<p>კონფედერაციათა თასი 2017. 1/2-ფინალი</p><p><br> <strong><span style="font-size: x-small;">* კვირას კონფედერაციათა თასის ფინალში გერმანიის ნაკრები ჩილეს დაუპირისპირდება.</p><p>* მანამდე მესამე ადგილისთვის მატჩში პორტუგალიისა და მექსიკის ნაკრებები ითამაშებენ.</p><p>* მატჩის საუკეთესო ფეხბურთელად ლეონ გორეტცკა დასახელდა, რომელმაც დუბლი მიითვალა.</span></p><p></strong>გერმანიის ნაკრები კონფედერაციათა თასის გათამაშებაში ექსპერიმენტული შემადგენლობით ასპარეზობს და მიუხედავად ამისა, იოახიმ ლიოვის გუნდი ფინალში გავიდა. თანაც, გერმანელებმა საკმაოდ იოლად გაიკაფეს გზა ნახევარფინალისკენ და იქაც განსაკუთრებული პრობლემების გარეშე გაიმარჯვეს.</p><p>თამაში სულ რაღაც 6 წუთის დაწყებული იყო, როდესაც მარჯვენა ფლანგიდან ბენიამინ ჰენრიხსის გადაცემის შემდეგ ლეონ გორეტცკამ იდეალური სიზუსტით დაარტყა და გახსნა ანგარიში - 1:0. ორ წუთში გერმანელებმა კიდევ ერთი შედეგიანი კომბინაცია გაითამაშეს - ტიმო ვერნერის ბრწყინვალე გადაცემის შემდეგ გორეტცკა მეკარესთან პირისპირ დარჩა და დუბლი შეასრულა - 2:0.</p><p>მესამე გოლი გერმანელებმა მეორე ტაიმის შუაწელს გაიტანეს და ამჯერადაც ეფექტური კომბინაციის შედეგად - საგოლე პასის შემდეგ ვერნერმა გოლიც შეაგდო და ანგარიში გამანადგურებელი გახადა - 3:0... შეხვედრის მიწურულს კიდევ ორი გოლი გავიდა - ფაბიანმა შორი მანძილიდან უძლიერესად დაარტყა და შესანიშნავი გოლი გაიტანა - 3:1. საბოლოო ანგარიში შეცვლაზე შესულმა იუნესმა დააფიქსირა - მექსიკელთა საჯარიმოში მარცხნიდან შეიჭრა და მეკარისაგან შორეული კუთხე დალაშქრა - 4:1...</p><p>თუ მშრალ სტატისტიკას ჩავხედავთ, შეიძლება ვიფიქროთ, რომ უპირატესობას მექსიკის ნაკრები ფლობდა - ჩრდილოამერიკელები უფრო დიდხანს ფლობდნენ ბურთს, უფრო მეტჯერ დაარტყეს მეტოქის კარის მიმართულებით და უფრო მეტჯერ ჩააწოდეს კუთხური, თუმცა მთავარი ტაბლოა, იქ კი გერმანელთა დიდი უპირატესობა დაფიქსირდა. სწორედ ეს არის კლასი, რომელმაც გერმანელებს სოლიდური უპირატესობით გაამარჯვებინა - სარეზერვო ფეხბურთელებით მოასპარეზე გერმანიის ეროვნულმა გუნდმა ერთი ამოსუნთქვით გაიარა მთელი ტურნირი და ფინალში გავიდა, სადაც ჩილეს ნაკრებთან მოუწევს დაპირისპირება...</p><p>როგორც კონფედერაციათა თასის გათამაშებაზე გამოჩნდა, გერმანიის ნაკრების მთავარ მწვრთნელს ფეხბურთელთა იმაზე დიდი არჩევანი ჰქონია, ვიდრე ეს ერთი შეხედვით ჩანდა - ფაქტია, რომ იოახიმ ლიოვს დიდი თავსატეხი ექნება იმ 23 ფეხბურთელის შესარჩევად, რომლებსაც მსოფლიოს ჩემპიონატზე წაიყვანს. მარტო გორეტცკა რად ღირს, რომელიც უკვე შევიდა გერმანული ფეხბურთის ისტორიაში - "შალკეს" ნახევარმცველმა პირველ 8 წუთში 2 გოლი შეაგდო, რაც აქამდე გერმანიის ნაკრებში არც ერთ ფეხბურთელს არ გაუკეთებია - გორეტცკა შეხვედრის საუკეთესო ფეხბურთელად დაასახელეს...</p><p>შეხვედრის შემდეგ ყურადღების ცენტრში სწორედ გორეტცკა იყო მოქცეული - "შალკეს" ფეხბურთელმა კომენტარი გააკეთა და შემდეგი განაცხადა: "ეს დღე არასდროს დამავიწყდება, რადგან გერმანიის ნაკრების შემადგებლობაში ორი გოლი გავიტანე და კონფედერაციათა თასის ფინალში გავედით. ტურნირის მოგებამდე ერთი ნაბიჯი გვაშორებს და ეს შესანიშნავია. გერმანიის ნაკრებში არ არსებობენ სარეზერვო ფეხბურთელები - ვისაც ნაკრების მაისური აცვია, ის ვალდებულია, რომ ბოლომდე დაიხარჯოს და მაქსიმუმი გამოავლინოს.</p><p>მექსიკას შესანიშნავი ნაკრები ჰყავს - მათი დამარცხება ნამდვილად არაა მარტივი და მით უმეტეს, ასეთი ანგარიშით. კიდევ უფრო ძლიერია ჩილე, რომელთანაც ფინალში მოგვიწევს დაპირისპირება. ჩილელებს ბევრი ექსტრა-კლასის ფეხბურთელი ჰყავთ, რომლებიც ევროპაში ბრწყინავენ - წინ საინტერესო და დრამატული შეხვედრა გველოდება".</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</p><p><a href="/mtavari/video.html?view=video&video=9886" target="_blank"><img src="pictures/artimages/image16/412ef35bfa95cc48191ff37d42f582a3.jpg" border="0" alt="Sportall.Ge" title="გერმანია-მექსიკა 4:1 - მუნდიალის ჩემპიონი მუნდიალის რეპეტიციის ფინალშია [VIDEO]" /></a></p><p></strong></span></span></div></p></p><p><strong><em>გერმანია-მექსიკა 4:1</em></strong></p><p>გოლები: 1:0 გორეტცკა (6), 2:0 გორეტცკა (8), 3:0 ვერნერი (59), 3:1 ფაბიანი (89), 4:1 იუნესი (90)</p><p>გერმანია (3-4-2-1): ტერ შტეგენი - კიმიხი, რიუდიგერი, გინტერი - ჰენრიხსი, გორეტცკა (67. ჯანი), რუდი, ჰექტორი - შტინდლი (79. ბრანდტი), დრაქსლერი (81. იუნესი) - ვერნერი</p><p>მექსიკა (4-2-3-1): ოჩოა - ლაიუნი, არაუხო, მორენო, ალანისი - ჯონათან დოს სანტოსი (67. მარკესი), ერერა - ხიმენესი, ჯოვანი დოს სანტოსი (63. ფაბიანი), აკინო (46. ლოსანო) - ხ. ერნანდესი</p><p>მაყურებელი: 37 923</p><p><span style="text-decoration: underline;">კვირა. 2 ივლისი</p><p></span><strong>III ადგილისთვის</p><p></strong>პორტუგალია-მექსიკა 16:00</p><p><strong>ფინალი</p><p></strong>ჩილე-გერმანია 22:00</p><p><strong>ყოველდღიური სპორტული გაზეთი "ლელო"</strong></p>
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
მესიმ არგენტინის ფეხბურთის ასოციაციის ხელმძღვანელობასთან კავშირი გაწყვიტა
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
[VIDEO] კატასტროფა - საქართველოს ნაკრებმა ერთა ლიგა გატანილი გოლის გარეშე, ბოლო ადგილზე დაასრულა
უკრაინასთან მატჩში საქართველოს ნაკრების შემადგენლობა ცნობილია
ნიდერლანდების 7:0 საბერძნეთთან და გერმანიის მიერ სერბეთის ძლევა
საბერძნეთი და გერმანია დაზავდნენ - ნიდერლანდებმა სერბეთს სძლია
"საშუალო დონის გუნდი გვყავს" - შვაინშტაიგერი გერმანიის საბერძნეთთან მარცხს გამოეხმაურა
კონფედერაციათა თასი 2017. შეჯამება: ეს იყო პეტერბურგში...
სამი კანდიდატი - "ბაიერნში" ტუხელის შესაძლო შემცვლელები ცნობილია
კაპაძემ უზბეკეთი მუნდიალზე გაიყვანა და მაინც უშვებენ? - ადგილობრივ ფედერაციას ამ ცნობილი მწვრთნელის მიწვევა სურს
კონფედერაციათა თასი 2017: გერმანია ფინალში ჩილეს დაუპირისპირდება
გერმანია. ბუნდესლიგა. XXI ტური: "ბაიერნი" წინ უკვე 16 ქულით გაიჭრა [VIDEO]
კოპა ამერიკა. C ჯგუფი: მექსიკის ნაკრებმა ურუგვაის მოუგო [VIDEO]
მიუნხენის "ბაიერნი": "რეკორდმაისტერი" ასაკს მოიკლებს
სად გააგრძელებს კარიერას გორეტცკა? - გერმანელისთვის ბრძოლას "არსენალი" ლიდერობს
"გერმანია არასაკმარისად თეთრი" და "არასაკმარისად გერმანულია"? - კლოპმა კრიტიკოსებს უპასუხა
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
ლიოვი მსოფლიო ჩემპიონატზე ერთ-ერთ ნაკრებს გაწვრთნის - მოულოდნელი დაბრუნება მუნდიალამდე 2 თვით ადრე
კლოპის ხელმძღვანელობით გერმანიამ პირველად მოიგო - ნიდერლანდებმა საბერძნეთთან ფრეს მიაღწია
ლიოვმა ახსნა, თუ რატომაა იმედიანად ინგლისთან მატჩის წინ
ლეონ გორეტცკა "ბაიერნთან" შეთანხმებას უარყოფს
გორეტცკას ინგლისში აკვირდებიან
გერმანია VS მექსიკა - ახალგაზრდულებს უნდა მივყვეთ
გერმანიის ნაკრები: ბუნდესმანშაფტი - კარგი თაობა მოდის!
პორტუგალია - მექსიკა 1:1 (2:1. დ. დ) - პეპე რომ არა [VIDEO]
ხავი შესაძლოა გაათავისუფლონ - მის შემცვლელად 3 კანდიდატი სახელდება
კონფედერაციათა თასი 2017: გერმანია ჩემპიონია
ლიოვმა მიულერს დაურეკა და ნაკრებში უხმო
ჩილე-გერმანია 0:1 - ტერ შტეგენის ფინალი [VIDEO]