- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჩემი კუმირი რაფაელ ნადალია - ახალგაზრდა ქართველი ჩოგბურთელი, რომელიც ამერიკაში ვარჯიშობს
<p>ალექსანდრე ბაკში 20 წლის ქართველი ჩოგბურთელია. ის ამჟამად ამერიკის ქალაქ ოკლაჰომას ერთ-ერთ საჩოგბურთო უნივერსიტეტში საკმაოდ წარმატებით ასპარეზობს.</p><p>ის დევისის თასზე ეროვნულ ნაკრებშიც იყო გამოძახებული, თუმცა ამერიკაში მნიშვნელოვანი თამაშები ჰქონდა და მწვრთნელმა არ გამოუშვა.</p><p>Sportall.ge ალექსანდრეს ამერიკაში დაუკავშირდა და ინტერვიუ ჩაწერა.</p><p><strong>- მოგვიყევით თქვენი კარიერის შესახებ...</strong></p><p>- პირადად ჩემი გადაწყვეტილება არ იყო საჩოგბურთო კარიერის დაწყება. მამაჩემი ჩოგბურთის მწვრთნელია და უკვე 4 წლის ასაკში, ყოველდღიურად ვვარჯიშობდი.</p><p>ამჟამად, Univeristy Of Oklahama’s სახელით ვთამაშობ. რაც შეეხება ვარჯიშებს, უმაღლეს დონეზე ვვარჯიშობ ჩემს გუნდელებთან ერთად. რა თქმა უნდა, არაჩვეულებრივი პირობები გვაქვს.</p><p>ერთ-ერთი წარმატებული პროგრამაა მთლიან ამერიკაში და ძალიან გამიმართლა, აქ რომ მოვხვდი.</p><p><strong>- ვინ არის თქვენი მწვრთნელი და რომელი ჩოგბურთელები გაუზრდია მას?</strong></p><p>- ჩემი მწვრთნელია ნიკ კროუველი. როგორც ვიცი, ის 12 წლის განმავლობაში იყო მწვრთნელის ასისტენტი ფლორიდის შტატის უნივერსიტეტში და არაერთი ახალგაზრდა ჰყავს აღზრდილი.</p><p>ზუსტად ვერ გეტყვით, რომელი იყო ყველაზე წარმატებული... შარშანწინ შესთავაზეს მთავარი მწვრთნელის ადგილი ოკლაჰომაში და გადაწყვიტა, იქ გადასულიყო.</p><p><strong>- როგორც ვიცით, კოლეჯში საკმაოდ კარგად ასპარეზობთ...</strong></p><p>- საკმაოდ კარგად დავიწყე ეს წელი. შარშანდელი სეზონის შემდეგ მწვრთნელმა შემადგენლობაში მეორე ნომრად დამაყენა, რაც ძალიან დიდი უპირატესობაა.</p><p>ორი თამაშის შემდეგ კი გადაწყვიტა, რომ პირველ ნომრად მეთამაშა. ზუსტად ვერ გეტყვით, რატომ მიიღო ეს გადაწყვეტილება... ალბათ, იმიტომ, რომ ორივე თამაში მოვიგე.</p><p>ამჟამად, პირველ ნომრად ვთამაშობ და ძალიან ძლიერ ჩოგბურთელებთან მიწევს დაპირისპირება. თავისუფლად შემიძლია გითხრათ, რომ ძალიან მაღალი დონეა.</p><p><strong>- როდის აპირებთ პროფესიონალურ ტურნირებზე გამოსვლას?</strong></p><p>- სეზონი გვიმთავრდება მაისის ბოლოს და ალბათ, ივნისისკენ შევეცდები "ფიუჩერსების" თამაშს. ამ ეტაპის გავლის შემდეგ დავიწყებ ATP-ზე ფიქრს.</p><p><strong>- როგორ ფიქრობთ, რა არის თქვენი ძირითადი იარაღი და რისი გამოსწორება გესაჭიროებათ?</strong></p><p>- ალბათ, ძირითადი იარაღი ფორჰენდია. ჩაწოდება ძალიან მნიშვნელოვანი იარაღია ჩოგბურთში და ვცდილობ, უფრო ეფექტურად გამოვიყენო. ცოტა მუშაობა მჭირდება მაგაზე.</p><p><strong>- საქართველოს ნაკრების შემადგენლობაში ბოლო შეხვედრაში უნდა გეთამაშათ, მაგრამ ვერ ჩამოხვედით...