<p>10 თებერვალს ქუთაისში, "აია არენაზე" ბელგიასთან გასამართ მატჩში მოედანზე 11 ისეთი "ბორჯღალოსანი" გავა, რომელთაც 10-ზე ნაკლები სანაკრებო კეპი აქვთ.</p><p>მათგან ორი დებიუტანტია - <strong>მიხეილ გაჩეჩილაძე</strong> და <strong>გურამ შენგელია</strong> მარქაფაში არიან და თამაშში მოგვიანებით ჩაერთვებიან.</p><p>მარქაფაში მყოფ კიდევ ოთხ მოთამაშეს ჯამში 11 კეპი უგროვდება - თორნიკე მატარაძე (5), გიორგი მელიქიძე (3), გიორგი ჭყოიძე (2) და ანზორ სიჭინავა (1):</p><p>სიჭინავას სანაკრებო დებიუტი 2016 წლის ნოემბერში იაპონიასთან ჰქონდა და მას შემდეგ "ბორჯღალოსნების" კვართით აღარ უთამაშია; ჭყოიძეს დებიუტი შარშან, სწორედ ბელგიასთან ჰქონდა, მერე გერმანიასთან ითამაშა და ნაკრებს 1-წლიანი შესვენების შემდეგ უბრუნდება; ბრიუსელში მესამე კეპი მოიხვეჭა და მას შემდეგ ნაკრებში პირველად ითამაშებს გიორგი მელიქიძე; ხოლო თორნიკე მატარაძე "ბორჯღალოსნებში" შარშან გამოჩნდა და ივნისის ტესტებზეც ითამაშა.</p><p><span style="color: #3366ff;"><strong>10 გამოცდილი და 5 ახალბედა</strong></span></p><p>თამაშს გამოცდილი ბურჯები და კვაჭი იწყებენ: ზურაბ ჟვანია, შალვა მამუკაშვილი და ლევან ჩილაჩავა. აღსანიშნავია, რომ ჟვანიამ სასტარტოში თამაში ბოლოს 2016 წლის ივნისში დაიწყო. მას შემდეგ ოთხჯერ შეცვლაზე შევიდა და ახლა კვლავ ძირითადში ბრუნდება.</p><p>ქუთაისში გუნდს გამოცდილი მეორეხაზელი გიორგი ნემსაძე უკაპიტნებს, რომელსაც შედარებით ახალბედა ნოდარ ჭეიშვილი (7 კეპი) შეუწყვილდება. ჭეიშვილმა ნაკრების კვართი ბოლოს შარშან, ივნისში კანადის წინააღმდეგ მოირგო.</p><p>მესამე ხაზში გამოცდილ ლაშა ლომიძესა და კოკი თხილაიშვილთან ერთად ოთარ გიორგაძე (7 კეპი) დადგება. ქუთაისის "აიას" აღზრდილმა, "კლერმონის" მორაგბემ ნოემბრის ტესტები ტრავმის გამო გამოტოვა.</p><p>"ბორჯღალოსანთა" მაისურით სასტარტო შემადგენლობაში თამაშს პირველად იწყებს გელა აფრასიძე, რომელიც აქამდე სამივეჯერ შეცვლაზე შევიდა. მგეზავი ასევე შედარებით გამოუცდელი რეზი ჯინჭველაშვილია.</p><p>ცენტრში დავით კაჭარავას კიდევ ერთი ახალგაზრდა გიორგი კვესელაძე შეუწყვილდება, რომელმაც ნაკრების კვართი ნოემბრის ტესტებზე ორჯერ მოირგო.</p><p>ფრთებზე ითამაშებენ გამოცდილი სანდრო თოდუა და გიორგი ფრუიძე, რომელიც ნაკრებში ერთწლიანი შესვენების შედეგ ბრუნდება. შარშანდელი რაგბი ევროპის ჩემპიონატის შემდეგ პირველად გამოჩნდა ბექა წიკლაური. სასტარტო შემადგენლობაში მან ბოლოს 2 წლის წინ, გერმანიის წინააღმდეგ ითამაშა.</p><p><span style="color: #3366ff;"><strong>ღია ვარჯიშის შემდეგ</p><p></strong></span>დღეს დილით "შევარდენზე" გამართული ღია ვარჯიშის შემდეგ მილტონ ჰეიგმა განაცხადა, რომ ქუთაისში დამაჯერებელი გამარჯვების მოლოდინშია:</p><p>"2013 წელს ბელგიასთან ბრიუსელში რთული თამაში გვქონდა. ახლა ვფიქრობთ, რომ ასე არ იქნება. ფიზიკურად კარგად ვართ მომზადებულები, შერკინებაში დიდი ბიჭები გვყავს და ამ უპირატესობას კარგად გამოვიყენებთ. ტრავმის გამო მერაბ შარიქაძეს ვასვენებთ, თუმცა ეს პრობლემას არ შეგვიქმნის. "ბორჯღალოსნებს" პირველად უკაპიტნებს გიორგი ნემსაძე, რომელსაც უდიდესი გამოცდილება აქვს და ამ გამოცდილებას კარგად გამოიყენებს.</p><p>რაც მე საქართველოს მწვრთნელი ვარ, პირველად ვითამაშებთ ქუთაისში, საიდანაც ნაკრებში ძალიან ბევრი მოთამაშე გვყავს. ვფიქრობ, გულშემატკივრისგან დიდი მხარდაჭერა გვექნება".</p><p>"ბორჯღალოსნებს" პირველად უკაპიტნებს "ბრისტოლის" მეორეხაზელი, ქუთაისში დაბადებული გიორგი ნემსაძე, რომელიც ჩვენი ნაკრების 30-ე კაპიტანი გახდება:</p><p>"მნიშვნელოვანია, რომ სანაკრებო რაგბი რეგიონებში გავიტანოთ. ამჯერად ქუთაისში ვთამაშობთ, მომავალში ბათუმსა და სხვა ქალაქებშიც უნდა ვითამაშოთ.