ეგ კი არა, მართლაც უკომპრომისო ტური გამოდგა (არც ერთი შეხვედრა ფრედ არ დამთავრებულა) და, რაც მთავარია, წინა ტურებთან შედარებით მკვეთრად გაიზარდა შედეგიანობაც. ყოველ შემთხვევაში, ხუთ შეხვედრაში გატანილი 14 გოლი ურიგო მაჩვენებელი ნამდვილად არ არის და საერთოდაც, მეორე ეტაპის დაწყებიდან ყველაზე შედეგიანი სწორედ გასული ტური გამოდგა.</p><p>ცნობისათვის: ჩემპიონატის დაწყებიდან ეს უკვე მესამე შემთხვევაა, კონკრეტულ ტურში 14 გოლი რომ გავიდა; ორჯერ იყო უფრო უკეთესი მაჩვენებელი, როდესაც XVIII და XIV ტურებში 15-15 გოლი გავიდა; სარეკორდო მაჩვენებელი კი, ჯერჯერობით კვლავაც XVIII ტურში დაფიქსირდა: პირველი ეტაპის დასკვნით ტურში ჩვენი ფეხბურთელები გოლის იშტაზე მოვიდნენ და 16 გოლიც გაიტანეს. აი, რაც შეეხება "ანტირეკორდს", ამ შემთხვევაში მართლაც "უკონკურენტოა" XI ტური: 23 და 24 ოქტომბერს ჩატარებულ ხუთ შეხვედრაში... მხოლოდ და მხოლოდ 3(!) გოლი რომ ვიხილეთ.</p><p><strong>ევროდონე</strong></p><p>ტურის მიმოხილვა ისევ გოლებით უნდა გავაგრძელოთ და, უპირველეს ყოვლისა, "ზესტაფონის" მართლაც გასაოცარი შედეგიანობა ვახსენოთ: გია გეგუჩაძის გუნდმა ამ სეზონში უკვე მეხუთე მატჩი მოიგო სამი და მეტბურთიანი სხვაობით! პირველი "მსხვერპლი" ცხინვალის "სპარტაკი" იყო, III ტურში 4:0 რომ მოუგო; ამის მერე "ზესტაფონის" ფეხბურთელებს, დაახლოებით სამთვიანი პაუზა ჰქონდათ და პირველი ეტაპის დასკვნით სამ ტურში მეტოქეთა გაცამტვერებაც დაიწყეს: "სამტრედიასთან"-7:0, "სიონთან"-4:0, "ვიტ ჯორჯიასთან"-3:0. და აი, ახლა უკვე "ბაიას" ჯერიც დადგა: როგორც ამ ჩემპიონატის ერთ-ერთ გამოკვეთილ ფავორიტს შეეფერება, "ზესტაფონმა" ისე ჩაატარა არცთუ სუსტ მეტოქესთან მატჩი და ზუგდიდური გუნდის კარში 6 გოლი გაიტანა.</p><p>ისე, "ზესტაფონის" შედეგიანობა მხოლოდ ადგილობრივი მასშტაბით კი არა, ევროპული საზომებითაც დასაფასებელ-აღსანიშნავია: გია გეგუჩაძის გუნდმა 23 შეხვედრაში 50 გოლი გაიტანა (ანუ, ერთ მატჩში საშუალოდ ორ გოლზე მეტი). აღარაფერს ვამბობთ იმ მართლაც განსაკუთრებულ მოვლენაზე, როცა ამ 50-დან 33 გოლი გუნდის სამ ფორვარდზეა "გადანაწილებული"!</p><p><strong></p><p>დიდი ფუფუნება</strong></p><p>საუკეთესო ბომბარდირთა დავაში მართლაც საინტერესო სიტუაციაა: მართლაც ვერ ვიხსენებთ შემთხვევას, ერთი გუნდის სამ თავდამსხმელს შორის წარმართულიყო ამ საპატიო წოდებისათვის ბრძოლა. არადა, ფაქტი ჯიუტია: 23 ტურის შემდეგ "ზესტაფონის" ფორვარდთა "ტრიოს" ისეთი მაჩვენებელი აქვს, მომავალ მეტოქეებს რომ დაზაფრავს. თავად განსაჯეთ: ნიკოლოზ გელაშვილს 12 გოლი აქვს გატანილი, რატი წინამძღვრიშვილს-11, ხოლო ჯაბა დვალს-10.