საქართველო-მოლდოვის შემდეგ: გაორებული გრძნობით... [ნაწილი II]

დღეს ჩვენს მოლდოვურ შთაბეჭდილებებს მეორე წერილს მივუძღვნით და ამით დავასრულებთ... გაორებული გრძნობით ვტოვებდით კიშინიოვს - ბედნიერები იმით, რომ საქართველოს ნაკრებმა "ქამბექი" შემოგვთავაზა და ორბურთიანი ჩამორჩენის შემდეგ არ წააგო მოლდოვასთან, ხოლო უკმაყოფილოები იმით, რომ მოგება ვერ შევძელით.გაორებული გრძნობა გვქონდა კიშინიოვთან დაკავშირებითაც. თითქოს ბოლომდე ვერ შევისწავლეთ ის, ვერ ამოვხსენით, მაგრამ რაც ვნახეთ, საინტერესო და დასამახსოვრებელი კი იყო.დღეს ჩვენს მოლდოვურ შთაბეჭდილებებს მეორე წერილს მივუძღვნით და ამით დავასრულებთ...იხილეთ დასაწყისი<a href="/fexburti/qarthuli-fekhburthi/erovnuli-nakrebi/105194-saqarthvelo-moldovis-shemdeg-shedegi-pirdapir-gveubneba-natsili-i.html" target="_blank">- საქართველო-მოლდოვის შემდეგ: შედეგი პირდაპირ გვეუბნება... [ნაწილი I]</a><div style="text-align: center;">როგორ მოიკითხეს ლელო...</div> კიშინიოვში გასამართი მატჩის წინადღეს ორივე გუნდის მთავარმა მწვრთნელმა პრესკონფერენცია გამართა. იგორ დობროვოლსკის ნაუბარს ვეღარ ჩავუსწარით, რადგან ამ ძალიან თავისებურმა კაცმა დილით ინება თანამემამულე ჟურნალისტების ცნობისმოყვარეობის დაკმაყოფილება.სამაგიეროდ, ვიყავით ვლადიმირ ვაისის პრესკონფერენციაზე, რომლის დასრულების შემდეგაც ჩვენი ნაკრების ვარჯიშს, ქართველ ჟურნალისტებთან ერთად, მოლდოველი კალმოსნებიც დაესწრნენ.ჩვენი ჟურნალისტური დელეგაციის წევრი, ჩემი უფროსი მეგობარი - გოჩა კაჭარავა მეძახის. ვხედავ, ხანში შესულ იქაურ ჟურნალისტს ესაუბრება. ჩემს დანახვაზე იმ ჟურნალისტს სახე გაებადრა. მითხრა, "ლელოს" საბჭოთა ხანაში ძალიან ხშირად ვკითხულობდი, რამდენიმე ნომერი შინაც მაქვს შენახული და თუ შეგიძლიათ, თქვენი რედაქცია მომიკითხეთო...რა თქმა უნდა, მის ამ თხოვნას უდიდესი სიამოვნებით ვასრულებ. სიმართლე გითხრათ, ნამდვილად არ ველოდი, თუ ასეთ დროსა და სივრცეში, ათასობით კილომეტრს იქით შეაქებდნენ ჩვენს გაზეთს...<div style="text-align: center;">არის თუ არა მოლდოვა საფეხბურთო ქვეყანა?</div> ალბათ უფრო "არა", ვიდრე "კი", რადგან თამაშის წინადღეს ლამის მთელი კიშინიოვი მოვიარეთ და ქალაქში წინასამატჩო აჟიოტაჟის ნატამალიც არ სუფევდა. ამან ცოტა გაგვაკვირვა, მაგრამ კიდევ უფრო გაგვაკვირვა იმან, რომ თუნდაც მოლდოველთა მთავარი მწვრთნელის მატჩის შემდგომ პრესკონფერენციას მოლდოველ სპორტულ ჟურნალისტთა თითზე ჩამოსათვლელი რაოდენობა დაესწრო...სამაგიეროდ, ალალი გულით ვისურვებდი, რომ საქართველოში ოთხი-ხუთი ისეთი სტადიონი გვქონოდა, როგორიცაა "ზიმბრუ". ათიათასიანი კოხტა არენა, მშვენიერი მინდვრით... რა თქმა უნდა, ეს არ იქნება იაფი სიამოვნება, მაგრამ არც ისეთი ძვირი იქნება, რომ ვერ გავწვდეთ...ამ ქვეთავის პირველ წინადადებას ისიც ადასტურებს, რომ თუნდაც სანაკრებო მატჩზე ეს ათიათასიანი სტადიონი ბოლომდე ვერ შეივსო. არადა, მოლდოვასთან საშინაო მატჩში ჩვენი ეროვნული თითქმის სავსე იყო...<div style="text-align: center;">ბუზის გაფრენის ხმას გაიგონებთ</div> თავისებური, ძალიან თავისებური ქალაქია კიშინიოვი. ეს შევამჩნიე ჯერ კიდევ წლების წინ, როცა "ზესტაფონი" ჩემპიონთა ლიგაზე ეთამაშა "დაჩიას" და ახლა ჩემი ეს პირველი შთაბეჭდილება კიდევ უფრო განმტკიცდა.რაში მდგომარეობს ქალაქის უცნაურობა? თუნდაც იმაში, რომ მის ცენტრალურ ქუჩებში ჯერ კიდევ დადის ტროლეიბუსები და არც მგზავრების ნაკლებობას უჩივიან. თვალში მოგხვდებათ საგაზეთო სტენდების სიმრავლე. დაახლოებით ასეთი სტენდები მახსოვს ჯერ კიდევ ჩემს ღრმა ბავშვობაში, მაშინ, როცა კომუნისტური წყობა ბოლო დღეებს ითვლიდა საქართველოში, ხოლო სტენდებზე გამოფენილი იყო "კომუნისტი", "პრავდა", "იზვესტია"...კაცმა რომ თქვას, ამაში ცუდი არაფერია - მიდის დაინტერესებული მკითხველი და კითხულობს გაზეთს.როგორც ყველა პოსტსაბჭოთა ქვეყანაში, მოლდოვაშიც ჩანს გაჭირვების კვალი და უპოვართა სიმრავლე. შენობების აბსოლუტური უმრავლესობა კი საბჭოთა ეპოქაშია აშენებული...ყველაზე მეტად კი ერთმა გარემოებამ გამაკვირვა: სიმწვანეში ჩაფლული კიშინიოვის მცხოვრებნი ქუჩაში ისე დადიან, მათი ხმა საერთოდ არ ისმის. ყველა თითქმის ჩურჩულით ლაპარაკობს. ეს იმდენად შესამჩნევია, აუცილებლად მოგხვდებათ თვალში...ამ სტრიქონების ავტორს საქართველოშიც კი ხმამაღალ საუბარს უწუნებენ ძალიან ხშირად და ხომ წარმოგიდგენიათ, რა დღეში ვიქნებოდი კიშინიოვში - მართლა გაფაციცებული ვიყავი, ჩემი ხმის ტემბრით დისონანსი არ შემეტანა მოლდოვის დედაქალაქის ჰარმონიულ ყოფაში...<div style="text-align: center;">ძველი ამბების გამო</div> პირველად რომ ვიყავი მოლდოვაში, მაშინ "დაჩიასა" და ახლა მოლდოვის ნაკრების მთავარმა მწვრთნელმა იგორ დობროვოლსკიმ ერთი ამბავი ატეხა: "ზესტაფონთან" წაგება იუკადრისა და იმერეთში ნაწვნევი სირცხვილის შემდეგ თქვა - ცხოვრებაში ერთხელ ჯოხიც კი ისვრისო...მაშინდელი შთაბეჭდილებების ქვეშ მყოფი მოლდოვაში აგრესიულ დახვედრას ველოდი, მაგრამ არაფერი ამის მსგავსი. ჩვენი მოლდოველი კოლეგები, გულშემატკივრები თუ, უბრალოდ, კიშინიოვის მცხოვრებნი დაუფარავად გამოხატავდნენ კეთილგანწყობას ჩვენ მიმართ.ის კი არა, თამაშის დაწყებამდე ერთი მოსკოველი რუსი გამოგვეცნაურა - აქ მშენებლობის ბიზნესი მაქვს, კარგ ფულს ვშოულობ და დღეს საქართველოს ნაკრების გამარჯვებაზე გავაკეთე ფსონიო...რა თქმა უნდა, იმ რუსს ძალიან დასწყვეტდა გულს საქართველოს ნაკრები, ჩვენ კი ცოტათი მართლა დაგვწყდა გული იმის გამო, რომ გულითადი მასპინძლები დავტოვეთ...<div style="text-align: center;">ახსოვთ...</div> კიშინიოვში ყოფნისას, ბუნებრივია, ჩემს არაერთ კოლეგას გამოველაპარაკე. ქართულ ფეხბურთზე რომ მიდგება საქმე, ძალიან ბევრს და აღტაცებით საუბრობენ. იგონებენ ჩვენს ძველ ვარსკვლავებს და... თანამედროვეობაზე ჩერდებიან. პრინციპში, ვერც გაამტყუნებ კაცი...საქართველოსი არ იყოს, სპორტული მედია ვერც მოლდოვაშია მთლად კარგ დღეში. პრესკონფერენციებზე სულ სამი-ოთხი ჟურნალისტი დადიოდა, გინდა თუ არა, გულის სიღრმეში ის მაინც გაგიხარდება კაცს, ყოფილ "თანამოძმეზე" რაღაცნაირად ამით მაინც რომ დგახარ წინ...ისე კი, თვალის ერთი გადავლებით, ცხოვრების დონე დაახლოებით ისეთია, როგორიც - ჩვენთან. საფეხბურთო ჩემპიონატის დონეც არ უნდა იყოს ჩვენზე მაღალი და, სანაკრებოს რაც შეეხება, თბილისური და კიშინიოვური ფრეები ბევრს და ნათლად გვიყვება იმ საკამათო პოსტულატის უაზრობაზე, რომლის მიხედვითაც "არიფ მოლდოვას ყველგან უნდა ვუგებდეთ".(იბეჭდება მცირე ცვლილებით)ყოველდღიური სპორტული გაზეთი "ლელო"

k.j

axalgazdul nakrebzec ikneb dacerot bolo ori tamahis realoba
avtors

რა გაიკვირვეთ ჩემო ბატონო თითზე ჩამოსათვლელი ჟურნალისტები ესწრებოდნენო, ვაისის პრესკონფერენციას მეტი ესწრებოდა თბილისში? 2მა თუ 3-მა კაცმა რო დაუსვა რაღაც იდიოტური კითხვები და 5 წუთში რო დამთავრდა პრესკონფერენცია? :D :D
ლუკა

ვლადიმერ ვაისი შესანიშნავი მწვრთნელია. მოხარული ვარ რომ ის საქართველოს ნაკრებს წვრთნის. რაც შეეხება ნაკრების შედეგებს მისი ხელმძღვანელობის შემდეგ, რა თქმა უნდა ნაკრებს არ აქვს არნაერი დადებითი შედეგი. მას ოფიციალური თამაში არ მოუგია და დასახული მიზანი, ჯგუფში 3-ე ადგილი ძალიან შორს არის. ის რომ ნაკრები პროგრესს არ განიცდის ყველაზე ნაკლებად არის ვაისის დამსახურება და ყველაზე მეტად საქართველოში არსებული სავალალო საფეხბურთო რეალობა. სანამ საქართველოში ფეხბურთი არ განვითარდება და ნაკრების მწვრთნელს არ ეყოლება მუდვივად განკარგულებაში 30 მაღალი დონის ფეხბურთელი, მანამ ჩვენი ნაკრების წინსვლა არ მოხერხდება

დაუჯერებენ საბოს? - უკრაინის ნაკრების ჩაბარების ერთ-ერთი შესაძლო კანდიდატი დასახელდა

საქართველოს ნაკრებთან სათამაშოდ რუმინეთს ჰაჯი ჩამოიყვანს

Magyar Nemzet: დემონი უნგრელთა წინააღმდეგ - კვარაცხელია ქართველთა ისტორიულ მებრძოლ ხასიათს და სიამაყეს ასახავს

"რეალმა" ისევ ვერ მოიგო და შეიძლება "ბარსელონას" კიდევ უფრო ჩამორჩეს

წიტაიშვილმა "მარსელს" ლამაზი გოლი გაუტანა

18 წ. | ექვსი ერის ფესტივალს შოტლანდიით ვასრულებთ

U17 | სან მარინო 1:4 საქართველო

"არსენალი" არტეტას კონტრაქტს გაუხანგრძლივებს

"ცუდი შედეგები მისი ბრალი არ არის" - "ლივერპულის" ხელმძღვანელობა სლოტს სრულ ნდობას უცხადებს

[VIDEO] 41 წლის ლებრონ ჯეიმსმა "ლეიკერსს" "გოლდენ სტეიტთან" ულიდერა

[VIDEO] მამუკელაშვილის 18 წუთი - "ტორონტომ" "მაიამი" დაამარცხა

აზაროვი სათადარიგო იყო - "შახტარმა" "ალკმაარს" დამაჯერებლად სძლია

ევროპა ლიგაზე პირველი 1/4-ფინალური მატჩები გაიმართა

"ლივერპული" ალისონს წასვლაში არ უნდა შეეწინააღმდეგოს - მთავარია, მამარდაშვილის დუბლიორი დაიმატონ" - ინგლისური მედია

"ოქროს ბურთი 2026". რეიტინგი განახლებულია - რა შანსები აქვს "კვარადონას"?

საქართველო 4:2 აზერბაიჯანი

ალისონი სპალეტის შეთავაზებას დათანხმდა - მამარდაშვილი "ლივერპულის" ძირითადი მეკარე გახდება

ნოიერი საუკეთესო, კვარაცხელია სიმბოლურში

სიომინი: ხვიჩამ უმაღლეს დონეზე ითამაშა

სლოტმა განმარტა, რატომ არ ათამაშა სალაჰი

თსუ-მ მარგვეთს სძლია და საქართველოს თასი ბოლო 4 წელიწდში მესამედ მოიგო

"450 მილიონი დახარჯეს და ქვედა ლიგის გუნდივით თამაშობენ" - კარაგერმა "ლივერპული" გააკრიტიკა

გეგმა "ელ კლასიკოში" თამაშია - რაფინიას მოედანზე მალე დაბრუნება უნდა

მ/ჩ 2018. შესარჩევი. ევროპა. D ჯგუფი. IX ტურის წინ: გაინაღდებს სერბეთი?

სტეფან სიკაჩი: ეს თუ გამოსწორდება, საკმაოდ ძლიერი ჩემპიონატი გექნებათ

ჩეხეთმა მოლდოვას სძლია და ევრო 2024-ზე გავიდა

ბრიტანული მედია: მამარდაშვილი მოულოდნელად "ლივერპულის" საკვანძო ფეხბურთელი გახდა - კარიერაში უმნიშვნელოვანესი კვირა ელოდება

Geo Team: "სლოვანს" გაგუას დამატება სურს - ტრანსფერის ინიციატორი ვლადიმირ ვაისია

მოლდოვის ნაკრების მწვრთნელი: ჯერ ვნახოთ, რა გუნდით ჩამოვა საქართველო

50 ადგილით ქვემოთ, ლიდერისა და 4 წამყვანი მოთამაშის გარეშე - რა ძალისაა მოლდოვა

[VIDEO] ვაისი მსაჯს შეუვარდა, შეაგინა და მოედნიდან ძლივს გაიყვანეს - "სლოვანს" 16 წლის თავდამსხმელმა გაუტანა

საქართველოს ნაკრებთან მატჩში მოლდოვას ლიდერი და კაპიტანი დააკლდება

L'Équipe: დონარუმა, ოსიმენი, კვარაცხელია... - მუნდიალს მიღმა დარჩენილთა შთამბეჭდავი გუნდი

საქართველოს ნაკრებთან სათამაშოდ რუმინეთს ჰაჯი ჩამოიყვანს

ჩემპიონთა ლიგის ახალი ფორმატის ლიდერები, აუტსაიდერები, ორი ქართველი დღეს და მთავარი ინტერესი "რეალის" მიმართ

მეტოქე: მოლდოვის ნაკრებმა ისრაელში კინაღამ მოიგო [VIDEO]

დღეს - "შახტარის" ქართველების მატჩი და კაშია, კანკავა, ვაისი კიტეიშვილის წინააღმდეგ!..

"საუკეთესო გუნდია, რაც კი ოდესმე მინახავს" - ვაისი "სიტისთან" მარცხის შემდეგ

ჩემპიონთა ლიგის ახალი ფორმატი, ორი გარანტირებული ადგილი ქართველებს და მესამის შანსი...

გიორგი მერებაშვილი: ისე ნაკრებში არავინ გამომიძახებს...

საქართველო-მოლდოვის შემდეგ: შედეგი პირდაპირ გვეუბნება... [ნაწილი I]

გურამ კაშია: მოლდოვასთან გოლები ვაისის არჩეული სისტემის გამო არ გაგვიშვია

იგორ დობროვოლსკი: ვფიქრობ, დღევანდელი შედეგი სამართლიანია

სანიოლი: ბევრი დადებითი მომენტი გვქონდა, მაგრამ გარკვეული ასპექტები გასაუმჯობესებელი გვაქვს

მოლდოვა VS საქართველო - პირველი სამი ქულისთვის!..

გიზო მამაგეიშვილი: სასიამოვნოდ გაკვირვებული ვარ