<p>თეოდორა კახიანი პირველი ქართველი მოფარიკავე ქალია, რომელმაც ევროპის ჩემპიონის ტიტული მოიპოვა <br> საქართველოს ფარიკაობის ისტორიას მსგავსი რამ არ ახსოვს - ქართველი მოხმალავე ქალი ევროპის ჩემპიონატის კვარცხლბეკის უმაღლეს საფეხურზე ავიდა. მუშკეტერთა სამყაროს ეს სენსაცია საქართველოს მრავალგზის ჩემპიონმა <strong>თეოდორა კახიანმა</strong> შესთავაზა.</p><p>ბოლო ოთხი წლის განმავლობაში იგი პენსილვანიის უნივერსიტეტში სწავლობდა და იქვე ვარჯიშობდა ფარიკაობაში. სტუდენტთა შორის არაერთხელ მიაღწია წარმატებას - შარშან ამერიკის უნივერსიადაც კი მოიგო, წლეულს მეორე ადგილი დაიკავა. და აი, კახიანი მოხმალავე ქალთა შორის ევროპაში უძლიერესია!</p><p>საქართველოს ხუთჯვრიანი დროშა გუშინ დიღომში, ტანვარჯიშის დარბაზში აფრიალდა, სადაც მოფარიკავეთა ევროპის ჩემპიონატი დაიწყო.</p><p>ასპარეზობის პირველ დღეს პაექრობებში საქართველოს რვა წარმომადგენელი ჩაება. მოხმალავე ქალთა ჯგუფურ ტურნირში თეოდორამ ხუთიდან ოთხი შეხვედრა მოიგო: ზედიზედ სძლია ანა-სოფი ქინდლერს (გერმანია, 5:2), სევილ ბუნიატოვას (აზერბაიჯანი, 5:3), მარტინა კომირჟიკს (პოლონეთი), ბიანკა პასკუს (რუმინეთი, 5:4) და მხოლოდ ერთი პაექრობა დათმო ირინე ვეჩნისთან (იტალია, 1:5). ამ წარმატებით კახიანმა პლეი ოფში ასპარეზობის უფლება დაიმსახურა.</p><p>პირველ წრეში მან გზიდან ჩამოიშორა აზერბაიჯანელი სევინჯ ბუნიატოვა (15:10), შემდეგ მაყურებლებში გაისტუმრა უნგრელი რენატა კატონა (15:13) და იტალიელი ლორეტა გულოტა (15:13), რითაც ქართველი მოხმალავე ოთხ საუკეთესოში მოხვდა და ბრინჯაოს მედალი დაიბევა, თუმცა ამას არ დასჯერდა და ნახევარფინალში უნგრელ ლიზა პუშტაის მოუგო - 15:12, გადამწყვეტ პაექრობაში კი რუმინელი ბიანკა პასკუს მძლეველი (15:10) როსელა გრეგორიო (იტალია) დაჯაბნა - 15:8 და ევროპის ჩემპიონობა მოიპოვა.</p><p>ჯგუფურ ეტაპზე კარგად გამოვიდა <strong>ლიკა ჯიჯეიშვილიც</strong> - ექვსიდან ოთხი მეტოქე დაჯაბნა: დესპინე გეორგიადუ (საბერძნეთი, 5:1), იულია ბაკასტოვა (უკრაინა, 5:2), მალგორზატა კოზაჟუკი (პოლონეთი, 5:3) და ჰანა ივანიშანკა (ბელორუსი, 5:1), ხოლო მომავალ მედალოსნებს - ლიზა პუშტაისა (უნგრეთი, 3:5) და ლიზა გრეგორიოს (იტალია, 4:5) ვერ გაუმკლავდა. პლეი ოფის სტარტზე კი სოფია პოზდნიაკოვასთანაც დამარცხდა (6:15).</p><p>საქართველოს ფარიკაობის მესვეურები დიდ იმედებს ამყარებდნენ <strong>დარია ანტონოვაზეც</strong>, მაგრამ მან, როგორც <strong>ანა აფრასიძემ</strong>, ჯგუფში ექვსივე შეხვედრა წააგო.</p><p>12 ივნისს სარბიელზე გავიდნენ რაპირით მოფარიკავე ვაჟებიც. მასპინძლებს 23-წლამდელებში წლევანდელი ევროპის პირველობის მესამეპრიზიორი <strong>ლუკა ღაღანიძის</strong> ეიმედებოდათ. მანაც ჯგუფში იოლად აჯობა მაიკლ ჰოვანესიანს (სომხეთი, 5:2), რენე პრანზის (ავსტრია, 5:2), ბურაკ ბაბაოღლუს (თურქეთი, 5:3) და კამალ მონოტის (დიდი ბრიტანეთი, 5:1). ხოლო ანდრე სანიტასა (გერმანია, 0:5) და ალექსანდრ ჩოუპენტიჩთან (ჩეხეთი) დამარცხდა, რომლებსაც პლეი ოფში მატე ჰარისთან (უნგრეთი) წაგებაც (11:15) მიაყოლა.</p><p>ჯგუფში ორი მოგებით პლეი ოფში მოხვდა <strong>ლაშა გალუაშვილიც</strong>, მაგრამ იქ ალექსეი ჩერემისინოვს (რუსეთი, 5:15) ვერ გასცდა. <strong>არჩილ უგულავა</strong> და <strong>სანდრო სიხარულიძე</strong> თითო მოგებას დასჯერდნენ.</p><p>რაც შეეხებათ მედალოსნებს, ნახევარფინალში იტალიელმა დანიელე გაროზომ თანაგუნდელი ჯორჯო ავილა დაჯაბნა - 15:9, ტიმურ საფინმა (რუსეთი) ჯერემო კადოტოს (საფრანგეთი) მოუგო - 15:7. გადამწყვეტ პაექრობაში გაროზომ 15:12 გაიმარჯვა და ოქროს მედალი მოიპოვა.</p><p><span style="color: #3366ff;"><strong>კვარცხლბეკი</p><p></strong></span><span style="text-decoration: underline;">12 ივნისი</span></p><p><strong>ხმალი. ქალები</strong></p><p>1.თეოდორა კახიანი (საქართველო), 2. როსელა გრეგორიო (იტალია), 3. ლიზა პუშტაი (უნგრეთი), ბიანკა პასკუ (რუმინეთი), 22. ლიკა ჯიჯეიშვილი (საქართველო), 51. დარია ანტონოვა (საქართველო), 54. ანა აფრასიძე (საქართველო)</p><p><strong>რაპირა. ვაჟები</strong></p><p>1. დანიელე გაროზო (იტალია), 2. ტიმურ საფინი (რუსეთი), 3.ჯორჯო ავილა (იტალია), ჯერემი კადოტო (საფრანგეთი), 38. ლუკა ღაღანიძე (საქართველო), 55. ლაშა გალუაშვილი (საქართველო), 57. არჩილ უგულავა (საქართველო), 62. სანდრო სიხარულიძე (საქართველო)</p><p><span style="text-decoration: underline;">13 ივნისი </span></p><p><strong>რაპირა (ინდივიდუალური), ქალები (20 ქვეყანა, 43 მონაწილე. </strong></p><p>ქართველები: მარიამ ცუხიშვილი, თეონა გოგლიძე).</p><p><strong>დაშნა (ინდივიდუალური), ვაჟები (32 ქვეყანა, 98 მონაწილე. </strong></p><p>ქართველები: დავით არველაძე, გიორგი ქაფიანიძე, ლევან ფცქიალაძე, მიქაელ მიქაელიანი).</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
niko
ყოჩაღ, კიდევ ბევრი წარმატება!
tngh
კიდევ ერთი ევროპის ჩემპიონი!!! გილოცავთ!!!
=-*
ბარაქალა შენს ქალობას! ეს რა მუშკეტერი გვყოლია; ნიჩბოსანი ნადირაძის დარად გამაკვირვა და უფრო გამახარა
"საქართველოში ტაქსის მძღოლები მეუბნებოდნენ, ეს ყოველივე სამარცხვინოაო!" - უკრაინელი მოფარიკავე თბილისში გატარებულ პერიოდს იხსენებს
"ეს მსოფლიო სპორტული საზოგადოების სახეში დარტყმაა!" - სავარაუდოდ, თბილისში სანქცირებული რუსი მოფარიკავეები ჩამოდიან, ამ ამბავს უკრაინელთა დიდი პროტესტი მოჰყვა
სანდრო ბაზაძე მადრიდის მსოფლიო თასის გამარჯვებულია
U21 - ლატვიასთან მატჩში საქართველოს ნაკრების შემადგენლობა ცნობილია
ჩემპიონატებში დეფრიბლირატორების გამოყენება იწყება | ტრენინგს ოლიმპიურმა სასახლემ უმასპინძლა
U21 | ლატვია V საქართველო - მატჩისწინა ვარჯიში რიგაში
"ყველაფერს გავაკეთებთ ესპანეთთან წარმატების მისაღწევად" - რა თქვეს "ჯვაროსნებმა" მატჩის წინ?
marca: ესპანეთის ნაკრები საქართველოსთან მატჩისთვის ელჩეში ჩასვლას აგვიანებს
ესპანეთისა და საქართველოს მატჩს ლიეტუველი მსაჯები მოემსახურებიან
დავითაძე მსოფლიოს ჩემპიონატიდან მოხსნეს
"შავი ლომი" | "ჩიტასთან" ჩელენჯ თასისთვის მოსამზადებლად
საქართველოს შემადგენლობა ესპანეთთან - რა უშლის ხელს თერთმეტეულის გამოკვეთას?
[VIDEO] სანდროს 17 წუთი - "ტორონტომ" პრესეზონის პირველი მატჩი მოიგო
"მას შესაძლებლობების დასამტკიცებლად 3 წელი აქვს" - "იუნაიტედის" აქციონერმა ამორიმს ნდობა გამოუცხადა
ცნობილი არგენტინელი მწვრთნელი 69 წლის ასაკში გარდაიცვალა
"მას შემდეგ, რაც პსჟ-ს მწვრთნელი ვარ, ყველაზე მეტად მათ წინააღმდეგ გაგვიჭირდა" - ლუის ენრიკემ მეტოქე გამოარჩია
"თოფურიას ჩემგან მალავენ, რადგან მისი დამარცხება მხოლოდ მე შემიძლია" - არმან ცარუკიანი
"ოცნება არსად გამქრალა - სამომავლოდ "კვარას" ამ კლუბში გადასვლას არ გამოვრიცხავთ" - რას წერს Areanapoli ქართველზე?
[VIDEO] "ტენერიფე" ჩემპიონთა ლიგას გამარჯვებით იწყებს - შერმადინმა მოედანზე 23 წუთი გაატარა
ზივზივაძე: ასი პროცენტით დავიხარჯებით მოედანზე, რათა საქართველოს ნაკრებს წარმატება მოვუტანოთ
ლატვია V საქართველო - ახალგაზრდულმა რიგაში სრული შემადგენლობით ივარჯიშა
მამარდაშვილი: ჩვენი საუკეთესო თამაში უნდა ვაჩვენოთ, რომ დასახულ მიზანს მივაღწიოთ
ოფიციალურად - კონსეისაო "ალ-იტიჰადს" ჩაუდგა სათავეში
მსოფლიოს ჩემპიონატი ფარიკაობაში: ლაიპციგში მსოფლიოსთან ერთად
სანდრო ბაზაძე და ლიკა ჯიჯეიშვილი პლოვდივში მსოფლიოს თასზე იასპარეზებენ
ქართველმა მოფარიკავეებმა მსოფლიოს ჩემპიონატზე გუნდურში მე-7 ადგილი დაიკავეს
მსოფლიო ჩემპიონატი: ქართველი მოფარიკავეები ძირითად ბადეში იასპარეზებენ
ევროპის ჩემპიონატი: რაპირაში მედლების გარეშე დავრჩით
ქართველმა მოფარიკავეებმა მსოფლიო უნივერსიადაზე იასპარეზეს
ქართველების ოქრო-ვერცხლი 23 წლამდე მოფარიკავეთა ევროპის ჩემპიონატზე
ევროპის ჩემპიონატი: ქართველმა ქალმა მოფარიკავეებმა ჯგუფი დაძლიეს
ევროპის ჩემპიონატი. ფარიკაობა: მედლები ვერც ქართველმა ქალებმა მოიპოვეს
რას მიაღწიეს ჩვენებმა? - ქართველი მოფარიკავეებისთვის მსოფლიოს ჩემპიონატი დასრულდა
ქართველი მოფარიკავეები 23-წლამდელთა ევროპის ჩემპიონატში 29 მაისიდან ჩაერთვებიან
U23. ევროპის ჩემპიონატი ფარიკაობაში: ყველაზე მეტად ლიკა ჯიჯეიშვილმა იყოჩაღა
თბილისი მოფარიკავეთა ევროპის 2017 წლის ჩემპიონატს მასპინძლობს
ანა აფრასიძემ მოფარიკავეთა საერთაშორისო ტურნირზე ბრინჯაო მოიპოვა
მსოფლიოს ჩემპიონატი: ქართველი მოფარიკავეების მნიშვნელოვანი დღე
ლიკა ჯიჯეიშვილმა მსოფლიო თასზე პირველი ადგილი დაიკავა
რა პოტენციალი აქვს ფარიკაობას საქართველოში? - მისი ისტორია მსოფლიოსა და საქართველოში
საქართველოს ნაკრები ნეაპოლში 5 მოფარიკავით გაემგზავრა
რუსეთის ნაკრები შესაძლოა ოლიმპიადიდან მოხსნან - 22 სექტემბრის დაიჯესტი
2 ქართველი მოფარიკავე ქალი ახალ რეიტინგში დაწინაურდა
მიზანი ბუდაპეშტში გამარჯვება და ტოკიოში გამგზავრებაა - ქართველმა მოფარიკავეებმა მსოფლიო ჩემპიონატზე ისაუბრეს
იმედია, ჩვენი მოფარიკავეები გაგვახარებენ - ევროპა თბილისში მოიყრის თავს