<p>23-წლამდელთა მსოფლიოს ჩემპიონატზე შმაგი ბოლქვაძემ ოქროს მედალი მოიპოვა <br> 23-წლამდელთა მსოფლიოს ჩემპიონატზე შმაგი ბოლქვაძემ ოქროს მედალი მოიპოვა.</p><p>ახალგაზრდა სპორტსმენს მის მომავალსა და მიღწეულ წარმატებაზე ვესაუბრეთ.</p><p><ul> <li><a href="/tcidaoba/klasikuri/112007-u23-shmagi-bolqvadze-msoflios-chempionia-saqarthvelo-pirveli-video.html" target="_blank"><span style="color: #0000ff;">U23. შმაგი ბოლქვაძე მსოფლიოს ჩემპიონია, საქართველო პირველი! [VIDEO]</span></a></li> </ul> <strong></p><p>- გილოცავ მსოფლიო ჩემპიონობას. რის ხარჯზე მოახერხე ეს და რამდენად რთული იყო?</strong></p><p>- შეჯიბრებისთვის გუნდი ერთად ვემზადებოდით, გავიარეთ რამდენიმე შეკრება. საერთო ჯამში, კარგად მოვემზადეთ.</p><p>მსოფლიო ჩემპიონატზე ყველა მეტოქე ძლიერია. ცოტა ვნერვიულობდი, მაგრამ გადავლახე ეს ფაქტორი. ფინალში შევხვდი რუს მეტოქეს, რომელთანაც ბევრად მეტი მოტივაცია მქონდა და ამ შეხვედრაზე ძალიან კარგი განწყობით გავედი.</p><p>მსოფლიო ჩემპიონობა ჩემთვის იყო ძალიან სასიხარულო, გამიხარდა, რომ ჩემი ქვეყანა ვასახელე და გავახარე გულშემატკივარი. ახლა უფრო მეტი ვალდებულება მაქვს, რომ შემდეგში უფრო მეტი გავაკეთო.</p><p>ჩემი ოცნება არის ტოკიოს ოლიმპიურ ჩემპიონატზე მოხვედრა და გამარჯვება. წინა ოლიმპიადაზე ბრინჯაოს მედალი მოვიპოვე და მინდა, ჩემი შედეგი გავაუმჯობესო.</p><p>დიდი მადლობა მინდა გადავუხადო იმ ადამიანებს, ვინც მეხმარებიან ყველაფერში: მწვრთნელებს, საქართველოს ჭიდაობის ფედერაციას, ექიმს და ა.შ.</p><p><strong></p><p>- შენ 66 კილოგრამ წონით კატეგორიაში <strong>იჭიდავე</strong>, თუმცა გიჭიდავია 71-კილოგრამშიც. მომავალ ჩემპიონატებში რომელ წონისთვის გამზადებენ?</strong></p><p>- წესები შეიცვალა და ახალი წლიდან უკვე 67 კილოგრამი წონითი კატეგორიაა და ამ წონაში ვიასპარეზებ.</p><p>71 კილოგრამში მსოფლიო ჩემპიონატზე ვიჭიდავე დიდებში. იქაც შემეძლო ჩემპიონობა და მედლის წამოღება, მაგრამ შეცდომით დავმარცხდი. იქ ფიზიკურად დიდი მეტოქეები იყვნენ. როცა წონას იცვლი, ძალიან რთულია, მაგრამ კმაყოფილი ვარ, რადგან გამოცდილება მივიღე.</p><p><strong>- ახალგაზრდული ნაკრების წევრი ხარ. რა პერსპექტივას ხედავ საქართველოს ნაკრებში? უნდა ველოდოთ თუ არა მომავალში უფრო მეტ და მაღალი სინჯის მედლებს?</strong></p><p>- მე უფროსებშიც ვჭიდაობდი და ახალგაზრდებშიც. გუნდმა გუნდური მსოფლიო ჩემპიონატი მოვიგეთ და მოლოდინი გვქონდა, ყველა წონაში მედალს წამოვიღებდით.</p><p>ნიჭიერი ახალგაზრდებით ვიყავით დაკომპლექტებულნი და მაქსიმალური შედეგის მისაღწევად ვიყავით წასულნი.</p><p>საერთო ჯამში, ჩვენ ევროპის და მსოფლიოს ჩემპიონატი გუნდურ ჩათვლაში მოვიგეთ, რაც მომავალში კარგი პერსპექტივის მანიშნებელია.</p><p><strong>- ხულოდან ხარ, როგორია აჭარაში მომზადების დონე?</strong></p><p>- ხულოში ვარჯიში 2001 წლიდან დავიწყე. ჩემი პირველი მწვრთნელი იყო ავთანდილ აბულაძე. 2008 წლის შემდეგ, როცა შევხედე ჩემს შესაძლებლობებს, დრო იყო, რომ წამოვსულიყავი თბილისში და მეტად განვვითარებულიყავი.</p><p>ხულოში ახლაც მიმდინარეობს ვარჯიშები. უფრო მეტად პატარა ასაკის ბავშვები ვარჯიშობენ და თუ გამოირჩევა ვინმე ტალანტით, თბილისში უშვებენ.</p><p>ბათუმში არის დარბაზი, ახალ სპორტის სასახლესაც გვიშენებენ, გათბობაც არის და ყველაფერი, რაც გვჭირდება.