<p>საქართველოს კალათბურთელთა ნაკრები მთავარი მწვრთნელი შემადგენლობის გამოცხადება არ ეჩქარება <br> შარშან ამ დროს, საქართველოს საკალათბურთო სუპერლიგის ნახევარფინალებს ესწრებოდა ეროვნული ნაკრების მთავარი მწვრთნელი ილიას ზუროსი. იგი ამჯერად საბერძნეთიდან ადევნებს თვალს საქართველოში მიმდინარე მოვლენებს, ჩამოსვლას ვერ ახერხებს. რატომ? - ეს ერთი შეკითხვა.</p><p>ევრობასკეტის შესარჩევი ეტაპის დასრულების შემდეგ გვითხრა: საქართველოს ნაკრებში მომავალ წელს ახალ სახეებს უნდა ელოდეთო. ვის? - ეს მეორე შეკითხვა.</p><p>ევროპის ჩემპიონატისთვის მზადებას გუნდი თვე-ნახევარში შეუდგება. მოსამზადებელი გეგმაც მოხაზულია. კმაყოფილია? - ეს მესამე შეკითხვა.</p><p>მეოთხე კითხვა ცხელ-ცხელია - 7 მაისს დასრულებულმა წილისყრამ მსოფლიოს თასის შესარჩევზე ქართველებს სერბეთი, გერმანია და საკვალიფიკაციომოვლილი გუნდი გვარგუნა. რას უნდა ველოდეთ?</p><p>მოკლედ, შეკითხვები საკმარისადაა. პასუხს კი მთავარ მწვრთნელ ილიას ზუროსზე უკეთ ვერავინ გაგვცემს. მას საბერძნეთში დავუკავშირდით, ქართველი მკითხველისთვის საინტერესო თემებზე ვესაუბრეთ.</p><p>ინტერვიუ კი მისი ჯანმრთელობის მდგომარეობით დავიწყეთ.</p><p>- ახლა უკვე კარგად ვარ. ბარძაყის ძვლის ანთება მქონდა, სერიოზულად მაწუხებდა. ექიმებთან კონსულტაციის შემდეგ გადაწყდა, ოპერაცია გამეკეთებინა. სხვა გამოსავალი არ იყო. ამიტომაც მომიწია სეზონის დასრულებამდე მონტენეგროს "ბუდუჩნოსტის" დატოვებამ.</p><p><strong>- ოპერაცია სად გაიკეთეთ?</p><p></strong>- საბერძნეთში, აქაურ კლინიკაში. კარგი ექიმი მყავს, აღდგენით კურსსაც მისი მითითებით გავდივარ. მკურნალობა გეგმურად მიმდინარეობს.</p><p><strong>- როდისთვის ვარაუდობენ სრულად გამოჯანმრთელებას?</p><p></strong>- დიდი დრო აღარ დარჩა. საქართველოს ნაკრების ოფიციალური შეკრების დაწყებამდე მწყობრში ვიქნები.</p><p><strong>- ევრობასკეტი 2017-ისთვის შემადგენლობას როდის დაასახელებთ?</p><p></strong>- თვალს ვადევნებ ქართველი ლეგიონერების თამაშს, გარკვეული მონახაზი მაქვს, თუმცა აჩქარებას არ ვაპირებ. შარშან საქართველოში რამდენიმეჯერ ჩამოვედი და სუპერლიგის მატჩებს დავესწარი. წლეულს, სამწუხაროდ, ამას ვერ მოვახერხებ, რადგან ოპერაციის შემდეგ ექიმები თვითმფრინავში ასვლისა და ფრენის უფლებას არ მაძლევენ. თუმცა სუპერლიგას რეგულარულად ვადევნებ თვალს, ინტერნეტის დახმარებით ვცდილობ ყველა მოვლენის საქმის კურსში ვიყო და არ გამომრჩეს სანაკრებოდ საინტერესო კალათბურთელების თითოეული ნაბიჯი.</p><p>შემადგენლობის დასახელებამდე კონსულტაციებს გავივლი სამწვრთნელო შტაბის წევრებთან, რომლებიც საქართველოში მუშაობენ. ასევე დავეკითხები სხვადასხვა გუნდის მწვრთნელებს.</p><p>სწორედ ასე მოვიქეცი შარშანაც. რაც შეეხება შეკითხვას, გაფართოებულ შემადგენლობას სუპერლიგის პლეი ოფის დასრულების შემდეგ გამოვაცხადებთ.</p><p><strong>- ევრობასკეტისთვის მოსამზადებელი გეგმით რამდენად კმაყოფილი ბრძანდებით?