ქერა ბიჭი ბეწვის ხიდზე - გიორგი ჩაკვეტაძემ ეს უნდა იცოდეს!

კარგა ხანია, ლევან ყენიას შემდეგ ქართულ ფეხბურთში არ ყოფილა ამხელა ნიჭის ფეხბურთელი გინდა თუ არა, ჟურნალისტი მივლინებებში იზრდება. იქ სულ სხვანაირი ურთიერთობა ყალიბდება შენსა და რესპონდენტს შორის, რომელიც იმ წუთში შენი რესპონდენტი კი არა, თანამგზავრია. კომფორტი და თვითმფრინავი ვის არ უყვარს, მაგრამ ცოდვა გამხელილი სჯობიაო, ნათქვამია და მე უფრო სამარშრუტო ტაქსით, ან ავტობუსით მგზავრობა მირჩევნია. მეტი მოგზაურობა და მეტი დრო უშუალო ურთიერთობისთვის - ვერაფერს იტყვი, შესაშური კომბინაციაა!..არ დამავიწყდება თბილისის "დინამოს" გასვლითი საევროპალიგო მატჩი აზერბაიჯანში, "გაბალასთან". არ დამავიწყდება თუნდაც იმ ამბების გამო, რაც დატრიალდა სტადიონზე, მაგრამ ეს წერილი ახლა იმ ცუდი მოგონებების გასახსენებლად არ იწერება...თბილისის "დინამოს" აკადემიის ხელმძღვანელებთან და მწვრთნელებთან ერთად ვიმგზავრეთ როგორც აზერბაიჯანისკენ მიმავალ, ისე უკანა გზაზე და, რა თქმა უნდა, აქეთურიც ვთქვით და იქითურიც. ლაპარაკის ხასიათი, შნო და ლაზათი აზერბაიჯანში მიმავალთ უფრო გვქონდა და მაშინ იყო, ჩემს ძველ მეგობარს, აკადემიის ერთ-ერთ თვალსაჩინო მწვრთნელს რომ ვკითხე - თუ მოდის ვინმე ისეთი, მასზე ბევრი რომ ვილაპარაკოთ, თამაშის დროს ფეხზე რომ წამოგვახტუნოს, ძველი ქართული ფეხბურთის სურნელი რომ გვაგრძნობინოს-მეთქი...არც დაფიქრებულა, ისე მითხრა - გიორგი ჩაკვეტაძეო. ფეხბურთელი ხომ კარგია და, შენ უნდა ნახო, რა ბიჭია, მისგან ერთ ზედმეტ სიტყვას ვერ გაიგონებო, შრომა მისი მოწოდებააო.სულ წვრილად დავიმახსოვრე იმ მწვრთნელის ნათქვამი. მით უმეტს, უკვე ნანახი მქონდა ამ ბიჭის თამაში, ოღონდ, მაშინ საგანგებოდ არც დავკვირვებივარ, თუმცა ერთი კი მახსოვს - თვალი მომჭრა პასის კულტურამ - უზადო კულტურამ, რომელიც საშუალო გაქანების ფეხბურთელს არ შეიძლება ჰქონდეს.მერე და მერე დრო თავისი გზით წავიდა. დღეები ერთმანეთს მიჰყვნენ ნაბდით დაჭედილი ბედაურებივით და თბილისის "დინამოში" ერთხელაც გადაწყვიტეს გუნდის გაახალგაზრდავება.ვიცი, ამ გეზს ბევრი მოწინააღმდეგე ჰყავს, მაგრამ ჩემი აზრი მაინც უნდა დავწერო: ეს ღირდა თუნდაც იმიტომ, რომ გიორგი ჩაკვეტაძე არ ჩაკარგულიყო ქართულ საფეხბურთო ლაბირინთებში, როგორც სხვა არაერთი ნიჭიერი, რომელთა საფეხბურთო კარიერაც, ცოტა ობიექტური და ბევრი სუბიექტური მიზეზის გამო, ამა თუ იმ კლუბების დუბლშემადგენლობაში დასრულდა...კარგა ხანია, ლევან ყენიას შემდეგ ქართულ ფეხბურთში არ ყოფილა ამხელა ნიჭის ფეხბურთელი. ყველას თავისი წილი ბედი ან უბედობა დაჰყვება ხოლმე ცხოვრებაში და ძალიან მინდა, გიორგი ჩაკვეტაძე ბედნიერ საფეხბურთო ვარსკვლავზე მოხვდეს, უფრო ბედნიერზე, ვიდრე... თუნდაც - ყენია.მან უნდა იცოდეს მთავარი: სწორედ ახლა, ეს სტრიქონები რომ იწერება, მის საფეხბურთო ცხოვრებაში დგას ყველაზე საპასუხისმგებლო პერიოდი. როგორ გინდა, ერთ ქართველ მწვრთნელს არ დაეთანხმო, ვისი აზრითაც, 17 წლის ქართველ ფეხბურთელზე არაფერი ითქმის, სანამ ის 20 წლის არ გახდება...გიორგი ჩაკვეტაძეს ყველაფერი აქვს იმისთვის, რომ 20 წლისაც მოწოდების სიმაღლეზე იყოს და 30-საც. და მაინც, ეს ქერა, ჩუმი და მშრომელი ბიჭი ბეწვის ხიდზე დგას. დგას, რადგან ის მაინც არის ქართველი ფეხბურთელი და სადაც ამ ორ სიტყვას ვხმარობთ, იქვე რისკის დიდი დოზაც უნდა ვიგულისხმოთ.ზოგადად, ახალგაზრდა, მით უმეტეს, თინეიჯერი ქართველი ფეხბურთელი ძალიან რთული თემაა. ჩვენ ისეთებიც გვახსოვს, უცებ რომ უცვლიათ ზნე და ხასიათი, ერთბაშად რომ შეცვლილან უარესობისკენ და პირველ რიგში საკუთარი თავისთვის უვნიათ.არადა, დღეს მართლაც ბევრი საცდურია ახალგაზრდა ქართველი ფეხბურთელისთვის. ჩემს ბავშვობაში მობილურ ტელეფონზე ოცნებაც არ შეგვეძლო. ახლა გახედავ და 10 წლის ბავშვი უკანასკნელი მოდელის მობილურით დადის. ერთი მხრივ, ეს კარგია. ცხოვრება განვითარდა, წინ წავიდა...მეორე მხრივ, ფეხბურთელს აქვს ყველანაირი საშუალება იმისთვის, რომ ჯერ კიდევ მაშინ ჰქონდეს ყველაფერი, სანამ ბევრს მიაღწევდეს ფეხბურთში. ის შეიძლება ამით დაკმაყოფილდეს და დადგება თუ არა ეს წამი, მაშინვე იწყება მისი, როგორც ფეხბურთელის კვდომა... აქეთ საყოველთაო პოპულარობა, იქეთ დიდი ყურადღება, პირველი ფულის გემო და... ხდება ის, რაც არ უნდა ხდებოდეს. ერთმა მწვრთნელმა თქვა, ქართველ ფეხბურთელზე - სანამ ის პირველი ფულის გემოს არ გაიგებს, არც აქო და არც აძაგოო.ვეთანხმები ბოლომდე. და მე ძალიან მიხარია, რომ გიორგი ჩაკვეტაძემ უკვე კარგა ხანია, გაიგო ფულის გემო და მე მის შესახებ ისეთი არაფერი გამიგია, ყურს ცუდად რომ მოხვედროდა...ზოგადად, დღეს ფეხბურთელმაც უნდა იგრძნოს, რომ ჩვენი ფეხბურთის არნახულად დაკნინების ხანაში მას ცოტა მეტი პასუხისმგებლობა ეკისრება, ვიდრე მაშინ, როცა ყველაფერი კარგადაა. ეკისრება, რადგან მისი როლი უფრო დიდია, მთავარი და საპასუხისმგებლო, ვიდრე მაშინ, როცა ყველაფერი კარგადაა.მჯერა, გიორგი ჩაკვეტაძე უკვე გრძნობს ამას და შეგნებული აქვს ისიც, რომ მისი კარიერა მხოლოდ მას არ ეკუთვნის. ჩვენ მართლა მოგვენატრა საერთო-სახალხო ფეხბურთელი, რომლის სანახავადაც ხალხი სტადიონზე ივლის და რომელიც ალალ სიხარულს მოგვიტანს - სიხარულს, რომელიც დაგვავიწყებს ჩვენს მძიმე ყოველდღიურობას, მათ შორის - საფეხბურთოსაც.დიდი, დიდზე დიდი ტვირთია გიორგი ჩაკვეტაძის პატარა მხრებზე და ძალიან მინდა, ყველა ცდუნებას სძლიოს და ითამაშოს ის ფეხბურთი, რომელსაც მისგან ველით. ამით ის თვითონაც მოიგებს და მოიგებს ჩვენი ფეხბურთიც. ჩვენი ჯილდო და მოგება კი ამ ამბავში ის იქნება, რომ როგორც ახლა, მშვიდად და უემოციოდ, სკამებს ვეღარ მიველურსმებით.ჩვენს ეპოქაში, როცა ქართულ ფეხბურთს აღარ შემორჩა გამოკვეთილი ინდივიდუალისტები, როცა ჩვენი ფეხბურთელების დიდი უმრავლესობა ერთმანეთს გაჭრილი ვაშლივით ჰგავს, კიდევ მეტად ვაფასებთ ჩაკვეტაძეს და კიდევ მეტად ვფრთხილობთ, როცა საქმე მის მომავალს ეხება.ჩვენ მისი იმედი გვაქვს. რა დასამალია და, საქართველოს ჩემპიონატის იმ მატჩებში, "დინამო" რომ თამაშობს, პერსონალურად მის სანახავადაც მივდივართ და...მას, უბრალოდ, არ აქვს იმის უფლება, რომ გვიმტყუნოს. სხვა დროს და სხვა ვითარებაში, იქნებ ჰქონოდა კიდეც, მაგრამ ახლა ნამდვილად არ აქვს!გიორგიმ ეს უნდა იცოდეს. ის ისე უნდა მოიქცეს, რომ ჩვენ ყველამ ერთად გავიმარჯვოთ...(იბეჭდება მცირე ცვლილებით)ყოველდღიური სპორტული გაზეთი "ლელო"

ბაბაჭურა

საწწრაფოდ უნდა შეიტანონ კონსტიტუციაში,რომ ვინც ფეხბურთს ითამაშებს და იბლატავებს მოედანზე,გაიგზავნება ზლატაუსტის პერესილკაში!
.......................................

აბა ბეწვი?
კოლა

ფეხბურთელთან ყოველთვის უნდა იმუშაოს ძლიერმა ფსიქოლოგმა,თორემ ჩაეშვებიან ისე,როგორც ქინქლაძე!თუმცა მან მაინც მოასწრო ბევრი რამის დატოვება და სალაპარაკოც აქვს!ეს,მაგალითი უნდა იყოს ყველა ბავშვისთვის.
roma

კონსტიტუციაში უნდა ჩაიწეროს 20 წლამდე ფეხბურთელები არ გაიყიდოს. აი არაბიძე წავიდა და დუბლებში თამაშობდა უმაღლეს ლიგაში ეთამაშა არ ჯობდა თან ისეთ გუნდში რომელიც ევრო ლიგებზე ითამაშებდა, ნუ ანგრევთ ამ ბავშვების კარიერას წინასწარ ფული აქ არაფერ შუაშია მთავარი საქმისადმი პროფესიულ მიდგომაშია. საკუთარ თავზე უნდა იმუშაონ ახალგაზრდებმა და 20 წლამდე არსად არ წავიდნენ. ჯერ აქ დაამტკიცონ რომ ყველაზე მაგრები არიან და მერე წავიდნენ ახალი გამოწვევების საძიებლად.
L.E.S

ძალიან კარგი ბიჭია ჩაკვეტაძე უდავოა...ქებამ არ უნდა აწყინოს უდავოა...19 წლამდელების ბოლო თამაშში ჩეხეთთან მეტი შეეძლო და წნეხს ვერ გაუძლო, ალბათ ესეც უდავოა... მე ესეთი კითხვა გამიჩნდა და თუ ვინმეს წაგიკითხავთ ლინკი რომ დადოთ: უცხოეთში, პოტენციური ტალანტები რომ გამოჩნდებიან როგორი სტატიები ეძღვნებათ მათი კარიერის დასაწყისში?
-------

არ ჭედავენ არა? მაგარი ხარ..! კინაღამ გკითხე, კონსტანტინე გამსახურდია თუ გაგიგიამეთქი!
gujaa

ზველი ფორმატი დააბრუნეტტტტტტტტტტტტტტტტ
Dizaini

Dizaini sheidzleba gaamjubeso da ufro martivi da tanamedrove gaxado, magram gaureseba gamogividat sinamdvileshi.
ავტორს

ყველას მოსაწონს ვერასდროს დაწერ, თუმცა ეს არაა მთავარი. მთავარია წეროთ ჩაკვეტაძეზე და სხვა იმ ბიჭებზეც ვინც ეროვნულ ლიგაშია. დაე იგრძნონ ყურადღება, იყოს აჟიოტაჟი. ეს საერთო საქმეს წაადგება. ოღონდ უნდა წეროთ კარგიც და ცუდიც. თუ დაინახავთ რომ ჩაკვეტაძე, მაგალითად თამაშის წინ გალესილი მთვრალია, იმდენი უნდა წეროთ რომ საკუთარი თავის შერცხვეს, თუ ვარჯიშზე ბოლომდე არ დაიხარჯა მადაც მასე, თუ მაგრა ითამაშა უნდა აიყვანოთ ცაში. ვიზედაც არ უნდა წეროთ საერთოდ ეს არიან ის ფეხბურთელები, ვინც ევროპის ჭ ჩემპიონატის ჭ გუნდებში გამოდიან, საერთოდ არ უნდა იყოს საინტერესო არაბულმა გოლი გაიტანა თუ არა. სწორი აქცენტები მერიისგან არის ერთ- ერთი შემადგენელი ჩვენი ფეხბურთის განვითარების
nodarichi123

დაბრუნეთ დზველი დიზაინი ეს რა უბედურება
სანდრო

ეხ,რამდენ ქერა და სავტუხა ბიჭს დაუნგრიეს ბეწვის ხიდი როცა ამ ხიდზე გადიოდა, არადა ყენიადან დრემდე უამრავი იყო კიდევ . მაგრამ მოუზომელი ვიციტ ყველაფერი ქარტველებმა და პირადი ინტერესებით ხრლმძღვანელობა.წერაც კი არ მოგინდება ისეთ დონეზე შემაძულეს ფეხბურთი.
Jeko

შური, ბოღმა თუ შეიძლება სახლში დატოვეთ.
kote

რატომ ვერ ხვდებით ჟურნალისტები, რომ ფეხბურთელს გაფუჭებისკენ ასეთი სტატიებიც უწყობს ხელს? რა გაუკეთებია ჯერ ამ ბიჭს, მასზე ლამის მთელი ერის ხვალინდელი დღე რომ წამოკიდეთ? რამხელა დაბრკოლებაში აგდებთ, ხვდებით? ითამაშოს ჯერ, მიაღწიოს რამეს - გახდეს ძირითადის უცვლელი წევრი, გუნდის ლიდერი, ჩემპიონატის საუკეთესო ფეხბურთელი და მერე ილაპარაკეთ მის ნიჭზე. "ნიჭიერია, მაგრამ არაფერი გამოუვიდა" - ესაა ერთ-ერთი იმ ფრაზათაგანი, რომელიც ანგრევს ქართული ფეხბურთის მენტალიტეტს. ნიჭიერი ისაა, ვინც რაღაცას მიაღწია, ვინც წლების განმავლობაში იზრდებოდა და წინ მიიწევდა. აკვანში ფეხბურთელის ნიჭზე საუბარი არ ღირს - ჩვენი ფეხბურთელების თავებამდეც თუ მსგავსი ფილოსოფია მიაღწევს, ჩვენს ფეხბურთშიც ბევრი რამ უკეთესობისკენ შეიცვლება.
vato

კარგი წერილია მაგრამ ბეწვის ხიდთან რა კავშირშია ვერ ვხვდები. და ერთი რამე მაინტერესებს. რატომ არ ეკუთვნის მისი კარიერა თვითონ ფეხბურთელს? მე ან სხვას რატომ უნდა ეკუთვნოდეს- თავისი შრომით არ მიაგწია რასაც მიაგწია? რა, სავსე ტრიბუნების წინ თამაშობდა? ჩვენი ვალი აქ? არა.
დათო

ისა და..ამ ფილოსოფიური წერილები წერას არ მაეშვებით? ლიტერატურული კონკურსია თუ სპორტული გაზეთი მამაძალი?...
სანდრო

გაყიდეთ ჩაკვეტაძეც, როგორც 17 წლის ყენია გაყიდეს და პატარა ბიჭი დაანგრიეს - მართალია გერმანელებს ეყოთ კანონიერება და სინდისი და მხოლოდ 18 წლისას გაუფორმეს პროფესიონალური კონტრაკტი, მაგრამ გვიანი იყო. ან როგორც ანანიძე ან მჭედლიზე 16- 17 სები გაყიდეს და ორივემ დაამთავრა წარმატებული კარიერა უკვე... ... შევეცადოთ 20 წლამდე ფეხბურთელი საქართველოში დარჩეს!
imereli

ლელა კაკულიამ იწინასწარმეტყველა 2030 წლის შემდეგ საქართველოში გამოჩნდება მსოფლიო დონის ფეხბურთელიო და გვეშველება
თენგო

წერილის ავტორმა,როგორც სჩანს, დიდი კონსტანტინეს მეტაფორის("ღამეები მიჰქროდნენ,როგორც ნაბდით დაჭედილი ბედაურები")პერიფრაზი გააკეთა.რა არის გაუგებარი?
კახელი პაპა

ისე, მეც მეწყინა ცოტა..ბევრია ნიჭიერი, არაბიძე უნდა გეხსენებინა და სხვებიც...ნუ მოაქცევთ წნეხის ქვეშ. თუ ბედი გვაქვს-გახდბა დიდი ფეხბურთელი, თუ არა და სხვაც გამოჩნდება. გიორგის ბედნიერება და შრომისმოყვარეობა მინდა ვუსურვო, იღბალიც აუცილებელია. ჩვენ ნუ მოგვისმენ:იშრომე, იშრომე, იშრომე!
luk

რა თქვით ეხლა თქვენ პატივცემულო თავად თუ გაიგეთ?
სიმულიანტს )))

გაბოროტებული ადამიანი ჩანს შენი კომენტარის უკან ))) საიდან დაასკვენი რომ უკვე ჩასვენებისკენ მიდის ჩაკვეტაძის მზე? ან გუშინდელ თამაშზე რონ წერ, მომენტები გქონდათ და არ უნდა გაეტანათ? დიახ,ყველა მოწინააღმდეგე მტერია მოედანზე და ყველაფეეი უნდა გააკეთო დასამარცხებლად.. შენ რა გინდა, რომ 2 გაეტანათ და გაჩერებულიყვნენ რადგან გორის დილაა და შენ გეწყინებოდა? ცოტა მზის შუქზე გამოდი ))) რაებს წერ,ნუ გაბოროტდები. ბავშვია და ახლა იწყებს კარიერას,წარმატება მაინც უსურვე
simulianti

არც დაფიქრებულა, ისე მითხრა - გიორგი ჩაკვეტაძეო. ფეხბურთელი ხომ კარგია და, შენ უნდა ნახო, რა ბიჭია, მისგან ერთ ზედმეტ სიტყვას ვერ გაიგონებო, შრომა მისი მოწოდებააო. :) :) :) სასაცილო და თან სატირალი სიტყვებია. ჩაკვეტაძის მზე უკვე ჩასვენებისაკენ მიდის ისე რომ ამოსვლაც ვერ გაებედა წესიერად,ხოლო გუშინ დილა-სთან მატჩში........ რა გჭირთ ბავშვებო? ნუთუ ბუნებით ასეთები იზრდებით? თუ მწვრთნელები გასწავლიან რომ გოლი ნებისმიერ ფასად ხოლო მეტოქე მოსისხლე მტრად გამოაცხადეთო?
effe

ეხლა ჩაკვეტაძის ჯერია.. გამახსენე ბ.ადმინ აბურჯანიაზე ბოლოს როდის დაწერეთ რამე? ეგაა ზუსტად თავიდან აქებთ ადიდებთ აგიჟებთ ამ ახალგაზრდა ბიჭებს და მერე ჩუმდებით რომელი ერთი ჩამოგითვალოთ რომელზეც ეგრე მოიქეცით ამ საიტს კრიტიკის ნატამალიც არ გააჩნია
bingo

უნდა დაიწეროს ყველაფერზე, რაც ყურადღებას იპყრობს. მითუმეტეს მაგარი წერილია ჟარგონით რო ვთქვა "ვიკაიფე" ბოლომდე
status quo

ბედაურებს ნაბდით არ ჭედავენ,ნაბადს ამოაკრავენ ხოლმე და რაც არ იცი ,მაგაზე არ უნდა წერო.ჩაკვეტაძეზე სტატიის წერა ჯერ ადრეა და ნუ გააფუჭებთ მაგ კარგ ბიჭს...
gio

დროული სტატიაა და მჯერა, გიორგი ყველა სიტყვას ყურადღებით წაიკითხავს
papa dimo

მართალ სიტყვაში ვენაცვალე ავტორს! 70 წლის ვეტერანი ქომაგი, რომელსაც ყველაფერი ახსოვს
Kaxa

Kenias mereo? Arabidzes rato ar axsenebt? Jer arabidzis donemde mivides da mere vilaparakot vin visze clieria da ar gindat ase agmerteba fexburtels jer nakrebshi daamtkicos da mere ilaparaket. Da arabidzes rogorc maxsovs nakrebshi 3 tamashshi 3 goli romel qartvel fexburtels gautania nakrebshi ikneb shemaxsenot? Carmatebebi orive giorgis.
haha

შეეშვით ქება დიდებას. თუ ისედაც დიდი წნეხი აქვს, შენ რაღას უმატებ? მაგას ჯობია გაჩუმდე.
Alekos

თუ დიდი ტვირთია მაშინ შეეშვი და ნუ წერ ამ სტატიას ნუ გაჯხურეთ ამ ბავშვს საქმე !ფულის გემო ჩაკვეტაძეს კია არა ამ უთავბოლოდ გაწელილი სტატიის ავტორს სცემს,უაზრო სიტყვებს რაკარუკში რომ იღებს აბა შენ თავს ეწინააღმდეგები არ ვაქოთო არ ვაძაგოთო 20 წლამდეო და აიქაფე პირი აქ

"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა

"ლივერპული" პრემიერლიგის "გალაქტიკოსი" გახდა" - ჯეიმი კარაგერი

შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

დავითაშვილი: ასეთები ხდება, მთავარია, ახლა არ გავიმეოროთ

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!

"უოტფორდმა" ჩიქოვანის ტრანსფერი დეტალების გარეშე დაადასტურა

ქართველი მეკარე ესპანურ გუნდში გადავიდა

"ვალენსია" ჩაკვეტაძის ტრანსფერზე "უოტფორდს" დაუკავშირდა

Geo Team: "უოტფორდში" ქართველი თავდამსხმელი გადადის

გადადის ჩაკვეტაძე "ვალენსიაში"? - მედიაში ურთიერთგამომრიცხავი ინფორმაციები ვრცელდება

"2026 წლიდან, 10 წლის თავზე, დიდი ძალისხმევის შედეგად, სამართლიანობა იზეიმებს და "დინამო თბილისს" ექნება დაფინანსების სხვადასხვა წყარო" - რომან ფიფიას განცხადება

Geo Team: ჩიქოვანმა "უოტფორდთან" კონტრაქტი გააფორმა, მაგრამ ჯერ ბელგიაში ითამაშებს

თბილისის "დინამო" კლუბის ნაწილობრივ გაყიდვას არ ადასტურებს

ჩაკვეტაძის გარეშე - "უოტფორდმა" სეზონში პირველი გამარჯვება მოიპოვა

ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?

"უოტფორდი" ისევ დამარცხდა და თასიდან გამოვარდა

Geo Team: არის პირადი კონტრაქტი - ჩაკვეტაძის "ვალენსიაში" ტრანსფერი ბოლომდეა მისაყვანი