უჩემპიონოდ, მაგრამ წარმატებით

თავისუფალი სტილით ჭიდაობაში ევროპის ჩემპიონატზე ხინჩეგაშვილმა (55) და მარსაგიშვილმა (84) ვერცხლის მედლები მოიპოვეს გუშინ დორტმუნდში, თავისუფალი სტილით მოჭიდავეთა ევროპის ჩემპიონატზე ჩვენმა ნაკრებმა ორი ვერცხლი მოიპოვა - ვლადიმერ ხინჩეგაშვილმა (55) და დავით მარსაგიშვილმა (84), თუმცა სწორედ ამ უკანასკნელის ფინალის გამო ეს ტურნირი დიდხანს დარჩება ჩვენი მღელვარების საგნად.<a href="http://www.palitratv.ge/akhali-ambebi/sporti/3022-vladimer-khinchegashvilis-verckhlis-medali.html" target="_blank">ვლადიმერ ხინჩეგაშვილის ვერცხლის მედალი (ვიდეო)</a><a href="http://www.palitratv.ge/akhali-ambebi/sporti/3024-davith-marsagishvili-evropis-chempionatidan-verckhlis-medlith-dabrunda.html" target="_blank">დავით მარსაგიშვილი ევროპის ჩემპიონატიდან ვერცხლის მედლით დაბრუნდა (ვიდეო)</a>სპორტის ამ სახეობაში უნამუსობა აღარ გვიკვირს, მაგრამ რაც აქ მოხდა, იშვიათია - რუსთა ფალავან ანზორ ურიშევს იმდენად დაუმსახურებელი ქულა მისცეს, რუსულ საჭიდაო ფორუმებზე იქაურებმაც კი აღიარეს. თამამად შეიძლება ითქვას, რომ მარსაგიშვილს გამარჯვება წაართვეს, როგორც ორი წლის წინ - ბერძენ-რომაელ მანუჩარ ცხადაიას (66). ასე შეინარჩუნა რუსთა ყაბარდოელმა ათლეტმა ურიშევმა შარშან მოპოვებული ტიტული, ჩვენ კი გაგვიჩნდა კითხვა - სანამდე შეიძლება მივიდეს ჭიდაობის საერთაშორისო ფედერაციის (FILA) დიდმოხელეთა უნამუსობა? არ გაგვიკვირდება, მსგავსი რამეებისთვის ჭიდაობა საერთოდ რომ ამოიღონ ოლიმპიადის პროგრამიდან, რაზეც წლების წინ კულუარებში მართლაც ლაპარაკობდნენ.ცხადია, მომხდარი ძალიან ცუდია, მაგრამ შედეგების ვიწრო ჭრილს თუ თავს დავანებეთ და ჩემპიონატს უფრო გლობალურად განვიხილავთ, ბოლო წლების პესიმიზმი, რომელმაც ლამის წაგებულის სინდრომამდე მიგვიყვანა, თავისუფლად შეგვიძლია, ოპტიმიზმზე გადავცვალოთ. ამის საბაბს ახალი თაობის გამოსვლა გვაძლევს - გერმანიაში ჩვენმა ნაკრებმა სამი მედალი მოიპოვა და სამივე ახალგაზრდების მონაგარია. ამ ორი ვერცხლის გარდა, გუშინწინ დავით ხუციშვილი (74) ბრინჯაოს დაეუფლა, ამ ტრიოდან კი აწ უკვე ევროპის ვიცე-ჩემპიონები ჯერ ისევ ახალგაზრდულ ნაკრებში ირიცხებიან და წლეულს იქაც უნდა იჭიდაონ.როგორც იქნა, FILA-ამ გუშინწინდელი შეხვედრების ნახვის საშუალება გუშინ მოგვცა და რაც ხუციშვილს ვუყურეთ, კიდევ უფრო მოგვეწონა. მართალია, ჯერ კიდევ ბევრი მუშაობა მართებს, მაგრამ უდაოდ დახვეწილი ფალავანია, დაცვაში შეუდარებელი. იქნებ ჯერ ცოტა ადრეა ამაზე ლაპარაკი, მაგრამ სასწაული უნდა მოხდეს, ეს ტრიო ლონდონის ოლიმპიადაზე რომ ვერ მოხვდეს. გვჯერა, იქაც მხოლოდ მონაწილეობისთვის არ წავლენ. მოკლედ, თამამად შეიძლება ვთქვათ, რომ თაობათა ცვლის პროცესი უმტკივნეულოდ მიმდინარეობს.ვლადიმერ ხინჩეგაშვილმა ევროპის ჩემპიონატზე შარშანაც იჭიდავა და, როგორც ეტყობა, ის გამოცდილება ძალიანაც წაადგა - ამჯერად შეუდარებლად უკეთ გაისარჯა. მან იჭიდავა მისთვის ჩვეულ შემტევ, თვალსასეირო სტილში, ყველა შეხვედრაში ბლომად აგროვა ქულები ანუ შედეგისა და ესთეტიკის შეხამება მოახერხა, რითაც მაყურებელს თვალსასეირო სანახაობა შესთავაზა. 