<p>"ატლანტა ჰოუქსის" თავკაცმა ლარი დრიუმ "ჩიკაგოსთან" მატჩში, ქართველ ცენტრს, ზაზა ფაჩულიას 5 მეტრი მანძილიდან გაცუდებული ტყორცნა არ შეარჩინა <br> გუშინ "ატლანტამ" "ფილადელფიასთანაც" წააგო... თუმცა ქართველი გულშემატკივრისთვის გაცილებით საინტერესო მატჩისწინა ამბავია, რომელიც ზაზა ფაჩულიასა და მწვრთნელ ლარი დრიუს ურთიერთობას ეხება.</p><p>ფილედელფიაში გამგზავრებამდე ერთი დღით ადრე "ატლანტამ" შინ "ჩიკაგოსთან" წააგო. შეხვედრა ქართულ არხზე გადაიცა და მისი ხილვის საშუალება კალათბურთის გულშემატკივარს ჰქონდა.</p><p>მატჩის ბედი მე-17 წუთისთვის გადაწყვეტილი იყო, ამიტომ საფინალო სირენამდე 8:12 წუთით ადრე ზაზა ფაჩულიამ საკუთარ თავს უფლება მისცა, "ჩიკაგოს" კალათის მიმართულებით 5 მეტრის მანძილიდან ესროლა (იმ მომენტისთვის "ატლანტა" 64:109-ს აგებდა). ბურთი მიზანს ასცდა და ლარი დრიუმ ქართველი დაუყოვნებლივ ჯოშ პაუელით შეცვალა. მწვრთენლის ასეთ მოქმედებას ქართველ გულშემატკივრებში მოჰყვა გაღიზიანება და ცხადია, არც თავად ზაზა დარჩენილა კმაყოფილი. საქართველოს ნაკრების მატჩებშიც არაერთხელ დავრწმუნებულვართ, რომ ფაჩულიას მხოლოდ ფარქვეშიდან არ შეუძლია ჩაგდება - საშუალო დისტანციიდანაც კარგად ისვრის.</p><p>ზაზას უკმაყოფილება არც მწვრთნელს დაუტოვებია უყურადღებოდ და არც გაზეთ "ატლანტა კონსტიტუშენის" ჟურნალისტ კენ სიგურას. აი, რა დაწერა ამერიკელმა კორესპონდენტმა:</p><p>"ჩიკაგოელებთან მატჩის შემდეგ მწვრთნელი ზაზა ფაჩულიას შეხვდა და სირენამდე 8:12 წუთით ადრე მომხდარ ეპიზოდზე ელაპარაკა. მიუხედავად იმისა, რომ ანგარიშში სხვაობა 45 ქულას შეადგენდა, მწვრთნელი თვლის - ზაზას არ უნდა ესროლა.</p><p>"ერთადერთი, რასაც კალათბურთელებს ვერ ვაპატიებ, გუნდის ინტერესების საწინააღმდეგოდ მოქმედებაა", - განაცხადა ლარი დრიუმ.</p><p>ფაჩულიას კომენტარი უფრო მოკლე იყო:</p><p>"შეტყობინება მივიღე, ახლა წინ ვიხედები."</p><p>ვისაც "ატლანტას" მატჩები უნახავს, დაგვეთანხმება, რომ ლარი დრიუს ფავორიტი კალათბურთელები ზოგჯერ არაერთ ისეთ ტყორცნას ასრულებენ, გუნდის ინტერესებს რომ ეწინააღმდეგება, მაგრამ მათ არავინ ცვლის... ამ ამბავთან დაკავშირებით მახსენდება 2002 წლის დეკემბერში ორმაგი დუბლის შესრულების შემდეგ ვლადიმერ სტეფანიას ნათქვამი:</p><p>"მხოლოდ დაცვაში თამაში როდი მეხერხება, შემიძლია სამწამიანი ზონიდან და საშუალო დისტანციიდან ჩაგდებაც..." - ასეთი კომენტარი ვოვამ მას შემდეგ გააკეთა, რაც ამერიკელმა ჟურნალისტმა გაიკვირვა, სროლა კარგად შეგძლებიაო. სამწუხაროდ, მწვრთნელი სტეფანიას მხოლოდ შავი სამუშაოს შესრულებას ავალებდა, ისევე როგორც ზაზა ფაჩულიას...</p><p>***</p><p>დავუბრუნდეთ "ფილადელფიასთან" გამართულ ბოლო მატჩს. "ატლანტამ" სამი პერიოდი დამაჯერებლად ჩაატარა, მესამე მეოთხედის ბოლოს ფაჩულიამ საკუთარ ფარზე ბურთი მოხსნა და ჯოშ სმიტმა სწრაფი შეტევით თანაგუნდელთა უპირატესობა 9 ქულამდე გაზარდა (80:71). ამის შემდეგ...</p><p>- არ ვიცი რა დაგვემართა, თითქოს საწვავი გამოგველია, - თქვა ელ ჰორფორდმა, რომლის გუნდმა 80:71 დაწინაურების შემდეგ "ფილადელფიასგან" უპასუხო 14 ქულა მიიღო. ამ ეპიზოდში ზაზაც მოედანზე იყო, თუმცა მასპინძლები ვერც მან შეაჩერა. თამაშის იშტაზე მოსულმა "ფილადელფიამ" მეოთხე პერიოდი დამაჯერებლად ჩაატარა და, როგორც გითხარით, 105:100 იმარჯვა.</p><p>"საწვავის გამოლევასთან" შეიძლება კავშირი ჰქონდეს ერთ გარემოებას - "ატლანტამ" მხოლოდ 7 კაცით ითამაშა...</p><p>ზაზა ფაჩულიამ 17:32 წუთში 4-დან 2 ორქულიანი ჩააგდო და 4 ქულას 7 მოხსნა მიამატა. 33 ქულით გამოირჩა ჯოშ სმიტი. ხოლო "ფილადელფიას" კალათბურთელებმა გუნდური კალათბურთის მანიშნებლად ქულები თანაბრად გადაინაწილეს - ერთბაშად 7-მა მოთამაშემ გადალახა 10-ქულიანი ზღვარი. სულ ათმა ითამაშა.</p><p><strong>ფილადელფია-ატლანტა 105:100</p><p></strong>ზაზა ფაჩულია: 17:32 წუთი, 4 ქულა (4-დან 2 ორქულიანი), 7 მოხსნა, 1 ფოლი, 2 შეცდომა</p><p>ქრონოლოგია</p><p><em>I პერიოდი</em></p><p>01:14 ზაზამ სმიტი შეცვალა</p><p>00:33 მოხსნა: შეტ-0, დაც-1</p><p><em>II პერიოდი</em></p><p>11:43 ორქულიანი: 2ქ (30:30)</p><p>08:12 მოხსნა: შეტ-0, დაც-2</p><p>07:51 მოხსნა: შეტ-1, დაც-2</p><p>07:49 ორქულიანი: 4ქ (38:38)</p><p>05:58 მოხსნა: შეტ-1, დაც-3</p><p>05:04 მოხსნა: შეტ-1, დაც-4</p><p>01:27 მოხსნა: შეტ-1, დაც-5</p><p>00:35 ფოლი: 1</p><p>00:35 შეცდომა: 1</p><p><em>III პერიოდი</em></p><p>02:04 ზაზამ ჰორფორდი შეცვალა</p><p>01:28 მოხსნა: შეტ-1, დაც-6</p><p><em>IV პერიოდი</em></p><p>11:36 ორქულიანი: არაზუსტი</p><p>11:02 შეცდომა: 2</p><p>09:53 ორქულიანი: არაზუსტი</p><p>09:46 სმიტმა ზაზა შეცვალა.</p><p>.</p>
კორსანტიას 15-ქულიანი დებიუტი ესპანეთში
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში