- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გაქცევა კანადაში: როგორ არ შეუშინდნენ ჩეხოსლოვაკიელი ჰოკეისტები სუკ-ის მუქარას
<p>როგორ გარბოდნენ სპორტსმენები საბჭოთა ბლოკის ქვეყნებიდან <br> 1976 წლის კანადის თასზე ყველანი მხოლოდ ჩეხოსლოვაკიის 19 წლის პლეიმეიკერზე პეტერ შჩასტნიზე ლაპარაკობდნენ.</p><p>"ის გახლდათ ტურნირის ყველაზე ახალგაზრდა მოთამაშე, ამათან, ყველაზე სახიფათო. რთული იყო წინასწარ მიხვედრა - რას მოიფიქრებდა შენ წინააღმდეგ. მხოლოდ ერთი წლის შემდეგ ვისწავლე მისი წაკითხვა გამოხედვის მიხედვით: თუ მე მიყურებდა, ვიცოდი, რომ კარში დაარტყამდა, სხვა შემთხვევაში, სწრაფი გარღვევისთვის ემზადებოდა", - იხსენებდა ლეგენდარული რუსი მეკარე ვლადისლავ ტრეტიაკი.</p><p>ძალასა და აღმაფრენას შჩასტნი ღვიძლ ძმებთან ერთად თამაშში პოულობდა: უფროს მარიანთან და უმცროს ანტონთან. 1977 და 1978 წლებში, ბრატისლაველმა ჯადოქრებმა ჩეხოსლოვაკიის ნაკრები მსოფლიოს ჩემპიონატში გამარჯვებამდე მიიყვანეს, 1979 წელს კი მშობლიურ "სლავიას" ქვეყნის ჩემპიონის ტიტული მოაგებინეს - აქამდე, ამ ტურნირში მხოლოდ ჩეხური გუნდები იმარჯვებდნენ.</p><p>ერთი წლის შემდეგ, პეტერმა "ოქროს ყვანჯი" მიიღო, როგორც ჩეხოსლოვაკიის საუკეთესო მოთამაშემ და ადგილობრივი ჰოკეის ხელმძღვანელებს განუცხადა, რომ ჰოკეის ეროვნულ ლიგაში (NHL) თამაში სურდა. ამის შემდეგ, ბიჭს სუკ-ში ტვინი გამოურეცხეს და კატორღაზე გაშვებას დაპირდნენ, თუ გონს არ მოეგებოდა.</p><p>სახლში დაბრუნებულმა შჩასტნიმ ჩემოდანში დამალული ქაღალდი ამოიღო, რომელზეც ტელეფონის ნომერი ეწერა. ეს ნომერი მას 1976 წელს, NHL-ის კლუბის "კვებეკ ნორდიქსის" ერთ-ერთმა მენეჯერმა მისცა . პეტერმა ძმებთან ერთად გაქცევის გეგმა შეიმუშავა.</p><p>ნახევარი წლის შემდეგ, შჩასტნი "სლოვანთან" ერთად ევროპის თასზე სათამაშოდ ავსტრიის ქალაქ ინსბრუკში გაემგზავრა. იქ ღამით სასტუმროდან გაიპარა და კანადაში დარეკა. უკვე მომდევნო დღეს, ინსბრუკში "კვებეკის" პრეზიდენტი მარსელ ობუტი ჩაფრინდა და პეტერს ყველაფერზე მოელაპარაკა.</p><p>ტურნირის ბოლო მატჩის შემდეგ, პეტერ და ანტონ შჩასტნებმა გუნდის ავტობუსს გვერდზე ჩაუარეს და ობუტის "მერსედესში" ჩასხდნენ, სადაც უკვე ელოდათ პეტერის მერვე თვეში ფეხმძიმე მეუღლე. მარიანმა გაქცევაზე უარი თქვა, რადგან ცოლი და სამი შვილი ბრატისლავაში დარჩნენ - თან არ იახლა ისინი, რათა ჩეხოსლოვაკიის სპეცსამსახურები არაფერს მიმხდარიყვნენ.</p><p>"ეს იყო ყველაზე საშინელი საათები ჩემს ცხოვრებაში, - აღიარა პეტერმა. - ბევრი დრო დავკარგეთ იმის გამო, რომ ანტონს, რომელიც ცენტრალურ მოედანზე უნდა დაგვლოდებოდა, გზა აებნა. საბედნიეროდ, ვიპოვნეთ ის და სასწრაფოდ, ვენაში წავედით".</p><p>ორი ძმა მშვიდობიანად ჩაფრინდა კვებეკში, მარიანის ცხოვრება კი კოშმარად იქცა. ის ჩამოაშორეს ჰოკეის, წაართვეს ყველა პრიზი, არ იღებდნენ სამსახურში... აგრეთვე, აიძულეს საჯაროდ დაეგმო ძმების საქციელი. ეს იმისთვის იყო საჭირო, რომ ციხეში არ მოხვედრილიყო. დისკომფორტი შეექმნათ ჰოკეისტების მშობლებსაც: ისინი ახალი ბინიდან უკან კომუნალურში დააბრუნეს.</p><p>არადა, შჩასტნები ნახევარი ცხოვრება იდგნენ ახალი ბინის რიგში. მარიანი და ნათესავები იმ ფულით ცხოვრობდნენ, რომელსაც მათ მალულად პეტერი და ანტონი უგზავნიდნენ. მხოლოდ წელიწადნახევრის შემდეგ, უფროსმა ძმამაც შეძლო კანადაში გაქცევა. მარიანმა მეგობრების დახმარებით დატოვა რესპუბლიკა ოჯახთან ერთად - იუგოსლავიისა და ავსტრიის გავლით.</p><p>შჩასტნები გაერთიანდნენ და NHL-ის ისტორიაში ძმების პირველი შემტევი ტრიო შექმნეს. მათი დახმარებით, "კვებეკი" აუთსაიდერიდან ლიგის ერთ-ერთ ლიდერად გადაიქცა: გუნდი ზედიზედ შვიდჯერ გავიდა პლეი ოფში. ძმები შთამბეჭდავ ურთიერთშეთამაშებას აჩვენებდნენ და ფანტასტიკურ შოუს დგამდნენ.</p><p>"როცა ისინი ერთად იყვნენ მოედანზე, შესანიშნავი მუსიკა მესმოდა - იმდენად კარგად დირიჟორობდა პეტერი", - აღფრთოვანებული იყო ობუტი. პირველ სეზონში პეტერმა NHL-ის რეკორდი გააუმჯობესა ახალბედებისთვის (109 ქულა), სულ კარიერაში კი 1239 ქულა (450+789) დააგროვა. ის მეოთხე მოთამაშეა, ვინც 10 წელიწადში შეძლო 1000 ქულა აღება. 1994 წელს, პეტერი NHL-ის დიდების დარბაზში შეიყვანეს.</p><p>შჩასტნიმ აღიარა, რომ ანტონისა და მარიანის გარეშე (მათ NHL-ში პოტენციალის ბოლომდე გამოვლენაში ტრავმებმა შეუშალეს ხელი), ვერასოდეს მიაღწევდა ასეთ მაჩვენებლებს. 1984 წელს, ძმებს შორის ყველაზე ნიჭიერმა კანადის მოქალაქეობა მიიღო, ამ ქვეყნის ნაკრებში ითამაშა კანადის თასზე ჩეხოსლოვაკიის ნაკრების წინააღმდეგ და გოლიც გაიტანა.</p><p>როცა მან ეს გააკეთა, საბჭოთა ტელეკომენტატორებმა მისი გვარი არ დაასახელეს - მხოლოდ სათამაშო ნომერი ახსენეს. "რკინის ფარდის" დაცემის შემდეგ, 37 წლის შჩასტნიმ კარიერაში მესამე ნაკრების რიგებში ითამაშა: 1994 წელს, ლილეჰამერის ოლიმპიადაზე სლოვაკეთის ნაკრების დროშა მიჰქონდა და მოედანზეც ისე გამოიყურებოდა, როგორც თავის საუკეთესო წლებში.</p><p>შემდეგ, პეტერი რამდენიმე წელი "სენტ ლუის ბლუზის" მენეჯერად მუშაობდა, ამ საუკუნის დასაწყისში სლოვაკეთში დაბრუნდა და პოლიტიკური კარიერა დაიწყო. ყოფილმა ჰოკეისტმა საკუთარი თავი ადამიანის უფლებების დაცვას მიუძღვნა.</p><p>შჩასტნი სლოვაკეთში დემოკრატიულ და ქრისტიანულ კავშირში შევიდა, რომლის სახელითაც უკვე 10 წელია ევროპარლამენტის წევრია. 2014 წელს, ის მსოფლიოს ჩემპიონატის ბელარუსში ჩატარების წინააღმდეგ გამოდიოდა: პეტერი ირწმუნებოდა, რომ დაუშვებელია ლუკაშენკოს დიქტატორული რეჟიმის წახალისება.</p><p>შჩასტნის სამი შვილი ჰყავს. ქალიშვილი დარინა დანტისტად მუშაობს, ორი ვაჟი კი ცნობილი ჰოკეისტები გახდნენ. იანი "ბოსტონსა" და "სენტ ლუისში" თამაშობდა, დღეს კი თავისუფალი აგენტია, პოლმა ჯერ "კოლორადოში" ითამაშა, შემდეგ კი 28 მილიონ დოლარად შეფასებული ოთხწლიანი კონტრაქტი გააფორმა "სენტ ლუისთან".</p><p>სხვადასხვა დროს, ორივენი თამაშობდნენ აშშ-ის ნაკრებში - პირველი შემთხვევა მსოფლიოში, როცა ერთი ოჯახის წარმომადგენლები ოთხი ეროვნული ნაკრების შემადგენლობაში გამოდიოდნენ. 2010 წელს, პოლმა ვანკუვერის ოლიმპიადაზე ვერცხლის მედალი მოიგო.</p><p>ძმები შჩასტნების გაქცევამ კარიერის განვითარებისთვისა და შვილების მომავლისთვის შეცვალა მათი თანამემამულეების მენტალობა.</p><p>აღმოსავლეთ ევროპის ქვეყნებში ტოტალიტარული რეჟიმების დაცემა, ნაწილობრივ, სწორედ ისეთი თამამი ადამიანების დამსახურებაა, როგორებიც იყვნენ პეტერი, ანტონიო და მარიანი - საზოგადოებამ მიიღო სიგნალი იმის შესახებ, რომ თავისუფლებისთვის ბრძოლა შეიძლება იმის მიუხედავად, რა საქმით ხარ დაკავებული.</p><p><strong>ყოველდღიური სპორტული გაზეთი "ლელო"</strong></p>
-
ბმბ
ჩეხოსლოვაკია 76-77 წლებში გახდა მსოფლიო ჩემპიონი, მართლა მაგარი გუნდი ჰყავდათ, 78 ში პრაღაში ტარდებოდა ჩემპიონატი და სსრკ-ს ორი ბურთის სხვაობით უნდა მოეგო ბოლო თამაში, ის მატჩი 3-1 დასრულდა სსრკ-ს სასარგებლოდ, ფანტასტიური თამაში იყო, რა ვქნა, სსრკ-ში ვცხოვრობდი და სადაც ვცხოვრობდი იმ ქვეყანას ვგულშემატკივრობდი, მაშინ ვერავინ საზღვარგარეთ ვერ მიდიოდა და შემადგენლობები ჰყავდათ ჩეხებსაც და რუსებსაც სასწაული, მახაჩი, ჰოლეჩეკი, პოსპიშილი, ნოვი, მარტინეცი, შჩასტნები, გლინკა... რუსებს ტრეტიაკი, ხარლამოვი, ბალდერისი, იაკუშევი, მალცევი, პეტროვი, ვასილიევი... ფაქტიურად ყველა სუპერვარსკვლავი იყო
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