ზაზა ფაჩულია: ბევრმა ვერ გამიგო

საქართველოს კალათბურთელთა ნაკრების კაპიტანმა ისრაელთან თამაშის წინ განმარტება გააკეთა უკრაინასთან მატჩის შემდეგ საქართველოს ნაკრების კაპიტანმა ზაზა ფაჩულიამ ასეთი კომენტარი გააკეთა:<a href="/kalathburthi/evropis-chempionati/108579-saqarthvelo-ukraina-8188-sad-gaqra-energia-video.html" target="_blank">- საქართველო-უკრაინა 81:88 - სად გაქრა ენერგია? [VIDEO]</a>"დიპლომატიური ვიქნები და გეტყვით, რომ ჩვენ მხოლოდ ერთი მიმართულებით ვთამაშობთ: "ჯიგრით". სამწუხაროდ, ასეთ დონეზე ეს საკმარისი არაა. აქ უნდა გამოიჩინო ინტელექტი, ცოდნა, უნდა მიაქციო ყურადღება პატარა დეტალებს, რომლებიც საბოლოო ჯამში მოგებაში დაგეხმარება. ეს არის და ეს.სამწუხაროდ, ბოლო მატჩებში ჩვენ პატარა დეტალებს ყურადღებას არ ვაქცევთ და გვინდა, ისევ "ჯიგრით" მოვიგოთ. ეს ძალიან რთულია ისეთ გუნდებთანაც კი, როგორიც უკრაინაა. ეს ელიტარული ნაკრები არ გახლავთ, მაგრამ რადგან ევროპის ჩემპიონატზე თამაშობს, ე.ი. კარგი გუნდია. ასე დაისჯები ყოველთვის, როდესაც კალათბურთს პატივს არ სცემ და არ ითამაშებ ისე, როგორც საჭიროა. 40 წუთის განმავლობაში არ მიაქცევ ყურადღებას ისეთ დეტალებს, რომლებიც მატჩს გაგებინებს.საერთოდ, ქართულ სპორტში სანამ ამ დეტალებს ყურადღება არ დაეთმობა, მანამდე წარმატებაზე ფიქრი ძალიან რთულია. რაღაც მონდომებით შეიძლება ქომაგს სიურპრიზი შესთავაზო ან 2 თამაში მოიგო. მაგრამ ჩვენ თუ გვინდა მედლამდე მივიდეთ, ჩემპიონები გავხდეთ ან ფინალში ვითამაშოთ, ამას მარტო მონდომებით გარჯა არ შველის. ამ ყველაფერს კალათბურთის თამაშის ცოდნა უნდა, ორივე მხარეს, როგორც დაცვაში, ასევე - შეტევაში. სამწუხაროდ, ეს არის მწარე სიმართლე და რეალობა და ამას ყურადღება უნდა მიექცეს".მისმა ამ ნათქვამმა გულშემატკივრებში არაერთგვაროვანი რეაქცია გამოიწვია. სწორედ ამიტომ გუშინ მან განმარტება გააკეთა:"ჩემს კომენტართან დაკავშირებით ბევრი შეკითხვა მოვისმინე. ბევრმა არასწორადაც გაიგო, ამიტომ, ვფიქრობ, უმჯობესია, დავაკონკრეტო. არასოდეს დავუშვებ, რომ ჩემს ძმებს, ჩემს თანაგუნდელებს შეურაცხყოფა ვაკადრო. მჯერა მათი პროფესიონალიზმის, ადამიანობის და ვაჟკაცობის.საქართველოს ნაკრები ერთი გუნდია, ერთი საქმისთვის და ერთი მიზნისთვის ვიბრძვით. ვიცი, რომ ცოდნა გვაქვს, ბევრი შეგვიძლია და სწორედ იმიტომ ვთქვი - ეს ცოდნა და შესაძლებლობები კარგად გამოვიყენოთ. ასე რომ, ვისთვისაც გაუგებარი იყო, ვიმედოვნებ, ახლა გასაგები იქნება.რთულ სიტუაციაში ვართ, ისრაელთან მოგება აუცილებლად გვჭირდება და გვინდა რაც შეიძლება მეტი პოზიტივი, მაქსიმალური მხარდაჭერა და ერთიანობა. ბევრს ვმუშაობთ და იმედი მაქვს, შრომა დაფასდება ისე, როგორც ეკადრება ჩვენს ქვეყანას. საამისოდ ყველაფერს ვაკეთებთ და გავაკეთებთ.კალათბურთი სპორტია, არის მოგებებიც, წაგებებიც, მაგრამ ერთი რამ არის მთავარი - ყოველთვის გვეამაყება ნაკრებში თამაში და ყოველთვის მოსაგებად გამოვდივართ მოედანზე".ბოლოს, რაც შეეხება ისრაელთან თამაშს:<a href="/kalathburthi/evropis-chempionati/108644-israeli-vs-saqarthvelo-yofna-aryofnis-sakithkhi.html" target="_blank">- ისრაელი VS საქართველო - ყოფნა-არყოფნის საკითხი</a>"ჩვენი მეტოქე ისრაელია, ძლიერი გუნდი, რომელიც საკუთარი გულშემატკივრის წინაშე თამაშობს. მძიმე შეხვედრა იქნება, მით უმეტეს, რომ წინა თამაში (გერმანიასთან) თავის სასარგებლოდ დაასრულეს და ამჯერადაც მოგებისთვის გამოვლენ.ენერგია, ცოდნა, გამოცდილება... ყველაფერი, რაც გაგვაჩნია, მატჩში უნდა ჩავდოთ. იმედი მაქვს, რომ გამარჯვებულები ჩვენ დავრჩებით".ვაჟა სიმონიშვილი თელ-ავივიდანყოველდღიური სპორტული გაზეთი "ლელო"

სოსო

გ.ბ.სწორედ მაგას ვწერდი მეც,მაგრამ ამათ არაფრის დანახვა და არაფრის გაგება არ უნდათ.დიდოსტატის მარჯვენიდან მახსენდება მეფე გიორგის სიტყვები:საკმარისია გამოჩნდეს ვინმე ღირსეული,რომ დავეხვევით ყველა ყვავ ყორანივით,მანამ არ მოვისვენებთ,სანამ მასაც ჩვენსავით არ ამოვსვრით და მერე მოვისვენებთ,ისიც ჩვენსავით ტალახიანი არარაობააო.იქ სინამდვილეში სხანაირად სწერია,გაცილებით კარგად,მაგრამ იქაც ლაპარაკი გამორჩეულის და უკეთესის განადგურებაზეა და შემდეგ ისევ რომ ვნატრობთ ახალ გმირს,იმაზე.
სოსო

მაგ ორიდან ერთი იქვე გამეორებაზე გამოჩნდა,რომ გარბენი არ იყო და ტყუილად დაუსტვინეს.
???

რაც ჩამოთვალე ფაჩულიაზე გეთანხმები, ცინცაძეზეც, შესაბამისად მაგ ყველაფრის გამო არ უნდა თქვას ზაზამ რაც თქვა და ცინცაძემ კიდევ უფრო ცოტა დრო უნდა დაყოს მოედანზე
ცოტა თავმდაბლობა ჯობია

უკრაინასთან ფაჩულიამ ორი ისეთი გარბენი გააკეთა თანაც გადამწყვეტ მომენტში,რომ ნბა ს მოთამაშეს ნამდვილად არ ეკადრება.ამიტო ასეთ მენტორულ,ჭკვიანურ ლაპარაკს თავი დაანებოს.განსაკუთრებით არ მომეწონა ლიტვასთან ბოლო წუთშესვენების ჩატარება თვითონ რომ გადაწყვიტა და ზუროსს ახლოს არ უშვებდა.ამიტომაც კინაღამ წავაგეთ.გოლდენ სტეიტის ვარსკვლავების წყალობით ნბა ს ჩემპიონი რომ გახდა მე მგონი თავის დამსახურება ჰგონია.
გ.ბ.

ცამდე მართალიც,რომ იყოს არ გამოუვიდა ლამაზად. თან ჩასაფრებულ „სასტავებს“ სალაპარაკო მიეცათ. პატარა მინაწერი იყო საჭირო ეს რათქმა უნდა მეც მეხებაო და ხმის ამომღები ვერ იყო ვერავინ. ზემოთ ნახსენები „სასტავები“ დარწმუნებული ვარ დღესაც წაგებას ნატრულობდნენ, რომ მორიგი ბოღმა გადმოენთხიათ. რა გინდათ რამ გაგაბოროტათ? კონკრეტულად ფაჩულიაზე გეტყვით - 1.თითქმის სამი თვეა არ უთამაშია. 2.ბოლო ერთი წელია თამაშობს იმისგან სრულიად განსხვავებულ კალათბურთს რაც დღესდღეობით ჩვენ ნაკრებს ჭირდება. და რაც მთავარია არ არის ლიდერი. მისგან არავინ არ მოითხოვს მატჩის ბედია გადაწყვეტას. 3.მოსამზადებელ პერიოდში მაშინ როდესაც ადაპტაცია უნდა გაევლო გუნდში და უნდა გაეხსენებინა ის რაც სჭირდება ნაკრებს და არა „GS“-ს დაიმტვრა და ეხლა უწევს ძველი თავისი ფუნქციების გახსენება. 4.ჯიგარს რაც შეეხება ნაკრებს წაუგია, მაგრამ მისი და საერთოდ მთელი გუნდის უჯიგროდ ჩატარებული მატჩი მე არ მახსოვს. ამ ევროპაზე ჯიგარი არაფერ შუაშია, ფსიქიკაშია საქმე. ალბათ ლიტვის მერე უკვე ნახევარფინალზე და შესაძლოა ფინალზეც ფიქრობდნენ. ამას კიდევ ფსიქოლოგი სჭირდება რაც მთლიანად ჩვენი სპორტის ერთ-ერთი მთავარი პრობლემაა. 5.ფაჩულიაზე კი რა გულზე სკდებით. ვინმე დაჩაგრა, გზაზე გადაეღობა, მოატყუა გადააგდო თუ რა ქნა? თავისი შრომით მიაღწია ყველაფერს და გაეშვიიით!!! ნუ სკდებით გულზე!!! ერთი მაინტერესებს, რომელი თქვენგანი იტყოდა უარს მილიონებზე ტიტულის სანაცვლოდ. სათქმელი ბევრია ძალიან გამიგრძელდა, მაგრამ ეს აუცილებლად უნდა ვთქვა. ფაჩულიას და განსაკუთრებით ცინცაძეს რომ მოსდგნენ, მაგათ ეზოშიც კი არა აქვთ ნათამაშები თორემ ეცოდინებოდათ როგორია დაჭიმულობის(ჩვენ რომ ნაღრძობს ვეძახით) მერე ორ დღეში არათუ ევროპაზე თამაში არამედ ქუჩაში გასვლაც კი. აუუ ამდენი სკოლის მერე არ მიწერია, მაგრამ ძალიან მომიშალეს ნერვები ეს დღეები.
თემური

ჩემი აზრით ბიჭებმა ფორმის პიკს ამხანაგურ თამაშებში და ლიტვასთან მიაღწიეს და ამის შემდგომ გადაიწვნენ. ძნელია შვიდი კაცით მოკლე პერიოდში ამხელა მარათონის გავლა. რას იზამ სკამი გვაქვს მოკლე!
დიტო

სიმართლე უნდა ითქვას. ზაზა მართალია,მარტო ჯიგრით ვერ მოიგებ. გუნდში რაღაც ხდება და წაგების ზაზაზე გადაბრალება არ არის სწორი. გაბლატავდაო რომ წერთ ესეც არ მიმაჩნია სწორად. ზაზა არის დიდი სპორტსმენი და დიდი ადამიანი. ის იმსახურებს დაფასებას.
ნიკო

მართალს იძახის ზაზა, ლიტვის მერე მოიშალა გუნდური თამაში და ძალიან ერთფეროვანი გახდა, ქვეცნობიერად განეწყვნენ რომ მსგვს გუნდებს უკვე ისედაც გადაუვლიდნენ ეს კი არ გამოვიდა და უკვე ვეღარ დაბრუნდნენ თამაში, თუ ჯგუფიდან გავედით შეიძლება ეს ჩავარდნა კარგიც იყოს ბევრი დასვკნა გამოიტანონ.
ირაკლი

ზაზას მართლა ძალიან დიდი ამბიციები აქვს, თანაც სრულიად უსაფუძვლო. ის რომ "გოლდენ სტეიტ"-ის შემადგენლობაშია, 99% მისი აგენტის დამსახურებაა. ამ გუნდში მე-12-ე მოთამაშედ ნებისმიერი საშუალო დონის კალათბურთელი "გაქაჩავს". საერთოდ, უნდა იცოდეს, კაპიტანზე ბევრია დამოკიდებული და მწვრთნელის დასაყრდენია, თუმცა ზაზა ფაჩულიას სურს რომ მწვრთნელსაც არ მოუსმინოს და მისგან რჩევებს და ჭკუის დარიგებას არ კადრულობს. ეს რამდენჯერმე გამოჩნდა. კაპიტანი გუნდს უნდა კრავდეს, სხვებს საჯაროდ არ უნდა აკრიტიკებდეს და გადაბრალებით არ უნდა იყოს დაკავებული. ჩემი აზრით, კაპიტანი სხვა უნდა იყოს. ალბათ ყველაზე მეტად ეს ფუნქცია მარკოიშვილს შეეფერება.
ზუზუ

მე ვფიქრობ რომ ფაჩულიამ ამ კომენტარის გაკეთების მერე ბიჭებს ბოდიში უნდა მოუხადოს,კაცი რომელიც გუნდის კაპიტანია ესეთ რაღაცას როგორ იძახი გუნდის წევრებზე, ყველა თავდაუზოგავი თამაშობს და ეს ვითომდა პროფესიონალი რომელმაც ორი ნაბიჯის გაკეთება არ იცის სხვებზე ლაპარაკობს, ალბად ბიჭები მოგთხოვენ მაგაზე პასუხს იმედია მაგრამ ჯერ მაგის დრო არ არის
tariel k.

გეთანხმები ზაზა. დიახ, წარმატებას აღწევს ის ვინც ცოდნას გზას მისცემს და გამოიყენებს.რუსთაველიც ერთმნიშვნელოვნად აცხადებს საამაყო, გონიერი ადამიანი ხარ!!!!!!!!!!!!!
ჯუბა

ზაზამ მეტი უნდა იმუშაოს 3 წამიანში და არა ისე ითამაშოს როგორც ნბა-ში.იქ სხვები აკეთებენ ქულებს, აქ კი თვითონ უნდა გააკეთოს.თანაც სათქმელი პირდაპირ უნდა თქვას,თორემ ურემი რომ გადაბრუნდება, მერე.............
Zaza

აკადემიასაც მიაქციე ზაზა ცოტა ყურადღება, ჩაიხედე შიდა სამზარეულოში, მიხედე თორემ იცოდე რაღაც მოხდება და ვიღაცაები ცუდად შეეწირებიან მაგ სიტუაციას, რაც იქ ხდება
ზაზას

ორი კვირის წუნ უცხოელი ჟურნალისტის კითხვაზე ელიტაში როდის შეხვალთო რა უპააუხე ზაზა ძმურად ა????უკვე ელიტაში ვართო არ უთხარი??? როდის თქვი სუმართლე მაშინ თუ ეხლა???ბოისა, გამყრელიძე და კიდევ რანდენიმე კალათბურთის უმაღლეს დინეზე მთამაშებლები რომ არ იყვნენ ჩვენ ყველამ ვიცოდით, შენ ეხლა გაიგე? ძალიან იმედგაცრუებული ვარ, რატო ემართება უმეტესობა ჩვენს წარნატებულ სპოეტსმენს "პროფესორობის" სინდრომი? კალაძის "პულკაში" გადასვლა გინდა ეტყობა
პაატა

ალ სტარის ხმის მიცემის შემდეგ კალათურთის ამერიკელი ჟურნალისტები და ექსპერტები ხუმრობდნენ ფაჩულიამ იმდენი ხმა მიიღო თავის ქვეყანაში პრეზიდენტად არჩევა რომ მოინდომოს უეჭველი აირჩევენო...ხიდა ეტყობა ამას გაუჩნდა ზოგიერთი "დიდი ქართველი სპორტსმენივით" პოლიტიკოსობის ამბიცია, რატომაც არაო?! სიმაღლე და საუბარი კი მიწყობს ხელსო, ლ-საც კარგად ვამბობო...მოკლედ მეტზე აღარ განვევრცობი თორემ დაბლოკავს ადმინისტრატორი ამ პოსტს. ეხლა ვინც რაც უნდა ისე შეაფასოს მაგრად არ მაინტერესებს! წადი ფაჩუ გოლდენში და დააყენე თამაშში ერთი ორი ბლოკი, მეტის თავის შენ აღარ გქონია. ტურნირის დაწყებამდე დავწერე მაგას ევროს თამაში არ უნდათქო იმიტომ რომ "გაბლატავდა", ხოდა გამოხტა სიტყვით პროფესორი. მანამდე რა არ იცოდი ფაჩუ ეგრე რომ იყო?! არც დურანტი იყო გუნდში და კარი?! უკრაინელემა გაგინათლეს გონება?
ზაზას

ჩვენ ხომ ზომიერ საქმიან კრიტიკას ვერ ვიტანთ, ქართველები...
"რიგითი გულშემატკივარი"

მარტო "ჯიგრით" რა თქმა უნდა ვერ მოიგებ,მაგრამ NBA--ს ჩემპიონს, ესპანეთის ჩემპიონატის აუტსაიდერი "ობრადორიოს" რიგითი მოთამაშე არტემ პუსტავოი, 7-ჯერ რომ გადაგატენის თავზე"ალეუპს",ამას რა ჰქვია?ან საბერძნეთის აუტსაიდერი"რტიკალას" რიგითი წევრი ალექს ლიპოვი,რომ სამქულიანებით კალათს ამოგივსებს,სად არის აქ "ჯიგარი"?
ზუზუ

თავიდანვე ეტყობოდა გუნდს ლიტვის თამაშის მერე რომ შიდა სამზარეულოში რაღაც ხდებოდა, და გამოჩდა კიდეც კაპიტნის ნათქვამში, რომ თამაში არ იციან ბიჭებმა და ყველაფერი მათი ბრალია,ეტყობა ამ ევროპის მერე აღარ ითამაშებს ან აპირებს ნაკრებიდან წასვლას სათქმელი თქვა რასაც ადრეც ფიქრობდა ალბად ბიჭებზე ესე
oto

შეიძლება ზაზა არ იყოს უმაღლესი დონის სპორტსმენი,მაგრამ ის მუდამ იქნება უმაღლესი დონის სპორტული სულის პატრონი (სამწუხაროდ ერთადერთი საქართველოში)
guri

სათამაშო დისციპლინის იგნორირებაც იყო წაგების ერთერთი მიზეზი. ინდივიდუალიზმი ალამაზებს თამაშს, მაგრამ გუნდურობაც არ უნდა დავივიწყოთ. დღეს ბიჭები დაამხობენ ისრაელს, მე მჯერა.
1

რისი თქმა გინდა? რამე შეიცვალა ამ 1 კვირაში? მაგ ყველაფრის ფონზე არ იყო ეიფორია და მედლების მოლოდინი?
1

არ გვინდა რა ვინმეს გაკერპება. ზაზა მაგარია, მაგრამ არის მოქმედი კალათბურთელი და მორჩა. მოედანზე უნდა გავიდეს და ითმაშოს, რასაც მწვრთნელი დაავალებს ის გააკეთოს და არა განცხადებები აკეთოს იმაზე რა მდგომარეობაა ქართულ სპორტში. და დიდი ბოდიში მაგრამ მადლობას ვერ ვეტყვი კალათბურთელს და პატრიოტიზმსაც ვერ ვხედავ თუ ნაკრებში თამაშობს, კალათბურთელმა სხვა რა უნდა გააკეთოს?
თოკო

ზაზას შეიძლება დავეთანხმო, მაგრამ თავის უამრავ შეცდომას რატომ არ აღიარებს, თუნდაც დამწყების დონეზე გაკეტებულ გარბენებს, გაფუჭებულ სროლებს, უაზრო ჯარიმებს? ისიც გაითვალისწინეთ, რომ ზაზას პოზიციაზე თამაში, მით უმეტეს, თითქმის თანაბარი შემცვლელის პირობებში, ყველაზე ნაკლებად დამღლელია. შენგელია, დიქსონი(განსაკუთრებით ცინცაძის არყოფნისას), ცინცაძე, მარკოიშვილი რამდენჯერმე უფრო მეტად ირჯებიან და დატვირთვაც მათზე მოდის. შესაბამისად, დაღლილობა უფრო დაეტყოთ.
ფეოლა ფოთი

ზაზამ ყველაზე წარმატებულმა ქართველმა კალათბურთელმა სრული სიმართლე თქვა მაგრამ სიმართლის მთქმელს ბევრი ეგრევე აკრიტიკებს მითუმეტეს საქართველოში. ლიტვის კალათბურთი $300 მილიონით ფინანსდება ყოველ წლიურად ქართული კალათბურთი $3 მილიონით. ლიტვას 25000 კალათბურთელი ყავს ჩვენ 900. უკრაინის,იზრაილის და იტალიის მონაცემები არ ვიცი ალბათ იმათაც შთამბეშტავი ციფრები ექნებათ. ღრუბლებში ფრენა კარგია მაგრამ მხოლოდ სიზმარში. დიდი მადლობა ჩვენს ბიჭებს მე მათი ძალიან მეამაყება.
................

ჩვენ ჩვენი მოსაგები უკვე გავაჩუქეთ. უკვე ნერვიულობადაც არ ღირს. ისრაელიც და იტალიაც ჩვენთან წაგებას სიზმარშიც კი არ დაუშვებენ. ეს იყო ამ ხუთი კაცის მაქსიმუმი და იმედია ახალგაზრდები ასევე წარმატებით ჩაენაცვლებიან ამ დამსახურებულ ვეტერანებს. ტყუილად კი არ არის ნათქვამი, საკუთარ ერთ ადგილს ვერასოდეს გადაახტებიო. ამ ბიჭებმა შეძლეს ის რომ საქართველო ელიტაში დაამკვიდრეს. როცა არ გაქვს ჩემპიონატი, არც ერთი კლუბი არ გაგყავს ევროპის თასებზე, როცა ლეგიონერების გარდა არც ერთ კალათბურთელს უბრალოდ ნამდვილი კალათბურთელების ოფლის სუნიც კი არ შეუსუნთქავს, რა ჩემპიონობაზე და მეოთხედფინალებზეა ლაპარაკი. საქართველოში დღეს სპორტსმენები სახელმწიფო საჯარო მოხელეებივით ქვეყნის ბიუჯეტიდან ფინანსდებიან და მაინც მაგარი შედეგები გვაქვს სპორტის ბევრ სახეობაში. ზაზას რაც შეეხება მას შეეძლო მსოფლიო ჩემპიონობის შემდეგ უბრალოდ დამტკბარიყო ცხოვრებით და წყნარად, მშვიდად დაესვენა სხვა ბევრი ევროპელი ვარსკვლავივით, მაგრამ ის პატრიოტია და ფულის გამო არ ჩამოსულა ნაკრებში და არც იმისთვის რომ საქართველოს ნაკრების გაფარჩაკების თანამონაწილე ყოფილიყო. მას გული შესტკივა იმაზე რასაც მეც ვხედავ და თქვენც. ნაკრები ირევა და არავინ არ იცის ვინ რა გააკეთოს, უაზრო ბავშვურ შეცდომებს უშვებენ. იმის მაგივრად რომ დაწყნარდნენ და დალაგებულად შეუტიონ ზოგი ალთას გარბის ზოგი ბალთას, დაათრევენ ამ ბურთს, სანამ სულელურად არ დაკარგავენ და ფარქვეშაც იმდენ ბურთს გვიხსნიან რამდენიც კალათში არ ვარდება.
???

ესეც იმის დასტური რისი ეჭვიც იყო - გუნდში არაჯანსაღი სიტუაციაა სამწუხაროდ. ამას ზაზა ახლა არ უნდა ამბობდეს, კარის, დურანტის და ტომპსონის გვერდით თამაში ადვილია, მაგრამ ნაკრებში ...? ბიჭები იგულისხმა თუ მწვრთნელი მნიშვნელობა არ აქვს, რომელიღაც გუნდის წევრ(ებ)ი "არ სცემენ პატივს კალათბურთს და არ აქვთ შესაბამისი ცოდნა". ამ განცხადებას არ უნდა აკეთებდეს (არც უნდა გაიფიქროს) კაპიტანი სამწუხაროდ და მერე განმარტებები არ უნდა ჭირდებოდეს, ეს ყველაფერი იგრძნობოდა ბოლო 2 თამაშში. პ.ს. ზაზა არ გეწყინოს მაგრამ ნბა-ს ჩემპიონიც არ უნდა კარგავდეს შეტევაში ზედიზედ 4-ჯერ ბურთს და იქიდან 2-ს გარბენის გამო.
ზუზუ

ეხლა იმას ხომ არ იტყვის ბიჭებს დავცინეოოო? ყველამ კარგად გაიგო რაც თქვი და იგულისხმე, ეგ აფერისტობა არ გიხდება
geo

ზაზა შენი დიდი იმედი გვაქ ბევრია შენზე დამოკიდებული
levo

არადა რაც პირველ კომენტარში იგულისხმა კარგად გავიგეთ და არ შემიძლია არ დავეთანხმო. მაინც გადაჰკრა თანაგუნდელებს და პრინციპში სამართლიანადაც:) მარტო ჯიგარი არ შველის თამაშის მოგებას, იმდენი ბავშვური შეცდომები დაუშვეს კი დაუჯდათ წაგებების ტოლფასად.
რაჟდენ (რაჟიკო) ფაჩულია

სრულიად გეთანხმები ზაზუშ. დღეს კარგი დღეა, მოვიგებთ მჯერა!!! ვიცი რო თავს არ დაზოგავთ არც ერთი!!! ჩვენც არ დავზოგავთ თავს თბილისიდან გულშემატკივრობით :) ღმერთი თქვენსკენ ბიჭებო !
L.E.S

უაღრესად სწორი განმარტება გააკეთა ზაზამ...როგორც თვითონაც იძახის ეს მოსაზრება ეკუთვნის ყველა ქართველ სპორტსმენს, მწვრთნელს.... და არამხოლოდ სპორტს...RESPECT!!!

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

ევრობასკეტის პირველი მეოთხედფინალისტი გაირკვა - თურქეთის ნაკრებმა შვედეთი დაძაბულ ბრძოლაში დაამარცხა

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!

ზაზა ფაჩულია: ყველაფერს აქვს დასაწყისი და დასასრული [I ნაწილი]

ზაზა ფაჩულია: ამან ერთგვარად დააჩქარა ნაკრებთან გამოთხოვების პროცესი

"ერთმანეთს თავებს ურტყამდნენ, სრული სიგიჟე იყო" - NBA-ის ყოფილმა ვარსკვლავმა ფაჩულიას და გარნეტის ეს დაპირისპირება გაიხსენა [VIDEO]

ოპერაცია გადაწყდა - ბექა ბურჯანაძე კალათბურთს კიდევ 5 თვე ვერ ითამაშებს

"არა რუსულ კანონს - ჩვენ უკეთესები უნდა ვიყოთ" - ქართველი სპორტსმენები ქვეყნის ევროპულ მომავალს უჭერენ მხარს

ფიბა VS ევროლიგა: ფიბამ დღეები გაწერა

"რთულია უყურო ამ კადრებს და არ გაგიჩნდეს პროტესტი" - ზაზა ფაჩულია ქვეყანაში განვითარებულ მოვლენებს გამოეხმაურა

ზაზა ფაჩულია: თავი არ დაგვიზოგავს... [II ნაწილი]

ფაჩულია კვარაცხელიას საგულშემატკივროდ ნეაპოლში ჩავიდა და ძოლასთან ერთად ისაუბრა

ზაზა ფაჩულია: შენგელიას მსგავსად მოქცევა მხოლოდ გამორჩეულ ლიდერებს ახასიათებთ

ხვიჩა კვარაცხელიას, კახა კალაძესა და ზაზა ფაჩულიას წმინდა გიორგის სახელობის გამარჯვების ორდენზე წარადგენენ

იგორ კოკოშკოვი სლოვენიას აღარ გაწვრთნის