<p>საქართველოს XXIX ჩემპიონატი. ეროვნული ლიგა. XVII ტური <br> თამაშს მეტისმეტად მცირე მაყურებელი ესწრებოდა და ცხადია, მოთამაშეებს თავიდან ის ჟინი და სტიმული არ ჰქონდათ, რაც შევსებული ტრიბუნების წინ უჩნდებათ, მაგრამ მძიმედ და ნელ ტემპში დაწყებულ მატჩში მოვლენები თანდათან საინტერესოდ განვითარდა. უპირატესობას ნომინალური სტუმრები დაეუფლნენ. "ჩიხურამ" რამდენიმე მწვავე მომენტიც შექმნა, მაგრამ ამ უპირატესობის გამოყენება და ანგარიშის გახსნა პირველ ტაიმში ვერ მოახერხეს.</p><p>კოლხები საკუთარ თავს არ ღალატობდნენ და მაშინ გამოაჩინეს კბილები, როცა მეტოქე გადამწყვეტი შტურმისთვის ემზადებოდა. ასე იყო პირველ ტაიმში და ასე მოხდა მეორე ნახევარშიც, რამაც შეხვედრას ინტრიგა შესძინა.</p><p>მეორე ნახევრისა და, საერთოდ, მატჩის შედეგზე დიდი გავლენა იქონია ცოტნე ქებურიას გაძევებამ. ამის მიუხედავად, კოლხებმა გაიბრძოლეს, მაგრამ საჩხერელებმა თავისას მაინც მიაღწიეს.</p><p>პარადოქსია, მაგრამ ფაქტია - წაგების (ფოთელები "ჩიხურასთან" პირველ წრეშიც 1:3 დამარცხდნენ) მიუხედავად, ფოთელთა მეკარე სტეფან სიკაჩს საქებარი სიტყვები ეკუთვნის. მთელ რიგ ურთულეს ეპიზოდში მან საუცხოოდ ითამაშა და კოლხები არაერთხელ გადაარჩინა. სულ მოლდოველმა 8 "სეივი" გააკეთა, 4-ჯერ კი პირისპირ დარჩენილ მეტოქეს არ გაატანინა!</p><p>წლეულს მეორე ჰეთ-თრიკი შეასრულა დიმიტრი ტატანაშვილმა. "ჩიხურადან" უნდა აღვნიშნოთ გიორგი კორიფაძის გარჯაც, რომელიც მთელი შეხვედრის განმავლობაში არ გაჩერებულა და სამივე საგოლე შეტევის უშუალო მონაწილე გახლდათ. ამას გარდა, სხვა ეპიზოდებშიც გამოიჩინა თავი...</p><p>...59-ე წუთზე ცოტნე ქებურიამ საკუთარ ნახევარზე მიიღო ბურთი. მას უკნიდან თორნიკე გორგიაშვილი წამოეპარა და ბურთი აართვა. ქებურია წაიქცა და ბურთი ხელით დაიჭირა, რათა გორგიაშვილი მეკარესთან პირისპირ არ გასულიყო, არბიტრმა კი ფოთელთა "ათიანს" წითელი ბარათი უჩვენა.</p><p><span style="color: #3366ff;"><strong>მატჩის სტენოგრამა</strong></span></p><p><strong>9'</strong> - კორიფაძის ჩაწოდება. ახლო მანძილიდან ტატანაშვილის თავური მიზანს სცდება.</p><p><strong>11'</strong> - კოლხების უსწრაფესი შეტევა: ფლანგიდან დაფემ საჯარიმოში ჯანელიძეს უპასა და ამ უკანასკნელის ძლიერი დარტყმა მიზანს მცირედ ასცდა.</p><p><strong>19'</strong> - ჩიკვაიძის ფლანგური გადაცემის დაგვირგვინებას ტატანაშვილი ცდილობდა, მაგრამ ახლოდან ისევ ააცილა მიზანს.</p><p><strong>23'</strong> - კორიფაძის კუთხური და გორგიაშვილის თავური: ოტიენომ ბურთი კარის ხაზიდან გამოიტანა.</p><p><strong>38'</strong> - კერძევაძემ ბურთი კარის წინ დაკარგა და გორგიაშვილმა ახლოდან ვერ გაიტანა.</p><p><strong>55'</strong> - ჭელიძის ასპროცენტიანი შანსი! საჩხერელთა ნახევარმცველი მცველს გაექცა და მეკარესთან პირისპირ დარჩა. სიკაჩმა კოლხები გადაარჩინა, დამატებაზე კი დეკანოიძემ ვერ დაარტყა.</p><p><strong>56'</strong> - ტატანაშვილმა მეკარესთან პირისპირ კორიფაძე დატოვა. სიკაჩმა მასაც აჯობა და დამატებაზე ტატანაშვილსაც აუღო.</p><p><strong>59'</strong> - ბოლქვაძის ჯარიმა ჰამზიჩმა "ცხრიანიდან" მოხსნა.</p><p><strong>60'</strong> - არბიტრი ხელით თამაშისთვის მოედნიდან აძევებს ქებურიას.</p><p><strong>66'</strong> - კორიფაძისა და გორგიაშვილის გათამაშებულ ჯარიმას დობროვოლსკი აგვირგვინებდა: სიკაჩმა გუნდი კიდევ ერთხელ გადაარჩინა!</p><p><strong>67'</strong> - გოლი! კორიფაძის კუთხურის შემდეგ ბურთი კარში ტატანაშვილმა გაგზავნა - 0:1.</p><p><strong>75'</strong> - გოლი! ვარლამ კილასონიამ ბურთი საჯარიმოში ჩაჰკიდა, ჰამზიჩი უხეშად შეცდა და კოვტალიუკმა ანგარიში გაათანაბრა - 1:1.</p><p><strong>86'</strong> - გოლი! უსწრაფესი შეტევა კორიფაძემ მარცხენა ფლანგზე ჩიკვაიძეს გაუგრძელა, რომელმაც ეგრევე ბურთი კარის წინ ჩაჰკიდა, ტატანაშვილმა კი ისე "დააჭედა" ბურთი კარში, სიკაჩს შანსი არ დაუტოვა - 1:2!</p><p><strong>89'</strong> - ტატანაშვილი კვლავ დასარტყმელ პოზიციაზეა: სიკაჩმა კოლხები ისევ გადაარჩინა!</p><p><strong>90+3'</strong> - კორიფაძე-ჭელიძის უსწრაფესი შეტევა. მეკარესთან პირისპირ გადის დეკანოიძე და სიკაჩის კიდევ ერთი სასწაული!</p><p><strong>90+4'</strong> - გოლი! კორიფაძემ სწრაფი შეტევა ტატანაშვილს გაუგრძელა, რომელიც მცველს გასცდა და ჰეთ თრიკით წერტილი დაუსვა თამაშს - 1:3.</p><p><span style="color: #3366ff;"><strong>ეროვნული ლიგა. XVII ტური</strong></span></p><p>16.06. სამტრედია. "ეროსი მანჯგალაძე"</p><p><em><strong>კოლხეთი-ჩიხურა 1:3</strong></em></p><p>გოლები: 0:1 ტატანაშვილი (67. კორიფაძის პასით), 1:1 კოვტალიუკი (75. ვ. კილასონიას პასით), 1:2 ტატანაშვილი (86. ჩიკვაიძის პასით), 1:3 ტატანაშვილი (90+4. კორიფაძის პასით)</p><p><span style="text-decoration: underline;">კოლხეთი (4-2-3-1):</span> სიკაჩი - ვ. კილასონია, შ. კერძევაძე, გოგონაია, ოტიენო - ბოლქვაძე, ლ. კაკულია (46. ქებურია) - კორობკა, ჯანელიძე, დაფე (83. ბუხაიძე) - კოვტალიუკი.</p><p>სათადარიგოები: შერმადინი, ჟიშკარიანი, შალიკაშვილი, ენდელაძე, ა. კვარაცხელია</p><p>მწვრთნელი: გელა სანაია</p><p><span style="text-decoration: underline;">ჩიხურა (4-2-3-1):</span> ჰამზიჩი - თორ. გრიგალაშვილი, კაშია, მირცხულავა, ჩიკვაიძე - დობროვოლსკი (90+3. კაკუბავა), ჭელიძე - კორიფაძე, გორგიაშვილი (76. განუგრავა), სარდალიშვილი (50. დეკანოიძე) - ტატანაშვილი.