19 წლის გორელი ათლეტი პირველ წრეში ისვენებდა და ამიტომ ჩემპიონატზე ოთხი შეხვედრა გამოუვიდა. ამათგან პირველი სამი ძირითად დროში მოიგო, ორი კი ქულათა ძალიან დიდი უპირატესობით. პირდაპირ გაანადგურა მეტოქეები - ალბანელ ფლორიან რეხას ჯამში 14:0 მოუგო ანუ ორივე პერიოდში სუფთად აჯობა, შვეიცარიელი ურს ვილდი კი 4:0; 6:0 დაამარცხა. ამით ნახევარფინალში გავიდა, სადაც უკვე ბევრად ძლიერი მეტოქე ელოდა - აზერბაიჯანელთა მოქმედი ევროპის ჩემპიონი მაჰმუდ მაგომედოვი.შეგახსენებთ, რომ მას ზუსტად ტურნირის დაწყების წინა დღეს - 28 მარტს დაუმთავრდა დისკვალიფიკაცია, რაც შარშანვე, კონტინენტის პირველობის მოგების შემდეგ მისცეს აზერბაიჯანში რუსთაგან უნებართვოდ გადასვლის გამო. სამართლიანობისთვის უნდა ითქვას, რომ ამჯერად ნახევარფინალამდე უფრო ძნელი გზა ამ ავარელმა გაიარა - სხვებთან ერთად, ახალგაზრდებში თურქი მსოფლიოს ორგზის და ევროპის ჩემპიონი აჰმედ პეკერი და ასევე ახალგაზრდებში ევროპის უკრაინელი ვიცე-ჩემპიონი ნიკოლა აივაზიანიც დაამარცხა. მოლოდინისამებრ, ჩვენებურს მასთან გაუჭირდა, თუმცა მძიმე ბრძოლაში მაინც იმარჯვა - 1:1; 2:1.აი, ფინალში რუსთა ჩეჩენი ევროპის ჩემპიონი ჯამალ ოთარსულთანოვი საგრძნობ უპირატესობას ფლობდა. აქ ჩვენებურმა წინააღმდეგობა მხოლოდ პირველ პერიოდში გაუწია, რომელიც ფრედ დამთავრდა - 2:2, მაგრამ დამატებითი მაჩვენებლებით წარმატებად მაინც ჩეჩენს ჩაეთვალა. მეორეში ხინჩეგაშვილი ვერაფერს გახდა და 2:8 დათმო. ამდენად, ქართველი ფალავანი ვერცხლის მედალს დასჯერდა, თუმცა ეს მისთვის მაინც დიდი წარმატებაა. ის ჯერ კიდევ ახალგაზრდაა, მზარდია და ეჭვიც არ გვეპარება, მთავარი ჯილდოები წინ ელოდება. მათ შორის - ლონდონის ოლიმპიადაზეც. ახლა მისთვის მთავარი საზრუნავი სწორედ სალიცენზიო შეჯიბრება - შემოდგომაზე სტამბოლში გასამართი მსოფლიოს ჩემპიონატია, სადაც ყოველ წონაში ექვს-ექვსი ლიცენზია გაიცემა.მისთვის ჩვეულ შემტევ სტილს არც მარსაგიშვილმა უღალატა და ესთეტიკა-შედეგის შეზავებაზე ხინჩეგაშვილთან დაკავშირებით ზემოთქმული მასაც თავისუფლად მიესადაგება. ფინალამდე მან ოთხი შეხვედრა გამართა და ყველა დამაჯერებლად მოიგო - მაკედონიელ დეიან ბოგდანოვთან, თურქ იბრაჰიმ ბოლუკბასისთან, შვეიცარიელ მარკო ლუკას რისენთან და ნახევარფინალში რუმინელ პიოტრ იანულოვთან. ამათგან ყველა ორთაბრძოლაში ორივე თუ არა, ერთი პერიოდი მაინც მოიგო დიდი უპირატესობით - 4,5,6 ქულით. შთამბეჭდავია მისი სტატისტიკა - ამ ოთხ მეტოქეს 25 ქულა აართვა, თავად კი მხოლოდ ორი დაკარგა!ფინალში ჩვენებურმა პირველ პერიოდში საგრძნობლად დაჯაბნა მეტოქე - 4:1 მოუგო, მეორე კი 0:1 დათმო და დადგა ავბედითი დამატებითი დრო. მარსაგიშვილი იქაც 3:1-ს იგებდა, ცოდვის კალო კი ბოლო 8 წამში დატრიალდა - ურიშევმა ჯერ 1-ქულიანი შესვლა გააკეთა, ზედ ბოლო წამზე კი კიდევ ერთი ქულა მიითვალა. თუმცა ამითაც კი ჩემპიონი ჩვენებური ხდებოდა - ანგარიში გათანაბრდა და 3:3 გახდა, მაგრამ რადგან მარსაგიშვილს სამქულიანი გდება ჰქონდა, პერიოდსაც იგებდა. ყველაფერი თითქოს დღესავით ნათელი იყო - ჩვენი ნაკრების თავკაცი ზაზა თურმანიძე და მარსაგიშვილის პირადი მწვრთნელი დავით ხურცია ლეიბზე შეუვარდნენ შეგირდს, მსაჯი კი ხელის აწევის რიტუალისთვის ამზადებდა ფალავნებს, როცა რუსებმა გააპროტესტეს, სამსაჯო კომისიამაც დააკმაყოფილა მათი პრეტენზია და ურიშევს ბოლო ილეთი 2-ქულიანად გადაუკეთეს, რითაც ანგარიში 4:3 გახდა მის სასარგებლოდ.ჩვენმა მწვრთნელებმა ბევრი კი იყვირეს, მაგრამ FILA მსგავს შემთხვევებში შეუვალია. ცხადია, მომხდარი ძალზე ცუდია, თუმცა ახლა ამას არაფერი ეშველება და ისევ იმ ხარვეზებზე მივუთითოთ, რამაც მარსაგიშვილი დააღალატა. ესაა სუნთქვა და ფიზიკური მომზადება - მისი მუდმივი მტრები. დამატებით დროში საგრძნობლად დაიღალა და ურიშევს ამიტომ დაუთმო მთელი ინიციატივა. ამ ხარვეზის გამოსწორების გარეშე იქნებ მეტოქეს კი მოუგოს, მაგრამ მსაჯებსა დ FILA-ს მაღალჩინოსნებს ვერ მოერევა. ეს პრობლემა მისთვის არახალია.გუშინ კიდევ ორმა ჩვენებურმა იასპარეზა - ევროპის ვიცე-ჩემპიონმა კობა კაკალაძემ (66) და ევროპის ექს-ჩემპიონმა დავით მოძმანაშვილმა (120). მათ ორი ორი შეხვედრა მოიგეს, მაგრამ ბოლომდე საბრძოლველად ძალა არ ეყოთ და არც სანუგეშოში გადასვლის საშუალება მიეცათ. ამათგან მოძმანაშვილის გამოსვლას გამოვარჩევთ - მეორე წრეში რუსთა ოლიმპიადის ვიცე-ჩემპიონი ბახტიარ ახმედოვი დაამარცხა.აი, ამის შემდეგ აზერბაიჯანელ ჯამალედინ მაგომედოვთან წააგო, რომელიც კარგად გვახსოვს თბილისში 2009 წელს გამართული ევროპის ახალგაზრდული ჩემპიონატიდან - მაშინ 96 კილოგრამში გაიმარჯვა. ის საბოლოოდ მესამეზე კი გავიდა, მაგრამ ვფიქრობთ, მოძმანაშვილს ახმედოვთან გამარჯვების შემდეგ მისი დამარცხებაც მართებდა. ვიმედოვნებთ, სამომავლოდ ჩვენებური მოუმატებს და ამასაც შეძლებს. მთავარია, მან ირწმუნა, რომ დოპინგის გარეშეც შეუძლია შედეგების მოპოვება.დღეს და ხვალ დორტმუნდში ქალები იჭიდავებენ, 2-3 აპრილს კი ჩემპიონატში ბერძენ-რომაელები ჩაებმებიან.კვარცხლბეკი. ვაჟები.55 კგ. 1. ჯამალ ოთარსულთანოვი (რუსეთი), 2. ვლადიმერ ხინჩეგაშვილი (საქართველო), 3. მაჰმუდ მაგომედოვი (აზერბაიჯანი), ულადისლაუ ანდრეიეუ (ბელარუსი).66 კგ. 1. ჯაბრაილ ჰასანოვი (Aზერბაიჯანი), 2. ლეონიდ ბაზანი (ბულგარეთი), 3. ადამ ბატიროვი (რუსეთი), საბა არაშ ჯავად ბოლაგი (გერმანია).84 კგ. 1. ანზორ ურიშევი (რუსეთი), 2. დავით მარსაგიშვილი (საქართველო), 3. შარიფ შარიფოვი (აზერბაიჯანი), გეორგიტა სტეფანი (რუმინეთი).120 კგ. 1. ფატიჰ ჩაკიროღლუ (თურქეთი), 2. ალექსეი შემაროვი (ბელარუსი), 3. ჯამალედინ მაგომედოვი (აზერბაიჯანი), დანიელ ლიგეტი (უნგრეთი)..

საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!

პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!

ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს

ქართველი მსაჯები სომხეთისა და ირლანდიის მატჩს განსჯიან

"ფენერბაჰჩეს" დომენიკო ტედესკო ჩაიბარებს

ნიკოლოზ ბასილაშვილი ჩინური ტურნირის პირველივე წრეში დამარცხდა

"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია

"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე

"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

[PHOTO] არდა გიულერის ემოციები ესპანეთთან განადგურების შემდეგ

[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა

"წავაგეთ ნაკრებთან, რომელმაც კალათბურთის თამაში 12 თვის წინ დაიწყო" - რას წერენ ფრანგი გულშემატკივრები საქართველოსთან მარცხის შემდეგ?

შენგელია: გასაკვირია ჯიკიჩი ევროლიგის გუნდს რომ არ წვრთნის

[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა