ძმები აზარები. თორგანი ედენზე: ის გენიოსია, მე - არა!

საფრანგეთის ნაკრების ფან ბელგიელ ძმებს კლუბშიც ერთად თამაში სურთ ბელგიური პროვინციული ქალაქის, ლა-ლუვიერის გარეუბანი. ეს ადგილი იმით აკვირვებს მნახველს, რომ გატეხილი თეფშის ძეგლი დგას. გარდა ამისა, სწორედ აქ ჩაეყარა საფუძველი აზარების საფეხბურთო დინასტიას.ოჯახის თავი ტიერი აზარი უკვე 25 წელია, აქ ცხოვრობს. ის ფეხბურთს ადგილობრივ კლუბში თამაშობდა და თავისუფალ დროს ქალთა გუნდის გაწვრთნაში იღებდა მონაწილეობას. სწორედ აქ შეხვდა ის კატრინს და შექმნა საფეხბურთო ოჯახი. გენებმა თავისი ქნა - ოთხივე აზარი ფეხბურთელია.ედენს ყველა კარგად ვიცნობთ. მან "ჩელსიში" ისევ იპოვა საკუთარი თავი. უფროსი ძმა ძმებისათვის ნამდვილი მაგალითია. ედენის შემდეგ ბელგიის ნაკრებში თორგანიც მოხვდა. დანარჩენი ორი ძმის საფეხბურთო სვე არც თუ ისე მიმზიდველია. კილიანი უნგრული "უიპეშტისათვის" დარბის, ეთანისათვის კი ფეხბურთი ამ ეტაპზე მხოლოდ ჰობია.თორგან აზარს სახელი ბელგიური კომიქსის მიხედვით შეურჩიეს. ეს არის მებრძოლი მამაკაცი, მხრებამდე თმებით. მას თორგალი ჰქვია. ტიერიმ და კატრინმა მხოლოდ ერთი ასო შეცვალეს ამ სახელში და შვილს დაარქვეს.აზარები არასოდეს აძალებდნენ შვილებს ფეხბურთის თამაშს, მაგრამ ყველაფერი თავისთავად მოხდა. სხვანაირად რომ ყოფილიყო, უფრო გასაკვირი იქნებოდა. დიდ ეზოში ყოველგვარი დაბრკოლების გარეშე შეიძლებოდა ბურთის დევნა. გარდა ამისა, სახლიდან სულ რამდენიმე წუთის სავალზე იყო საფეხბურთო მინდორი. ამასაც რომ თავი დავანებოთ, სახლში არაერთი ბურთი ჰქონდათ აზარებს.სანამ კილიანი წამოიზრდებოდა, ედენი და თორგანი ფეხბურთს მარტო თამაშობდნენ. უმცროსი თორგანი კარში იდგა. "განსაკუთრებით ზამთარში მიჭირდა. მე მისი დარტყმების მოგერიება მიწევდა და თან ძალიან მციოდა. ედენი კი მოძრაობდა და გახურებული იყო." - გაიხსენა მან მოგვიანებით.ამასობაში კიდევ ერთი აზარი, კილიანი წამოიზარდა. თორგან აზარი მიხვდა, რომ ედენის მსგავსად, მისი მოწოდება შეტევაში თამაში იყო და ამასთანავე, კარში უკვე კილიანის ჩაყენებაც შეიძლებოდა.თორგანმა ჯერ კლასიკური ჩოგბუთის, მერე კი მაგიდის ჩოგბურთის შესწავლა სცადა. ცოტა ხანში მან ყველაფერი მიატოვა. ედენ აზარი უკვე შესანიშნავად თამაშობდა ფეხბურთს და ძმის გავლენა ძალიან ძლიერი იყო."ედენის მაგალითი ჩემთვის მისაბაძი იყო. ის ძალიან კარგად თამაშობდა ფეხბურთს. მეც მინდოდა, ისეთივე დრიბლინგი, ფინტები და დარტყმები მქონოდა არსენალში, როგორც მას. სწორედ ამიტომ გადავწყვიტე ფეხბურთელობა." - ამბობს თორგანი.ძმები ერთად ვარჯიშობდნენ, ერთად სეირნობდნენ და ერთად ქომაგობდნენ... საფრანგეთის ნაკრებს. იმ დროისათვის "სამფეროვანთა" შემადგენლობაში ზინედინ ზიდანი და ტიერი ანრი ბრწყინავდნენ. ისინი ასევე ხშირად უყურებდნენ მატჩებს "მანჩესტერ იუნაიტედისა" და "არსენალის" მონაწილეობით.ტიერი აზარი დარწმუნებული იყო, რომ მისი შვილები ბელგიაში შესაბამის საფეხბურთო განათლებას ვერ მიიღებდნენ. ეს ახლა განიცდის ბელგიური ბავშვთა ფეხბურთი აღმავლობას, თორემ 10 წლის წინათ, საქმე სულ სხვანაირად იყო. მან ედენი "ლილის" საფეხბურთო სკოლაში გაუშვა, თორგანი კი "ლანსში". ამ ნაბიჯში სხვა ჩანაფიქრიც იდო. მამას უნდოდა, რომ ძმებში საფეხბურთო ჟინი გაეღვვებინა. "ლილი" და "ლანსი" ერთმანეთის მიმართ ანტაგონისტურად განწყობილი კლუბები არიან და ადვილი შესაძლებელი იყო, ძმების გზები მინდორზე გადაკვეთილიყო."უკვე 14 წლიდან დაიწყო ჩვენი შედარება ერთმანეთთან. მე პირდაპირ უნდა ვთქვა, რომ ედენი არის გენიოსი, მე კი - არა. არასოდეს მიეჭვიანია ამის გამო. მე ყოველთვის ისევე მახარებდა მისი წარმატება, როგორც ჩემი." - ყვება თორგან აზარი.ასე იყო თუ ისე, თორგანს ედენ აზარის ძმის კლიშე მიეწება. ასე იყო, როცა "ლანსის" შემადგენლობაში მას დებიუტი ჰქონდა საფრანგეთის უმაღლეს დივიზიონში და მაშინაც, როცა ედენთან ერთად კონტრაქტი გააფორმა "ჩელსისთან". ბევრმა ჩათვალა, რომ ედენმა "ჩელსიში" ძმა მხოლოდ საკუთარი ავტორიტეტის გამო მიიყვანა.თორგანს ცივად დახვდნენ ბელგიურ "ზულტე ვარეგემში", მაგრამ ბელგიური კლუბის გულშემატკივრებმა შეცდომა მალევე აღიარეს. "შენ მოხვედი, როგორც უმცროსი ძმა და მიდიხარ, როგორც ჩვენი ოქროს ბიჭი." - ასე ეწერა თორგან აზარის გამოსამშვიდობებელ ბანერზე.<img src="pictures/artimages/image17/96e56ca59f6ff9b6f5a528a2b91128d7.jpg" border="0" alt="Sportall.Ge" title="ძმები აზარები. თორგანი ედენზე: ის გენიოსია, მე - არა!" />"ვარეგემში" აზარს მართლაც შესანიშნავი სეზონი ჰქონდა. მან წარმატებით ითამაშა ევროთასებზე. ბელგიელი "ჩელსიში" დაბრუნებაზე დაფიქრდა, მაგრამ ასე არ ფიქრობდა ჟოზე მოურინიო. მისი გადაწყვეტილებით, თორგან აზარი ისევ გაანათხოვრეს, ოღონდ ამჯერაც გაცილებით ძლიერ კლუბში.აზარი წავიდა "გლადბახში", სადაც მას დახვდა ლუსიენ ფავრი. პირველ სეზონში ის სათადარიგო იყო. მეორე სეზონში კი, როცა თორგანი ძირითადის ფეხბურთელი გახდა, "გლადბახმა" ხუთი სასტარტო მატჩი წააგო და ფავრი თანამდებობიდან გაათავისუფლეს. მოვიდა შუბერტი, მერე დიტერ ჰეკინგი, მაგრამ ამას აზარზე გავლენა არ მოუხდენია. ის გუნდის ერთ-ერთი ლიდერია."რა თქმა უნდა, ძალიან მინდა ედენთან ერთად თამაში. მე მჯერა, რომ ეს აუცილებლად მოხდება, თუნდაც კარიერის ბოლოს. მანამდე კი ვისურვებდი, რომ თუნდაც ბელგიის ნაკრებში ერთად გვეთამაშა. დიდებული შეგრძნებაა, როცა ისეთი პარტნიორი გყავს, როგორიც ედენია." - ამბობს თორგანი.ყოველდღიური სპორტული გაზეთი "ლელო"

