<p>პარიზში უეფას XXXV კონგრესის მონაწილეებმა ევროპული ფეხბურთის მმართველი ორგანიზაციის ხელმძღვანელად მიშელ პლატინი 53 ხმით აირჩიეს <br> მოსახდენი მოხდა. პარიზში უეფას XXXV კონგრესის მონაწილეთაგან მიშელ პლატინის 53 ხმა ერგო. აღსანიშნავია, რომ არჩევნებში მას კონკურენტი არც ჰყოლია. პირველად ფრანგი ფუნქციონერი ევროპული ფეხბურთის მმართველი ორგანიზაციის ხელმძღვანელად 2007 წლის იანვარში აირჩიეს.</p><p>"ოთხი წლის წინ თანამდებობაზე არჩევის შემდეგ, უპირველესად, ძველ მეგობრებს ვუხდიდი მადლობას, იმ ადამიანებს, რომლებიც ცხოვრების ამა თუ იმ ეტაპზე ჩემ გვერდით იდგნენ. ძალიან ემოციური მომენტი იყო. დღეს კი ამ სიტყვას ვეუბნები ჩემს ახალ მეგობრებს. მათ, ვინც ამ წუთას დგას ჩე¬მ¬თან ერთად. მადლობა მინდა გადავუხადო ფეხბურთის ეროვნულ ასოციაციებს, იმისთვის, რომ ჩემი სჯერათ", - განაცხადა პლატინიმ სამადლობელ სიტყვაში.</p><p>ფრანგმა ცალკე აღნიშნა უეფას აღმასრულებელი კომიტეტის წევრებისა და ადმინისტრაციის მუშაკების შრომა და მადლობა მათაც უთხრა. მას არ დავიწყნია "უამრავი მწვრთნელისა და ენთუზიაზმით სავსე ათასობით მოხალისის შრომა, რომლებიც მასობრივი ფეხბურთის პოპულარიზაციისთვის განსაკუთრებულად იღვწიან. სწორედ ასეთი ადამიანები ასწავლიან ჩვენს შვილებსა და შვილიშვილებს გარკვეულ ღირებულებებს და ცხოვრების გაკვეთილებს უტარებენ მათ. ესეც თავისებური საშუალებაა, გავხადოთ ჩვენი საზოგადოება უკეთესი," - განაცხადა პლატინიმ.</p><p>აქვე გეტყვით, რომ უეფამ პრეზიდენტის გარდა აღმასრულებელი კომიტეტის ახალი წევრებიც აირჩია. ესენი არიან: ანხელ მარია ვილიარ ლიონა (ესპანეთი), სენეშ ერზიქი (თურქეთი), პიტერ ჟიერონი (შვეიცარია), გრიგორი სურკისი (უკრაინა), სერგეი ფურსენკო (რუსეთი) და ბორისლავ მიხაილოვი (ბულგარეთი).</p><p>გარდა საზეიმო ღონისძიებებისა, უეფას კონგრესმა ფეხბურთში არსებული პრობლემებისთვისაც მოიცალა. ისევ მიშელ პლატინის სიტყვებს მოვუხმობთ. უეფას პრეზიდენტმა საჯაროდ პირველად ილაპარაკა იმაზე, რაზეც კულუარებში უკვე დიდი ხანია ჩურჩულებენ. მან გამოთქვა სერიოზული ეჭვი, თავის დროზე ევროპული ფეხბურთის მამებმა ხომ არ დაუშვეს დიდი შეცდომა, როცა ევროპის ჩემპიონატის თანამასპინძლად უკრაინა დაასახელეს. პლატინიმ იქვე დასძინა, რომ ნიონში უკრაინელების იმედი ბოლომდე ექნებათ.</p><p>"თუმცა იმედს ვიტოვებ, რომ ყველაფერი კარგად ჩაივლის. მინდა მჯეროდეს, ის ადამიანები, რომლებიც უკრაინაში ჩავლენ მშვენიერ დროს გაატარებენ და სამხრეთ აფრიკისგან განსხვავებით ქუჩებშიც საზეიმო განწყობა იქნება," - თქვა მან. შეკითხვაზე, ჩვეულებრივზე მეტად ინერვიულებს თუ არა ევროპის ჩემპიონატის გახსნით მატჩზე, პლატინიმ უპასუხა, რომ სანერვიულო ფინალური მატჩის დასრულებამდე არ დაელევა.</p><p>უეფას კონგრესმა ასევე უმნიშვნელოვანესი გადაწყვეტილება მიიღო სანაკრებო მატჩების ტელეტრანსლაციებთან დაკავშირებით. 2016 წლის ევროპირველობის შესარჩევი ეტაპის მატჩების სატელევიზიო ჩვენების უფლებას უკვე უეფა გაყიდის და შემოსული თანხიდან შედარებით ღარიბ ფედერაციებს დაფინანსებას გაუზრდის. აღნიშნულ გადაწყვეტილებას უეფას წევრმა 53-ივე ასოციაციამ დაუჭირა მხარი. "ამიერიდან პატარა საფეხბურთო ქვეყნებს აღარ მოუწევთ იმაზე დარდი, მოხვდებიან თუ არა "კარგად გაყიდვად" ნაკრებებთან ერთად შესარჩევ ჯგუფში", - აცხადებს პრეზიდენტი.</p><p>უეფას კონგრესმა კიდევ ერთ უმნიშვნელოვანეს საკითხზე იმსჯელა. მან ევროპული გუნდებისთვის მსოფლიოს 2014 წლის ჩემპიონატის შესარჩევი ციკლის ფორმატი საბოლოო სახით წარმოადგინა. 3 წლის შემდეგ ევროპას სამხრეთ ამერიკაში სულ 13 წარმომადგენელი ეყოლება. მაშ ასე, შესარჩევ ეტაპზე 8 ექვსგუნდიანი და 1 ხუთგუნდიანი ჯგუფი შეიქმნება. ჯგუფების გამარჯვებულები პირდაპირ მოიპოვებენ ბრაზილიის საგზურს. დარჩენილ 4 ადგილს კი საუკეთესო 8 მეორეადგილოსანი ერთმანეთთან დაპირისპირებისას გაარკვევს.</p><p><p><strong></strong></p> <p><strong></strong></p> <p><strong>ლევან ბიბილაშვილი</strong></p> <p> </p> <p> </p> <p> </p> <p> </p> <p><strong>.</strong></p></p>
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
[VIDEO] თბილისის "დინამოს" ახალგაზრდული გუნდი ჩემპიონთა ლიგის მეორე ეტაპზე გავიდა
[VIDEO] სადებიუტო გოლი ჩემპიონთა ლიგაზე - მიქაუტაძემ "იუვენტუსს" გაუტანა!
ეს მოხდა ბაქოში - "ყარაბაღმა" ისევ გაიმარჯვა და ჩემპიონთა ლიგის ლიდერებშია
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
This Is Anfield: საბედნიეროდ "ლივერპულს" მამარდაშვილის სახით ალისონის მემკვიდრე ჰყავს - რამდენ ხანს იუქმებს ბრაზილიელი?
"რეალთან" 0:5-ის შემდეგ "კაირატის" მეკარე ავტომობილით დააჯილდოეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ოსიმენი: "გალათასარაი" მსოფლიოს საუკეთესო გუნდია
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
"იამალთან დაკავშირებით ეს არ მომწონს" - ფლიკი მედიაში გავრცელებულ სტატიებზე
"მილანი" რობერტ ლევანდოვსკის დამატების ვარიანტს განიხილავს
[VIDEO] "ალონსოს ყაზახეთში მოულოდნელი საჩუქარი გაუკეთეს" - რა მოხდა "კაირატთან" მატჩის შემდეგ პრესკონფერენციაზე
"გარიცხეთ რუსეთის ფედერაცია UEFA-დან" - ესტონელებმა მოთხოვნა წამოაყენეს
უზბეკეთის ნაკრებში კაპაძის ნაცვლად "ოქროს ბურთის" მფლობელ მწვრთნელს ნიშნავენ
"მადლობა ჩვენი გუნდის პრეზიდენტს, მის ამ ჟესტს არასდროს დავივიწყებ" - "ბარსელონასთან" მატჩის წინ, ენრიკემ ნასერ ალ-ხელაიფის მიმართ მადლიერება გამოხატა
"მატჩის მსვლელობისას ჩემთან "ლივერპულის" ფეხბურთელი მოვიდა და ეს კითხვა დამისვა..." - გიუნდოგანი ინგლისური გრანდის გაოცებულ წევრზე
მამარდაშვილის შანსი. "ითამაშებს თუ არა ალისონი?" - სლოტმა ვითარება განმარტა
U17 | საქართველო 3:0 ლიეტუვა
დღეს - ენრიკე ხვიჩას გარეშე, მიქაუტაძე "იუვენტუსის" წინააღმდეგ