მექსე მილანს უახლოვდება

ზეედორფი: ყველამ იცის, როგორ მიყვარს ბრაზილია უკვე დიდი ხანია დადის ხმები იმის შესახებ, რომ მიმდინარე სეზონის დასრულებისთანავე, კლარენს ზეედორფი "მილანს" დატოვებს და კარიერას სხვა გუნდში გააგრძელებს. სურინამული წარმოშობის ბრაზილიელს ივნისში უმთავრდება "როსონერისთან" კონტრაქტი და ჯერჯერობით, მის გახანგრძლივებას მხარეები არ ჩქარობენ - სწორედ ეს გვაძლევს იმის თქმის საფუძველს, რომ კლარენსი მართლაც ახლოს არის ლომბარდიის დედაქალაქის დატოვებასთან. ბოლო დღეებში გავრცელებული ინფორმაციის თანახმად, ზეედორფით ბრაზილიური "კორინთიანსი" დაინტერესდა და უახლოეს პერიოდში, მას ოფიციალური წინადადებით მიმართავს. სამხრეთამერიკაში გადაბარგების პერსპექტივამ კლარენსი ერთობ მოხიბლა, რადგან როგორც თავად განაცხადა, ბრაზილიური ფეხბურთის დიდი მოყვარული და გულშემატკივარია. ამასთან, სწორედ ბრაზილიელი მეუღლე ჰყავს, რომელსაც დიდი ხანია სურს ქმართან ერთად სამშობლოში გადაცხოვრდეს. მოვუსმინოთ ჰოლანდიელს, რომელიც "გაძეტა დელო სპორტის" ჟურნალისტს ესაუბრა:"ბრაზილია, რომ ძალიან მიყვარს, ამის შესახებ ადრეც არაერთხელ მისაუბრია. თანაც, კარგად ვიცი, რომ იქაური ჩემპიონატი ძალიან მაღალი დონის არის და თავის გამოჩენა მხოლოდ რჩეულებს შეუძლიათ. აქედან გამომდინარე, "კორინთიანსის" ინტერესი მსიამოვნებს და თუ შეთავაზება იქნება, სიამოვნებით განვიხილავ. ამასთან, ჩემს ცოლს ძალიან უნდა, რომ ბრაზილიაში გადავიდეთ საცხოვრებლად - მართალია, "ფლამენგოს" თავგადაკლული გულშემატკივარია, მაგრამ ოღონდ სამშობლოში დაბრუნდეს და მზად არის, "კორინთიანსის" მაისურით მიხილოს".ზეედორფმა მიმდინარე სეზონზე, "მილანის" ასპარეზობასა და სასკუდეტო პერსპექტივაზეც ისაუბრა: "მართალია, ბრაზილიაში გადაბარგების საწინააღმდეგო არაფერი მაქვს, მაგრამ რეალურად, დღეს მხოლოდ სკუდეტოსთვის ბრძოლაზე ვარ კონცენტრირებული. ეს არის ჩემი ერთადერთი მიზანი და საზრუნავი - ამიტომ, კარგი იქნება თუ სეზონის დასრულებამდე სხვა ყველაფერს დავივიწყებთ. მართალია, სატურნირო ცხრილს სათავეში ვუდგავართ, მაგრამ ერთი ფეხის დაცდენა და ყველაფერი თავდაყირა დადგება. ამიტომ, მაქსიმალური მობილიზება გვმართებს და სრული კონცენტრაცია - თითოეული დარჩენილი შეხვედრა ფინალის ტოლფასია და ეს კარგად უნდა გავაცნობიეროთ. არა მგონია, რომ მაგალითად ფლორენციაში მოგება უფრო ადვილი იყოს, ვიდრე მილანურ დერბიში გამარჯვება. თითოეულ შეხვედრაში ბოლომდე უნდა დაიხარჯო, რომ დიდ წარმატებას მიაღწიო".ზეედორფის "მილანიდან" აბარგებაზე ბევრი იწერება, თუმცა არანაკლებად აქტუალურია ფილიპ მექსეს "შავ-წითელთა" ბანაკში შესაძლო გადასვლის ამბავი. თუ რაიმე სასწაული არ მოხდა, "რომა" ჩემპიონთა ლიგის საგზურს ვერ მოიპოვებს, რაც ფრანგისთვის საკმარისი საბაბია იმისთვის, რომ გარემო გამოიცვალოს. მართალია, ბოლო წლებში ამაოდ ვრცელდებოდა ასეთი ცნობები, მაგრამ ამჯერად, თავად ფეხბურთელმა დაადასტურა, რომ იტალიის დედაქალაქის დატოვებას აპირებს: "ხელშეკრულების გახანგრძლივებას არ ვაპირებ და თუ რაიმე გაუთვალისწინებელი არ მოხდა, "რომას" დავტოვებ კიდეც. "ჯალოროსი" ჩემი ცხოვრებაა და ყოველთვის ამ გუნდის ქომაგად დავრჩები, მაგრამ არის მომენტები, როდესაც გადაწყვეტილება უნდა მიიღო და რაღაც შეცვალო. დარწმუნებული ვარ, რომ ისე კარგად ვერსად ვიგრძნობ თავს, როგორც "რომაში', მაგრამ ამ შემთხვევაში პროფესიული მოტივაცია მამოძრავებს და მსურს, რომ გაცილებით უფრო მეტს მივაღწიო, ვიდრე აქ, ამ გუნდში შემიძლია".მექსეს გამტყუნება ძალიან რთულია, რადგან საუკეთესო წლები სწორედ "რომას" შეალია და ამ პერიოდში, არც ერთი სერიოზული ტროფეი არ მოუგია. ბუნებრივია, რომ ტიტულების მოხვეჭა სურს და მზად არის, ის კომფორტი დათმოს, რომელიც "რომაში" აქვს შექმნილი. გუნდის ერთ-ერთი საკვანძო ფიგურაა, დაცვის ბურჯი და შესაბამისად, გულშემატკივარები აღმერთებენ - სხვაგან ასეთ სითბოს და დაფასებას მოკლებული იქნება, მაგრამ თუ რომელიმე გრანდში გააგრძელებს კარიერას, ტიტულების მოხვეჭის გაცილებით მეტი შანსი მიეცემა. მართალია, "ჯალოროსი" მილიარდელმა ბიზნესმენმა ტომას დი ბენედეტომ იყიდა და კლუბში დიდი ინვესტიციის ჩადებას აპირებს, მაგრამ როდის გამოიღებს ეს შედეგს, ძნელი სათქმელია. ფილიპის "მილანში" შესაძლო გადასვლის საკითხი უფრო და უფრო აქტუალური ხდება, თავად ფეხბურთელს კი ამაზე შემდეგი პოზიცია აქვს: "ჩემი "მილანში" შესაძლო გადასვლაზე იმდენს ლაპარაკობენ, რომ შესაძლოა ასეც მოხდეს. ჯერერობით, ლომბარდიიდან არ მიმიღია შეთავაზება, მაგრამ ვფიქრობ, რომ უახლოეს პერიოდში აუცილებლად მივირებ. კვამლი უცეცხლოდ არ ჩნდება და გავრცელებული ინფორმაციები ამის ნათელი დფადასტურებაა. არ დავმალავ, "მილანი" ერთ-ერთი იმ გუნდთაგანია, სადაც დიდი სიამოვნებით გავაგრძელებდი კარიერას".

იტალიაში საუკეთესოები აღიარეს - მაკტომინეი, "ნაპოლი", კონტე

[VIDEO] ნერესს ვეღარ აჩერებენ - "ნაპოლიმ" სტუმრად "რომას" სძლია

ინსინიე სერია A-ში ბრუნდება - კონტრაქტი უკვე შეთანხმებულია

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს

ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ

ონანას არ დაუძახეს - ის აფრიკის თასზე კამერუნის ნაკრებში არ იქნება