</p><p>სხვათა შორის, წინამძღვრიშვილმა დისკვალიფიკაციის გამო "ბაიასთან" მატჩი გამოტოვა, მაგრამ "ზესტაფონი" ისეა დაკომპლექტებული, რომ ორი-სამი კი არა, უფრო მეტი წამყვანი ფეხბურთელის არყოფნაც გუნდის ასპარეზობაზე ნეგატიურად არ მოქმედებს. აი, ახლაც, შეცვლაზე შემოვიდნენ შოთა ბაბუნაშვილი და გიორგი ხიდეშელი, სათადარიგოთა სკამზე დარჩნენ ირაკლი ძარია და ხორვატი ახალწვეული გორან გრუიცა, დღე-დღეზე მიიღებს თამაშის უფლებას მეორე ეტაპის ერთ-ერთი ყველაზე ცნობილი ახალწვეული ზურაბ მენთეშაშვილი და ასე შემდეგ. თუმცა, "ზესტაფონის" ერთ ახალწვეულს უკვე ჰქონდა დებიუტი - ექვსწლიანი პაუზის შემდეგ საქართველოს ჩემპიონატს გიორგი ფოფხაძე დაუბრუნდა!</p><p><strong>გადამწყვეტი გოლები</strong></p><p>კვლავაც ბომბარდირთა თემას გავაგრძელებთ და კიდევ ორი გოლიადორი უნდა ვახსენოთ, "ზესტაფონის" ფორვარდთა სამეულს (გელაშვილი, დვალი, წინამძღვრიშვილი) სეზონის ბოლომდე კონკურენციას რომ გაუწევს. უპირველეს ყოვლისა, "ოლიმპის" თავდამსხმელი ირაკლი მოდებაძე გვინდა გამოვყოთ, ჯაბა დვალის მსგავსად ჩემპიონატში 10 გოლი რომ აქვს გატანილი. თუმცა, ისიც ფაქტია, რომ "ოლიმპის" ყველაზე შედეგიანმა ფეხბურთელმა მეორე ეტაპზე თავის აქტივს მხოლოდ 1 გოლი შემატა ("ვიტ ჯორჯიასთან" შეხვედრაში).</p><p>მაგრამ, ქვეყნის ჩემპიონი თავის კონკურენტ "ზესტაფონისგან" განსხვავებით მეორე ეტაპზე შედეგიანობით ნამდვილად ვერ გამოირჩევა: ახალგაზრდა მწვრთნელის, თორნიკე მაისურაძის გუნდმა ბოლო ხუთ მატჩში მეტოქეთა კარში მხოლოდ ხუთი გოლის გატანა მოახერხა. ახლაც, ბოლო ტურის შეხვედრაში "ოლიმპმა" მინიმალური სხვაობით გაიმარჯვა და ალბათ, ლოგიკურიც იყო, რომ იმ მეტად რთული გამარჯვების მომტანი გოლის ავტორი რევაზ გეწაძე გახლდათ. ეს გარემარბი ამ მატჩშიც ერთ-ერთი გამორჩეული იყო და საერთოდაც, სეზონის დაწყებიდან მოყოლებული, უკვე მერამდენედ გაიტანა გადამწყვეტი გოლი.</p><p>საუკეთესო ბომბარდირთა ხუთეულშია საქართველოს ჩემპიონატების ისტორიაში ერთ-ერთი გამორჩეული გოლიადორი, მშობლიურ გუნდში დაბრუნებული გიორგი მეგრელაძეც, - გამოცდილმა ფორვარდმა პირველ ეტაპზე "ბაიას" შემადგენლობაში 6 გოლი გაიტანა, მეორე ეტაპზე კი უკვე "ტორპედოს" ღირსებას იცავს და თავის აქტივს კიდევ 2 გოლი მიუმატა. საერთოდ კი, "ტორპედო" კვლავაც რჩება უმაღლესი ლიგის ყველაზე დაბალშედეგიან გუნდად - ქუთათურებმა 23 მატჩი ჩაატარეს და მეტოქეთა კარში სულ 12 გოლი გაიტანეს. რაც შეეხება მეორე ეტაპს, "ტორპედომ" მხოლოდ სამჯერ იხეირა და სამივეჯერ თავი გუნდის ახალწვეულებმა გამოიჩინეს - გიორგი მეგრელაძემ (ორჯერ) და ლაშა ქებაძემ.</p><p><strong>პესიმიზმი და ოპტიმიზმი</strong></p><p>შარშან, 11 სექტემბერი იყო, ხუთწლიანი პაუზის შემდეგ უმაღლეს ლიგაში ფოთის "კოლხეთისა" და თბილისის "დინამოს" დაპირისპირება კვლავაც რომ შედგა; ტურის წინათქმაშიც აღვნიშნეთ, რომ იმ დროისათვის მასპინძლები ჩინებულად ასპარეზობდნენ და უმაღლეს ლიგაში ერთადერთი გუნდი სწორედ "კოლხეთი" იყო, წაუგებლად რომ თამაშობდა და საერთოდაც, საკუთარ კარში გოლი არ ჰქონდა გაშვებული. თუმცა, "დინამომ" შეძლო იმ შეხვედრის მოგებაც, მერე უკვე მეორე წრის მატჩიც დიდი ანგარიშით მოუგო "კოლხეთს" და აი, მესამე ცდაზეც შეძლო ფოთელთა გუნდის დამარცხება.</p><p>სამწუხაროდ, დღესდღეობით "კოლხეთს" სერიოზულზე სერიოზული ფინანსური პრობლემები აქვს და უმეტესწილად, ამიტომაც არის, რომ ბესიკ შეროზიას გუნდი პირველ ლიგაში დაქვეითების ერთ-ერთი რეალური კანდიდატია. ზედიზედ მეოთხე მარცხმა "კოლხეთის" მდგომარეობა კიდევ უფრო დაამძიმა და ამ გუნდის უახლოესი მატჩების განრიგსაც თუ გავითვალისწინებთ, ცოტაც არ იყოს, პესიმისტური განწყობაც უნდა ჰქონდეთ ფოთელ ქომაგებს.</p><p>სამაგიეროდ, მეორე ეტაპზე პირველი გამარჯვება მოიპოვა თბილისის "დინამომ", თანაც, ეს შეხვედრა სადებიუტო იყო კლუბის ახალი მთავარი მენეჯერისთვის, ზურაბ პოლოლიკაშვილისათვის. "დინამოს" მთავარმა მწვრთნელმა კახა კაჭარავამ წინა მატჩისაგან განსხვავებით "დინამოს" შემადგენლობაში რამდენიმე ცვლილება განახორციელა - ძირითადში გამოჩნდნენ თემურ ღონღაძე, ირჟი ჰომოლა, ლევან ხმალაძე და სამირ ჰაჯიბულიჩი. ამასთან, როგორც იქნა თავი გამოიჩინა "დინამოს" ერთ-ერთმა მრავალრიცხოვან ახალწვეულთაგანმა - სერბმა პეტარ ელიჩმა საქართველოს ჩემპიონატში სადებიუტო გოლი გაიტანა. თუმცა, ბევრად ეფექტური მაინც დინამოელთა კაპიტნის, ალექსანდრე კოშკაძის გატანილი გოლი იყო - საჯარიმოს მისადგომებიდან, ბურთი მეტოქის კარის "ცხრიანში" რომ გაგზავნა.</p><p><strong>ვეტერინარული გაკვეთილები</strong></p><p>მეორე ეტაპის უდავო აღმოჩენად რაღა თქმა უნდა, "ვიტ ჯორჯია" უნდა მივიჩნიოთ: მერაბ კოლჭაშვილის გუნდმა ზედიზედ მესამე მატჩი მოიგო და დიდი ალბათობით, სეზონის ბოლომდე მეოთხე ადგილსაც არავის დაუთმობს. ეგ კი არა, ამ ახალგაზრდულმა გუნდმა თუ ასე გააგრძელა, შესაძლოა, მესამე ადგილისათვისაც იბრძოლოს. ყოველ შემთხვევაში, "ვეტერინარების" ბოლოდროინდელი ასპარეზობიდან გამომდინარე, მოვლენების ასეთი განვითარება მოულოდნელი არავისთვის უნდა იყოს.</p><p>"ვიტ ჯორჯიამ" ამ სეზონში უკვე მეორედ შეძლო მატჩის "შემოტრიალება": 29 აგვისტოს "სამტრედიასთან" პირველი ტაიმის შემდეგ 0:2-ს აგებდა და საბოლოოდ ის შეხვედრა თავის სასარგებლოდ დაასრულა (4:2). ასე მოხდა ახლაც ბოლნისში: პირველი ტაიმი მასპინძლებმა (რომელთა შემადგენლობაში დებიუტი ჰქონდა "ვიტ ჯორჯიას" ყოფილ ფეხბურთელს დავით ლომაიას) მოიგეს, მაგრამ შესვენების შემდეგ "ვეტერინართა" მთავარმა მწვრთნელმა სწორი და ეფექტიანი შეცვლები განახორციელა, თავისი გუნდის ტაქტიკური სქემაც რამდენჯერმე შეცვალა და საბოლოოდ გამარჯვებაც მონდომებით მოასპარეზე სტუმრებს დარჩათ. სხვათა შორის, მეორე ტაიმში "ვეტერინართა" მიერ გატანილი ორივე გოლი ეფექტური იყო და ორივე შემთხვევაში თავი ახალგაზრდა ნახევარმცველებმა (გურამ გურეშიძე, გიორგი ვასაძე) გამოიჩინეს.</p>
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"დინამო თბილისი": სამი გოლი, სამი ქულა
"ძალიან დაბალი დონის ჩემპიონატი გვაქვს, ყოველი წელი უარესია" - გიორგი ჭიაბრიშვილი "გარეჯთან" გამარჯვების შემდეგ
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა