<p>ხანდახან ასეთი ტრაგიკული მომენტებიც უნდა გადაიტანო, რომ ფეხზე წამოდგომა ისწავლო <br> "იუვენტუსიდან" წასულ <strong>დანი ალვეშს</strong>, თითქოს, "მანჩესტერ სიტიში" უნდა გაეგრძელებინა კარიერა, მაგრამ მოულოდნელად, "პარი სენ-ჟერმენში" აღმოჩნდა. უფრო სწორად, ეს მისი არჩევანი იყო, უაღრესად ამბიციური მიზნით: მოიგოს პარიზულ გრანდთან ერთად ჩემპიონთა ლიგა, და თან - უახლოეს მომავალში!</p><p>34 წლის ბრაზილიელი (101 მატჩი და 7 გოლი ეროვნულ ნაკრებში) მარჯვენა მცველი, ვისაც თავის დროზე "სევილიასა" და "ბარსელონაშიც" უთამაშია, ფრანგულ გამოცემა "ეკიპთან" საინტერესოდ საუბრობს...</p><p><strong>- სანამ პსჟ-ში გადმოხვიდოდით, ვიცით, რომ "მანჩესტერ სიტის" მწვრთნელ პეპ გვარდიოლას ელაპარაკეთ...</p><p></strong>- დიახ, ჩვენ ვისაუბრეთ, თუმცა ძირითადად მე ვლაპარაკობდი, ის მისმენდა. მე ვუხსნიდი, რატომ მინდოდა პსჟ-ში თამაში და არა - "მანჩესტერ სიტიში".</p><p><strong>- და რა გითხრათ გვარდიოლამ? რა რეაქცია ჰქონდა? ალბათ, გაბრაზდა...</p><p></strong>- არა, არა, არანაირი გაბრაზება. ჩვენ სულ სხვა ურთიერთობები გვაქვს - თავაზიანი, ერთმანეთს პატივს ვცემთ... ძალიან ბევრი რამ გვაკავშირებს... თუმცა არ ვარ დარწმუნებული, რომ ის ჩემს არჩევანს ამართლებს, მე ხომ სხვა წინადადებებიც მქონდა, თუმცა მხოლოდ - ინგლისური კლუბებისგან.</p><p><strong>- და მაინც, რატომ პსჟ?</p><p></strong>- ჯერ ერთი, რომ კლუბს ძალიან საინტერესო პროექტი აქვს. ყველაფერი, რასაც პარიზელებმა მიაღწიეს, ვფიქრობ, შეუფასებელი დარჩა საფეხბურთო სამყაროში. მე კი მგონია, რომ გუნდი ძალიან ახლოს არის ჩემპიონთა ლიგის მოგებასთან.</p><p>თან, პსჟ-ში ბევრი ახლობელი მყავს, რომელთაგან მივიღე ამომწურავი ინფორმაცია, თუ როგორ მუშაობს სისტემა. შეიძლება, არ დამიჯეროთ, მაგრამ ყოველდღე მირეკავდნენ პარიზიდან, დაწვრილებით მიხსნიდნენ, რა და როგორ იყო. მეორე მიზეზზსაც არ დავმალავ - ჩემი მეუღლე. ის აღფორთოვანებულია პარიზით.</p><p>როცა "იუვენტუსთან" ვაფორმებდი კონტრაქტს, არავისთვის მიკითხავს რჩევა - არც მეუღლისთვის, არც მეგობრებისთვის... ტურინში ცხოვრების ხარისხი ისეთი ვერ არის, როგორიც ერთი გაფიქრებით შეიძლება წარმოიდგინო.</p><p><strong>- გამოდის, რომ პსჟ-ში გადმოსვლაზე მაინცდამაინც დიდხანს არ გიფიქრიათ. ღმერთსაც ხომ არ ჰკითხეთ რჩევა?</p><p></strong>- (იცინის) დიახ, მასაც. სწრაფად უნდა მიმეღო გადაწყვეტილება, თან, როგორია, ასეთ დროს არჩევანის გაკეთება? ეს ასეთი სერიოზული საქმეა! წარმოიდგინეთ, ორი უბრალო სიტყვაა - "ჰო" და "არა", და ეს ორი სიტყვა ადამიანის ბედს წყვეტს.</p><p><strong>- რამდენად კარგად იცნობთ პსჟ-ის მწვრთნელ უნაი ემერის, მისი მუშაობის სტილს? ისაუბრეთ მასთან?</p><p></strong>- ვფიქრობ, ჩვენ ფეხბურთზე ერთნაირი შეხედულებები გვაქვს. ის ინტენსიური თამაშის მომხრეა. მეც მიმაჩნია, რომ ეს მთავარია მოედანზე. მაგრამ ტელეფონით ასეთ თემებზე არ მსჯელობენ. სერიოზული ლაპარაკია საჭირო - პირისპირ! ჩემთვის აუცილებელია, თვალებში ვუყურებდე ადამიანს, ვგრძნობდე მის ენერგეტიკას. დარწმუნებული ვარ, ჩვენ ძალიან კარგად გავუგებთ ერთმანეთს.