დერბების დღე

ინდიან უელსის ტურნირების მორიგ სათამაშო დღეს, მამაკაცებთან შედარებით, ქალ ჩოგბურთელებს შორის გაცილებით საინტერესო ბრძოლები გაიმართა ინდიან უელსის ტურნირების მორიგ სათამაშო დღეს ქალებს შორის გაცილებით საინტერესო ბრძოლები გაიმართა. კაცებმა მესამე წრე დაასრულეს და გუშინ იქ თითქმის ყველა შეხვედრა ორი სეტში დასრულდა, ამიტომაც მიმოხილვა ქალების მატჩებით დავიწყოთ.პირველ რიგში უნდა აღვნიშნოთ ერთ-ერთი მთავარი ფავორიტის, ბელგიელი კიმ კლაისტერსის გამოვარდნა. მსოფლიოს მეორე ჩოგანის მარცხის მიზეზი მისი თამაში არ ყოფილა, უბრალოდ ფრანგ მარიონ ბარტოლის წინააღმდეგ ბელგიელს მხარი ატკივდა და მეორე სეტის მსვლელობისას ყველასთვის მოულოდნელად შეწყვიტა ბრძოლა. იმ მომენტისთვის კიმს პირველი სეტი 6:3 ჰქონდა მოგებული, მეორეში კი 1:3-ს აგებდა. მატჩის შემდეგ კლაისტერსმა განაცხადა, რომ პირველად იგრძნო ტკივილი ავსტრალიის ღია პირველობის ფინალის შემდეგ და გადაწყვიტა ზედმეტ რისკს მორიდებოდა. აღსანიშნავია, რომ ბარტოლის აქამდე სამიდან სამი მარცხი ჰქონდა ბელგიელის წინააღმდეგ.ახლა კი გადავიდეთ იმ შეხვედრებზე, რომლებშიც მსოფიოს ყოფილი პირველი ჩოგნები არკვევდნენ ურთიერთობას. ერთი იყო რუსული დერბი მარია შარაპოვასა და დინარა საფინას შორის. ამ ჩოგბურთელებს არ აქვთ ურთიერთშეხვედრათა მდიდარი ტრადიცია - აქამდე ისინი ექვსჯერ შეხვდნენ ერთმანეთს და ანგარიში თანაბარი იყო - 3:3.დღეისთვის მარია და დინარა რეიტინგში განსხვავებულ პოზიციებზე იმყოფებიან - შარაპოვა ოცეულში შედის, საფინა კი ორშაბათიდან დაბრუნდება პირველ ასეულში. მიუხედავად ამისა, მაყურებელს მაინც ბრძოლის იმედი ჰქონდა, რადგან საფინამ წინა წრეებში ის ჩოგბურთი აჩვენა, რომელსაც მისი გულშემატკივარი აგერ უკვე ორი წელია ელოდება.მაგრამ შეხვედრა ჩოგბურთელთა რეიტინგის შესაბამისი აღმოჩნდა. შარაპოვამ თავიდანვე მოიპოვა ინიციატივა და თავის სტილში შეუტია. საფინა ამისთვის მზად არ აღმოჩნდა და მაშინვე წააგო თავისი მოწოდება. დინარას სუსტი მოწოდება ჰქონდა და ამით უადვილებდა საქმეს მეტოქეს, თანაც ძალიან ბევრ შეცდომას უშვებდა. ყველაფერმა ამან კი ის გამოიწვია, რომ მარიამ 61 წუთში გაანადგურა თანამემამულე - 6:2, 6:0. შარაპოვა შემდეგ წრეში ჩინელ შუაი პენგს შეხვდება, რომელიც ერთადერთი განუთესავი ჩოგბურთელია მეოთხედფინალში. აზიელმა რუსი ნადია პეტროვა გამოთიშა ბრძოლას.მსოფლიოს ყოფილმა პირველმა ჩოგნებმა შეადგინეს კიდევ ერთი წყვილი. ეს იყო სერბული დერბი ელენა იანკოვიჩსა და ანა ივანოვიჩს შორის. იანკოვიჩი აქ ტიტულს იცავდა, თანაც ბოლო ორი მატჩი მოგებული ჰქონდა თანამემამულისთვის, მაგრამ ივანოვიჩმა, რომელიც საფინას მსგავსად ცდილობს ღრმა კრიზისიდან გამოსვას, ძალიან კარგი თამაში აჩვენა და ორ სეტში გაიმარჯვა - 6:4, 6:2. ახლა ანას მეოთხედფინალში უკვე ნახსენებ ბარტოლისთან მოუწევს ურთიერთობის გარკვევა.რაც შეეხება მსოფლიოს ამჟამინდელ პირველ ჩოგანს კაროლინ ვოზნიაცკის, მან რუს ალისა კლეიბანოვასთან მატჩამდე იცოდა, რომ აღარ ემუქრებოდა რეიტინგში პირველი პოზიციის დაკარგვა, რადგან კლაისტერსმა დათმო მატჩი ბარტოლისთან. დანიელმა გუშინდელ მატჩში წააგო ამ ტურნირზე პირველი სეტი. ეს საწყის პარტიაში მოხდა, როცა ვოზნიაცკიმ ვერ დაალაგა თამაში და ვერაფერი მოუხერხა რუსის აგრესიულ სტილს. მაგრამ მეორე პარტიიდან მოყოლებული, როგორც კი კაროლინმა შეცდომებს უკლო, კორტზე სიტუაცია კარდინალურად შეიცვალა და მომდევნო ორ სეტში კლეიბანოვამ მხოლოდ ოთხი გეიმი აიღო - 2:6, 6:3, 6:1.ერთბაშად ორ შეხვედრაში გამარჯვებულის ბედი მესამე სეტის ტაი-ბრეიკზე გაირკვა. შაარ პეერმა როლან გაროსის ჩემპიონ ფრანჩესკა სკიავონეს აჯობა და ახლა იანინა ვიკმაიერს შეხვდება, ვიქტორია აზარენკამ კი ოთხი მატჩბოლი მოიგერია (თანაც სამმაგი მეტოქის მოწოდებაზე) და სამსაათიან მარათონში დაამარცხა აგნიეშკა რადვანსკა.* * *როგორც გიხარით, მამაკაცები მესამე წრეს ასრულებდნენ და მხოლოდ ერთ მატჩში გათამაშდა სამი პარტია. ძალიან იოლად მოიგო ზედიზედ მე-16 მატჩი ნოვაკ ჯოკოვიჩმა. ამ შეხვედრაზე არც გავამახვილებდით ყურადღებას, რომ არა ერნესტ გულბისის უცნაური სტატისტიკა - ლატვიელს მთელი მატჩის განმავლობაში მხოლოდ ერთი "ვინერსი" (აქტიური მოქმედების მოპოვებული ქულა) ჰქონდა, ამასთან 28 უნებლიე შეცდომა დაუშვა. ასევე ერთი ნაბიჯით წავიდნენ წინ როჯერ ფედერერი, ტომაშ ბერდიხი, ენდი როდიკი და სხვა განთესილები.გამონაკლისი იყო ორი განუთესავი მოთამაშის ბრძოლა. რაიან ჰარისონი და მილოშ რაონიჩი ტურნირზე უაილდ-ქარდებით მოხვდნენ. კანადელი აშკარა ფავორიტი იყო - მან ამას წინ კარიერაში პირველი ტიტული მოიგო და დიდი პროგრესი განიცადა, მაგრამ ახალგაზრდა ამერიკელმა გასაღები მოუნახა კანადელის თამაშს და სამ პარტიაში მოიპოვა გამარჯვება. ახლა ჰარისონს როჯერ ფედერერთან ელის შეხვედრა.ATPBNP Paribas Openინდიან უელსი (აშშ). ჰარდისაპრიზო ფონდი: 2 645 000 დოლარი1/16 ფინალინოვაკ ჯოკოვიჩი (სერ, 3)-ერნესტ გულბისი (ლატ, 31) 6:0, 6:1; რაიან ჰარისონი (აშშ)-მილოშ რაონიჩი (კან) 7:6, 4:6, 6:4; ენდი როდიკი (აშშ, 8)-ჯონ ისნერი (აშშ, 30) 7:5, 6:2; როჯერ ფედერერი (შვეიც, 2)-ხუან იგნასიო ჩელა (არგ, 29) 6:0, 6:2; ტომაშ ბერდიხი (ჩეხ, 7)-ტომას ბელუჩი (ბრა, 26) 6:3, 6:2; რიშარ გასკე (საფ, 18)-იურგენ მელცერი (ავსტრია, 10) 6:1, 6:3; სტანისლას ვავრინკა (შვეიც, 12)-მარინ ჩილიჩი (ხორ, 17) 7:5, 6:3; ვიქტორ ტროიცკი (სერ, 16)-მიკაელ ლოდრა (საფ, 24) 6:3, 6:3.1/8 ფინალინადალი (1)-დევარმანი; მონტანიესი (23)-კარლოვიჩი; როდიკი (8)-გასკე (18); ტროიცკი (13)-ჯოკოვიჩი (3); კოლშრაიბერი (32)-დელ პოტრო; კუერი (21)-რობრედო (25); ბერდიხი (7)-ვავრინკა (12); ჰარისონი-ფედერერი (2).WTABNP Paribas Openინდიან უელსი (აშშ). ჰარდისაპრიზო ფონდი: 4 500 000 დოლარი1/8 ფინალიკაროლინ ვოზნიაცკი (დან, 1)-ალისა კლეიბანოვა (რუს, 22) 2:6, 6:3, 6:1; მარიონ ბარტოლი (საფ, 15)-კიმ კლაისტერსი (ბელ, 2) 3:6, 3:1 კლაისტერსის უარი; შაარ პეერი (ისრ, 10)-ფრანჩესკა სკიავონე (იტა, 5) 6:4, 3:6, 7:6(3); ანა ივანოვიჩი (სერ, 19)-ელენა იანკოვიჩი (სერ, 6) 6:4, 6:2; ვიქტორია აზარენკა (ბლრ, 8)-აგნიეშკა რადვანსკა (პოლ, 9) 4:6, 6:3, 7:6(3); მარია შარაპოვა (რუს, 16)-დინარა საფინა (რუს) 6:2, 6:0; შუაი პენგი (ჩინ)-ნადია პეტროვა (რუს, 18) 6:4, 5:7, 6:3; იანინა ვიკმაიერი (ბელ, 23)-დომინიკა ციბულკოვა (სლოვაკ, 25) 7:5, 7:5.1/4 ფინალივოზნიაცკი (1)-აზარენკა (8); პეერი (10)-ვიკმაიერი (23); შარაპოვა (16)-შუაი პენგი; ივანოვიჩი (19)-ბარტოლი (15).

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

ოფიციალურად: როჯერ ფედერერი მილიარდერი გახდა

[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!