</p><p>სათადარიგოები: ნ. ქავთარაძე, ნ. გაბაძე, ივანიშვილი, ლექვთაძე</p><p>მწვრთნელი: სოსო ფრუიძე</p><p><span style="text-decoration: underline;">გაფრთხილებები:</span> გოგონაია (52), გრიგალაშვილი (58)</p><p><span style="text-decoration: underline;">გაძევება:</span> ქებურია (60)</p><p><span style="text-decoration: underline;">არბიტრი:</span> ბ. ნინუა.</p><p><span style="color: #3366ff;"><strong>ბომბარდირები</strong></span></p><p>ი. სიხარულიძე (ლოკომოტივი) 13</p><p>დ. ტატანაშვილი (ჩიხურა) 11</p><p>ბ. არაბული (დინამო თბ) 11</p><p>მ. კოვტალიუკი (კოლხეთი) 10</p><p><span style="color: #3366ff;"><strong>მომდევნო ტური</strong></span></p><p><span style="text-decoration: underline;">20 ივნისი</span></p><p>ჩიხურა-ლოკომოტივი 17:30</p><p>სამტრედია-დილა 18:30</p><p><span style="text-decoration: underline;">21 ივნისი</span></p><p>შუქურა-საბურთალო 18:00</p><p>დინამო (ბთ)-კოლხეთი 19:00</p><p>დინამო (თბ)-ტორპედო 21:00.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
barbare
ეს თებიძე რომ გაუშვით ორი შეცდომის გამო,სხვებს ეს არ ეხება?მცველებზე მაქვს საუბარი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ირაკლი სიხარულიძე: "სლოვაცკოში" გადასვლა ვლადიმირ ვაისმა მირჩია
ტატანაშვილი, თარგამაძე და იაშვილი "საბურთალოს" დაემშვიდობნენ
დაბრუნებაც, დებიუტიც... "იბერია 1999"-მა და "დინამო ბათუმმა" მოიგეს, ერთი მატჩი ფრედ დასრულდა
ეროვნული ლიგა. I ტური. "სამგურალი" - "კოლხეთი" [LIVE]
გორის "დილაში" უკრაინელი ფორვარდი დაბრუნდა
მიკოლა კოვტალიუკი ყაზახეთის უმაღლეს ლიგაში დაწინაურებულ გუნდში გადავიდა
ეროვნული ლიგა. XVII ტური. "ჩიხურა"-"დინამო თბ" [LIVE]
მიკოლა კოვტალიუკს "ზორია" იწვევს
დიმიტრი ტატანაშვილი კარიერას "თელავის" რიგებში გააგრძელებს
ეროვნული ლიგა. V ტური. "კოლხეთი" - "გაგრა" [LIVE]
დიმიტრი ტატანაშვილი "საბურთალოს" ფეხბურთელი გახდა
"საქართველო არაჩვეულებრივი ქვეყანაა" - ჰამზიჩი ეროვნულ ლიგას უბრუნდება
უკრაინელი ლეგიონერი "დილასგან" 2,5 თვის ხელფასის გადახდასა და გათავისუფლების ფურცელს ითხოვს
"ჩვენთვისაც გაუგებარია, რა ხდება კოვტალიუკის თავს" - გორის "დილა" უკრაინელ ფეხბურთელს პასუხობს
ეროვნული ლიგა. პლეი-ოფი: "ჩიხურა" - "სამგურალი" [LIVE]
ეროვნული ლიგა. XVI ტური. "მერანი" - "ჩიხურა" [LIVE]
"ჩიხურამ" ძალიან ლამაზი გოლითა და მეკარის სასწაული "სეივებით" მოიგო [VIDEO]
საჩხერის "ჩიხურას" ახალი მთავარი მწვრთნელი ჰყავს!
თემურ შალამბერიძე: ყველას არ შეუძლია, ფული გადაიხადოს და ფეხბურთზე იაროს
მოისწრაფიშვილმა "სპარტაკთან" კონტრაქტი გააფორმა
ეროვნული ლიგა. III ტური. "კოლხეთი 1913" - "დინამო" (თბ) [LIVE]
დიმიტრი ტატანაშვილი "სიონისთვის" გაიტანს
სეზონის საუკეთესო ფეხბურთელი სიხარულიძე, მწვრთნელი ჭიაბრიშვილი, ნომინანტები და გამარჯვებულები - ეროვნული ლიგის ტრადიციული დაჯილდოება
სტუმრების დღე: "სამგურალმა" და "გარეჯმა" მოიგეს