<p>ზაფხულის ბოლოს მონტევიდეოში დიდი ჯახია <br> <strong><span style="font-size: x-small;">* ბრაზილიის ნაკრები პირველი გუნდია, რომელმაც მუნდიალის ფინალური ეტაპის საგზური მოიპოვა.</p><p>* სამხრეთ ამერიკის საკვალიფიკაციო ტურნირიდან პირდაპირ 4 საუკეთესო ნაკრები გადის, მე-5 კი პლეი ოფს ითამაშებს.</p><p>* არგენტინის ნაკრებს (ბოლო ტურის გარდა) დისკვალიფიცირებული მესის გარეშე მოუწევს საგზურისთვის ბრძოლა.</p><p></span></strong></p><p><a href="//fexburti/uckhouri-fekhburthi/mundiali-2018/102692-mch-2018-shesarchevi-samkh-amerika-mesis-4-matchi-da-argentina-katastrofis-piras-video.html" target="_blank"></a>არგენტინის ნაკრები ლა პასში კიდევ ერთხელ დაეცა და შერცხვა. ანხელ დი მარიას მომენტს (0:1-ზე) თუ არ ჩავთვლით, "ალბისელესტეს" ბევრი არც არაფერი ჰქონია და უსახურად ითამაშა.</p><p>მთავარი ამბავი ლიონელ მესის არყოფნა გახლდათ - ლაინსმენის შეურაცხყოფისთვის ლეო 4-მატჩიანი დისკვალიფიკაციით დასაჯეს. სასჯელი, ცოტა არ იყოს, არაადეკვატურია, ზედმეტად მკაცრი, მაგრამ ფაქტია, არგენტინა ბოლო ტურამდე ლიდერის გარეშე იქნება, ბოლო ტურში კი ეკვადორთან საგარეო შეხვედრაა და "ალბისელესტემ" ყველაფერი უნდა გააკეთოს, რომ იქამდე გაინაღდოს გასვლა, თორემ შეიძლება თავისიანებს მესიმაც ვეღარ უშველოს. პროგრამა-მინიმუმი ვენესუელასთან და პერუსთან საშინაო მატჩების მოგებაა.</p><p>წყალი შეუდგა ედგარდო ბაუსას, რომელმაც ისევ უცნაური გადაწყვეტილებები მიიღო. ბოლო მომენტში მომჯობინდა მისი ფავორიტი ლუკას პრატო და იგი ძირითადში მოხვდა. თუმცა ბაუსამ მესისა და დისკვალიფიცირებული გონსალო იგუაინის არყოფნაში არც ტრავმამოშუშებული პაულო დიბალა ათამაშა, არც პიპიტას ნაცვლად გამოძახებული ლუკას ალარიო და არც ესეკიელ ლავეცი.</p><p>სამაგიეროდ, ძირითადში მოხვდა ანხელ კორეა და შეცვლაზე შევიდა სერხიო აგუერო. ცალკე "იკარდისტები" არ ჩუმდებიან და მოკლედ, ვინ იცის, ბაუსა იმაზე ადრე წავიდეს, ვიდრე მესი დაბრუნდება. კულუარებში უკვე დაიწყეს საუბარი, ასეთი ნაკრებით მსოფლიოზე გასვლას მაინც არ აქვს აზრი და ბაუსას გაუშვებენ, ნაკრებში კი "სევილიაში" მომუშავე ხორხე სამპაოლის მიიწვევენო.</p><p>უშუალოდ მატჩს რაც შეეხება, პაბლო ესკობარის ჩაწოდებისას, დაცვაც ჩავარდა და სერხიო რომეროსაც დაკარგული ჰქონდა კარი, ხოლო ხუან კარლოს არსეს თავური მშვენიერი გამოდგა, კარისკენ ზურგით მდგომმა კეფით დაარტყა. მეორე ტაიმის დებიუტში მარსელო მორენო გამორჩათ და უმეთვალყურეოდ დატოვებულმა "ცხრიანმა" ბურთი მიიღო, დაამუშავა და ზუსტადაც გაისროლა.</p><p><a href="//fexburti/uckhouri-fekhburthi/mundiali-2018/102692-mch-2018-shesarchevi-samkh-amerika-mesis-4-matchi-da-argentina-katastrofis-piras-video.html" target="_blank">- <span style="color: #0000ff;">მჩ 2018. შესარჩევი. სამხ. ამერიკა: მესის 4 მატჩი და არგენტინა კატასტროფის პირას [VIDEO]</span></a></p><p><strong></p><p></strong> <p><div style="text-align: center;"><strong><span style="color: #ff0000;">* * *</span></strong></div></p> არგენტინელებს ის მაინც გაახარებდათ, რომ უშუალო კონკურენტმა ეკვადორმა, რომელთანაც "ალბისელესტეს" ბოლო ტურში სტუმრობა ელის, საშინაო მატჩი წააგო კოლუმბიასთან. ხოსე პეკერმანის ბიჭებმა ყველაფერი კლასის ხარჯზე გააკეთეს და 34-ე წუთზე უკვე 0:2-ს იგებდნენ, მთავარი ვარსკვლავების, ხამეს როდრიგესისა და ხუან კუადრადოს გოლებით.</p><p>ამ დუეტმა თანაგუნდელ იერი მინასთან ერთად კარგად წაიცეკვა ორივე გოლისას და მათ სხვებიც აჰყვნენ. ხამესმა საგოლე პასიც მიითვალა, თავად კი გატანისას ცოტა გაუმართლა. აუცილებლად აღვნიშნოთ ედვინ კარდონას კარგი თამაშიც. ის 24 წლისაა და თუ ასე გააგრძელებს, მალე ევროპაში ვიხილავთ.</p><p>როდესაც მასპინძლებს ლუის კაისედო გაუძევეს, ყველაფერი საბოლოოდ გადაწყდა. არადა, ეკვადორმა შესარჩევი ეტაპი შესანიშნავად დაიწყო. შანსს ეს ნაკრები ახლაც ინარჩუნებს, მაგრამ ძალიან რთული კალენდარი აქვს და ფაქტია, ბოლო დროს მოუკლო.</p><p><p><div style="text-align: center;"><span style="color: #ff0000;"><strong>* * *</strong></span></div></p> გადაჭედილი სტადიონის თვალწინ, ბოლოდროინდელი არადამაჯერებელი თამაშებითა და არადამაკმაყოფილებელი შედეგებით გაღიზიანებული ჩილე რომ შავ დღეში ჩააგდებდა ვენესუელას, ალბათ, არცთუ მოულოდნელი გახლდათ. თანაც, პიცის ბიჭებს თავიდანვე წაუვიდათ თამაში. ალექსის სანჩესმა "მონუმენტალზე" ბრწყინვალედ ითამაშა.</p><p>ამჯერად, ფორტუნამ "არსენალის" შემტევს ზურგი არ აქცია და მის მიერ შესაშურად შესრულებული საჯარიმო დარტყმისას ბურთი ხარიხას მოხვდა, მაგრამ არგენტინასთან მატჩისგან განსხვავებით, კარში ჩაეშვა. მერე ესტებან პარედესის ჯერი დადგა, რომელმაც დუბლი "გამოაცხო", ოღონდ სანჩესის დიდი დახმარებით და 22-ე წუთისთვის ანგარიში უკვე 3:0 იყო.</p><p>ამის შემდეგ ჩილელებმა ენერგია შემდეგი მატჩებისთვის შემოიტოვეს, მომენტებს მაინც ქმნიდნენ, მაგრამ ბურთი მეტოქესაც გააგორებინეს. სალომონ რონდონმაც თავურით ერთი გაქვითა, ეს იყო და ეს.</p><p><p><div style="text-align: center;"><span style="color: #ff0000;"><strong>* * *</strong></span></div></p> გაცოცხლდა პერუ - რაღაც შანსი რიკარდო გარეკას ბიჭებმა კიდევ დაიტოვეს მას მერე, რაც ურუგვაი პრინციპულ შეხვედრაში დაამარცხეს. არადა, კარლოს სანჩესის გოლით ოსკარ ტაბარესის ბიჭები წინ გავიდნენ, მაგრამ უბერებელმა პაოლო გერერომ მალევე გაათანაბრა, ხოლო შემდგომ წინგასულ პერუელებს დამხმარედ ურტავისკაია მოევლინათ, რომელმაც არბიტრს თავი გააგდებინა და ათი კაცით დარჩენილმა სტუმრებმა ვეღარაფერი გაახერხეს.</p><p>ლუის სუარესი იყო და მან საგოლე პასიც გააკეთა, მაგრამ მერე იყო გერეროს ოსტატური გოლი და საგოლე გადაცემა ედისონ ფლორესზე. ურუგვაელებმა ზედიზედ მესამე მატჩი წააგეს და წარმოიდგინეთ, რა გარემო იქნება მონტევიდეოში, როდესაც ტაბარესის გუნდი არგენტინას დაუხვდება - მაგარი თამაში გველის.</p><p><p><div style="text-align: center;"><span style="color: #ff0000;"><strong>* * *</strong></span></div></p> მივადექით ბრაზილიასაც, რომელიც უკვე 9-ქულიანი უპირატესობით გაიჭრა პირველ ადგილზე და მსოფლიოს ჩემპიონატზე მოხვედრაც ოფიციალურად გაინაღდა.</p><p>"სელესაო" ალბათ, პირველ ადგილსაც მალე გაინაღდებს ტურნირში. ტიტეს შეგირდებმა ამჯერად, პარაგვაისთან იფრინეს და მეტოქეს არანაირი შანსი არ დაუტოვეს. წინა ტურში ჰეთ თრიკის ავტორი პაულინიო ამჯერად, ორი საგოლე პასით გამოირჩა.</p><p>მან ჯერ ფილიპე კოუტინიოს გაატანინა, რომელთანაც კედელი გაათამაშა და ლივერპულელმა შორეული გამოზომილი დარტყმით დაბალ კუთხეში "ჩასვა" კარში ბურთი. მერე ნეიმარმა თავისივე გამომუშავებული საეჭვო პენალტი გააცუდა, მაგრამ ცოტა ხანში დიდებული სოლო-რეიდი დააგვირგვინა გოლით. ბოლოს კი მარსელომაც შეაგდო...</p><p><a href="/fexburti/uckhouri-fekhburthi/mundiali-2018/102717-mch-2018-shesarchevi-samkh-amerika-braziliam-rusethis-sagzuri-gainaghda-video.html" target="_blank">- <span style="color: #0000ff;">მჩ 2018. შესარჩევი. სამხ. ამერიკა: ბრაზილიამ რუსეთის საგზური გაინაღდა [VIDEO]</span></a></p><p><strong><em>ბოლივია-არგენტინა 2:0</p><p></em></strong>გოლები: 1:0 არსე (31), 2:0 მორენო (52)</p><p><strong><em>ეკვადორი-კოლუმბია 0:2</p><p></em></strong>გოლები: 0:1 ხ. როდრიგესი (20), 0:2 კუადრადო (34)</p><p>გაძევება: ლ. კაისედო (61. ეკვადორი)</p><p><strong><em>პერუ-ურუგვაი 2:1</p><p></em></strong>გოლები: 0:1 კ. სანჩესი (30), 1:1 გერერო (34), 2:1 ფლორესი (62)</p><p>გაძევება: ურეტა (76. ურუგვაი)</p><p><strong><em>ჩილე-ვენესუელა 3:1</p><p></em></strong>გოლები: 1:0 სანჩესი (5), 2:0 ე. პარედესი (7), 3:0 ე. პარედესი (22), 3:1 რონდონი (63)</p><p><strong><em>ბრაზილია-პარაგვაი 3:0</p><p></em></strong>გოლები: 1:0 კოუტინიო (34), 2:0 ნეიმარი (64), 3:0 მარსელო (86)</p><p>ბრაზილია (4-1-4-1): ალისონი - ფაგნერი, მარკინიოსი (46. ტ. სილვა), მირანდა, მარსელო - კაზემირო - კოუტინიო (87. ვილიანი), აუგუსტო, პაულინიო, ნეიმარი - ფირმინო (87. დ. სოუზა)</p><p>გამოუყენებელი პენალტი: ნეიმარი (53. ბრაზილია)</p><p>თ მ ფ წ ბ ქ</p><p>1. ბრაზილია 14 10 3 1 35-10 33</p><p>2. კოლუმბია 14 7 3 4 18-15 24</p><p>3. ურუგვაი 14 7 2 5 26-17 23</p><p>4. ჩილე 14 7 2 5 24-19 23</p><p>5. არგენტინა 14 6 4 4 15-14 22</p><p>6. ეკვადორი 14 6 2 6 23-20 20</p><p>7. პერუ 14 5 3 6 22-23 18</p><p>8. პარაგვაი 14 5 3 6 13-21 18</p><p>9. ბოლივია 14 3 1 10 12-32 10</p><p>10. ვენესუელა 14 1 3 10 17-34 6</p><p>ბომბარდირები: 9 - ედინსონ კავანი (ურუგვაი); 7 - ფელიპე კაისედო (ეკვადორი); 6 - არტურო ვიდალი (ჩილე), ნეიმარი (ბრაზილია), ალექსის სანჩესი (ჩილე); 5 - გაბრიელ ჟესუსი (ბრაზილია), ჯოზეფ მარტინესი (ვენესუელა), ხამეს როდრიგესი (კოლუმბია), პაოლო გერერო (პერუ).</p><p><strong>მომდევნო ტური</p><p></strong><span style="text-decoration: underline;">31 აგვისტო:</p><p></span>ჩილე-პარაგვაი, ბრაზილია-ეკვადორი, ვენესუელა-კოლუმბია, პერუ-ბოლივია, ურუგვაი-არგენტინა.</p><p><strong>ყოველდღიური სპორტული გაზეთი "ლელო"</strong></p>
გენო
ან ჩინელებმა ძალიან მაგარი ჩემპიონატი გააკეტეს ან ბრაზილიის საქმე წახდა ვგულისხმობ პალინიოს
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
მესი ნაკრების ბომბარდირი გახდა - არგენტინა ფრეს დასჯერდა [VIDEO]
ლეგენდარული მარიო ზაგალო გარდაიცვალა
სამშობლოში დაბრუნებულ კოლუმბიის ნაკრებს გულშემატკივრებმა დიდებული დახვედრა მოუწყვეს [VIDEO]
არტურო ვიდალი: მსაჯმა თამაში გააფუჭა
სკანდალი - ლეო მესი დაჯილდოებაზე არ გავიდა და აცხადებს, რომ არგენტინა ფინალში არ გაუშვეს
კოპა ამერიკა: ჩილემ კოლუმბიას მოუგო და ნახევარფინალში გავიდა
"სირცხვილია" - რონალდინიომ ბრაზილიის ნაკრები მიწასთან გაასწორა
ისევ დრამა - უმოტივაციო პორტუგალიამ წააგო, სამხრეთ კორეა გავიდა, ურუგვაი კი ჯგუფში ჩარჩა [VIDEO]
ლეგენდარული მენოტი გარდაიცვალა - მან თბილისის "დინამოს" ევროპის უძლიერესი გუნდი უწოდა
ვინისიუსის წინაპრები ტიკარის ტომის წარმომადგენლები ყოფილან
"ურუგვაის პენალტი წაართვეს" - BBC-ის ექსპერტები გუშინდელ მატჩზე
კარლოს კეირუში გაათავისუფლეს
"თამაში საშინელ სტადიონებზე გვიწევს, მსაჯები ჩვენს წინააღმდეგ არიან" - ვინისიუსი
მესის ჰეთ თრიქი და 2 საგოლე პასი - "ლა პულგას" ბენეფისი ბოლივიასთან [VIDEO]
ანჩელოტი ბრაზილიის ნაკრების მწვრთნელობას არ აპირებს
პორტუგალიამ ურუგვაის მოუგო და მერვედფინალშია - პირველი გოლი რონალდომ გაიტანა თუ ბრუნომ? [VIDEO]
კაცნაკლულმა ურუგვაიმ ბრაზილიას სძლია და კოპას 1/2-ფინალში გავიდა [VIDEO]
ვან გაალი: არგენტინის მსოფლიო ჩემპიონობა დაგეგმილი იყო
საგიჟეთი, 83 წუთის დაგვიანებით დაწყებული მატჩი, ტრავმის გამო ატირებული მესი და ლაუტაროს გამარჯვების გოლი [VIDEO]
ფიფამ დაასკვნა - რონალდოს გოლი არ გაუტანია
დი მარიამ სანაკრებო კარიერა დაასრულა
ჩილესა და კოლუმბიის ომი, გადმოტანილი მოედანზე [VIDEO]
მესიმ კარიერაში ყველაზე სწრაფი გოლი გაიტანა - არგენტინამ გაიმარჯვა
1973 წ. სსრკ-ს ნაკრები მუნდიალს მიღმა ფიფას ინგლისელმა ხელმძღვანელმა დატოვა, საბჭოელებმა არ ითამაშეს სტადიონზე, სადაც კონც. ბანაკი იყო [VIDEO]
არა შეჯდა მწყერი ხესა - არგენტინამ ამერიკის თასი წაგებით დაიწყო [VIDEO]
რა დროს ფეხბურთია, როდესაც ორგიაა - ვიდალი თანანაკრებელებთან ერთად გაერთო
მომენტი, რომელიც გულგრილს არავის დაგტოვებთ - ურუგვაის თავისი გმირი ჰყავს [VIDEO]