</strong></p><p>- სამწუხაროდ, მწვრთნელმა არ გამომიშვა, რადგან ძალიან მნიშვნელოვანი თამაშები გვქონდა წინ.</p><p><strong>- ჩოგბურთში ძალიან მნიშვნელოვანი ფსიქოლოგიური მომზადებაა. თქვენ როგორ ხართ ამ მხრივ მომზადებული?</strong></p><p>- სიმართლე გითხრათ, კოლეჯი ამ მხრივ ძალიან დამეხმარა. ჩვენთან ცოტა სხვა წესებია. როდესაც ანგარიში თანაბარია, ამ დროს ერთი ბურთი თამაშდება.</p><p>კიდევ ერთი მნიშვნელოვანი ფაქტორია ის, რომ ჩაწოდების დროს ბურთი თუ შეეხო ბადეს, თამაში მაინც გრძელდება. ეს ყველაფერი კი კონცენტრაციაზე მოქმედებს.</p><p>თავიდან ძალიან გამიჭირდა, მაგრამ ყველაფერი მიჩვევაზეა... ამჟამად, ძალიან კონცენტრირებული ვარ კორტზე, რაც ძალიან მნიშვნელოვანია.</p><p><strong>- რა ასაკიდან წახვედით საქართველოდან და როგორ ფიქრობთ, რა პირობებია ჩვენს ქვეყანაში კარგი ჩოგბურთელის გასაზრდელად?</strong></p><p>- საქართველოდან 18 წლის ასაკში მომიწია წასვლა. ჩემს დროს მაგდენი საშუალება არ იყო, მაგრამ ბოლო დროს რამდენიმე ბაზა გაკეთდა. იმედია, უფრო დაინტერესებული იქნება ახალგაზრდა თაობა ჩოგბურთით.</p><p>ძალიან მინდა, უფრო პოპულარული გახდეს ჩოგბურთი საქართველოში, რადგან ერთ-ერთი წამყვანი სპორტია მთელ მსოფლიოში.</p><p><strong>- თქვენი აზრით, რატომ არ ტარდება საქართველოში თუნდაც ჩელენჯერის დონის ტურნირი?</strong></p><p>- ალბათ, ფინანსური პრობლემების გამო.</p><p><strong>- თქვენ თუ გეხმარებათ ფედერაცია?</strong></p><p>- ამჟამად არანაირად. შარშან ძირითად ბადეში მომცეს ორი ადგილი თელავის ტურნირზე და სულ ეს იყო. სიმართლე გითხრათ, ჯერ არც არაფერი მითხოვია განსაკუთრებული ფედერაციისთვის.</p><p>კოლეჯში კიდევ 1.5 წელი უნდა ვიყო და როდესაც მოვრჩები, მერე უკვე მივმართავ ჩვენს ფედერაციას.</p><p><strong>- როგორც ცნობილია, ჩოგბურთელად ჩამოსაყალიბებლად დიდი ფინანსური რესურსია საჭირო...</strong></p><p>- კი, ნამდვილად. ჩოგბურთი ერთ-ერთი ყველაზე ძვირად ღირებული სპორტია და მას დიდი ფინანსები ესაჭიროება. ჩემი ოჯახის გარდა, დახმარებას არავინ არ მიწევს და უნივერსიტეტში საკმაოდ მაღალ დაფინანსებაზე ვარ.</p><p><strong>- თუ შეგიძლიათ გვითხრათ, ამერიკულ სკოლაში სწავლება რა ჯდება...</strong></p><p>- გააჩნია უნივერსიტეტს... სავარაუდოდ, 30 000 დოლარი იქნება გადასახდელი, რადგან ჩვენ უცხოელ სტუდენტებად ვითვლებით.</p><p><strong>- ვინ არის თქვენი საჩოგბურთო კუმირი?</strong></p><p>- მემარცხენე ვარ და შესაბამისად, სულ მემარცხენეებს ვუყურებ... რაფაელ ნადალი და მარსელო რიოსი ჩემი ფავორიტები არიან.</p><p><strong>- თქვენი აზრით, ვინ არის ყველა დროის საუკეთესო ჩოგბურთელი?</strong></p><p>- როჯერ ფედერერი ყველა დროის ყველაზე წარმატებული ჩოგბურთელია.</p><p><strong>- ჩოგბურთი ინდივიდუალური სპორტია, სადაც ძალიან დიდი ფინანსებია. რა იქნება თქვენი მთავარი მოტივაცია წარმატების მისაღწევად?</strong></p><p>- ალბათ, ჩოგბურთის თამაში იმიტომ მინდა, რომ ეს სპორტი ძალიან მიყვარს. სიმართლე გითხრათ, ცოტა ზარმაცი ვარ, მაგრამ ბოლო დროს ვეღარ ვზარმაცობ, რადგან ასეთ შემთხვევაში მაღალ დონეზე ვერ ითამაშებ.</p><p>იმისათვის, რომ შეინარჩუნო მაღალი დონე, საჭიროა, ძალიან ბევრი ივარჯიშო.</p><p><strong>- დღევანდელ ქართველ ჩოგბურთელებზე რას იტყოდით?</strong></p><p>- ძალიან კარგი ჩოგბურთელები გვყავს და იმედია, სწორ გზაზე დადგებიან და წარმატებებს მიაღწევენ.</p><p><strong>- თქვენი აზრით, საით მიდის დღევანდელი მსოფლიო ჩოგბურთი... უფრო მეტად ფინანსებზე ხო არ გახდნენ სპორტსმენები ორიენტირებულნი, ვიდრე სპორტზე?</strong></p><p>- რა თქმა უნდა, უამრავი მოთამაშე თამაშობს მარტო ფინანსების გამო, რაც ძალიან სამწუხაროა. ალბათ, ხშირად ხედავთ, რომ ტოპ 100-ის მოთამაშეები ძალიან ხშირად აგებენ მათზე სუსტებთან, რაც ძალიან საეჭვოა.</p><p><strong>- როგორ ფიქრობთ, ხშირია გარიგებული მატჩები ჩოგბურთში?</strong></p><p>- "ფიუჩერსებისა" და "ჩელენჯერების" დონეზე უფროა, ვიდრე ATP-ზე.</p><p><strong>- გქონიათ თუ არა შემოთავაზება, რომ სხვა ქვეყნის სახელით გეთამაშათ?</strong></p><p>- ჯერჯერობით არა.</p><p><strong>- თუ გექნებოდათ ხელსაყრელი ფინანსური წინადადება, დათანხმდებოდით სხვა ქვეყნის სახელით თამაშს?</strong></p><p>- პირველ რიგში, საქართველოს ჩოგბურთის ფედერაციას მივმართავ და მათგანაც იმავე ფინანსურ დახმარებას მოვითხოვ, რასაც სხვა შემომთავაზებს.</p><p>თუ ვერ დამეხმარნენ, მაშინ მძიმე გადაწყვეტილების მიღება მომიწევს. ნამდვილად არ მინდა სხვა ქვეყნის სახელით გამოსვლა...</p><p><strong>- დაბოლოს, შეგიძლიათ მიმართოთ, ვისაც გსურთ და თქვათ, რაც გინდათ...</strong></p><p>- მინდა, წარმატება ვუსურვო ყველა ქართველ ჩოგბურთელს. ყველაფერს გავაკეთებ იმისთვის, რომ საქართველოში ჩოგბურთის პოპულარიზაცია მოვახდინო.</p><p><br></p>
ოფიციალურად: როჯერ ფედერერი მილიარდერი გახდა
[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო
თრილერი ცინცინატიზე - საბალენკამ რადუკანუ დაამარცხა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
მე-2 ჯგუფთან ახლოს - ქართველმა ვაჟმა ჩოგბურთელებმა პოლონეთში კარგად დაიწყეს
საქართველოს ნაკრებმა ATP CUP-ი მსოფლიოს მე-4 ნომრის დამარცხებით დაასრულა
ბაკში და ფურცელაძე ასტანაში სრული სვლით - ქართველი ჩოგბურთელები ნახევარფინალში გავიდნენ
ბასილაშვილი მანამას ჩელენჯერს პირველსავე წრეში გამოეთიშა, ბაკში ძირითად ბადეში შევიდა
ბასილაშვილი მანამას ჩელენჯერს პირველსავე წრეში გამოეთიშა, ბაკში ძირითად ბადეში შევიდა
ბაკშის კარიერის საუკეთესო შედეგი - ქართველი სამშობლოში მიმდინარე ტურნირზე ჩელენჯერის ფინალში პირველად ითამაშებს