<p>ლეო თაფლობის თვიდან დაბრუნდება და 2021 წლამდე კლუბში დარჩება <br> სპეკულიაცია, რომელიც თვეების განმავლობაში გრძელდებოდა, დასრულებულია - როგორც ბოლო დღეებში ვიუწყებოდით, "ბარსელონამ" ოფიციალურად გამოაცხადა, რომ ლიონელ მესი კლუბს ახალ კონტრაქტზე შეუთანხმდა და მალე ხელსაც მოაწერს.</p><p>ლიონელ მესიმ ახლახან გადაიხადა დიდი ქორწილი როსარიოში, ახლა კი თაფლობის თვეც ეკუთვნის (არგენტინელმა ვიდეო გამოაქვეყნა სოციალურ ქსელებში, როგორ ისვენებს ის ოჯახთან ერთად უცნობ სანაპიროზე). ასე რომ, ოფიციალურად ხელის მოწერის ცერემონიალი "ბარსასთან" ახალ კონტრაქტზე რამდენიმე კვირაში შედგება, როცა იგი კლუბის ბაზაზე სავარჯიშოდ გამოცხადდება.</p><p>"კლუბი ძალიან მოხარულია მესის ერთგულებით, რომელსაც ის კიდევ ერთხელ დაამტკიცებს ახალ კონტრაქტზე ხელის მოწერით. იგი ისტორიაში საუკეთესო ფეხბურთელია, რომელმაც მთელი პროფესიული კარიერა მხოლოდ ერთ კლუბში გაატარა. მან გუნდი წარმატებულ ერაში გადაიყვანა, ისეთში, როგორიც ფეხბურთის ისტორიას არ ახსოვს", - ასეთი იყო "ბარსელონას" ოფიციალური განცხადება.</p><p>როგორც ესპანური მედია ამტკიცებს, მესის ახალი კონტრაქტი ოთხწლიანი იქნება (მედია 5-იანს ვარაუდობდა), თუმცა 2021 წელს კონტრაქტის კიდევ ერთი წლით გახანგრძლივება იქნება შესაძლებელი. ამ ხნის განმავლობაში მესის გამოსასყიდი ფასი გაიზრდება და ის ასტრონომიულ თანხას მიაღწევს - 300 მილიონ ევროს!</p><p>ლეომ მთელი კარიერა ერთ კლუბში გაატარა, ახალი კონტრაქტი კი მისთვის რიგით მერვე იქნება "ბარსაში".</p><p><p><div style="text-align: center;"><span style="color: #ff0000;"><strong>* * *</strong></span></div></p> ლეო "ბარსელონაში" მე-14 სეზონს იწყებს (პირველ გუნდში დებიუტი 16 წლის ასაკში ჰქონდა). ასე რომ, ჯამში, მას კლუბის მთავარ გუნდში 17 ან 18 სეზონი გამოუვა.</p><p>მის ანგარიშზე ლა ლიგის 8 ტიტულია, ჩემპიონთა ლიგის 4 ტიტული, 5-ჯერ მოიგო კოპა დელ რეი, 7-ჯერ ესპანეთის სუპერთასი, 3-ჯერ ევროპის სუპერთასი (ერთი თბილისში), ამდენჯერვე - მსოფლიოს საკლუბო ჩემპიონობა. "ბარსას" "ათიანმა" კლუბში 583 მატჩში 507 გოლი გაიტანა! მან ყველაზე მეტჯერ, ხუთჯერ მოიგო "ოქროს ბურთი", 4-4-ჯერ კი - "პიჩიჩი" და "ოქროს ბუცი".</p><p><p><div style="text-align: center;"><span style="color: #ff0000;"><strong>* * *</strong></span></div></p> ლეო ახლა 30 წლისაა, 2021 წლისთვის კი 34 წლის იქნება. მაშ, რა გამოწვევები ელის ფეხბურთელს, რომელმაც საკლუბო დონეზე პრაქტიკულად ყველაფერი მოიგო?</p><p>მესის შეუძლია, ისტორიაში ყველაზე მეტჯერ მოიგოს ჩემპიონთა ლიგა - მას მერე, რაც ევროპის ჩემპიონთა თასი ლიგად გადაკეთდა (1992 წ), 4-4-ჯერ აქვთ ლიგა მოგებული კლარენს ზეედორფს, ჩავის, სამუელ ეტო'ოს, ანდრეს ინიესტას, ჟერარდ პიკეს, კრიშტიანო რონალდოსა და, რა თქმა უნდა, მესის.</p><p>მესის შეუძლია გახდეს ლიგის ისტორიაში საუკეთესო გოლეადორი. აქაც მეტოქე რონალდოა, პორტუგალიელს 106 გოლი აქვს გატანილი, ხოლო არგენტინელს - 94, მაგრამ არ დაგვავიწყდეს, რომ მესი ორი წლით უმცროსია.</p><p>მესის შეუძლია, "მოესწროს" ახალ "კამპ ნოუს", რომლის აშენება 2021 წლისთვის იგეგმებოდა, თუ კონტრაქტის გახანგრძლივების პუნქტს გამოიყენებენ და კატალონიელები არ ჩამორჩებიან გეგმას (ეს უფრო პრობლემატურია), შეიძლება ლეომ ახალ სტადიონზე "ბარსას" მაისურით თამაში მოასწროს.</p><p>მესის შეუძლია ბრძოლა გააგრძელოს რონალდოსთან "ოქროს ბურთების" რაოდენობაში. "რეალის" ვარსკვლავი ფავორიტია და, ალბათ, ის მოიპოვებს მორიგ "ოქროს ბურთს", რომელიც მისთვის მეხუთე იქნება და ლეოს გაუთანაბრდება. მოკლედ, ორ სუპერვარსკვლავს შორის ბრძოლა თავიდან იწყება. მესი აქაც ფავორიტია, რადგან უფრო ახალგაზრდაა.</p><p>არც ერთს არ გაუკეთებია ის, რაც პეპ გვარდიოლას "ბარსამ" შეძლო - ერთ სეზონში 6 ძირითადი ტიტული მოიგო. მესის ამ რეკორდის გამეორება შეუძლია.</p><p>2021 წლამდე მესის შეუძლია, მოიგოს რომელიმე დიდი ტიტული არგენტინის ნაკრებთან ერთად. ჯერ კიდევ არის დრო მუნდიალის ან კოპას მოგების. ეს კი, ალბათ, დაასრულებს კამათს არგენტინელებში, თუ რომელი სჯობს, ლეო თუ დიეგო მარადონა.</p><p><p><div style="text-align: center;"><span style="color: #ff0000;"><strong>* * *</strong></span></div></p> ლეოს კონტრაქტის განახლებას გამოეხმაურა კლუბის პრეზიდენტი ჟოზეპ მარია ბარტომეუ.</p><p>"პირადად ყოველთვის დარწმუნებული ვიყავი, რომ მესი ჩვენთან ახალ კონტრაქტს გააფორმებდა. ეს დიდებული სიახლეა არა მარტო "ბარსელონას" გულშემატკივრებისთვის, არამედ, ზოგადად, ფეხბურთის ფანებისთვის. ის ფაქტი, რომ ლეო კიდევ ოთხი წელი ჩვენთან ითამაშებს, იმის ნიშანია, რომ ყველაფერი კარგადაა და კიდევ უფრო კარგად იქნება მომავალში. "ბარსელონას" დიდ ოჯახს ერთნაირად უხარია.</p><p>მესის ამბავი ლოიალურობისა და ერთგულების ისტორიაა. ის ისტორიაში საუკეთესო ფეხბურთელია, რომელიც 13 წლის ასაკიდან "ბარსელონაშია". ის ჩვენთან გაიზარდა და უდიდეს წარმატებებს მიაღწია. ეს ლამაზი ისტორიაა "ბარსას" სიყვარულისა, რომელიც მას კარიერის ბოლომდე გაჰყვება".</p><p><strong></p><p></strong> <p><div style="text-align: center;"><span style="color: #ff0000;"><strong>* * *</strong></span></div></p> მაშ ასე, "ბარსამ" 2021 წლამდე დაიტოვა საუკეთესო მოთამაშე. ამით კლუბმა შემტევი ტრიოს, MSN-ის (მესი, სუარესი, ნეიმარი) ერთად ყოფნა მომავალი ოთხი სეზონის განმავლობაში დაიბევა. რაც ეს ტრიო გაფორმდა (2014 წ), "ბარსელონამ" 13 შესაძლო ტიტულიდან 9 მოიგო.</p><p><p><div style="text-align: center;"><span style="color: #ff0000;"><strong>* * *</strong></span></div></p> მესის საკითხი გადაწყდა, ვინ იქნება შემდეგი? ესპანური მედია ანდრეს ინიესტას ასახელებს. ახლა სწორედ კაპიტნის შენარჩუნება იქნება მთავარი პრიორიტეტი. 33 წლის ნახევარმცველმა "ბლაუგრანას" ხელმძღვანელობას მეტი დრო სთხოვა, კონტრაქტზე გადაწყვეტილების მისაღებად. ანდრესს ახლაც ეპატიჟებიან მეიჯორლიგიდან, ჩინეთიდან, ყატარიდან, თუმცა 2010 წლის მუნდიალის გმირს ეს წინადადებები დიდად არ მოსწონს და უფრო დარჩენისკენ იხრება.</p><p><p><div style="text-align: center;"><span style="color: #ff0000;"><strong>* * *</strong></span></div></p> აბა, მესის და ინიესტასთან რა მოსაყვანია, მაგრამ ჟერემი მატიოს ამბავსაც ვიტყვით - ის ლისაბონში "სპორტინგის" რიგებში ვარჯიშობს. უფრო სწორად, ფრანგი მცველი სინჯებზეა (ცოტა უცნაურად კი ჟღერს - "ბარსელონას" ფეხბურთელი სინჯებზე) და მან პარასკევს "ბელენენსეშთან" ამხანაგურ მატჩში უნდა დაამტკიცოს, რომ "სპორტინგისთვის" საჭირო ფეხბურთელია.</p><p><p><div style="text-align: center;"><span style="color: #ff0000;"><strong>* * *</strong></span></div></p> მას მერე, რაც კლუბი ანდონი სუბისარეტამ დატოვა, გენერალური მენეჯერის თანამდებობა ვაკანტური იყო, თუმცა ის შეივსო - "ბლაუგრანას" ახალი მენეჯერი პეპ სეგურაა. აქამდე ის აკადემიის შეფი იყო. სწორედ მისი დამსახურებაა "ბარსელონას" სარეზერვო გუნდის რევოლუციური ცვლილება, გუნდი კი რანგით მეორე დივიზიონს დაუბრუნდა.</p><p>მან შეინარჩუნა ასაკობრივი გუნდების მწვრთნელები ხერარდ ლოპესი, გაბრი და კიკე ალვარესი. 1997-2005 წლებში სეგურა ასაკობრივ გუნდებში მწვრთნელად მუშაობდა. აი, სეგურას თანამდებობა კი ვაკანტური გახდა - ამბობენ, აკადემიაში კლუბის ერთ-ერთი ლეგენდა, ხოსე მარი ბაკერო ინიშნებაო...</p><p><strong>ყოველდღიური სპორტული გაზეთი "ლელო"</strong></p>
კონტრაქტს აღარ გააგრძელებს - კურტუა "რეალიდან" მალე წავა
"თუ ის წავა, "ბარსელონაში" დავბრუნდები" - მესის კატალონიური გრანდის მაისურით კვლავ ვიხილავთ?
[PHOTO] ლაპორტა: ვარ მიმზიდველი და ფულს ვნებიანი სექსი მირჩევნია
"მანჩესტერ იუნაიტედთან" მატჩში "ლივერპულის" შემადგენლობა ცნობილია
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
კვერნაძე შეცვლაზე შევიდა - "ფროზინონე" "მონცასთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
ზივზივაძე დაბრუნდა - "ჰაიდენჰაიმი" "ვერდერს" ფრედ ეთამაშა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
გვარდიოლამ გაამხილა, როდის იფიქრებს მწვრთნელის კარიერის დასრულებაზე
კანტე ევროპაში ბრუნდება? - ფრანგს სერიოზული მსურველი ჰყავს
ვინ სად გადავიდა? - ბოლო სატრანსფერო დღის გარიგებები
[VIDEO] შენგელიას შედეგიანი მატჩი - "ბარსელონა" "დუბაისთან" დამარცხდა
"მესი რონალდოს სწორედ ამიტომ მირჩევნია" - უეინ რუნი
48 მლნ ევრო მცველში - მადრიდის "რეალმა" მესამე ტრანსფერი განახორციელა
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"თუ ის წავა, "ბარსელონაში" დავბრუნდები" - მესის კატალონიური გრანდის მაისურით კვლავ ვიხილავთ?
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
"ამას ნამდვილად არ ველოდი" - რას წერენ "ბარსელონას" ფანები თორნიკე შენგელიაზე?
პსჟ-ს, შესაძლოა, ტრანსფერების განხორციელება აეკრძალოს
კვარაცხელია და იამალი თანაგუნდელები გახდებიან? - პირველადი მოლაპარაკებები გაიმართა
[VIDEO] შენგელია მატჩის საუკეთესო მოთამაშედ დაასახელეს - "ბარსელონამ" ევროლიგაზე "მაკაბი" დაამარცხა
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
ისაკი გუნდთან ერთად ვარჯიშს არ აპირებს - "ნიუკასლმა" შვედი დააჯარიმა