<p>ეროვნული ლიგა. XXX ტური <br> თამაში საკმაოდ ხალისიანად და არცთუ ისე დაბალ ტემპში წარიმართა.</p><p>ბურთი მოედნის ცენტრში იშვიათად ჩერდებოდა, რაც ბათუმის "რაგბი არენაზე" იშვიათი ამბავი არ არის - განათებაზე თამაში ფეხბურთელებს გამორჩეულად კარგ გარემოს უქმნის და მეტი სტიმულითაც თამაშობენ...</p><p><strong>გიორგი შაშიაშვილის</strong> გაწვრთნილი "შუქურა" ლიგაში ადგილის შესანარჩუნებლად იბრძვის და მიზნის მისაღწევად, დარჩენილ მატჩებში მაქსიმალური შედეგები სჭირდებათ. ამჯერად მათ ამოცანას ისიც ურთულებდათ, რომ დისკვალიფიცირებული კაპიტანი <strong>ირაკლი კლიმიაშვილი</strong> აკლდათ.</p><p>"შუქურას" მცდელობას ვერ დავუკარგავთ. ერთი შეხედვით, ქობულეთელები ცუდადაც არ გამოიყურებოდნენ და მოედნის თითოეულ მონაკვეთზე იბრძოდნენ, საკმაოდ კარგი საგოლე მომენტებიც შექმნეს...</p><p>მიუხედავად ამისა, მათი მცდელობა უშედეგო აღმოჩნდა - ეროვნულ ლიგაში დარჩენის ისედაც მიზერული შანსი ამ შეხვედრის შემდეგ ქობულეთელებს კიდევ უფრო შეუმცირდათ.</p><p>"ჩიხურა" კი ბოლო სამ ტურში ზედიზედ დამარცხდა და გადათამაშების ზონას სახიფათო მანძილზე მიუახლოვდა. ამდენად, <strong>სოსო ფრუიძის</strong> გუნდს ვითარების გამოსასწორებლად ჰაერივით სჭირდებოდა მოგება...</p><p>აღსანიშნავია ორივე მეკარის თამაში. <strong>გიორგი სომხიშვილმაც</strong> და <strong>ზურაბ მწყერაშვილმაც</strong> საუკეთესო თამაში ჩაატარეს და მათი დამსახურებაა, გაცილებით მეტი გოლი რომ არ გავიდა.</p><p>ერთი სიტყვით, "შუქურა" დამარცხდა და ეროვნულ ლიგაში მისი დარჩენის შანსი მეტისმეტად შემცირდა. ქობულეთელები 20 ქულით ბოლო ადგილზე არიან.</p><p>3" - ჩიკვაიძის ფლანგური გადაცემის შემდეგ ტატანაშვილის თავური სუსტი გამოდგა და მეკარე სომხიშვილი ბურთს იოლად დაეუფლა.</p><p>8" - კაკუბავამ კარგი გადაცემით მეკარესთან პირისპირ დატოვა სარდალიშვილი. სომხიშვილმა დარტყმა მოიგერია და მასპინძლები აშკარა გოლისგან იხსნა.</p><p>12" - კახელიშვილის ფლანგური გადაცემა ჩიკვაიძემ ცუდად მოიგერია და კარის წინ ჩაგელიშვილს ბურთი თავზე "დაასვა". ქობულეთელთა თავდამსხმელმა მოულოდნელი საჩუქარი ვერ შეირგო და მიზანს ააცილა.</p><p>19" - სანდრო გურულის ჯარიმა. გოგიტიძემ ახლოდან დაარტყა თავით და მწყერაშვილმა ჩინებული რეაქცია გამოავლინა. "ჩიხურა" გადარჩა.</p><p>19" - მოგერიებული ბურთი კუთხურზე გადავიდა. ისიც გურულმა შეასრულა: კართან ისევ გოგიტიძე გაიხსნა. ამჯერად, მისი თავური მიზანს ასცდა.</p><p>31" - სომხიშვილმა გუნდი ზედიზედ ორჯერ გადაარჩინა. ივანიშვილის ჩაწოდებული ბურთი ჯერ სარდალიშვილმა კარში თავით გაგზავნა და მეკარემ ნახტომში მოიგერია, დამატებაზე კი ტატანაშვილს არ გაატანინა.</p><p>49" - შალამბერიძის დარტყმული ბურთი მეკარე მწყერაშვილის ნადავლი გახდა.</p><p>53" - ჩაგელიშვილის სახიფათო დარტყმა მიზანს ასცდა.</p><p>66" - ჩაგელიშვილმა ბურთს ბუცის წვერი წაჰკრა და მცველისგან რიკოშეტით წასული, მწყერაშვილმა ბოლო წამს მაინც მოიგერია.</p><p>90+4" - თორნიკე გრიგალაშვილის ფლანგური გადაცემის შემდეგ ტატანაშვილმა ბურთი თავით კარის წინ ლექვთაძეს დაუგდო, რომელმაც დარტყმას ივანიშვილზე გადაცემა ამჯობინა, საჩხერელთა შემტევის დარტყმას კი მცველი გადაეფარა და ქობულეთელები აშკარა გოლისგან იხსნა.</p><p>90+5" - გოლი! სტუმრებმა მაინც გაიტანეს: ივანიშვილმა საჯარიმოში შეტევა სარდალიშვილს გაუგრძელა, რომელსაც ხელი არავინ შეუშალა და "ჩიხურამ" შინ 3 ქულა წაიღო - 1:0.</p><p><span style="text-decoration: underline;">18.10. ბათუმი. რაგბი არენა</p><p></span><strong>შუქურა-ჩიხურა 0:1</p><p></strong>0:1 სარდალიშვილი (90+5)</p><p>შუქურა (3-4-3): სომხიშვილი - ჩაჩუა, ჩადუნელი, გოგიტიძე - ჟეფინიო, ტიანლინი (58. პომაზანი), გურული, მარსელინიო - შალამბერიძე (75. დაგარგულია), ჩაგელიშვილი, კახელიშვილი (90+2. მალაზონია).</p><p>სათადარიგოები: მელნიჩენკო, ცეცხლაძე, კალანდაძე, გოგილაშვილი</p><p>მწვრთნელი: გიორგი შაშიაშვილი</p><p>ჩიხურა (4-2-3-1): მწყერაშვილი - კაკუბავა, კაშია, მირცხულავა, ჩიკვაიძე (53. თორ. გრიგალაშვილი) - გორგიაშვილი (78. ლექვთაძე), ფონიავა (63. დობროვოლსკი) - კორიფაძე, ივანიშვილი, სარდალიშვილი - ტატანაშვილი.</p><p>სათადარიგოები: ჰამზიჩი, განუგრავა, ცხადაძე, დეკანოიძე</p><p>მწვრთნელი: სოსო ფრუიძე</p><p>გაფრთხილებები: ჩიკვაიძე (37), ჩადუნელი (62), მარსელინიო (90+4)</p><p>არბიტრი: გ. ვადაჭკორია</p><p><span style="text-decoration: underline;"></p><p>19 ოქტომბერი</span></p><p>ლოკომოტივი-საბურთალო 13:30</p><p>კოლხეთი-ტორპედო 15:30</p><p>დილა-დინამო (თბ) 20:00</p><p><span style="color: #3366ff;"><strong>ბომბარდირები</p><p></strong></span>ი. სიხარულიძე (ლოკომოტივი) 23</p><p>დ. ტატანაშვილი (ჩიხურა) 13</p><p>ბ. მიქელთაძე (დინამო თბ) 12</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ეროვნული ლიგა. პლეი-ოფი: "ჩიხურა" - "სამგურალი" [LIVE]
ეროვნულ ლიგაში ახლად აღზევებული ქობულეთის "შუქურა" დაშლის პირასაა
ეროვნული ლიგა. XVI ტური. "მერანი" - "ჩიხურა" [LIVE]
"ჩიხურამ" ძალიან ლამაზი გოლითა და მეკარის სასწაული "სეივებით" მოიგო [VIDEO]
"შუქურას" ფანებმა ბოთლი მსაჯს ესროლეს, სიგუას მოარტყეს და ბოდიშს იხდიან [VIDEO]
"საქართველო არაჩვეულებრივი ქვეყანაა" - ჰამზიჩი ეროვნულ ლიგას უბრუნდება
საჩხერის "ჩიხურას" ახალი მთავარი მწვრთნელი ჰყავს!
ქობულეთის "შუქურას" განცხადება
გიორგი დემეტრაძე ქართულ ფეხბურთს სპორტულ დირექტორად დაუბრუნდა
პლეი-ოფში ეროვნული ლიგის მომავალი მონაწილე გაირკვა [VIDEO]
ეროვნული ლიგა. XVII ტური. "ჩიხურა"-"დინამო თბ" [LIVE]
ეროვნული ლიგა. XXXV ტური. "შუქურა" - "საბურთალო" [LIVE]