კაპელოს ცრუმოძრაობა

ინგლისში ნაკრების კაპიტნის სამკლავურის რიო ფერდინანდისთვის ჩამორთმევას და ჯონ ტერისთვის დაბრუნებას გაუგებრობები მოჰყვა ინგლისში ნაკრების კაპიტნობის გარშემო ალიაქოთი იზრდება: რჩება შთაბეჭდილება, რომ ბრიტანეთში რამდენიმეწლიანი ყოფნის მიუხედავად ინგლისელთა ეროვნული გუნდის იტალიელმა მწვრთნელმა ფაბიო კაპელომ ბოლომდე მაინც ვერ გაიგო, "სად მოხვდა და როგორი ქუდი უნდა დაიხუროს".ამას მისი სამშაბათის საქციელის მიხედვით ასკვნიან: მას მერე, რაც ცნობილი გახდა, რომ კაპელოს სამკლავურის რიო ფერდინანდისთვის ჩამორთმევა და ჯონ ტერისთვის დაბრუნება სურს, ყველა ელოდა, რომ ის მანჩესტერში ჩავიდოდა და ფერდინანდს პირადად მოუბოდიშებდა. ასე იყო კიდეც გამოცხადებული. ამბობდნენ, რომ მანჩესტერში ჩასვლა თავად კაპელომ დაგეგმა - მით უფრო რომ ჩინებული საბაბი ჰქონდა: სამშაბათს "იუნაიტედი" ჩემპიონთა ლიგაში "მარსელს" ხვდებოდა - მაგრამ საოცარი რამ მოხდა: იტალიელი მწვრთნელი და მისი ასისტენტი ფრანკო ბალდინი მანჩესტერში ჩავიდნენ, ფეხბურთს დაესწრნენ, ვეტერანი კი არ უნახავთ.შეგახსენებთ, რომ ამ ისტორიაში ბალდინიმაც ერთობ უცნაური როლი ითამაშა. როგორც კი კაპელომ ტერისთვის კაპიტნობის დაბრუნების სურვილი გაამჟღავნა, ფერდინანდმა სწორედ ბალდინის დაურეკა. მწვრთნელის ასისტენტმა მცველს უპასუხა, რომ ტერის კაპიტნობა ერთმატჩიანი იქნებოდა და 26 მარტის ანუ უელსში თამაშის შემდეგ სამკლავური მას დაუბრუნდებოდა. ეს რომ ტყუილი იყო, მეორე დღესვე გაირკვა - კაპელომ განაცხადა, რომ მას ერთმატჩიანი კაპიტანი არ სჭირდება და გუნდის ბუნებრივ ლიდერად ტერი მიაჩნია.როგორც ტაბლოიდები წერენ, "მანჩესტერ იუნაიტედისა" და "მარსელის" თამაშის შემდეგ ფერდინანდმა "ოლდ ტრეფორდი" გაწბილებულმა დატოვა. მას დარჩა მწარე შეგრძნება, რომ მოატყუეს და შეურაცხყოფა მიაყენეს. ერთ-ერთ წყაროზე დაყრდნობით "სანმა" დაწერა:"რიო ვეღარ მიხვდა, რა ხდება მათ თავს. კაპელომ ჟურნალისტებს უთხრა, რომ ამიერიდან ნაკრების კაპიტანი ტერი იქნება, მაგრამ არ ეყო ვაჟკაცობა, ფერდინანდთან მისულიყო და ეს პირში ეთქვა. გამოდის, რომ თუ გაზეთში წაკითხულს და ტელევიზიით მოსმენილს არ ჩავთვლით, რიომ ოფიციალურად არც კი იცის, ისევ კაპიტანია, თუ სამკლავური სხვასთან გადადის. ასე მოქცევა ადამიანთან, რომელიც წლების განმავლობაში ნაკრებს ერთგულად ემსახურებოდა, არაფრით შეიძლებოდა. ეს სრული უპატივცემულობის გამოხატვა იყო".ბუნებრივია მკითხველს გაუჩნდება კითხვა, რატომ ვერ შეხვდნენ მწვრთნელი და ფეხბურთელი ერთმანეთს "ოლდ ტრეფორდზე" - ფერდინანდი ხომ ტრავმის გამო არ თამაშობდა და ასეთ დროს კლუბის თანამშრომლები, სტუმრები და სხვა "საშვიანები" ერთ-ორ მეზობელ სექტორში ნაწილდებიან ხოლმე. ტაბლოიდები პასუხს ამაზეც იძლევიან და წერენ, რომ კაპელო თამაშს თვალს "დირექტორების ლოჟიდან" ადევნებდა, ფერდინანდი კი სტადიონის გადაღმა ტრიბუნაზე იჯდა.ინგლისურმა პრესამ ისიც შეიტყო, რომ რიო ფერდინანდს ინგლისის ნაკრების ბევრმა ფეხბურთელმა მესიჯი მისწერა. ერთ-ერთში, მაგალითად, ეწერა: "მინდა დავადასტურო შენდამი დიდი პატივისცემა. შენნაირ ადამიანებს ასე არ უნდა ექცეოდნენ".

თუ გვარდიოლა წავა - "სიტის" მწვრთნელი ენცო მარესკა გახდება

[VIDEO] "ნოტინგემის" მწვრთნელი გაგიჟდა - მაკ ალისტერმა 97-ე წუთზე "ლივერპულს" 3 ქულა მოუტანა

ანსუ ფატი შესაძლოა, ინგლისის პრემიერ ლიგას დაუბრუნდეს

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა