კონტრაქტამდე - ნათლობა

კორეელი ან იონ სეუნის საქართველოს მშვილდოსანთა ნაკრების მთავარ მწვრთნელად დანიშვნამდე მართლმადიდებლად მოინათლა ჯერჯერობით ისევ გაურკვეველია კორეელ ან იონ სეუნის საქართველოს მშვილდოსანთა ნაკრების მთავარ მწვრთნელად დანიშვნის საკითხი. თუმცა, შესაძლოა, ეს ამბავი წუხელ გაირკვა კიდეც, ანაც - უახლოეს საათებში გადაწყდეს. საქართველოს მშვილდოსნობის ფედერაციის პრეზიდენტი მამუკა ქაცარავა საქართველოს სპორტისა და ახალგაზრდობის საქმეთა მინისტრ ვლადიმერ ვარძელაშვილს უნდა შეხვდეს, რაც, იქნებ წუხელაც შედგა, ან - დღეს გაიმართოს. კორეელის მწვრთნელად დანიშვნაში ფედერაციას ფინანსურ დახმარებას სწორედ სამინისტრო ჰპირდება და მინისტრ-პრეზიდენტის აუდენციაც ამ საკითხის გასარკვევად უნდა გაიმართოს.ახლა ერთადერთი პრობლემა კორეელის ხელფასია, თორემ თავად მწვრთნელი ყაბულსაა საქართველოში მუშაობაზე. ამჯერად ის თბილისში ხანგრძლივად საცხოვრებლად ჩამობარგდა, მთელი თავისი გარდერობით და ზემდგომთა მოლაპარაკების დასრულებას ელოდება. ცხადია, შეთანხმების დეტალებიდან გამომდინარე, ამ ზესაიდუმლო თემაზე ანუ მის სავარაუდო ხელფასზე ხელი არ მიგვიწვდება, მაგრამ, ფაქტია, საჭირო ფული ფედერაციას არ გააჩნია და დახმარებას სახელმწიფოს სთხოვს.კონტრაქტი ჯერ არ გაფორმებულა, თუმცა გუშინ კორეელისა და ქართული მხარის ურთიერთობაში ერთი არასპორტული, მაგრამ საკმაოდ მნიშვნელოვანი საკითხი მოგვარდა - კორეელი მართლმადიდებლად მოინათლა! სიმართლე გითხრათ, თავის დროზე, როცა მისი შესაძლო გაქრისტიანების შესახებ გაცნობეთ, ინფორმაციის სისწორეში ჩვენც კი გვეპარებოდა ეჭვი იმის მიუხედავად, რომ ოფიციალური პირისგან შევიტყვეთ. ისიც კი ვიფიქრე, ღირდა თუ არა საერთოდ ამაზე დაწერა, მაგრამ მოგვიანებით ეს სურვილი კორეელმაც დაგვიდასტურა, რომელიც ქართველებმა არაოფიციალურად ადრევე მონათლეს - სახელი გადაარქვეს და „არჩი“ უწოდეს. ახლა ნამდვილი ნათლობაც შედგა, ნათლიობა კი ქაცარავამ იტვირთა.იმის მიუხედავად, რომ სეუნი პირველივე ჩამოსვლისას ჯერ კიდევ აეროპორტში, სასაზღვრო კონტროლის გავლისას გააოცა ქართველთა უდისციპლინობამ (როცა არავინ იცავდა რიგსა და კანონს), მაინც იმთავითვე იმდენად მოეწონა აქაურობა, ჩვენი კულტურა, ბუნება, სამზარეულო, ქართული სტუმარ-მასპინძლობა, რომ ნაკრების თავკაცად მუშაობას მაშინვე დათანხმდა.შეგახსენებთ, რომ ის მშვილდოსნობის საერთაშორისო ფედერაციის მწვრთნელ-ინსტრუქტორია, რომელსაც ხშირად აგზავნიდნენ სხვადასხვა ქვეყნებში სემინარების ჩასატარებლად ანუ ჰქონდა საინტერესო სამუშაო. ცხადია, ანაზღაურებაც მაღალი ექნებოდა, მაგრამ საქართველოსთვის ეს ყველაფერი მიატოვა და უყოყმანოდ მიიღო ახალი გამოწვევა. მას ისე მოეწონა საქართველო, საახალწლოდ ტურისტად ჩამოვიდა თბილისში და სადღესასწაულო დღეები აქ გაატარა.ოლიმპიური სოლიდარობის ფარგლებში მან უკვე სამი სემინარი ჩაატარა ბათუმში, თბილისსა და დუშეთში, სადაც ეროვნული ნაკრების წევრებთან ერთად ახალგაზრდებიც შეარჩია სავარჯიშოდ. კორეელი ქალთა ნაკრებში სამივე ოლიმპიურ ლიცენზიას გვპირდება და ლონდონში გუნდურ ტურნირში გამოსვლის პირობას გვაძლევს. გამართლების შემთხვევაში ის ერთ საგზურს არც ვაჟებისგან გამორიცხავს, თუმცა ეს ცოტა არარეალური გვეჩვენება.იმედია, მისი საკითხი მართლაც მალე გადაწყდება და კონტრაქტს ოფიციალურად გაუფორმებენ.

მშვილდოსნობაში 2023 წლის საქართველოს თასის პირველი ეტაპი გაიმართა - გამოვლინდნენ გამარჯვებულები

თეა წულუკიანი მშვილდოსნობის ფედერაციას შეხვდა

მშვილდოსნობა. მსოფლიოს ჩემპიონატი: დედა-შვილი ერთად იასპარეზებს

საქართველოს ნაკრები პირველი ტაიმის შემდეგ ესპანეთთან ნადგურდება

ესპანეთთან მატჩში საქართველოს ნაკრების შემადგენლობა ცნობილია

"დინამო თბილისი" საქართველოს 15 და 17-წლამდე ლიგების გამარჯვებულია

დანაკლისი მატჩამდე რამდენიმე საათით ადრე - ესპანეთს საქართველოსთან ჰიუსენი ვერ დაეხმარება

კონტრაქტს გაუგრძელებენ - "გალათასარაის" იკარდის შენარჩუნება უნდა

მენიო შესაძლოა, იტალიაში დარჩეს, მაგრამ სხვა გუნდში აღმოჩნდეს

"ნაპოლის" გაძლიერება სურს - ზამთრისთვის "პარტენოპეის" რამდენიმე ვარიანტი აქვს

ჯერარდმა შესაძლოა, ინგლისური კლუბი ჩაიბაროს

თორნიკე შენგელიამ თავის ყოფილ გუნდს 10 ქულა ჩაუგდო - "ბარსელონამ" გაიმარჯვა

[VIDEO] ნადირაძე ზაგრების გრან-პრიზე ბრინჯაოს მედლისთვის ბრძოლაში ჰანსოკუ-მაკეთი დამარცხდა

[VIDEO] U21. შეცდომები სტანდარტულებისას და გამოუყენებელი პენალტი - საქართველოს ნაკრები საბერძნეთთან დამარცხდა

დე ლა ფუენტე: გვსურს, წაუგებელი რეკორდი გავაუმჯობესოთ, მაგრამ ამაზე კონცენტრირებული არ ვართ

"ბორჯღალოსნები" | 5 ცვლილება და 6 მორკინალი მარქაფაში

U21. საბერძნეთთან საქართველოს ნაკრების შემადგენლობა ცნობილია

იური ტაბატაძე: ბიჭებმა ვისაუბრეთ და გულშემატკივრებს უნდა დავუფასოთ

სანიოლი: ჩავარდნა ევროპის ჩემპიონატის შემდეგ დაიწყო - გუნდსა და გულშემატკივარს შორის ურთიერთობა ქორწინებას ჰგავს

"თუ მოიგებს, მისი მთელი ცხოვრება შეიცვლება" - დეინა უაითმა ისლამ მახაჩევზე ისაუბრა

"მხოლოდ დიდებული მოთამაშე არ გახლავთ" - დეშამმა მბაპეზე ისაუბრა

"კამპ ნოუსთან" მესის ქანდაკება უნდა დაიდგას" - ჟოან ლაპორტა

საქართველო VS ესპანეთი - ნუთუ, ერთხელ მაინც არ შეგვიძლია?!