35 წლის ასაკში ოსკარმა საფეხბურთო კარიერა დაასრულა

თავისივე რეკორდი გააუმჯობესა - პსვ 5 ტურით ადრე ნიდერლანდების ჩემპიონი გახდა

"ის ჩემთვის მსოფლიოში საუკეთესოა" - რონალდინიო

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

18 წ. | 3 ლელო საფრანგეთთან

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა

"დორტმუნდმა" ედენ აზარის ძმა შეიძინა

ისევ არ გამოცხადდა - გაუვა ლუკაკუს "ნაპოლისთან" ურჩობა?

[VIDEO] მოდი და ნუ გაიქცევი - ჟოაო პედროს კუკურეიას დაცვა, კინაღამ ძვირად დაუჯდა

"ჩემი თანაგუნდელი მესისა და რონალდოს დონეზე თამაშობდა" - ჯონ ტერი

კურტუამ მოედანზე ვირთხა ვერ დაიჭირა

"ჩელსის" ლიამ როსენიორი ჩაიბარებს

საფრანგეთმა ბელგიას, იტალიამ კი ისრაელს მოუგო [VIDEO]

რონალდო ბოლო ადგილზე - შირერმა პრემიერლიგის ისტორიაში 5 საუკეთესო გარემარბი დაასახელა

თორგან აზარი კარიერას ნიდერლანდებში განაგრძობს

"მესი თუ რონალდო?" - აზარმა არჩევანი გააკეთა

"ნაპოლიდან" გათავისუფლებული მწვრთნელი ბელგიის ნაკრებს ჩაიბარებს

"ლივერპული" იანვარში ედენ აზარის ძმის შეძენას შეეცდება

სპალეტის იტალიამ ბელგიას სძლია და 17 ნოემბერს საფრანგეთს უმასპინძლებს

"მომთხოვნი და პირდაპირი ვარ" - "ჩელსის" ახალმა მწვრთნელმა საკუთარი თავი დაახასიათა

"ნაპოლიმ" ლუკაკუს ულტიმატუმი წაუყენა

"რატომ დავასრულე კარიერა 32 წლის ასაკში?" - აზარმა განმარტა

როსენიორის პირველი მოთხოვნა - "ჩელსის" "ბაიერნის" მცველის დამატება სურს

"აი, ამიტომ ვთქვი უარი კარიერის გაგრძელებაზე" - ედენ აზარი

"ჩელსიმ" შესაძლოა ედენ აზარის ძმა დაიმატოს

[PHOTO] რა ქნას, დარდს იქარწყლებს... - მუდრიკი "სამაგალითოდ" მოქცევას აგრძელებს

"ვაპირებ თუ არა მწვრთნელობას?" - რა თქვა აზარმა

[VIDEO] ჰავერტცმა ყოფილ გუნდს გაუტანა - "არსენალი" ინგლისის თასის ფინალში ითამაშებს