რომაული დერბის გამოძახილი: იმპერატორის ბოლო დერბი?

ასე ემშვიდობება "ოლიმპიკო" ფრანჩესკო ტოტის სიმონე ინძაგიმ ბოლოს მაინც აჯობა დანიელე ორსატოს. "ლაციომ" სავსებით დამსახურებულად მოიგო რომაული დერბი. კიდევ ერთი კარგი ტაქტიკური ლექცია პიაჩენცაში დაბადებული მწვრთნელისგან. და რას აკეთებდა ამ დროს "რომა"?"რომა" საერთოდ არ იყო მინდორზე. ძალიან ძნელია, გუნდი უწოდო ფეხბურთელთა ჯგუფს, რომელიც მინდორზე მხოლოდ მოვალეობის მოხდის მიზნით გამოდის."ისინი ძალიან პასიურები არიან და ნელები" - ასე დაახასიათა გუნდის თამაში ალდო სერენამ, ვინც მატჩის წაყვანაში ეხმარებოდა ერთ-ერთ ტელეარხზე პიერლიუჯი პარდოს. ეს დახასიათება სერენამ "რომას" გარჯას ჯერ კიდევ შესვენებამდე მისცა.არ იყო ის, რის ხარჯზეც ამ ბოლო დროს რომაული კლუბი გადის ფონს - სალაჰის სისწრაფე, რუდიგერის ჩაწოდებები, ნაინგოლანის ემოციები, დე როსის "ვერტიკალური" პასები. ეს არის ყოველივე ის, რასთანაც ასოცირდება მარადიულ ქალაქში ლუჩანო სპალეტის დაბრუნება.ვინ თქვა, რომ გენიოსს ყოველთვის ყველაფერი გენიალური გამოსდის? მაშინ ცხოვრებაში ერთ შედევრს მეორე მოჰყვებოდა. ამ შეხვედრაში საჩვენებელი იყო ერთი მომენტი. "ჯალათ" ლულიჩს უკვე გაკეთებული ჰქონდა თავისი საქმე. მას უკვე შეესრულებინა თავისი "მკვლელი" პასი. მატჩის დასრულებამდე სულ რამდენიმე წუთი რჩება. "რომა" შეტევას იწყებს. თამაშის შედეგს ვერაფერი შეცვლის. "რომას" აქვს ერთადერთი შანსი - შეძლოს და საჩუქარი გაუკეთოს მის დიდ კაპიტანს, ლეგენდარულ ფრანჩესკო ტოტის, ვისთვისაც ეს, დიდზე დიდი ალბათობით, ბოლო დერბია.სიმონე ინძაგი მინდვრის კიდეზე დგას და განწირული ხმით მოუწოდებს შეგირდებს, კიდევ ერთი, დამატებითი დაცვითი ეშელონი ააგონ "რომას" შემტევების წინაშე. ინძაგი მზადაა, ემოციისგან მოკვდეს. ამ დროს კი მისი კოლეგა ძალიან მშვიდად დგას. დგას უდრტვინველი სახით, ჯიბეში ხელებჩაწყობილი.არადა, თამაშის წაგება ერთი მხარეა და მეორე მხარეა ბრძოლა ფრანჩესკოს ღირსებისათვის. რას-რას და, ის ასეთ გაცილებას ნამდვილად არ იმსახურებს. არაფერი ამის მსგავსი. მწვრთნელი ბედსაა შეგუებული და, რა გასაკვირია, რომ ფეხბურთელებიც ასე იყვნენ.ტოტის გარშემო ტრიბუნებზე ნაღდი სიგიჟეა. "რომას" ქომაგები მის სახელს გაჰყვირიან. მთავრდება თამაში და იტალიური პრესისა თუ ტელევიზიის მთავარი თემა სწორედ ტოტია. ითამაშებს თუ არა იგი კიდევ ერთ დერბის? გაგრძელდება თუ არა მისი კონტრაქტი კლუბთან? ესაა დიდი გაზეთების მთავარი სათაურები. ამ კითხვით იწყებენ ზეპოპულარულ იტალიურ შოუებს მათი წამყვანები.ტოტი მინდორზე გამოდის. კამერა "რომას" ქომაგ გოგონას აჩვენებს, რომელიც ტირის. გულს ვერ მოატყუებ. გული გრძნობს, რომ დასასრული ახლოსაა. წასვლის თაობაზე აზრს ალექს დელ პიეროსაც ეკითხებიან. დელ პიერო მწარედ იღიმება. მან იცის, რომ კლუბების პრეზიდენტებზე საშინელი ხალხი არ არსებობს. ისინი ყველაფერზე არიან წამსვლელები. საკუთარ მაგალითზე იცის.ზუსტად 25 წელი გავიდა მას შემდეგ, რაც ტოტის "რომაში" დებიუტი ჰქონდა. ამ დროის განმავლობაში მას ათასჯერ მაინც შეეძლო, დაეტოვებინა მშობლიური ქალაქი და მშობლიური კლუბი. მან ეს არ გააკეთა არანაირი ფულისათვის. არადა, რომ წასულიყო, იმდენ ტიტულს მოიგებდა, თვით ფაბიო კაპელოსაც კი გააკვირვებდა.ფეხბურთელი დიდი გულით და დიდი შესაძლებლობებით, რომელიც კარგი იყო ყველგან, სადაც კი მწვრთნელები დააყენებდნენ. ასე განსაჯეთ, ზდენეკ ზემანის ფორმაციაშიც, სადაც მას მისთვის აბსოლუტურად უცხო ფლანგის ფორვარდის როლი ეკისრებოდა.რით დაგვამახსოვრდება ტოტი? დიდებული თამაშითა და მხოლოდ მისთვის დამახასიათებელი ჟესტებით. აწეული ხელით, რომელიც ნიშნავს გამარჯვებას. მთელი თავისი კარიერის განმავლობაში ტოტი ძალიან ხშირად უნაყოფოდ იბრძოდა ტიტულებისათვის, მაგრამ თავისი არსით ის ყოველთვის გამარჯვებული იყო.როგორ გინდა, არ გაიხსენო ახალგაზრდა ტოტი, რომელიც მართლაც რომ ლომივით იბრძოდა ჰოლანდიის ნაკრების წინააღმდეგ და ბოლოს და ბოლოს, მაინც გაუტანა ედვინ ვან დერ საარს.მასთან ერთად დასრულდება იტალიის ჩემპიონატის დიდი ეპოქა. ის საკულტო ფეხბურთელებიდან ჯიჯი ბუფონთან ერთად შემორჩა ლიგას, რომელიც ვარსკვლავებით ბოლო დროს ისეთი მდიდარი აღარ არის, როგორც ადრე იყო.ის მხოლოდ "რომას" კი არა, მთელი იტალიის ჩემპიონატის ერთგვარი სიმბოლოც გახდათ. დიდი ალბათობით, ის მალე კარიერას დაასრულებს.დავიტოვოთ იმედი, რომ "იმპერატორისათვის" ეს არ იქნება ბოლო დერბი. გულის სიღრმეში მაინც დავიტოვოთ. ის უბრალოდ არ იმსახურებს ასეთ ფინიშს.ყოველდღიური სპორტული გაზეთი "ლელო"

გიგა

იტალიური ფეხბურთის საუკეთესო და უკანასკნელი რომანტიკოსი, სამწუხაროა ასე დრამატულად რომ მიდის..
opaa

ბაჯოს მერე ტოტიზე დიდი ფეხბურთელი იტალიას არ ყოლია. დელ პიერო ძაან მაგარი იყო მაგრამ ტოტი ბევრად კლასნი იყო ბოლობოლო ლიდერი იყო ყველგან!
ნუკრი

ტოტიმ რო გააკეთა იმას ვინმე არ გააკეთებს რეალს და სხვა დიდ გუნდებს უნდოდათ ფულსაც მეტს სთავაზობდნენ მაგრამ მაინც არ წავიდა. სჰენ ეტყობა ტოტის ტამასჰებს არ გაქვს ნაყურები და მაგიტო ლაპარაკობ ეგრე. ტორე დელპიეროზე არაფრიტ არ იყო ნაკლები გარდა ტიტულისა და კარგი გუნდისა.
ნიკა

ტოტი! პირადად მე დამამახსოვრდება თავისი არასპორტული საქციელით, სიმულიანტი იყო და მეტი არაფერი. ისეთი დიდი ფეხბურთელის გვერდით არც უნდა ახსენონ როგორიც დელ პიერო არის

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

დე ლაურენტისი კონტეს ნაკრებში გაშვებაზე თანახმაა - რას მოითხოვს სანაცვლოდ?

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

კვერნაძის 74 წუთი და "ფროზინონეს" მორიგი გამარჯვება

[VIDEOS] გულიაშვილმა ესპანეთში დუბლი შეასრულა

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

18 წ. | 3 ლელო საფრანგეთთან

"მამარდაშვილი მთავარი დამნაშავე არ არის" - ინგლისური მედია

გოჩოლეიშვილი შეცვლაზე და "ჰამბურგის" ფრე "აუგსბურგთან"

"რეალში" რომ მეთამაშა, "ოქროს ბურთს" მოვიგებდი" - ფრანჩესკო ტოტი

"მათ ეს დაგვიმტკიცეს" - ტოტიმ პსჟ-ზე ისაუბრა

მამარდაშვილზე უარის მიღების შემდეგ, "ბეშიქთაშმა" კოლუმბიელი მეკარე დაიმატა

[VIDEO] ფრე "რომასთან" - "მილანი" 21 მატჩში დაუმარცხებელია

დაბრუნება სამშობლოში? - დიბალას ცნობილი არგენტინული გუნდი ეპატიჟება

ევროპა ლიგის 1/8 ფინალური ეტაპის წილისყრის შედეგები ცნობილია

"დიბალა თუ ლაუტარო?" - ტოტის არჩევანი გაგაოცებთ

ტოტიმ დაადასტურა - ლეგენდარული იტალიელი "რომას" უბრუნდება

ფრანჩესკო ტოტის ვაჟმა 19 წლის ასაკში კარიერა დაასრულა

"პოლიტიკოსი არ ვარ... თუ ეს მოხდება, მოსკოვში აღარ ჩავალ..." - ტოტიმ 8 აპრილს რუსეთში დაგეგმილ ვიზიტზე ისაუბრა

[VIDEO] ალისონმა "ნაპოლი" "რომასთან" წაგებას გადაარჩინა