</strong></p><p>- ფედერაციის წარმომადგენლები ბევრს მუშაობდნენ, რომ სრულყოფილი გეგმა შეგვემუშავებინა. საბოლოოდ ყველაფერი კარგად მოიხაზა. ბევრი რამ იქამდე გაირკვა, ვიდრე ევრობასკეტის წილისყრა ჩატარდებოდა. ამიტომ, გარკვეული კორექტივები ახლაც ხორციელდება. ეს ჩვეულებრივი სამუშაო პროცესია. მთავარია, რომ გუნდს ყველა პირობა ექნება ევრობასკეტისთვის სრულფასოვნად მოსამზადებლად. კიდევ უფრო მნიშვნელოვანია კალათბურთელთა ჯანმრთელობა, ვინ როგორ შეხვდება მოსამზადებელ ეტაპს.</p><p><strong>- მანუჩარ მარკოიშვილისა და ვიქტორ სანიკიძის შესახებაც გექნებათ ინფორმაცია.</p><p></strong>- რა თქმა უნდა. ოპერაციის შემდეგ ორივემ განაახლა ვარჯიში და ყველას იმედი გვაქვს, რომ შეკრების დაწყებამდე სრულ მზადყოფნაში იქნებიან.</p><p><strong>- ახლახან დასრულდა მსოფლიოს ჩემპიონატის შესარჩევი ეტაპის წილისყრა. რამდენად კმაყოფილი ბრძანდებით?</p><p></strong>- მართალია, ჯერ არ ვიცით მეოთხე გუნდის ვინაობა, მაგრამ უნდა ითქვას, ძლიერ ჯგუფში მოვხვდით. სერბეთი და გერმანია სერიოზული გუნდებია. თუმცა, საინტერესოა, როგორ იმოქმედებს ნაკრებებზე მსოფლიოს თასის შესარჩევი ეტაპის ახალი სისტემა.</p><p>მატჩები ნოემბერში, თებერვალსა და ივნისში გაიმართება. შუა სეზონში გამოუშვებენ კალათბურთელებს NBA-ს გუნდები? ამის გამო ევრობასკეტის შემდეგ ნაკრებები შესაძლოა, რადიკალურად შეიცვალოს. მაგალითისთვის სერბეთი ავიღოთ: ლაპარაკია ტეოდოშიჩისა და ბოგდანოვიჩის NBA-ში გადასვლაზე. თუ ასე მოხდა, ვინ შეცვლის მათ?</p><p><strong>- მსგავსი შეკითხვა, შესაძლოა, საქართველოს ნაკრების მიმართაც დაისვას, რადგან გაჩნდა ინფორმაცია თორნიკე შენგელიას ნაციონალურ საკალათბურთო ასოციაციაში დაბრუნებასთან დაკავშირებით...</p><p></strong>- სერბეთის მაგალითი იმიტომ მოვიყვანე, რომ არ მინდოდა, საქართველოს ნაკრებზე მელაპარაკა. სადღეისოდ ამ თემაზე მსჯელობა ნაადრევია. მანამდე ევრობასკეტია.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
qutaiseli
ვინ უნდა გამოსცადოს და სერბეთში როა ბიწაძე და რა თქმაუნდა ყველა ის ახალგაზრდა რომელსაც ფედერაცია სახელმწიფო პროგრამით აფინანსებს უცხოეთში აგერ უკვე სამი წელია.უნდა დამთავრდეს ნაკრებში ტურისტების ყოფნა ეგარი რეალობა და ვისაც ესეთი მიდგომა არ მოწონს ეს მისი პირადული პრობლემაა და მეტი არაფელი.თუ კაცი მთელი თამაშის განმავლობაში ორქულასაც ვერ აგროებს ის რა სარგებლობას მოუტანს გუნდს არანაირს გადახედეტ დღევანდელ თანამედროვე კალათბურთს და დაინახავთ რომ ყველა წამყვან ქვეყნებს მეორე ხუთეული ნორმალური ყავს თუ ვარსკვლავური არა უკალათო კალათბურთი მე არ გამიგონია მარტო ბურთის ბაკუნით თამაშს დღეს არავინ იგებს.და თუ ამ პროგრამით ნაკრები შევსებას ვერ იღებს ისუნდა შეწყდეს ან უნდა გადაიხედოს.
kn
შოთა გუგეშაშვილო ნეტა შენ კალათბურთის რა გაგეგება. როდისმე თუ გითამაშიაკალათბურთი.
შოთა გუგეშაშვილი
მეც გამიგია მამუკელასვილსე მაგრამ მგონი ქარტული პასპორტი არ აქვს
გიო
სანდრო მამუკელაშვილს ზუროსი შარშანაც აკვირდებოდა. მისი მატჩების ვიდეოჩანაწერებს უგზავნიდნენ. არცევანი დიდი ნამდვილად არ არის. თუ ვინმე გამოჩნდა, ყველას გასინჯავენ. რაც შეეხება ანატოლი ბოისას, ის ბრწყინვალედ ასრულებს მწვრთნელის დავალებებს. ბოისა არის მცველი, შეტევების ჩამშლელი და მისი ფუნქცია ქულების დაგროვება არ არის. ზაქრაძესა და ბექაურზე უკეთესები თუ გამოჩნდნენ, აუცილებლად აიყვანენ, მაგრამ სად არიან? ერთიც მინდა ვთქვა. საქართველოს ჩემპიონატის თამაშებზე დასწრება უფასოა, მიუხედავად ამისა, თბილისში, სადაც მატჩების 80% ტარდება, მაყურებელი საერთოდ არ დადის. დიახ, დარბაზი სრულიად ცარიელია. არ ვიცი, ეს რაზე მეტყველებს. მით უმეტეს, ასეთი მაღალი დონის ჩემპიონატი, როგორიც ბოლო 2-3 წლის განმავლობაშია, არ გვქონია. პირობებიც კარგია, როგორც სპორტსმენებისთვის, ისე მაყურებლისთვის.
niko
ყველას სჯობს სანდრო მამუკელაშვილი დაამატონ, სიმაღლეც აქვს, ცაციაა, კარგი დრიბლინგიც აქვს და 3 ქულიანებსაც კარგად ყრის. უდიდესი ტალანტია რომელიც ალბათ კოლეჯის 2 წლის მერე ნბა-ში გადავა თუ რამე ტრამვა არ შეემთხვა. სეტონ ჰოლი აირჩია კოლეჯად.
შოთა გუგეშაშვილი
ახალი სახე კარგია მაგრამ ბექაური და ზაქრაზის ნაირები არ სეიზლება ბოისაც ტყუილა აცდენს ადგილს ნაკრებსი
შედეგმაც არ დააყოვნა - საქართველოს ნაკრები უკვე ფიბას ოცეულშია
[VIDEO] ზღაპრული თავგადასავალი დასრულდა - საქართველოს ნაკრები ფინეთთან დამარცხდა და ევრობასკეტს გამოეთიშა
პირველი ტაიმის შემდეგ საქართველოს ნაკრები ფინეთთან 17 ქულით მარცხდება
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
შენგელიას გარეშე - საქართველოს ნაკრებმა პოლონეთში ივარჯიშა
ანდრონიკაშვილის ტრავმა სერიოზული არ აღმოჩნდა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
ცნობილი გახდა თორნიკე შენგელიას ნაკრებში არყოფნის მიზეზი
ილიას ზუროსმა ბერძნული გუნდი ჩაიბარა
საქართველოს ნაკრები ჩეხეთან 20 ქულით დამარცხდა
საქართველოს ნაკრები ისტორიულ მსოფლიოზე - კარგი და ცუდი, გამოსასწორებელი და "გამოუსწორებელი" - თაობათა ცვლა ისევ ზუროსთან ერთად?!
[VIDEO] უკვე უკეთ, მაგრამ მაინც წავაგეთ. პოლონეთი - საქართველო 94:89
ეროვნულ ნაკრებში ილიას ზუროსის ერა დასრულდა!
"მუდამ ქართული კალათბურთის მნიშვნელოვანი ნაწილი იქნებით" - შენგელია ზუროსს გულთბილად დაემშვიდობა
ზუროსი: ახლა თავს უფრო ქართველად ვგრძნობ, ვიდრე ბერძენად
ზუროსი: შედეგი ისტორიულია - ოლიმპიადის საკვალიფიკაციო ტურნირშიც მივიღებთ მონაწილეობას