<p>უნგრულ დიორში მიმდინარე ევროპის ახალგაზრდობის ზაფხულის XIV ოლიმპიურ ფესტივალზე 25 ივლისს ძიუდოისტთა ტურნირიც დაიწყო <br> უნგრულ დიორში მიმდინარე ევროპის ახალგაზრდობის ზაფხულის XIV ოლიმპიურ ფესტივალზე 25 ივლისს ძიუდოისტთა ტურნირიც დაიწყო, რომელშიც წარმატებით ჩაება ჩვენი ნაკრები - პირველივე დღეს ორი მოჭიდავიდან ერთი ვერცხლი მოვიპოვეთ. ჩვენი მეორე ძიუდოისტი - <strong>გოგა ჩხაიძე</strong> (50) მეშვიდეზე გავიდა.</p><p>ფესტივალის სტარტზე გოგოებში მონაწილე არ გვყავდა, მხოლოდ ბიჭებში გამოვდიოდით. <strong>ბექა წიფიანმა</strong> თავიდანვე კარგი სტარტი აიღო და შვედ ემილ ჰენრიკსონთან ფრიად დამაჯერებლად იჭიდავა - ოთხი ილეთი გაუკეთა. მართალია, იპონზე ვერ დააგდო, მაგრამ აშკარა უპირატესობას ფლობდა.</p><p>კვიპროსელი ლოუკა ლოუკასი ცოტა უფრო უხერხული მოწინააღმდეგე კი გამოდგა, მაგრამ წიფიანი აქაც მთელი თავით მაღლა იდგა კონკურენტზე, რასაც ვაზარ-იპონიც მოწმობს.</p><p>ქართველმა მოლდოველ ადილ ოსმანოვსაც წმინდად მოუგო, ნახევარფინალში კი უმძიმესი გამარჯვება მოიპოვა უკრაინელ ოლეჰ ვერედიბასთან - გაფრთხილებით მოახსნევინა, თუმცა თავადაც ორი გაფრთხილება ჰქონდა.</p><p>ფინალში მის წინ ჩვენთვის ავადსახსენებელი თურქი მიჰრაკ აკუსი აღიმართა. როგორც მოგვიანებით გამოჩნდა - გადაულახავ ბარიერად. თურქი ევროპის წლევანდელი ჩემპიონია და იმ ტურნირზე მეოთხედფინალში <strong>ლუკა კაპანაძე</strong> დაგვიმარცხა.</p><p>ჩვენი ნაკრების მთავარი მწვრთნელი <strong>გიორგი ყიზილაშვილი</strong> კი შეეცადა, იმ მარცხიდან სწორი დასკვნები გამოეტანა და დიდწილად ამის გამო წიფიანს უფრო ჩამშლელი ჭიდაობა დაავალა.</p><p>შეგირდიც ერთ ხანს წარმატებით ასრულებდა ამ დავალებას, მაგრამ მეტოქემ მაინც მოიხელთა მტკივნეულზე. აკუსმა ასე თუ გააგრძელა, ერთ თვეში მსოფლიოს ჩემპიონატსაც მოიგებს და სეზონში ყველაფრის მომგებად მოგვევლინება.</p><p>გოგა ჩხაიძემ ფესტივალზე გამოსვლა ავსტრიელ ნიკოლას რეხბერგერთან საკმაოდ რთული მოგებით დაიწყო - გაფრთხილებებით ჩამოიშორა გზიდან, მაგრამ მომდევნო ეტაპზე ვერაფერს გახდა ბელარუს ულადისლაუ ძვონიკთან: ერთი ილეთი კი აართვა, მაგრამ თავად ორი გაუშვა და სანუგეშო ტურნირში გადაინაცვლა. იქ გამოსვლაც თითო მოგება-წაგებით დაამთავრა: ესპანელ ხაიმე რიკო ბერნაბეუს კი აჯობა, მაგრამ ბულგარელ ლიუბოსლავ გრიგოროვთან წმინდად დამარცხდა.</p><p>დღეს ფესტივალში მორიგი ოთხი წონა ჩაებმება: ბიჭებში 60 და 66, გოგოებში კი 48 და 52. ჩვენი გოგოების კვარტეტიდან პირველი მონაწილეც დღეს ჩაებმება შეჯიბრებაში. ამიტომ სამი ფალავანი გვეყოლება საქომაგო.</p><p>გოგოებში ჩვენი ერთადერთი მონაწილე <strong>ეკატერინე ტატუნაშვილი</strong> (52) პირველ წრეში სლოვენიელ ნუსა პეროვნიკს დაეჭიდება. ამ წყვილში გამარჯვებულს შემდეგ ეტაპზე რუსი დარია კაშინა ელოდება.</p><p>ბიჭებში <strong>გურამ ძავაშვილი</strong> (60) და <strong>გიორგი ჩიხელიძე</strong> (66) გამოვლენ. ტატუნაშვილის მსგავსად, ისინიც პირველივე წრიდან ჩაებმებიან შეჯიბრებაში. ძავაშვილი ფრანგ ბასტლენ ჟენერს შეხვდება, ამათში მოგებულს კი შემდეგ ეტაპზე რეიტინგის აზერბაიჯანელი ლიდერი, ჭაბუკებში ევროპის წლევანდელი ჩემპიონატის ფინალისტი ვუსალ იბრაჰიმოვი ხვდება.</p><p>ჩიხელიძე თავდაპირველად ფინელ როოპე კორონენის დაეჭიდება, მოგების შემთხვევაში კი მასაც აზერბაიჯანელი ელოდება - გნიაზ მაჰმუდლუ. ეს მაჰმუდლუ ჩვენც კარგად გვახსოვს ევროპის წლევანდელი პირველობიდან, აი, მას კი, არა მგონია, კარგად ვახსოვდეთ ქართველები, რამეთუ ფინალში <strong>მიხეილ ბახბახაშვილმა</strong> ჩინებულად დააიპონა.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
....
The YouTube.com chqwere da amogigdbs
vasil
ცქერა თუშეიძლება სადმე ამ ოლიმპიადის
"წინასწარ მაფრთხილებდნენ: "ხომ მართლა იქნები ბაკურიანში შეკრებაზე?". დავეჭვდი, ასე რატომ მაფრთხილებენ-თქო" - ბექა ღვინიაშვილმა ძიუდოს კარიერის დასრულების მიზეზზე ისაუბრა
[VIDEO] შავდათუაშვილი და დვალაშვილი ბრინჯაოს მედლებისთვის ბრძოლაში დამარცხდნენ - ტოკიოს გრანდ სლემის მეორე დღე
[VIDEO] მასპინძელი იაპონელი იპონით დაამარცხა! - ილია სულამანიძე ტოკიოს გრანდ სლემის გამარჯვებულია
სასაჩუქრე ნაკრებები მამაკაცისთვის - PSP-ში საახალწლო ფასდაკლება გელოდებათ
"ლიგის ფინალიდან რამდენიმე თვის შემდეგაც ამ მატჩზე ფიქრობდა" - ვისენსმა გავრდიოლასთან მუშაობის პერიოდი გაიხსენა
"ფლორენტინო პერესმა საფეხბურთო სამყარო შეცვალა" - რონალდომ "რეალის" პრეზიდენტის მიმართ უდიდესი პატივისცემა გამოხატა
ერთ ნაბიჯში "სიტისთან" - დღეს სემენიო "ბორნმუთში" სავარაუდოდ, ბოლო მატჩს ჩაატარებს
სპერციანი სერია A-ში - "ინტერში" სომხური დუეტი იქნება?
7-კაცა | გიორგი ნოზაძე - შეიყვარე და გამოგვყევი
"შახტარს" აზაროვი და კიდევ შვიდი ფეხბურთელი დატოვებს
სუპერლიგის პირველი წრე დრამატული მატჩით დასრულდა – ორბმა რუსთავი ოვერტაიმში დაამარცხა
ხორდი კრუიფი "აიაქსის" სპორტულ დირექტორად დაინიშნა
"გერმანია და ბრაზილია ტოპ 5-ში არ არიან" - კროოსმა მსოფლიო ჩემპიონატის ფავორიტები დაასახელა
ედინსონ კავანიმ ფეხბურთელის კარიერა დაასრულა
ხვიჩა კვარაცხელია „არქის“ მასშტაბური პროექტის, „გრანდ ავენიუს“ ინვესტორი და პარტნიორი გახდა
[VIDEO] მამუკელაშვილის 22 წუთი და ბარნსის საოცარი მატჩი - "ტორონტომ" "გოლდენ სტეიტი" ოვერტაიმში დაამარცხა
ქოჩორაშვილი შეცვლაზე შევიდა - "სპორტინგმა" ადვილად გაიმარჯვა
"ინშალა". გოლი ყოველ 5 წუთში "რეალის" კარში - ლაპორტამ თქვა, რა არის სამოთხე
Globe Soccer Awards. საუკეთესო ფეხბურთელი დემბელე გახდა - კვარაცხელია თავდამსხმელებში ნომინანტებს შორის იყო
ჰოილუნის ლიდერობით - "ნაპოლიმ" "კრემონეზეს" მოუგო
"გაზაევი ულვაშა ჰომოსექსუალია" - კიევის "დინამოს ყოფილი" ფეხბურთელი
"ნაპოლი" აღარ ხუმრობს - მზადაა "რეალის" 18 წლის შემტევი 50 მილიონად შეიძინოს
"მანჩესტერ იუნაიტედი" "რომას" ნახევარმცველის შეძენასთან ახლოსაა