<p><span style="font-size: 12.16px;">12 იანვარს თბილისის ოლიმპიურ სასახლეში სტარტი აიღო ზამთრის თასის 2018 წლის გათამაშებამ <br> </span>12 იანვარს თბილისის ოლიმპიურ სასახლეში სტარტი აიღო ზამთრის თასის 2018 წლის გათამაშებამ. ეროვნული ლიგისა და ეროვნული ლიგა 2-ის კლუბები ერთმანეთს ცენტრალურ დარბაზში დაუპირისპირდნენ.</p><p>ზამთრის თასი 2018-ის პირველი სათამაშო დღე "გ" ჯგუფის მატჩებით დაიწყო. პლეი-ოფში გასასვლელად ერთმანეთის წინააღმდეგ "სამტრედია", გორის "დილა", ბოლნისის "სიონი" და თბილისის "შევარდენი" წარსდგნენ.</p><p>ჯგუფის პირველ შეხვედრაში ბოლნისელები გორელებს დაუპირისპირდნენ და დამაჯერებელი ანგარიშით 8:3 დაამარცხეს მეტოქე. ასევე დამაჯერებლად მოიგეს თბილისელებმა, "შევარდენმა" "სამტრედიას" ხუთი უპასუხო გოლი გაუტანა. დედაქალაქელებმა კარგი სტარტის შემდეგ ცუდად იასპარეზეს და "დილასთან" დაძაბულ ბრძოლაში, ანაგრიშით - 3:2 დამარცხდნენ.</p><p>მომდევნო მატჩში ერთმანეთს ბოლნისის "სიონი" და "სამტრედია" დაუპირისპირდნენ. ბოლნისელებმა ამჯერადაც დიდი ანგარიშით - 9:2 დაამარცხეს მეტოქე. "გ" ჯგუფის დასკვნით შეხვედრაში "სიონი" "შევარდენს" შეხვდა "სამტრედია" კი, "დილას". თბილისურ-ბოლნისური დაპირისპირება "შევარდენის" გამარჯვებით 4:1 დასრულდა. გორელებმა კი, მეტოქე ანგარიშით - 6:2 დამაარცხეს.</p><p>დაფიქსირებული შედეგებიდან გამომდინარე, სამმა გუნდმა თანაბარი 6-6 ქულა დააგროვა. დებულების თანახმად ასეთ დროს უპირატესობა ურთიერთშეხვედრებში დაფიქსირებულ შედეგს ენიჭება და შესაბამისად პირველ-მეორე ადგილებზე ბოლნისის "სიონი" და თბილისის "შევარდენი" გავიდნენ.</p><p><img src="pictures/artimages/original/8606aac063dfef3be891fc9a08545789.png" border="0" alt="Sportall.Ge" title="ზამთრის თასი 2018 - პირველი დღე" /></p><p>საინტერესო გამოდგა "დ" ჯგუფის მატჩები. უძლიერესის გამოსავლენად ერთმანეთს "საბურთალო", "ლოკომოტივი", "ცხინვალი" და "მერანი" დაუპირისპირდნენ.</p><p>აღნიშნულ ჯგუფში პირველი ადგილი "საბურთალომ" დაიკავა, მეორე კი, "ლოკომოტივმა". თბილისურმა კლუბებმა დამაჯერებლად იასპარეზეს დამსახურებულად მოიპოვეს პლეი-ოფის საგზური. ლოკომ პირველი შეხვედრა "მერანს" მოუგო 9:2, მეორეში კი, ლაშა ჭაღიაშვილის გუნდმა "ცხინვალს" აჯობა ანგარიშით - 7:0.</p><p>საწყის მატჩებში ნაჩვენები თამაშის ხარისხიდან გამომდინარე "ლოკომოტივი" პირველ ადგილზე გასვლის მთავარ კანდიდატად ითვლებოდა, მაგრამ "საბურთალომ" ბოლომდე იბრძოლა და პირველობა არავის დაუთმო. საბურთალოელებმა პირველი მატჩი "ცხინვალთან" ფრედ 3:3 ითამაშეს, მეორე "მერანს" 3:0 მოუგეს და დასკვნით შეხვედრაში თბილისურ დერბიში გადაწყვიტეს "დ" ჯგუფის პირველადგილოსანის ვინაობა. თბილისური დერბი ტრადიციისამებრ საინტერესო გამოდგა და "საბურთალოს" გამარჯვებით 5:3 დასრულდა.</p><p><img src="pictures/artimages/original/b2120e71dd6bdad48376b5e019e761ff.png" border="0" alt="Sportall.Ge" title="ზამთრის თასი 2018 - პირველი დღე" /></p><p>ჯგუფური ეტაპის დასრულები შემდეგ მეოთხედფინალური მატჩები გაიმართა. პირველ მეოთხედფინალში ბოლნისის "სიონი" თბილისის "ლოკომოტივის" დაუპირისპირდა და 2:6 დამარცხდა. ბოლნისელებმა ჯგუფური ეტაპი საკმაოდ დამაჯერებლად ჩაატარეს, თუმცა პლეი-ოფში თბილისელებს წინააღმდეგობა ვერ გაუწიეს და ზამთრის თასს გამოეთიშნენ. მეორე მეოთხედფინალურ შეხვედრაში თბილისური დერბი გაიმართა.</p><p>"საბურთალო" "შევარდენს" შეხვედა და დაძაბულ ბრძოლაში 3:5 დამარცხდა. დაფიქსირებული შედეგებიდან გამომდინარე ზამთრის თასის 2018 წლის გათამაშების ნახევარფინალში "ლოკომოტივი" და "შევარდენი" იასპარეზებენ. თბილისური გუნდების მეტოქეები 13 იანვარს გამოვლინდებიან, ნახევარფინალური მატჩები კი, 14 იანვარს შედგება.</p><p>ზამთრის თასის წლევანდელ გათამაშებაში 14-წლამდე გუნდები პირველად ჩაერთნენ. 12 იანვარს თბილისის ოლიმპიურ სასახლის პატარა დარბაზში "გ" და "დ" ჯგუფების მატჩები გაიმართა. პირველ ნახევარფინალურ შეხვედრას კი, ცენტრალურმა დარბაზმა უმასპინძლა.</p><p>"გ" ჯგუფში 7 ქულით პირველი ადგილი სამეგრელოს რეგიონულმა ნაკრებმა დაიკავა. სამეგრელომ გამართული სამი მატჩიდან ორი მოიგო და ერთ ფრედ ითამაშა. რაც შეეხება "დ" ჯგუფს, აქ თბილისის "დინამომ" სამივე შეხვედრა დამაჯრებლად მოიგო და მოპოვებული 9 ქულით ნახევარფინალში თამაშის უფლება მოიპოვა.</p><p>შესაბამისად, ფინალში გასასვლელ მატჩში ერთმანეთს სამეგრელოს რეგიონალური ნაკრები და თბილისის დინამო დაუპირისპირდნენ. შეხვედრა თბილისელთა გამარჯვებით 6:2 დასრულდა და დინამოელები ფინალში იასპარეზებენ.</p><p><img src="pictures/artimages/original/1cda026000997937368341293334a77f.jpg" border="0" alt="Sportall.Ge" title="ზამთრის თასი 2018 - პირველი დღე" /></p><p>13 იანვარს 10 საათიდან, თბილისის ოლიმპიურ სასახლის დიდ დარბაზში ზამთრის თასი 2018-ის "ა" და "ბ" ჯგუფების მატჩები გაიმართება. პატარა დარბაზში კი, 14-წლამდე ფეხბურთელთა ტურნირი ასევე, "ა" და "ბ" ჯგუფების მატჩებით გაგრძელდება.</p><p><strong>წყარო: gff.ge</strong></p>
გვარდიოლა და კლოპი გამორიცხულია - საქართველოს ნაკრებთან უკრაინას ისევ რებროვი უხელმძღვანელებს?
"მოდით და წაიღეთ - გაგიჟდნენ!" - სენეგალელმა მცველმა აღშფოთება გამოხატა
[VIDEO] ვინ ვის ურტყამდა რთულად გასარჩევი იყო - გუნდი-გუნდზე ჩხუბი ბრაზილიის ჩემპიონატში
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!
18 წ. | 3 ლელო საფრანგეთთან
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა