<p>რაფაელმა კარიერაში მე-1000 მატჩი მაიამიში მოიგო <br> მაიამიში მიმდინარე "მასტერსზე" 1/16 ფინალი დაიწყო. გუშინ, მთავარი ყურადღება, რა თქმა უნდა, რაფაელ ნადალისკენ იყო მიპყრობილი, რომელიც პროფესიულ კარიერაში მე-1000 შეხვედრას ატარებდა. და ესპანელისთვის კინაღამ წაგებით დასრულდა ეს საიუბილეო შეხვედრა.</p><p>ნადალის მეტოქე გერმანელი ფილიპ კოლშრაიბერი იყო, რომელსაც რაფა ურთიერთშეხვედრებში 13:1-ს უგებდა. ეს ერთადერთი მარცხი ესპანელმა 2012 წელს, ჰალეს ბალახის კორტზე იწვნია.</p><p>რაფაელისთვის მეათასე შეხვედრა კოშმარულად დაიწყო. პირველ პარტიაში, რომელიც 25 წუთი გაგრძელდა, კოლშრაიბერმა ნადალის გეიმებში 20-დან 13 ქულა (65 პროცენტი) აიღო და სამი ბრეიკი შეასრულა, ესპანელმა კი ორი ბრეიკ-პოინტი ვერ გამოიყენა და 0:6 განადგურდა.</p><p>მაგრამ მეორე სეტიდან კორტზე სულ სხვა ნადალი ვიხილეთ. მომდევნო ორ სეტში გერმანელს ერთი ბრეიკ-პოინტის შანსიც არ მიუღია. მეორე პარტიაში 2:2-დან მოყოლებული, ესპანელმა ორი ბრეიკი შეასრულა და ზედიზედ ოთხი გეიმი აიღო, მესამეში კი თავიდანვე მოიგო მეტოქის მოწოდება და უპირატესობა ხელიდან არ გაუშვა. მესამე სეტში ნადალმა თავის გეიმებში მხოლოდ ერთი ქულა დათმო. რაფამ კარიერაში 822-ე გამარჯვება ასეთი ანგარიშით მოიპოვა - 0:6, 6:2, 6:3. ესპანელის შემდეგი მეტოქე იქნება ფრანგი ნიკოლა მაუ.</p><p><strong>1000-იანთა კლუბი</strong></p><p>მატჩი მოგ/წაგ</p><p>1. ჯიმი კონორსი 1 535 1 256/279</p><p>2. როჯერ ფედერერი 1 340 1 094/246</p><p>3. ივან ლენდლი 1 310 1 068/242</p><p>4. გილერმო ვილასი 1 215 929/286</p><p>5. ანდრე აგასი 1 144 870/274</p><p>6. ილიე ნასტასე 1 085 780/305</p><p>7. ჯონ მაკინროი 1 075 877/198</p><p>8. სტეფან ედბერგი 1 071 801/270</p><p>9. დავიდ ფერერი 1 034 696/338</p><p>10. ბრაიან გოტფრიდი 1 004 680/324</p><p>11. რაფაელ ნადალი 1 000 822/178</p><p>* * *</p><p>ბადის ქვედა მხარეს ნადალის მთავარ კონკურენტად იაპონელი კეი ნიშიკორი მოიაზრება და მასაც რთული ბრძოლის გადატანა მოუწია ფერნანდო ვერდასკოს წინააღმდეგ. მათი შეხვედრა ორი საათი და 44 წუთი გაგრძელდა და კეიმ სამ სეტში მოიგო - 7:6(2), 6:7(5), 6:1. იაპონელი, რომელიც მაიამიში შარშან ფინალამდე მივიდა, ზედიზედ მეოთხედ გავიდა ამ ტურნირის მერვედფინალში.</p><p>ნიშიკორის შეეძლო გაცილებით იოლად მოეგო ეს შეხვედრა, მაგრამ პირველ სეტში 3:0 უპირატესობა ვერ შეინარჩუნა და ტაი-ბრეიკის თამაში მოუწია, მეორეში კი 5:4-ზე მატჩზე ვერ ჩააწოდა და ერთი მატჩბოლი გაფლანგა.</p><p>აღსანიშნავია, რომ ორივე ჩოგბურთელი ძალიან ბევრ შანსს აფუჭებდა - მათ ჯამში 28-დან მხოლოდ რვა ბრეიკ-პოინტი გამოიყენეს. იაპონელის შემდეგი მეტოქე არგენტინელი ფედერიკო დელბონისი იქნება.</p><p>* * *</p><p>ამერიკელმა ჯეკ სოკმა სეზონში მე-17 მატჩი მოიგო და ლიდერობს წელს ამ მაჩვენებლით გრიგორ დიმიტროვთან, ჟო-ვილფრიდ ცონგასთან და დომინიკ ტიმთან ერთად. ამასთან, ამერიკელს მხოლოდ სამი წაგება აქვს.</p><p>სოკმა მერვედფინალში გასასვლელად ჩეხი ირჟი ვესელი დაამარცხა. პირველი სეტის იოლად მოგების შემდეგ, მასპინძელი მეორეში 3:5 ჩამორჩა, მაგრამ გადაარჩინა პარტია - 6:3, 7:6(0).</p><p>* * *</p><p>ბადის ქვედა ნაწილის კიდევ ერთი ფავორიტი მილოშ რაონიჩი ჯარედ დონალდსონის წინააღმდეგ მატჩისთვის მოთელვას გადიოდა, როცა ფეხში ტკივილი იგრძნო და თამაშზე უარი განაცხადა. ბოლო პერიოდში კანადელს არ უმართლებს. შეგახსენებთ, რომ მილოშმა ამ თვის დასაწყისში, ასევე ტრავმის გამო, ინდიან უელსის "მასტერსი" გამოტოვა.</p><p><strong>1/16 ფინალი</strong></p><p>ნიშიკორი (იაპ, 2)-ვერდასკო (ესპ, 25) 7:6(2), 6:7(5), 6:1</p><p>დონალდსონი (აშშ)-რაონიჩი (კან, 3) უარი</p><p>ნადალი (ესპ, 5)-კოლშრაიბერი (გერ, 26) 0:6, 6:2, 6:3</p><p>სოკი (აშშ, 13)-ვესელი (ჩეხ) 6:3, 7:6(0)</p><p>დელბონისი (არგ)-შტრუფი (გერ) 7:6(5), 6:1</p><p>ფონინი (იტა)-შარდი (საფ) 3:6, 6:4, 6:4</p><p>მაუ (საფ)-პეია (არგ) 6:4, 6:3</p><p>იანგი (აშშ)-პერი (საფ) 7:6(2), 6:4</p><p><strong>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"ბატონო ნადალ, ფოტო შეიძლება?!" - ფედერერმა გულშემატკივრებთან საუბარში სასაცილო ისტორია გაიხსენა
მაგიური ჯოკოვიჩი - ნოვაკი 2028 წლის ოლიმპიადაზე თამაშს გეგმავს
ნადალი: "რეალის" ფანი ვარ, მაგრამ მესი რონალდოზე უკეთესია [VIDEO]
ნადალი: როდესაც მესიმ ექსტრა-ტაიმში გაიტანა, ცრემლები წამომივიდა
ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა
ფედერერის შემდეგ ნადალიც - ჩოგბურთიდან რაფაც მიდის