რუნი ძლიერი და სულელიაო

„მანჩესტერ სიტის“ თავკაცი რობერტო მანჩინი უსაზღვროდ ბედნიერია, „იუნაიტედის“ თავდამსხმელს ორთამაშიანი დისკვალიფიკაცია რომ მიუსაჯეს „მანჩესტერ სიტის“ თავკაცი რობერტო მანჩინი უსაზღვროდ ბედნიერია „იუნაიტედის“ თავდამსხმელ უეინ რუნის ორთამაშიანი დისკვალიფიკაცია რომ მიუსაჯეს. ეს იმას ნიშნავს, რომ ფეხბურთის ასოციაციის თასის ნახევარფინალში მეტოქეს თავისი უძლიერესი ფორვარდი არ ეყოლება. შეგახსენებთ, რომ ბედმა თასის ნახევარფინალში მანჩესტერული დერბი ინება, რუნის კი სიხარულისგან ტელეკამერაში გინებისთვის სასჯელი ერგო - წინა ტურში, „ვესტ ჰემთან“, „იუნაიტედის“ ვარსკვლავმა ჰეთ-თრიქი შეასრულა.„ბოლო ხანს რუნი თავისი შესაძლებლობების ას კი არა, ორას პროცენტს ავლენს - თქვა მანჩინიმ და, რასაკვირველია, არ დააკვირდა, რომ ბუნებაში 200 პროცენტი არ არსებობს - ის გახლავთ ფეხბურთელი, რომელსაც თამაშის ბედის შემოტრიალება ნებისმიერ წამს შეუძლია. გახსოვთ, რა გაგვიკეთა მან ამ სეზონში „ოლდ ტრეფორდზე“? იმ დღეს ჩვენ გამარჯვებას თუ არა ფრეს მაინც ვიმსახურებდით, მან კი ფანტასტიკური მაკრატელა დარტყმით გამარჯვება თავის გუნდს მოუტანა“.თუმცა, დიდებულ ფეხბურთელობასთან ერთად რუნი, როგორც ჩანს, სულელიცაა - ასე დაწერა, მაგალითად „დეილი მეილმა“ და სიტყვა სულელის სათაურში გამოტანაც არ დაიზარა. რატომ არის რუნი სულელი? განა მარტო იმიტომ, რომ სიხარულის გამოსახატავად კამერაში გინებაზე უკეთესი ვერაფერი მოიფიქრა, არამედ იმიტომაც, რომ დასჯილიც არ ცხრება და ფეხბურთის ასოციაციას ვერდიქტს უკრიტიკებს. ასე ხომ შეიძლება ახალ ხიფათში გაჰყოს თავი.რუნიმ თქვა: „მე ორი თამაშის გამოტოვება მომისაჯეს. მათგან ერთი ფეხბურთის ასოციაციის თასის ნახევარფინალია, რომელიც „უემბლიზე“ უნდა გაიმართოს. გარწმუნებთ, მე არც პირველი ვარ, ვინ კამერაში შეიგინა და არც ბოლო. გარდა ამისა, მე დაუყოვნებლივ მოვიხადე ბოდიში, მაგრამ მაინც ერთადერთი ადამიანი ვარ ვინც კამერაში გინებისთვის დასაჯეს. ეს არ ჰგავს სამართლიან გადაწყვეტილებას, მაგრამ რას ვიზამ? სხვა გზა არ დამრჩენია, ვერდიქტს უნდა შევეგუო“.ფეხბურთის ასოციაციის სამართალი რუნის კლუბმაც დაიწუნა. „მანჩესტერ იუნაიტედის“ ოფიციალურ განცხადებაში წერია, რომ სადისციპლინო კომისიის დასკვნა საოცრად გულდასაწყვეტი აღმოჩნდა. ფორვარდს მხარი დაუჭირეს თანაგუნდელებმაც. რიო ფერდინანდმა, რომელიც სოციალურ ქსელებში ძალიან აქტიურობს, „ტვიტერზე“ ასე დაწერა:„იმ ფეხბურთმა, რომელიც რუნიმ ჩემპიონთა ლიგაში, „ჩელსის“ წინააღმდეგ ითამაშა ყველას კიდევ ერთხელ აჩვენა თვალნათლივ თუ რა დონის ვარსკვლავია ის. მისით ინგლისი უნდა ამაყობდეს, მაგრამ უცნაურიც სწორედ ის არის, რომ უეინს მოწინააღმდეგე მეტი ჰყავს. ხალხი მის დასჯას ითხოვდა. პირადად მე, როდესაც ვიხსენებ თუ რა გააკეთა რუნიმ ამ ბოლო დღეებში, უპირველეს ყოვლისა თვალწინ მისი თამაში მეხატება და არა გინება. გაიხსენეთ ჰეთ-თრიქი „ვესტ ჰემთან“, მაგრამ მას კამერაში გინება რომ არ დაეწყო, ხალხი ერთ შეხვედრაში სამი გოლის გატანას ყურადღებას არც მიაქცევდა.ხანდახან ასეთ რამეებს რომ ჩავუფიქრდები, შიში მიპყრობს. ლიბიასა და კოტ დ’ივუარში ადამიანები იხოცებიან, გაზეთების პირველ გვერდზე კი რუნის გინება გამოაქვთ“!და მაინც, რობერტო მანჩინის კარგად ესმის, რომ „მანჩესტერ იუნაიტედი“ რინის გარეშეც ძალიან ძლიერი გუნდია:„რუნის არყოფნა ჩვენს შანსებს თუ ზრდის? არა მგონია. გარწმუნებთ, „მანჩესტერ იუნაიტედი“ მის გარეშეც ძალიან ძლიერი გუნდია“.

ოფიციალურად: კონორ გალაჰერი ინგლისის პრემიერ ლიგას დაუბრუნდა

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

"მანჩესტერ იუნაიტედს" ახალი მწვრთნელი ჰყავს

პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა

ოფიციალურად: კონორ გალაჰერი ინგლისის პრემიერ ლიგას დაუბრუნდა

ფუტსალის ნაკრები ევროპის ჩემპიონატისთვის 18 ფეხბურთელით ემზადება

18 წ. | მესამედ ექვსი ერის ფესტივალზე

კვერნაძემ შეიძლება მნიშვნელოვანი მატჩი გამოტოვოს

ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს

საზონოვი ტრანსფერზეა - "ტორინო" ზამთარში ქართველის გაყიდვას შეეცდება

უარი ბერძნულ გრანდს - დავითაშვილისთვის ბრძოლა გადამწყვეტ ფაზაში შედის

ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს

[VIDEO] ზედიზედ 3 წაგების შემდეგ "ოკლაჰომამ" "სპურსი" მარტივად დაამარცხა

[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა

კანტე თურქეთში შემცირებული ხელფასით მიდის - შესათანხმებელი ბოლო დეტალები დარჩა

შეთავაზებებს განიხილავს - ალონსო შესაძლოა, სამწვრთნელო საქმიანობას მალევე დაუბრუნდეს

"ზიზუ, გემი იძირება, დაგვიბრუნდი" - "რეალის" ფანებმა ბანერი გამოკიდეს

ზივზივაზემ ისევ ვერ ითამაშა - გოჩოლეიშვილის "ჰამბურგის" მატჩი გადაიდო

"მანჩესტერ იუნაიტედს" ახალი მწვრთნელი ჰყავს

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

მიხეილ ნარიაშვილი - "ბორჯღალოსნების" შერკინების მწვრთნელი

"გალათასარაი"? - ფაბიან რუისს პსჟ არ ეთმობა