</p><p><strong>- შემდეგი ოლიმპიადა ტოკიოშია. თუ კვლავ საუკეთესო იქნები საქართველოში და წახვედი ოლიმპიადაზე, რა იქნება შენი მიზანი?</strong></p><p>- მთავარია ოლიმპიადის ლიცენზიის მოპოვება. გაქვს სამი ცდა: 2019 წელს საქართველოს ჩემპიონატი, შემდეგ მსოფლიო ჩემპიონატი და ბოლოს საკვალიფიკაციო ტურნირი. მე მაქვს გამოცდილება და ვიცი, რომ ძალიან ბევრი ძლიერი სპორტსმენი ლიცენზიის გარეშე დარჩა.</p><p>როგორც ჩემი, ასევე ყველა სპორტსმენის სურვილია ოლიმპიადაზე ასპარეზობა და ამისთვის ყველა ვემზადებით. ჩემი პრინციპია, რომ ყოველთვის ვიყო მზად. ბრინჯაოს მედალი მოვიპოვე რიოს ოლიმპიადაზე და სურვილი მაქვს, შემდეგ ჯერზე ოქროს მედალი მოვიპოვო.</p><p>ჩემპიონობა სულ სხვაა, ენით აუწერელია და სულ სხვა ფასი აქვს.</p><p><strong>- დაფინანსებაზე მინდა გკითხო, როგორია პრინციპი? ხელფასი გაქვთ ფიქსირებული თუ ტურნირებში გამარჯვების მიხედვით იხდის ფედერაცია თანხას?</strong></p><p>- ხელფასი არის შედეგის მიხედვით და ტურნირსაც გააჩნია: არის საქართველოს ჩემპიონი, ევროპის ჩემპიონი და მსოფლიოს ჩემპიონი. ეს ერთი წლის განმავლობაში გენიშნება.</p><p>ხოლო, თუ ოლიმპიადაზე გექნება შედეგი, ხელფასი არის მეორე ოლიმპიადამდე. რა თქმა უნდა, პრემიებიც არის, რომელიც წლის ბოლოს გერიცხება.</p><p><strong></p><p>- რამდენად კმაყოფილი ხარ დაფინანსებით?</strong></p><p>- კმაყოფილები ვართ, მაგრამ მეტიც შეიძლება. ისე ხდება, რომ სპორტსმენები რეგიონებიდან ჩამოდიან და თბილისში სახლი არა აქვთ.</p><p>ძალიან ბევრი არის, რომ მოიპოვებენ სხვადასხვა ტიტულს: მსოფლიოს თუ ევროპის ჩემპიონობას, სამშობლოს ასახელებენ და მათ უნდა ჰქონდეთ მეტი ხელშეწყობა.</p><p>ცოტათი უკმაყოფილოები ვართ სპორტსმენები. იმედია, ყველაფერი გამოსწორდება. ჩვენ ახლა ფინანსებზე არ ვფიქრობთ. პრემია ერთჯერადია. ჩვენი მიზანია, ვიყოთ წარმატებული სპორტსმენები და ამ წარმატებას ყველაფერი მოჰყვება.</p>
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
"ოქროს ბურთი" როდრის და დემბელეს - მაშ ვინისიუსს რაღა? - რეალი აღშფოთებულია
ქართველი მსაჯები სომხეთისა და ირლანდიის მატჩს განსჯიან
"ფენერბაჰჩეს" დომენიკო ტედესკო ჩაიბარებს
ნიკოლოზ ბასილაშვილი ჩინური ტურნირის პირველივე წრეში დამარცხდა
ჯიკიჩი ევრობასკეტის საუკეთესო მწვრთნელის პრიზისთვის იბრძვის - როგორ შეგიძლიათ მისცეთ ხმა საქართველოს ნაკრების დამრიგებელს
თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ
"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია
"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე
"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია
საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება
აბურჯანია კარიერას საუდის არაბეთში გააგრძელებს
U21 | საქართველო V ჩრდილოეთ ირლანდია - მატჩისწინა ვარჯიში წყალტუბოში
ხარატიშვილი ჩეხურ კლუბში გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მინსკი 2019: ქართველი "ბერძენ-რომაელები" საქმეს შეუდგნენ და ნახევარფინალში გავიდნენ
ბოლქვაძემ სომეხ ამოიანს სძლია და ევროპის ჩემპიონი გახდა - რიკაძემ ბრინჯაოს მედალი მოიპოვა [VIDEO]
მინსკი 2019: ქართველი სპორტსმენების 28 ივნისის განრიგი
მინსკი 2019: შმაგი ბოლქვაძე ფინალშია, დათო ჩხარტიშვილი ბრინჯაოს აღებას შეეცდება [VIDEO]
საქართველოს ნაკრებმა ვარშავის ტურნირზე 4 მედალი მოიპოვა
დათუნაიშვილის ოქრო სერბეთისთვის - ორი მედალი და ოქროსა და ბრინჯაოს შანსი [VIDEO]