<p>საქართველოს XXIX ჩემპიონატი. ეროვნული ლიგა. XVIII ტური <br> ამ დროისთვის არცერთი გუნდი არ არის ოპტიმალურ სათამაშო ფორმაში. ამის გათვალისწინებითაც, დიდი იყო ამ შეხვედრის მნიშვნელობა. თავისთავად, "შუქურას" ქულები ჰაერივით სჭირდება. რაც შეეხება "საბურთალოს", "დინამოსთან" დიდი ანგარიშით წაგების შემდეგ გიორგი ჭიაბრიშვილის გუნდს უკანდასახევი გზა აღარ ჰქონდა.</p><p>მატჩის პირველი ტაიმი მაინცდამაინც თვალსასეირო ვერ გამოდგა. "ჩელე არენაზე" თამაში ჯერ საერთოდ ჭირს, გუშინ კი ამას ქობულეთური სიცხეც დაემატა. ამან ფეხბურთელებს მნიშვნელოვნად შეუზღუდა მოძრაობის საშუალება...</p><p>"შუქურამ" აქტიურად დაიწო მატჩი, მაგრამ დაახლოებით 10 წუთის შემდეგ "საბურთალომ" თამაში დაალაგა. თბილისელები ბურთს მეტოქეზე ხშირად კი ფლობდნენ, მაგრამ მათ იერიშებს სიმწვავე აკლდა.</p><p>უნდა გამოვარჩიოთ ლაშა შინდაგორიძის მომენტი. მან მოწინააღმდეგის საჯარიმოში მეურვეს აჯობა, მაგრამ მახვილი კუთხიდან ვეღარ გაიტანა. მეორე ეპიზოდში კი, რიკოშეტის შემდეგ, "შუქურას" უკრაინელმა ახალწვეულმა მეკარემ, ვლადიმირ მელნიჩენკომ, მართლაც რომ დიდებულად ითამაშა.</p><p>ეს იყო და, "შუქურამ" გაიტანა. საგოლე კომბინაცია ლევან კუტალიამ დაიწყო და ეფექტური თავურით მანვე დაამთავრა. აღსანიშნავია, რომ პარტნიორს შესანიშნავი პასით გაუმართა ხელი ლევან საბაძემ. შეხვედრის პირველი ტაიმი ქობულეთელთა მინიმალური უპირატესობით დასრულდა.</p><p>დაიწყო მეორე ტაიმი და "საბურთალოს" მდგომარეობა კიდევ უფრო დამძიმდა. ელვინ ტერამ გაუმართლებლად იუხეშა და მსაჯმა მას მეორე გაფრთხილება უჩვენა, რასაც ეგრევე წითელი ბარათი მოჰყვა. პირდაპირ უნდა ვთქვათ - ამ სიტუაციაში ხისტად თამაშის არავითარი აუცილებლობა არ იყო და ტერას მეტი თავშეკავება მართებდა...</p><p>თითქოს, "შუქურას" რიცხობრივი უპირატესობით უნდა ესარგებლა, მაგრამ მოხდა პირიქით. "საბურთალომ" ხელთ იგდო თამაშის სადავეები და ანგარიშიც გაათანაბრა. მანამდე იყო ქობულეთელთა არჩათვლილი გოლი, მაგრამ იმ ეპიზოდში არბიტრმა მართებულად განსაჯა.</p><p>გოლი კი საბურთალოელთა ნახევარმცველის, ვლადიმერ მამუჩაშვილის შესანიშნავ თავურს მოჰყვა. ის ისე მაღლა "აფრინდა" ჰაერში, ასეთ ნახტომს ბარე ორი ინატრებდა...</p><p>"საბურთალოს" გიორგი ხარაიშვილმა მოაგებინა, რომელმაც მისივე წაქცევისთვის დანიშნული საჯარიმო დარტყმა ულამაზეს გოლად აქცია.</p><p><span style="color: #3366ff;"><strong>მატჩის სტენოგრამა</strong></span></p><p><strong>14'</strong> - ლაშა შინდაგორიძემ `შუქურას" საჯარიმოში კარგად დაამუშავა ბურთი, მახვილი კუთხიდან დაარტყა კიდეც, მაგრამ ოდნავ არაზუსტად.</p><p><strong>20'</strong> - ჩაბრაძის ჩაწოდების შემდეგ ლაშა კალანდაძეს ბურთი აეჭრა და ვლადიმირ მელნიჩენკომ "შუქურა" სასწაულებრივი ნახტომით იხსნა.</p><p><strong>34'</strong> - გოლი! კუტალიას დაწყებული შეტევის შემდეგ ბურთი საბაძეს მიუვიდა. მან ისევ კუტალია მონახა, ვისი თავურიც უნაკლო აღმოჩნდა - 1:0!</p><p><strong>40'</strong> - გიორგი ხარაიშვილის დარტყმულს მელნიჩენკო ადგილზე დახვდა.</p><p><strong>44'</strong> - ისევ ხარაიშვილი და ამჯერად საჯარიმო დარტყმა. კვლავ შესანიშნავია მელნიჩენკო.</p><p><strong>53'</strong> - ტერამ ყვითელი ბარათი მიიღო. ეს მისთვის მეორე გაფრთხილება იყო და "საბურთალო" 10 კაცით დარჩა.</p><p><strong>56'</strong> - გურულმა უაღრესად ხელსაყრელი მდგომარეობიდან ვერ გაიტანა.</p><p><strong>61'</strong> - ჟეფინიოს პასის შემდეგ კუტალიას გოლი არბიტრმა ოფსაიდის გამო გააუქმა.</p><p><strong>62'</strong> - იმნაძემ თავურით ვერ გაიტანა.</p><p><strong>64'</strong> - გოლი! ვლადიმერ მამუჩაშვილმა შესანიშნავი თავური დარტყმით გაათანაბრა ანგარიში - 1:1!</p><p><strong>71'</strong> - ბექა გვარაძის შორეული დარტყმა ოდნავ არაზუსტი გამოდგა.</p><p><strong>85'</strong> - გოლი! გიორგი ხარაიშვილმა დიდებულად შეასრულა მის მიერვე მოპოვებული საჯარიმო. ბურთი ისე აჭრა, მელნიჩენკომ "შუქურას" გადარჩენა ვეღარ მოახერხა - 1:2!</p><p><strong>90'</strong> - კუტალია საჯარიმოში წაიქცა და ქობულეთელები 11-მეტრიანს ითხოვენ. არბიტრი თამაშს არ აჩერებს და მალე საფინალოდაც ჩასტვენს...</p><p><span style="color: #3366ff;"><strong>ეროვნული ლიგა. XVIII ტური</strong></span></p><p>21.06.ქობულეთი. "ჩელე არენა"</p><p><em><strong>შუქურა-საბურთალო 1:2</strong></em></p><p>გოლები: 1:0 კუტალია (34), 1:1 მამუჩაშვილი (64), 1:2 ხარაიშვილი (85)</p><p><span style="text-decoration: underline;">შუქურა (4-5-1):</span> მელნიჩენკო - პომაზანი, კალანდაძე, ჩაჩუა, ჯაფარიძე - კახელიშვილი (86. მამულაშვილი), გურული (70. შალამბერიძე), კლიმიაშვილი, ჟეფინიო, საბაძე (46. არქანია) - კუტალია.</p><p>სათადარიგოები: სტურუა, ცეცხლაძე, ჭანუყვაძე, მალაზონია</p><p>მწვრთნელი: გიორგი შაშიაშვილი</p><p><span style="text-decoration: underline;">საბურთალო (4-4-2):</span> კუპატაძე - ჩაბრაძე (77. მალი), თედ. გრიგალაშვილი, ცნობილაძე, სოფრომაძე - მამუჩაშვილი, ტერა, ბიძინაშვილი (52. არზიანი), ხარაიშვილი - შინდაგორიძე, იმნაძე (62. გვარაძე).</p><p>სათადარიგოები: გოშაძე, მარგველაშვილი, ფიფია, არზიანი</p><p>მწვრთნელი: გიორგი ჭიაბრიშვილი</p><p><span style="text-decoration: underline;">გაფრთხილება:</span> ტერა (36), კახელიშვილი (56), კუტალია (75), სოფრომაძე (80), ჩაჩუა (84), ჟეფინიო (88)</p><p><span style="text-decoration: underline;">გაძევება:</span> ტერა (50)</p><p><span style="text-decoration: underline;">არბიტრი:</span> პ. მაჭარაძე.</p><p><span style="color: #3366ff;"><strong>ბომბარდირები</strong></span></p><p>ი. სიხარულიძე (ლოკომოტივი) 15</p><p>ბ. არაბული (დინამო თბ) 11</p><p>დ. ტატანაშვილი (ჩიხურა) 11</p><p>მ. კოვტალიუკი (კოლხეთი) 10</p><p><span style="color: #3366ff;"><strong>მომდევნო ტური</strong></span></p><p><span style="text-decoration: underline;">21 ივლისი, პარასკევი</span></p><p>დინამო (თბ)-კოლხეთი</p><p><span style="text-decoration: underline;">22 ივლისი, შაბათი</span></p><p>საბურთალო-ტორპედო</p><p>სამტრედია-შუქურა</p><p>ჩიხურა-დილა</p><p><span style="text-decoration: underline;">23 ივლისი, კვირა</span></p><p>დინამო (ბთ)-ლოკომოტივი.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"არც ერთ სხვა ქვეყანაში ეს არ მოხდებოდა, სანიოლმა იცის ჩემი არსებობის შესახებ?" - ლევან კუტალია
კუტალია ბათუმის "დინამოს" ფეხბურთელი გახდა
გიორგი დემეტრაძე ქართულ ფეხბურთს სპორტულ დირექტორად დაუბრუნდა
ლევან კუტალია ერევნის "ალაშკერტში" გადავიდა
ეროვნული ლიგა. XXVIII ტური. "ლოკომოტივი" - "საბურთალო" [LIVE]
ეროვნული ლიგა. XXXV ტური. "შუქურა" - "საბურთალო" [LIVE]
"ლოკომოტივიდან" ფეხბურთელები მიდიან - 3 ახალწვეული "საბურთალოში"
ეროვნულ ლიგაში ახლად აღზევებული ქობულეთის "შუქურა" დაშლის პირასაა
საქართველოს ორი ჩემპიონი ერთმანეთის პირისპირ - შესამჩნევი იაპონელი და განელებზე კარგი შთაბეჭდილებით
"შუქურას" ფანებმა ბოთლი მსაჯს ესროლეს, სიგუას მოარტყეს და ბოდიშს იხდიან [VIDEO]
ევროტურნირების წინ, "საბურთალო" მთავარმა მწვრთნელმა დატოვა
პლეი-ოფში ეროვნული ლიგის მომავალი მონაწილე გაირკვა [VIDEO]
ორი 11:0 ქართული კლუბების მონაწილეობით - მოსამზადებელი ეტაპი
"საბურთალო" ტრადიციას არ ღალატობს - 17 წლის ფეხბურთელის წარმატებული დებიუტი
ხარაიშვილი თურქული კლუბის ფეხბურთელი გახდა
ჩაკვეტაძის ორი საგოლე პასი და ტრავმა - "სლოვანმა" სტუმრად მოულოდნელად "ბაზელს" სძლია [VIDEO]
თბილისის "დინამომ" გიორგი ხარაიშვილი დაიმატა
ვლადიმერ მამუჩაშვილი ერთ სეზონში ორჯერ გახდა ჩემპიონი
ხარაიშვილი სეზონის ბოლომდე თბილისის "დინამოში" დარჩება
U21. საქართველოს ნაკრებს დანიაში ჭანტურია და მამუჩაშვილი გამოაკლდნენ
ვლადიმერ მამუჩაშვილი კარიერას მოლდოვის ჩემპიონატში გააგრძელებს
"უღმერთოები ხართ ბიჭო? ღმერთის როგორ არ გეშინიათ?" - გიორგი ხარაიშვილი ქვეყანაში განვითარებულ ბოლოდროინდელ მოვლენებს ეხმაურება
ლევან კუტალია: ჩემი საოცარი გოლი ფეხბურთის ისტორიას დარჩება [VIDEO]
ბათუმის "დინამომ" "საბურთალოდან" ნახევარმცველი დაიმატა
Geo Team: ბათუმის "დინამო" მამუჩაშვილმაც დატოვა
გიორგი ხარაიშვილი თბილისის "დინამოში" დაბრუნდა
სარეკორდო ტრანსფერი - "ტორპედომ" მამუჩაშვილი დაიმატა და გიგაური გაუშვა
ეროვნული ლიგა. XXX ტური. "ტორპედო" - "საბურთალო" [LIVE]
ქეცბაიას მშვენიერი სერია და სხვა ქართველების ორშაბათი
ქობულეთის "შუქურას" განცხადება