</p><p><strong>- არ შეიძლება, არ გავიხსენოთ 1:6 "ბარსელონასთან", ჩემპიონთა ლიგის მერვედფინალში. ეს უხერხულობას არ გიქმნიდათ, სანამ არჩევანს გააკეთებდით?</p><p></strong>- ეს ცხოვრებაა, ხანდახან ასეთი ტრაგიკული მომენტებიც უნდა გადაიტანო, რათა ფეხზე წამოდგომა ისწავლო. არ უნდა ჩაიციკლო ამაზე, წინ უნდა იყურო... მეც გადავიტანე ასეთი ტრაგედია, როცა მსოფლიოს ჩემპიონატზე, ჩვენი ქომაგების თვალწინ, გერმანიასთან 1:7 შევრცხვით. მთავარია, სწორი დასკვნები გააკეთო. ცხოვრება არ არის ასმეტრიანი დისტანცია, რომელსაც უცებ დაფარავ, ეს გრძელი გზაა, გრძელი და ძალიან რთული.</p><p><strong>- თქვენ თქვით, რომ პსჟ ახლო მომავალში ჩემპიონთა ლიგას მოიგებს. როგორ გგონიათ, რის ხარჯზე შეძლებთ ამას?</p><p></strong>- წარმატების მთავარი წინაპირობა კარგი ორგანიზაციაა. ერთი დიდი, საერთო ძალისხმევაა საჭირო. ძალიან მიყვარს ასეთი მწვერვალების დაპყრობა. ამიტომაც წავედი თავის დროზე "ბარსელონაში", ახლა - პსჟ-ში.</p><p><strong>- ტურინში მხოლოდ ერთი სეზონი გაატარეთ. "იუვენტუსის" მცველი ჯორჯო კიელინი ამბობს, რომ გუნდში "უცხო სხეულივით" იყავით...</p><p></strong>- თავიდან ძალიან დიდი პრობლემები მქონდა, "იუვენტუსის" ფეხბურთელებს საერთოდ არ ესმოდათ ჩემი, მოედანზე ხომ - საერთოდ!.. როგორც კი ეს პრობლემები მოგვარდა, შედეგებიც მოვიდა. შევძელი, გავლენა მომეხდინა გუნდში არსებულ კლიმატზე, ოღონდ - პოზიტიური კუთხით.</p><p>მაგალითად, გასახდელში იკრძალებოდა მუსიკის მოსმენა. მე კი უბრალოდ არ შემიძლია ცხოვრება მუსიკისა და ცეკვის გარეშე. თუმცა არც ისეთი სულელი ვარ, სხვის მონასტერში ჩემი წესებით შევძვრე.</p><p>ჩემი აზრით, გუნდში მხიარული ატმოსფერო უნდა იყოს, არ შეიძლება, ყველა თავისთვის ცხოვრობდეს. ამიტომაც ბოლომდე არ მენდობოდნენ გუნდში, თუმცა მერე და მერე ეს გაქრა.</p><p><strong>- "იუვენტუსამდე" იყავით "ბარსელონაში" და ბევრისთვის დღემდე გაუგებარია - როგორ შეიძლება, დატოვო გუნდი, სადაც მესი, ნეიმარი და ინიესტა თამაშობენ?</p><p></strong>- იცით, რაღაცნაირად მოსაწყენი გახდა "ბარსელონაში" ყოფნა... მაგრამ მთავარი მიზეზი ეს არ იყო - ძალიან მინდოდა, გამეგო, რას წარმოვადგენდი მარტო, ასეთი გენიალური პარტნიორების გარეშე. "ბარსა" სუპერგუნდი იყო, მეც ვიცოდი საკუთარი თავის ფასი და სხვებისაც.</p><p>უბრალოდ, ვერ ვიტან, როცა ყველაფერი კარგად არის და პრობლემებს ვერ ხედავ, უსაზღვრო კომფორტი ხშირად დამღუპველია. ეს არის ჩემი ცხოვრებისეული კრედო.</p><p><strong>- რატომღაც "შეშლილის" რეპუტაცია გაქვთ. რატომ?</p><p></strong>- არ ვიცი... ისე, ცხოვრებაში ხანდახან არასტანდარტულიც უნდა იყო, გნებავთ - შეშლილიც. ოღონდ, არასოდეს უნდა წახვიდე საკუთარი პრინციპების წინააღმდეგ და არ დაურღვიო კომფორტი სხვებს.</p><p>"შეშლილის" რა მოგახსენოთ და, მე საკუთარი თავი საკმაოდ ჯანსაღად მოაზროვნე ადამიანი მგონია, თუმცა ადამიანი, რომელიც მზად არის მოულოდნელი, რისკიანი ნაბიჯებისთვისაც. ზოგისთვის ეს "შეშლილობაა", ჩემთვის კი - მედლის მეორე მხარე.</p><p><strong>- თქვენ ძალიან ცნობილი, სახელგანთქმული ადამიანი ხართ, მაგრამ ერთხელ თქვით, რომ გეზიზღებათ პოპულარობა. ამით საკუთარ თავს ხომ არ ეწინააღმდეგებით?</p><p></strong>- მეზიზღება იმიტომ, რომ ხალხი ისეთად არ გხედავს, როგორიც სინამდვილეში ხარ. პოპულარობა ძალიან დიდ ვალდებულებებს გაკისრებს, ხელს გიშლის ნორმალურ ცხოვრებაში, ცოლთან, შვილებთან, მეგობრებთან ურთიერთობაში. ამას ვგულისხმობდი.</p><p><strong>- როგორ ახერხებთ ყოველთვის კარგ ხასიათზე ყოფნას?</p><p></strong>- ძალიან რთული ცხოვრება მქონდა, მაგრამ საკუთარი შრომით წარმატებებს მივაღწიე. ამიტომ გავხდი ისეთი, როგორიც ვარ. მე ვარ - "ადამიანი არსაიდან", ან "თითქმის არსაიდან". ამიტომაც ყველაფერს სწორედ ასეთი ადამიანის თვალით ვუყურებ. არის ის, რითიც შემიძლია ვიამაყო.</p><p>როცა დილაობით ვიღვიძებ, საკუთარ თავს ვამხნევებ - "დილა მშვიდობისა, ყველაფერი კარგადაა". იმედი მაქვს, ჩემს ახალ თანაგუნდელებსაც ასეთ ხასიათზე დავაყენებ...</p><p><strong>ყოველდღიური სპორტული გაზეთი "ლელო"</strong></p>
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
"ბარსელონას" ქამბექი - ფლიკის გუნდმა "რეალთან" სხვაობა შეამცირა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ნეიმარმა 1 მილიონის სანაცვლოდ დანი ალვეში გაათავისუფლებინა
შერიგება ერთი პირობით - გვარდიოლა და თავისი მეუღლე კვლავ ერთად არიან
გვარდიოლამ მისთვის ყველა დროის საუკეთესო მწვრთნელი და ყველაზე მნიშვნელოვანი ტურნირი დაასახელა
იმიჯი შეიცვალა - 54 წლის გვარდიოლამ ულვაშები დაიმშვენა
სიგარეტი, ალკოჰოლი და სხვა - ალვეშს შესაძლოა, ციხეში ახალი ბრალდება წაუყენონ
"მეტოქეს პატივს ვცემთ, თუმცა ჩვენი ფეხბურთი უნდა ვითამაშოთ, რაც შეეხება მბაპეს..." - კვარაცხელიამ "რეალთან" მატჩის წინ კომენტარი გააკეთა
"ელექტრულად მოძრავი, მეტოქის კოშმარი" - უცხოური სპორტული მედია ხვიჩა კვარაცხელიაზე
"იცოდა, რომ პსჟ-ზე ჰკითხავდნენ და დაიმალა" - როტენმა მბაპე გააკრიტიკა
[PHOTO] ჩემპიონთა ლიგის ფინალის შემდეგ ვანდამ საღამო პსჟ-ს ვარსკვლავთან გაატარა
"მას არ მივატოვებ" - დანი ალვეში ციხეში მეუღლემ მოინახულა
"წინ დიდი გამოცდა გველოდება" - ალონსო პსჟ-სთან მატჩის წინ
სექსი ორმხრივი შეთანხმებით - უდანაშაულო დანი ალვეში ერთი წელი ციხეში იჯდა
უპატივცემულობა - დონარუმას განცხადება, საუბარი გვარდიოლასთან და ლუის ენრიკეს კომენტარი
"გააცნობიეროს, რომ სავარაუდო მოძალადე უყვარს" - გაუპატიურებაში ბრალდებული ალვეშისა და მისი ყოფილი მეუღლის შერიგების დეტალები
ხოსეპ გვარდიოლამ "სიტიში" თავის მომავალზე ისაუბრა
"არც მესია, არც რონალდო და არც მარადონა, მაგრამ..." - არშავინმა კვარაცხელიაზე ისაუბრა
ალვეშმა ციხეში დიდი დარტყმა მიიღო - ის ზოგჯერ საკვებზე უარს აცხადებს
"ახლა მუშაობა ყველაზე მეტად მინდა" - გვარდიოლამ "სიტიდან" წასვლა გამორიცხა