ლუჩანო სპალეტი "ინტერში" - ყველაფერი კარგად იქნება!

პლუსები და მინუსები მილანის "ინტერში" ლუჩანო სპალეტი "რომადან" გაიქცა და "ინტერთან" კონტრაქტს მოაწერა ხელი. ბევრი უკვე მიიჩნევს, რომ მან ძალიან გარისკა. ბოლო დროს "ინტერის" მწვრთნელებს არ უმართლებთ. ისინი მიდიან მილანურ გრანდში და მალე მას უსახელოდ შორდებიან. რომში მას ყველაფერი ჰქონდა: ხელმძღვანელობის ნდობა, ტიფოზების დიდი სიყვარული, დაყენებული თამაში და ჩემპიონთა ლიგის ჯგუფური ეტაპის გარანტირებული საგზური.მილანში მას ყველაფრის თავიდან დაწყება მოუწევს. აქ ამბიცია უფრო დიდია და ინტრიგა გაცილებით მეტია. იყო "ინტერის" მწვრთნელი, ეს ნიშნავს, გამუდმებით იარო ბეწვის ხიდზე. იყო მილანური გუნდის მწვრთნელი, ეს ნიშნავს, გამუდმებით იტანჯებოდე. ქვეცნობიერად მაინც. ბოლოს მხოლოდ ლეონარდომ და ჟოზე მოურინიომ დატოვეს "ინტერი" საკუთარი სურვილით. დანარჩენი მწვრთნელები გაუშვეს.ამ დროისათვის ისე ჩანს, რომ სპალეტის კლუბის ხელმძღვანელობის მხრიდან ნდობის დიდი ვოტუმი აქვს. "ინტერის" ხელმძღვანელებმა განაცხადეს, რომ იტალიელი სპეციალისტი მათ სიაში ნომერ პირველი კანდიდატი იყო. არადა, ყველამ იცის, რომ რამდენიმე კვირის განმავლობაში "ნერაძური" წარუმატებლად ელაპარაკებოდა ჯერ ანტონიო კონტეს, მერე კი - დიეგო სიმეონეს.იქამდე თავად სპალეტის ჰქონდა იმედი, რომ "იუვენტუსში" მასიმილიანო ალეგრის ადგილს დაიჭერდა. კლუბში მის დანიშვნას "იუვეს" ერთ-ერთი ბოსი ლობირებდა, მაგრამ საბოლოო ჯამში, არც ეს ტრანსფერი შედგა. საბოლოო ჯამში, ორივე მხარე ერთმანეთთან მივიდა, ორივეს ინტერესები ერთმანეთს დაემთხვა.ბოლო წლების განმავლობაში ინტერის საკადრო პოლიტიკა არაფრად ვარგოდა. ამის წინააღმდეგ "ნერაძურის" არაერთმა ლეგენდამ გაილაშქრა. ამ სეზონის დაწყების წინ და ზამთარშიც, თითქოს, ყველაფერი გამოსწორდა. გუნდმა ისეთი ფეხბურთელები აიყვანა, რომლებისაც გულშემატკივრებს ძალიან ეიმედებოდათ - ედერს, კანდრევას, გალიარდინის, დამბროზიოსა და სხვებს იტალიის ნაკრებში იწვევდნენ. ამასთან, შესანიშნავი შედეგი აჩვენა "ინტერის" ახალგაზრდულმა გუნდმა. ლუჩანო სპალეტიმ ძალიან კარგად იცის, რომ მას ძალიან სჭირდება ახალი და კვალიფიციური ფეხბურთელები.სპალეტის მთავარი მოთხოვნაა სტროტმანისა და ნაინგოლანის გადაბირება. ის მათ კარგად იცნობს "რომადან". ასევე გასაკვირი არაა ის ინტერესი, რომელიც სპალეტის აქვს რიუდიგერისა და პარედესიმ მიმართ.ამ ეტაპზე მისი მთავარი ამოცანაა, როგორმე გააძლიეროს "ინტერის" ყველაზე პრობლემატური პოზიციები. ასეთი ორია. დაცვის ცენტრში მირანდას უსათუოდ სჭირდება კვალიფიციური მეწყვილე. საყრდენი ზონა კი მთლიანადაა გადასახალისებელი. იქ სტროტმანისა და ნაინგოლანის შეთამაშებული წყვილი აუცილებლად დაამყარებს წესრიგს.სხვა საქმეა, რომ სპალეტის, წესით, უნდა გაუჭირდეს ურთიერთობის დალაგება "ინტერის" ხელმძღვანელობასთან. ისინი ამ ბოლო დროს მიეჩვივნენ, რომ როცა საქმე მწვრთნელს ეხება, თავად უნდა იყვნენ უპირველესი ავტორიტეტები. ასეთი რამ სპალეტისთან მათ ნაკლებად თუ გამოუვათ.ყველას გვახსოვს სპალეტის "რომაში" მუშაობის ყველაზე სკანდალური მონაკვეთი. მაშინ ლუჩანომ მოიძულა "რომას" ქომაგების ნამდვილი კუმირი, ფრანჩესკო ტოტი. ყველამ იცის, რომ "იმპერატორი" სპალეტის ვერ იტანს. ტოტიმ კარიერის ბოლო წელი დიდწილად სათადარიგოთა სკამზე გაატარა და ამით აბსოლუტურად ყველაფერია ნათქვამი.ეს იქნება სპალეტის ერთ-ერთი მთავარი პრობლემა "ინტერში" და თუ მან იგი წარმატებით გადაჭრა, ეს ერთიორად დააჩქარებს მილანური კლუბის აღმასვლას. თუ არა და, პროექტი "სპალეტი" შეიძლება ძალიან მალე ჩავარდეს კიდეც.რა თქმა უნდა, სპალეტი-მწვრთნელს აქვს არაერთი ისეთი თვისება, რომელიც მას მიმზიდველს ხდის ნებისმიერი გუნდისათვის. და მაინც, არის ერთი კონკრეტული მომენტი, რაც ცოტა გვაშფოთებს. ფეხბურთის მოყვარულები, ალბათ, უკვე ხვდებიან, რაც უნდა დავწეროთ. სპალეტიმ არ იცის გადამწყვეტი მატჩების მოგება.ეს კი ძალიან მნიშვნელოვანი თვისებაა იმ მწვრთნელისათვის, რომელმაც ჩაიბარა გრანდი. შესაბამისად, მან ამ გრანდს რაღაც უნდა მოაგებინოს. რა თქმა უნდა, მომავალ სეზონში "ინტერი" ვერ მოიგებს ჩემპიონთა ლიგას იმ მარტივი მიზეზის გამო, რომ იგი ამ ტურნირზე საერთოდ არ თამაშობს, მაგრამ სამაგიეროდ, გუნდს აუცილებლად მოსთხოვენ იტალიის ჩემპიონატში წარმატებულ თამაშს.სპალეტის აქვს კიდევ ერთი თვისება, რომელიც მას არცთუ კარგად ახასიათებს. ის ყოველთვის სათანადოდ ვერ აფასებს საკუთარი ფეხბურთელების შესაძლებლობებს. ის ძალიან განაწყენდა, როცა მირალემ პიანიჩმა "რომა" დატოვა და "იუვენტუსში" გადავიდა. მაშინ მან თქვა, რომ ეს პრობლემა არ იყო "რომასათვის", რადგან პიანიჩზე უკეთესი ფეხბურთელი ჰყავდა პარედესის სახით.პარედესისადმი დიდზე დიდი პატივისცემის მიუხედავად, ყველა დაგვეთანხმება, რომ მისი და პიანიჩის შედარება არავითარ შემთხვევაში არ შეიძლება. როცა გუნდიდან მიდის ფეხბურთელი, რომელმაც კლუბისათვის ბევრი გააკეთა, უნდა გეყოს გამბედაობა და მას მადლობა უთხრა. წინააღმდეგ შემთხვევაში, ჩათვლიან, რომ ბოღმა გალაპარაკებს.დამაინც, თუ სათვალავში ჩავაგდებთ მხოლოდ სპალეტის სამწვრთნელო თვისებებს, ყველაფერი კარგად უნდა დასრულდეს. როგორც იქნა, "ინტერს" თავკაცობს სპეციალისტი, რომელსაც აქვს თავისი გამოკვეთილი საფეხბურთო კონცეფცია. ასეთი მწვრთნელები მილანურ კლუბში ბოლო დროს სანთლით იყვნენ საძებარნი.ქომაგებს უნდა ახარებდეთ ის გარემოებაც, რომ, როგორც იქნა, "ნერაძურის" სათავეში მოვიდა მწვრთნელი, რომელიც შემტევ ფეხბურთს სცემს პატივს. თუ სპალეტიმ მოახერხა "ინტერში" საკუთარი იდეების ბოლომდე რეალიზება, მაშინ ჩვენ გაცილებით შემტევ მილანურ გრანდს ვიხილავთ.კიდევ ერთი, არცთუ უმნიშვნელო დეტალი. ბოლო დროს "ინტერის" სათავეში მეტწილად ის მწვრთნელები იდგნენ, რომლებსაც ფეხბურთელებს შორის არ ჰქონდათ მაინცდამაინც დიდი ავტორიტეტი. სპალეტი ამ მხრივაც გამონაკლისია.იტალიურ ფეხბურთში მას უკვე აქვს საკუთარი, ძალიან მყარი ნიშა და ეს კარგად იციან იმ მოთამაშეებმა, რომლებიც ამჟამად მილანურ კლუბში ირიცხებიან. უნდა ვივარაუდოთ, რომ ბოლო წლებში "ნერაძურის" ფეხბურთელების საქმისადმი დამოკიდებულება არ იყო მთლად იდეალური. წინააღმდეგ შემთხვევაში, გუნდი ამ შემადგენლობითაც კი უფრო მეტს მიაღწევდა, ვიდრე აქამდე შეძლო. იქმნება შთაბეჭდილება, რომ იწყება თუ არა თამაში, ყველაფერი თავის ნებაზეა მიშვებული. ეს უნდა დასრულდეს!ყოველდღიური სპორტული გაზეთი "ლელო"

გატუზო თავის სტიქიაშია - ზოგს წაუთაქა, ზოგს სილა გააწნა

"მილანი" ადლის საუდის არაბეთში გაასხვისებს

40 წლის რაულ ალბიოლი სერია A-ში დაბრუნდა

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო

ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს

როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!

[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ქართული ბანერი იტალიურ დერბიში - ინტერვიუ "ინტერის" ქართული აკადემიის დირექტორთან

ისაკი გუნდთან ერთად ვარჯიშს არ აპირებს - "ნიუკასლმა" შვედი დააჯარიმა

სპალეტი: ძლიერი ზეწოლის ქვეშ მოვექეცი და ძილი დავკარგე

48 მლნ ევრო მცველში - მადრიდის "რეალმა" მესამე ტრანსფერი განახორციელა

"ერთადერთი გამოსავალი სპალეტის გადადგომაა" - ცნობილმა იტალიელმა ჟურნალისტმა ლუჩანო გააკრიტიკა

"რატომ ვეღარ თამაშობს "კვარა" ისე, როგორც "ნაპოლის" საჩემპიონო სეზონში? ხვიჩა მგრძნობიარე ბიჭია" - სპალეტიმ ქართველს რჩევა მისცა

"მილანს" ზინჩენკოს დამატება სურს - "არსენალმა" ფასი დაასახელა

მილანის "ინტერი" საქართველოში - ექსკლუზიური ინტერვიუ იტალიელ მწვრთნელთან

"ინტერმა" "რომას" კუთხურიდან გაუტანა - მოურინიო ისევ ბრაზობს

მიხაილ გორელიშვილი გორის "დილაში" დაბრუნდა

დუეინ უეიდმა "კლივლენდი" აირჩია

"სკუდეტოს მოგება რეალურია" - ლაუტარო "ინტერის" შანსებზე

პსჟ-ს, შესაძლოა, ტრანსფერების განხორციელება აეკრძალოს

ლუჩანო სპალეტი: კვარაცხელია ტოპია და დიადი საქმეების გაკეთება შეუძლია

"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა

"გეტყვით, რატომ მოუგო პსჟ-მ "ინტერს" დიდი ანგარიშით" - რობერტო დე ძერბი

ვინ სად გადავიდა? - ბოლო სატრანსფერო დღის გარიგებები