<p>"როცა საქართველოს 19-წლამდელთა ნაკრებში მიწვევის ამბავი შევიტყვე, ქვეყნად ჩემზე ბედნიერი კაცი არ მეგულებოდა" <br> საქართველოს 19-წლამდელთა ნაკრები ორ ამხანაგურ მატჩს ჩაატარებს. <strong>გიორგი ყიფიანის</strong> გუნდი 25 და 27 მარტს, მიხეილ მესხის სახელობის სტადიონის სათადარიგო მოედანზე რუსეთს ეთამაშება. საქართველო წლეულს 19-წლამდელთა ევროპის ჩემპიონატს უმასპინძლებს და ეს ორი სპარინგიც ამ ტურნირისთვის მზადების პროგრამითაა გათვალისწინებული.</p><p>19-წლამდელთა ნაკრებში რამდენიმე ახალი ფეხბურთელია, რომლებსაც ყიფიანმა და ფეხბურთის ფედერაციამ უცხოეთში მიაკვლიეს...</p><p>დღეს "ლელო" <strong>ალექსანდრე კახიძეზე</strong> მოგითხრობთ.</p><p>ალექსანდრე (ალეკო) კახიძე დაბადებიდან რუსეთში ცხოვრობს და მეორე ლიგის ბინადარ "ნაციონალში" თამაშობს. ამპლუით ფლანგის მცველია.</p><p>"მამა სოხუმელია და მოსკოვში საცხოვრებლად ომის შემდეგ გადავიდა. იქ გაიცნო დედაჩემი და დაოჯახდა. მე მოსკოვში 1999 წელს დავიბადე. იქვე დავიწყე ფეხბურთზე სიარული. 5 წლიდან მოსკოვის ცსკა-ს საფეხბურთო აკადემიაში ვვარჯიშობდი. მერე მოსკოვის "ტორპედოში" გადავედი, სადაც 2012-15 წლებში ვთამაშობდი.</p><p>2016 წელს მოსკოვის "სპარტაკის" ასაკობრივ გუნდში გასინჯვაზე მიმიწვიეს და დამტოვეს. სოჭში პრემიერლიგის ასაკობრივი გუნდების ტურნირს ბევრი სელექციონერი ესწრებოდა და თამაში მეორე ლიგის ორ გუნდში შემომთავაზეს - "დოლგოპრუდნისა" და ტვერის "ვოლგაში".</p><p>სკოლას წელს ვამთავრებ და მოსკოვიდან გადასვლა არ გამოდიოდა, მაგრამ აკადემიაში დარჩენაც არ მსურდა - დრო იყო, დიდების ფეხბურთში გადავსულიყავი და მეც "ინტერში" წავედი, რომელიც მესამე ლიგაში თამაშობს. ჩემთვის ამ ეტაპზე ესეც მისაღები ვარიანტია, რადგან დიდების ფეხბურთს ვეგუები, რაც წინსვლაში დამეხმარება", - ამბობს კახიძე, რომელიც, მიუხედავად იმისა, რომ რუსეთში გაიზარდა, ქართულად ლაპარაკობს.</p><p>17 წლის ფეხბურთელი გვიყვება, როგორ მოხვდა საქართველოს 19-წლამდელთა ნაკრებში:</p><p>"საქართველოში არ ვცხოვრობ, მაგრამ აქ უამრავი ნათესავი მყავს. მათ მიაწოდეს ჩემზე ინფორმაცია 19-წლამდელთა ნაკრების მენეჯერ <strong><strong>დათო დათუნაშვილ</strong>ს</strong>, რომელმაც ეს ნაკრების ხელმძღვანელობასა და ფეხბურთის ფედერაციას აცნობა.</p><p>დაინტერესდნენ, ჩემზე ცნობები შეაგროვეს და ნაკრების შეკრებაზე მიმიწვიეს.</p><p>როცა მიწვევის ამბავი შევიტყვე, ქვეყნად ჩემზე ბედნიერი კაცი არ მეგულებოდა - ბავშვობიდან საქართველოს ნაკრებში თამაშზე ვოცნებობდი და ახლა ეს ოცნება ნაწილობრივ ამიხდა. თუ ფეხბურთში რამე შემიძლია, ისევ ჩემს სამშობლოს უნდა მოვახმარო. დაველოდოთ და ვნახოთ, რა გამოვა ამ მცდელობიდან".</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
კახა ქირია
კაცი იქნები ყველგან ესეთი მიდგომით ცხოვრების მიმართ.მამას მადლობა
ქომაგი
გენაცვალე ჯიგარში. ჯიქია არ დამანახოთ ნაკრებში!
კახა
ამას მამა ეყოლება წესიერი კაცი სწორად ზრდის შვილს.
მაჭავარიანიიიიი
ჩემო უმაგრესო ბიჭო,მემაყები და ბედნიერი ვარ რომ მარტო ჩვენი კი არა მთელი საქართველოსი რომ ხარ,ვიცი რომ შენით სრულიად საქართველო იამაყებს
qutaiseli
გენაცვალე მაგ ჯიგარ სულში წარმატებები გქონოდეს ძამო სულ და სულ,,,,მოათრიეთ ერთი ის ჯიქია და აკაკი გოგია და წააკითხეთ ამ ბოვში სიტყვები 18 წლის ბაშს რამდენი ესმის და ეს ორი დოყლაპია ამისს ნახევარსაც ვერ ხვდებიან,,,
U17 | საქართველო 3:0 ლიეტუვა
16-წლამდელებმა აზერბაიჯანის ტურნე გამარჯვებით დაასრულეს
[VIDEO] დებიუტი შედგა - ჯამალ კაიშვილმა საქართველოს ახალგაზრდულ ნაკრებში პირველად ითამაშა
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
გიორგი ყიფიანი: "ლოკომოტივის" მთავარი მიზანი "ევროპის ზონაში" დარჩენა იქნება
რატომ ვთამაშობთ ფრეს ლანჩხუთზე პატარა ქვეყანასთან?!
"შახტარი": დიახ, გიორგი არაბიძის ტრანსფერზე მოსკოვის "ლოკომოტივი" გველაპარაკება
გიორგი ყიფიანმა საქართველოს 19-წლამდელთა ნაკრების შემადგენლობა დაასახელა
U19. საქართველოს ნაკრები ევროშესარჩევის პირველ მატჩში დამარცხდა [VIDEO]
19-წლამდელთა ნაკრებში ლუკა ლოჩოშვილი ალექსანდრე კახიძემ შეცვალა
ირაკლი სიხარულიძე: არის რაღაც ვარიანტები, მაგრამ...
19-წლამდელთა ნაკრებმა ფინეთთან სათამაშოდ მზადება დაიწყო