</p><p>ბელგია სულ ცდილობს, რომ ხელდახელ ითამაშოს. ვეცდებით, მათ ჩვენი სტილი მოვახვიოთ და ტოლს არც გახსნილ თამაშში დავუდებთ. ფავორიტები ვართ, თუმცა მაქსიმალური მობილიზებით ვემზადებით და ვეცდებით, ის შედეგი დავაფიქსიროთ, რასაც ჩვენგან მაყურებელი ელის.</p><p>ნაკრებს პირველად ვუკაპიტნებ. ეს დიდი პასუხისმგებლობაა, განსაკუთრებით, ისეთი ავტორიტეტული მოთამაშეების შემდეგ, როგორებიც მამუკა გორგოძე და მერაბ შარიქაძე არიან. ბიჭებს ვთხოვე, რომ ყველანაირად დამეხმარონ და ყველანი ერთად ვიყოთ კაპიტნები".</p><p>გიორგი კვესელაძე დარწმუნებულია, რომ ნაკრებს ქუთაისში დიდი მხარდაჭერა ექნება:</p><p>"ნაყოფიერი შეკრება გვქონდა და მომავალ თამაშს დიდი იმედებით ვხვდებით. გავიარეთ ბელგიის ძლიერი და სუსტი მხარეები და კარგი თამაშის მოლოდინში ვართ. გულშემატკივრის თანადგომა ძალიან ბევრს ნიშნავს. მოვუწოდებ ქუთაისელ მაყურებელს, რომ მოვიდნენ სტადიონზე და ერთად მოვიგოთ ეს თამაში".</p><p><img src="pictures/artimages/original/8b2421d1296e5f2c5de1cb405171cbe9.jpg" border="0" alt="Sportall.Ge" title="2 დებიუტანტით - "ბორჯღალოსნების" სამატჩო შემადგენლობა ცნობილია" /></p><p><strong></p><p>მომზადებულია rugby.ge-ს მიხედვით</strong><br></p>
ფანი
მოვდივართ თამაშზე... დიდი ზეიმი იქნება ხვალ ქუთაისში, აია არენაზე!
ბექა
მოვალთ,მოვალთ აბა რას ვიზამთ 80 წუთი და მეტიც არ გავჩერდებით ისე გიგულშემატკივრებთ,ქუთაისს მოენატრა დიდი რაგბი.
შოთა
მოდებაძე რატომ არ არის?
"ბორჯღალოსნები" | ექვსი ცვლილება ჩემპიონთა ჯახში
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
კონტემ განმარტა, რატომ დატოვა "ინტერი" საჩემპიონო სეზონის შემდეგ
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
"ბარსელონა" გერმანიის ნაკრების მცველის შეძენას შეეცდება
ანგისას "ნაპოლიდან" წასვლა უნდა
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
[VIDEO] ბითაძის 20 წუთი - "ორლანდოს" 4-მატჩიანი მოგებათა სერია "ფილადელფიასთან" შეწყდა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
ლეგიონერები. 20 ქართული ქულა და დებიუტები "სტად ჟან ბუენზე"
მიხეილ გაჩეჩილაძე "ენისეის" წლის საუკეთესო მორაგბედ დასახელდა
ბელგიელთა მწვრთნელი: "ბორჯღალოსნები" 6 ერში თამაშს იმსახურებს, იმედია, აღარ შეგვხდებით
ბელგია VS საქართველო - ბელგიასთან ისეთ დონეზე ვითამაშოთ, რა დონეზეც ინგლისთან ვივარჯიშეთ
"ბორჯღალოსნებმა" ბელგიას პირველ ტაიმში 4 ლელო დაუდეს და 22:3-ს იგებენ
საქართველოს ნაკრებმა ბელგიას 8 ლელო დაუდო და 46:6 დაამარცხა [VIDEO]
მილტონ ჰეიგი ბელგიასთან მატჩის შემდეგ: ზოგადად, დისციპლინით უკმაყოფილო ვარ
ბორჯღალოსნები | ახალი მწვრთნელების პირველი რაზმი - დებიუტანტებით
ბორჯღალოსნები | პირველი შეკრება ცვლილებით დაიწყო
რაგბი. ლეგიონი: ჯაბა ბრეგვაძისა და გიორგი ნემსაძის დებიუტი
რაგბი. ლეგიონი: დავით მესხმა დებიუტი ლელოთი აღნიშნა
ბორჯღალოსნები | სამოასთვის შემადგენლობა შეირჩა
დიდი 10. X ტური: "ჯიქის" უპირობო უპირატესობა
სკანდალი რუმინეთსა და ბელგიაში: "ბორჯღალოსნებს" შესაძლოა ტიტული დაუბრუნონ
დემეტრე დევდარიანი - „მჯერა, ამ გუნდით ყველაფრის მიღწევა შეგვიძლია“
ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა
ოკეანეთის ტურნეს პირველი მატჩისთვის "ბორჯღალოსნების" შემადგენლობა ცნობილია
დავით კაჭარავა და მიხეილ გაჩეჩილაძე კონტინენტის ფარის გამარჯვებულები გახდნენ