- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
U20. მსოფლიოს ჩემპიონატი: პირველად 1966 წლის მერე...
<p>დომინიკ სოლანკე მარადონას, მესის და პოგბას გზაზე <br> ფეხბურთის 4 950 წუთი, 52 მატჩი, 140 გოლი, 24 გუნდი, ორი ფინალისტი და ერთი ჩემპიონი - … კორეაში ჩატარებული მსოფლიოს 20-წლამდელთა ჩემპიონატი დრამატულად და საინტერესოდ წარიმართა.</p><p>სუვონში ინგლისის ნაკრები გაჩემპიონდა, ამ ნაკრებს კი ეს ტურნირი აქამდე არასოდეს მოეგო. მეტიც, ინგლისის არც ერთი ასაკობრივი ნაკრები 1966 წლის დიდი ტრიუმფის მერე მსოფლიო ჩემპიონატებზე ფინალებში არ გასულა. და, აი, 51-წლიანი უტიტულობა "პატარა ლომებმა" დაასრულეს. 3-კვირიანი თავგადასავალი ინგლისელებმა ფინალში ვენესუელასთან გამარჯვებით დაასრულეს.</p><p>შეხვედრის ერთადერთი გოლი დომინიკ ნათანიელ კალვერტ-ლიუინმა გაიტანა, რომელიც "ევერტონის" ახალგაზრდა ტალანტია. იგი "კანფეტებმა" 2016 წელს "შეფილდ იუნაიტედიდან" დაიმატეს. მან მთელი ტურნირი საკმაოდ მაღალ დონეზე ჩაატარა, თუმცა მთავარი ვარსკვლავი მაინც "ჩელსიდან" "ლივერპულში" გადასული დომინიკ სოლანკე გახლდათ. მოკლედ, დომინიკების კარგი თამაშით "პატარა ლომებმა" იმარჯვეს და ხუმრობით შეგვიძლია მათ "დომინიკანელებიც" ვუწოდოთ.</p><p><strong>ჩემპიონი</p><p></strong>სიმართლე ითქვას, ინგლისის ნაკრები ფავორიტად არ მიიჩნეოდა, მაგრამ გუნდმა თავისი ქვეჯგუფი, რომელშიც მასპინძელი სამხრეთი კორეა, არგენტინა და გვინეა იმყოფებოდნენ, 7 ქულით მოიგო. მეორეზე კორეელები გავიდნენ. 20-წლამდელთა მსოფლიო ჩემპიონატის ყველაზე ხშირი გამარჯვებული არგენტინა მესამეზე გავიდა, ხოლო გვინეელები - მეოთხეზე. შემდგომ "პატარა ლომებმა" ნელ-ნელა მოუმატეს და მშვენიერი თამაში შემოგვთავაზეს.</p><p>უპირველეს ყოვლისა, უკვე ნახსენები სოლანკე უნდა გამოვარჩიოთ, რომელმაც ტურნირის "ოქროს ბურთი" მოიპოვა. იგი დამსახურებულად აღიარეს საუკეთესოდ. მეკარე ფრედი ვუდმენიც დამაჯერებლად გამოიყურებოდა და "ოქროს ხელთათმანები" დაიმსახურა. დაცვაც საიმედო გახლდათ და მოკლედ, მწვრთნელ პოლ სიმპსონს დაბალანსებული გუნდი ჰყავდა, რომელმაც მთელი ტურნირი მშვენივრად ჩაატარა.</p><p>გარდამტეხი კი, ალბათ, მაინც ნახევარფინალი გახლდათ, როდესაც ინგლისელები სიმპათიურ და ძლიერ იტალიის ნაკრებს დაუპირისპირდნენ, რომელთანაც აგებდნენ კიდეც, მაგრამ საბოლოო ჯამში, 3:1 იმარჯვეს. რა თქმა უნდა, არანაკლებ გამოსარჩევია ფინალში 93-ე წუთზე ფრედი ვუდმენის მიერ მოგერიებული პენალტი, რომელიც ვუდმენმა "უოტფორდის" საკუთრებაში მყოფ ალბერტო პენიარანდას აუღო.</p><p><strong>მასპინძლები</p><p></strong>კორეელებმა ტურნირი გვინეასთან დამაჯერებელი გამარჯვებით დაიწყეს, მერე კი პრინციპული მატჩი მოუგეს არგენტინას, რამაც ნაკრები შემდეგ ეტაპზე გაიყვანა. მესამე მატჩში კი მასპინძლები მომავალ ჩემპიონ ინგლისთან დამარცხდნენ. მეთექვსმეტედფინალში კორეა პორტუგალიასთან დამარცხდა. მასპინძლების მთავარი ვარსკვლავი "ბარსელონას" ფეხბურთელი ლი სეუნ ვუ გახლდათ.</p><p><strong>საინტერესო ნაკრებები</p><p></strong>მთავარი მოულოდნელობა, რასაკვირველია, ვენესუელელების ფინალში გასვლა გახლდათ. 7 შეხვედრაში 14 გოლი შთამბეჭდავი მაჩვენებელია, თანაც, ეს ბურთები 9 სხვადასხვა მოთამაშეზე მოდის. გამოსარჩევი გახლდათ ზამბიის ნაკრებიც, რომელმაც ათკაციან იტალიასთან დამატებით დროში წააგო.</p><p>აღვნიშნოთ ურუგვაიც, რომელიც საბოლოოდ მეოთხე ადგილს დასჯერდა. საინტერესოა, რომ ურუგვაის მონაწილეობით მატჩების ბედი პლეი ოფში, როგორც მეოთხედფინალში, ასევე ნახევარფინალსა და მესამე ადგილისთვის მატჩში, პენალტების სერიაში გადაწყდა. მეთექვსმეტედფინალში ყველაფერი ძირითად დროში გაირკვა, ურუგვაელებმა 1:0 მოიგეს, მაგრამ… ის გოლი პენალტით გაიტანეს.</p><p><strong>დრამა</p><p></strong>ტურნირზე არაერთი დრამატული მატჩი ვნახეთ. 140 გოლიდან 24 გოლი ბოლო 10 წუთში გავიდა. ყველაზე გამოსარჩევი ალბათ სამუელ სოსას ჯარიმაა, როდესაც ვენესუელელმა ურუგვაისთან მატჩის ბოლო წამებზე გაათანაბრა, მერე მისმა ნაკრებმა პენალტების სერიაში იმარჯვა და ფინალში გავიდა.</p><p><strong>რეკორდები და ციფრები</p><p></strong>პრიზიორებმა - ინგლისმა, იტალიამ და ვენესუელამ ამ შეჯიბრებაზე თავიანთი საუკეთესო მაჩვენებელი დააფიქსირეს, ხოლო ვენესუელას საერთოდაც არც ერთ ასაკობრივ ნაკრებთან ერთად არ მიუღწევია მსგავსი წარმატებისთვის.</p><p>ზამბიამ გერმანია გამოთიშა ასპარეზობას და შემდეგ მერვედფინალში დამარცხდა, რაც ამ ქვეყნის ისტორიაში ყველაზე გამორჩეული შედეგია. გვინეამ და დებიუტანტმა ვიეტნამმა თავიანთი სადებიუტო ქულები მოიპოვეს. ზოგადად, ფინალური ეტაპების დებიუტანტმა ვანუატუმ კი ქულა ვერ აიღო, მაგრამ მექსიკასთან და გერმანიასთან წაგებული 2:3-ებით შეუძლია იამაყოს.</p><p>გამოვარჩიოთ ვენესეუელელთა მეკარე ვილკერ ფარინესი, რომელმაც კარგად ითამაშა და თან ამ შეჯიბრებების ისტორიაში გახდა პირველი მეკარე, რომელმაც გოლი გაიტანა - მან პენალტით შეაგდო ვანუატუსთან (7:0).</p><p>გამოვარჩიოთ ამერიკელი ჯოშ სარჯენტი, რომელმაც 4 გოლი გაიტანა და თან, აშშ-ის ყველაზე ახალგაზრდა გოლეადორი გახდა ამ ტურნირის ისტორიაში, იგი 17 წლისაა.</p><p>ახალი ზელანდიის წარმომადგენელმა მაიერ ბევანმა ჰონდურასთან 45-ე წამზე გაიტანა, რაც ამ შეჯიბრების ისტორიაში მე-6 უსწრაფესი გოლია.</p><p><strong>ჯილდოები</p><p></strong>"ოქროს ბურთი": დომინიკ სოლანკე (ინგლისი)</p><p>"ოქროს ბუცი"/ბომბარდირი: რიკარდო ორსოლინი (იტალია - 5 გოლი)</p><p>"ოქროს ხელთათმანები": ფრედი ვუდმენი (ინგლისი)</p><p>"ფეარ პლეის" ჯილდო: მექსიკის ნაკრები</p><p>დომინიკ სოლანკემ ტურნირი მართლაც შთამბეჭდავად ჩაატარა. როგორც ჩანს, ფეხბურთელი "ლივერპულში" გადასვლით ფრთაშესხმული გახლდათ და, ვინ იცის, "ჩელსი" უკვე ნანობს, რომ იგი გაუშვა.</p><p>"ვერცხლის ბურთი" ფედერიკო ვალვერდეს ხვდა წილად. ურუგვაელი მადრიდის "რეალის" ამომავალი ვარსკვლავია.</p><p>"ბრინჯაოს ბურთი" კი იანხელ ერერას გადასცეს. ვენესუელელი "მანჩესტერ სიტის" საკუთრებაშია და "ლა ვინოტინტოს" წარმატების ერთ-ერთი მთავარი მიზეზი გახლდათ.</p><p>რიკარდო ორსოლინი 5 გოლით საუკეთესო ბომბარდირი გახდა და განსაკუთრებით მნიშვნელოვანი და ლამაზი მის მიერ საფრანგეთთან გატანილი გოლი გახლდათ. ფეხბურთელი, რომელიც შემდეგი სეზონიდან ტურინის "იუვენტუსში" ითამაშებს, ნახევარფინალში ინგლისთანაც გამოირჩა.… ორსოლინის 1 ბურთით ჩამორჩა ჯოშუა სარჯენტი, ამერიკელმა 1 საგოლე პასიც მიითვალა. ფრანგი ჟან-კევინ აგუსტენი კი პასის გარეშე, ასევე 4 გოლით გამოირჩა.</p><p>ინგლისელთა გოლკიპერი ფრედი ვუდმენი მართლაც დამაჯერებელი გახლდათ და "ოქროს ხელთათმანები" დაიმსახურა. 20 წლის გოლკიპერი "ნიუკასლს" ეკუთვნის და, ვინ იცის, მისი თამაშის შემხედვარე რაფაელ ბენიტესმა ახალი მეკარის ძებნა შეწყვიტოს.</p><p>მექსიკა მეოთხედფინალში ინგლისთან დასანანად დამარცხდა, მაგრამ "ფეარ პლეის" ჯილდო დაისაკუთრა. მექსიკელები 5 მატჩში მხოლოდ 45-ჯერ დაჯარიმდნენ და 3 ყვითელი ბარათი მიიღეს.</p><p><strong>ვარსკვლავები წარსულიდან</p><p></strong>ამ ტურნირის ისტორიაში ბევრ ისეთ ვარსკვლავს მიუღია "ოქროს ბურთი", რომ ახლა, წესით, დომინიკ სოლანკე სამომავლო პერსპექტივებით აღტაცებული უნდა იყოს - 1979 წელს ტურნირის საუკეთესო ფეხბურთელი თვით დიეგო არმანდო მარადონა გახდა, ხოლო 2005 წელს - ლიონელ მესი, 2013 წელს ტურნირის საუკეთესოს წოდება ამჟამინდელმა უძვირესმა ფეხბურთელმა პოლ პოგბამ მოიპოვა.</p><p><strong>ყოველდღიური სპორტული გაზეთი "ლელო"</strong></p>
"ჩემს თავს გამოვრიცხავ" - კურტუამ ამჟამად ევროპის სამი საუკეთესო მეკარე დაასახელა
"მთელი კარიერის "ბარსელონაში" ბედნიერად გატარება მსურდა, თუმცა..." - ლიონელ მესი
"მას მსოფლიოს ერთ-ერთ საუკეთესო ფეხბურთელად მივიჩნევ" - ალ-ხელაიფიმ პსჟ-ს მოთამაშე გამოარჩია
"ნაპოლი" "მანჩესტერ იუნაიტედის" კიდევ ერთ ფეხბურთელის დამატებას ცდილობს
ევროპის საკლუბო ჩემპიონატზე "გოლდენ გორის" შემადგენლობა ცნობილია
ბერნარდო სილვამ შესაძლოა, "მანჩესტერ სიტი" დატოვოს
[VIDEO] "ტორონტოს" ზედიზედ მეხუთე მოგება - მამუკელაშვილმა "ფილადელფიასთან" 15 წუთი ითამაშა
ჰაკიმი აფრიკის საუკეთესო ფეხბურთელად დაასახელეს
საქართველოს ნაკრებმა ფიფას რეიტინგში რეგრესი განიცადა
რუსი მეკარე ნორვეგიის ნაკრებში თამაშს აპირებს
გოგლიჩიძე "ბოლონიასთან", ალბათ, ვერ ითამაშებს
"კოშმარი საქართველოსთან დასრულდა - ეს ტრიუმფია" - ბულგარული მედია
"ერთ-ერთი ვარჯიშის შემდეგ გონება დავკარგე" - ფაბრეგასმა კონტესთან მუშაობა გაიხსენა
"საქართველოს არ ჰყავს ფეხბურთელი, რომელიც კვარაცხელიას დონეს მიუახლოვდება" - Goal ხვიჩასა და სხვა ვარსკვლავებზე, რომლებიც მუნდიალზე ვერ ითამაშებენ
რონალდო "თეთრ სახლში" დონალდ ტრამპს შეხვდა და ილონ მასკთან სელფი გადაიღო
კვარაცხელია ძალიან პრესტიჟული Globe Soccer Awards-ის საუკეთესოთა სიაშია - როგორ მივცეთ ხმა ქართველ ფეხბურთელს
"60 ფეხბურთელს პირადად დავურეკე და ეს ავუხსენი" - ტუხელი ინგლისის ნაკრების მსოფლიო ჩემპიონატის შემადგენლობაზე
"საქართველოსთან შევხედრაში ჩვენი ამოცანა სწორედ ეს იყო" - ბულგარელთა მწვრთნელი მატჩის შემდეგ
"მინიმუმ იმ წარმატებით დავბრუნდებით, რაც საქართველოს აქამდე მოვუტანეთ" - დავითაშვილი ბულგარეთთან მარცხის შემდეგ
"ამ თამაშების შემდეგ ეს ყველაზე კარგად იგრძნობა" - მამარდაშვილი ბულგარეთთან მარცხის შემდეგ
"საკადრო შიმშილი გვაქვს, რასაც მენტალური პრობლემები ემატება" - რა თქვა სანიოლმა ბულგარეთთან მატჩის შემდეგ?
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
[VIDEO] შმეიხელს მოედნის ცენტრიდან გაუტანეს - შოტლანდიის ნაკრები 27 წლის შემდეგ მსოფლიო ჩემპიონატზე პირველად ითამაშებს!