<p>24 წლის "ბორჯღალოსანი" თამაზ მჭედლიძე ოპტიმალურ ფორმაში შედის და "აჟენის" სასტარტო შემადგენლობაში ბრუნდება.</p><p>ის იმედოვნებს, რომ სულ მალე ნაკრებშიც დაბრუნდება და ჰიმნზე დადგება!</p><p><span style="color: #3366ff;"><strong>სეზონის სტარტი ჩაუვარდა</strong></span></p><p>მჭედლიძემ გასული ორი სეზონი კლუბსა და ნაკრებში მაღალ დონეზე ჩაატარა. 2015/16 წლების ტოპ 14-ში მან 16 მატჩში - 6, ხოლო 2016/17 წლების პრო დე2-ის 21 შეხვედრაში 7 ლელო გაიტანა და გუნდს ელიტაში დაბრუნებაში დაეხმარა.</p><p>მაგრამ მიმდინარე სეზონის დებიუტში პრობლემებმა იჩინა თავი და თაზომ კლუბის სასტარტოში ადგილი დაკარგა:</p><p>"სეზონის დასაწყისში ზედიზედ ორი თამაში ჩავაგდე, რის გამოც ძირითადში ადგილი დავკარგე. ამას ფეხის კუნთის ტრავმაც დაერთო და რამდენიმე შეხვედრის გამოტოვება მომიწია. ახლა ყველაფერი რიგზეა, ყოველდღიურად ვვარჯიშობ და კუთვნილ ადგილს ვიბრუნებ. ორი თამაში შეცვლაზე ვითამაშე, ერთი კვირის წინ სასტარტოში ვიყავი "ტულონთანაც".</p><p><span style="color: #3366ff;"><strong>საყვარელი პოზიცია</strong></span></p><p>მჭედლიძემ კლუბსა და ნაკრებში თამაში გარემარბად დაიწყო, თუმცა მერე შუამარბად მოგვევლინა და გასული სეზონი თითქმის სრულად ამ პოზიციაზე ჩაატარა. მიმდინარე სეზონში, კლუბის ინტერესებიდან გამომდინარე, თაზომ პოზიცია ერთხელაც შეიცვალა და შერკინების მესამე ხაზში ითამაშა.</p><p>"ორჯერ მომიწია შერკინების მესამე ხაზში თამაში. ამ პოზიციის მოთამაშეები ტრავმირებული გვყავდა, მწვრთნელმა დამიძახა და მითხრა - დიდი ბიჭი ხარ, ფიზიკურად ძლიერი და თუ შეგიძლია მესამე ხაზში დადგომაო. დიდი ხნის უთამაშებელი ვიყავი და დავთანხმდი, მით უმეტეს, მაშინვე შევთანხმდით, რომ ღია თამაშში ჩემს თამაშს ვითამაშებდი. შერკინებაში ნორმალურად ვაწვებოდი, აუტში მე კომბინაციას არავინ მიცხადებდა და სიმართლე გითხრათ, პოზიციის შეცვლა არ გამჭირვებია" - ამბობს მჭედლიძე, რომელმაც "მონპელიესთან" გარემარბად ითამაშა, ხოლო ამ შაბათს "ტულონთან" ცენტრში იდგა:</p><p>"მონპელიესთან" მწვრთნელმა ფრთაზე დამაყენა, რასაც ორი მიზეზი ჰქონდა. წინა ორ შეხვედრაში ფიზიკური კონტაქტი მრავლად მომიწია და მეორე, ვფიქრობდით, რომ "მონპელიე" ფრთაზე ნადოლოს დააყენებდა და მე ის უნდა შემეჩერებინა. საბოლოოდ ნადოლოს არ უთამაშია, თუმცა არანაკლებ ძლიერი ნაგუსას წინააღმდეგ მომიწია თამაში. ახლა, როდესაც ოპტიმალურ ფორმას ვუბრუნდები, მწვრთნელმა ჩემს საყვარელ პოზიციაზე, ცენტრში გადამიყვანა".</p><p><span style="color: #3366ff;"><strong>ხელით მეტს ვთამაშობთ</strong></span></p><p>მჭედლიძის ანგარიშზე 46 სანაკრებო კეპი და 6 ლელოა, თუმცა მიმდინარე სეზონის სტარტზე საუკეთესო ფორმაში რომ არ იყო, შემოდგომის ტესტების და წლევანდელი რაგბი ევროპის ჩემპიონატის თამაშების გამოტოვება მოუწია.</p><p>"ჩემთვის და, ალბათ, ჩემს მდგომარეობაში მყოფი ნებისმიერი მოთამაშისთვის, ძალიან ძნელია, ნაკრების თამაშებს მაყურებლის თვალით უყურო. სასიხარულოა, რომ შემოდგომაზე უელსთან ასეთი კარგი შედეგი ვაჩვენეთ. ამ დღეს მეც თამაში მქონდა, გასახდელში ვიყავი და ცალი თვალით ტელეფონში ვიყურებოდი და "ჟგუტით" მხრებს ვახურებდი.</p><p>რაც შეეხება რაგბი ევროპის ჩემპიონატს, პირველი ორი თამაში ისეთი სხვაობებით მოვიგეთ, არა მგონია, ვინმე უკმაყოფილო დარჩეს. განვლილ თამაშებში იყო პატარა ხარვეზები, მაგრამ ეს გამოსწორებადია და დარწმუნებული ვარ, გამოსწორდება. კარგია და მომეწონა, რომ წინა წლებთან შედარებით ხელით მეტს ვთამაშობთ" - ამბობს მჭედლიძე და "ბორჯღალოსნებს" მომავალ შეხვედრებში მე-16 მოთამაშის რანგში თანადგომას ჰპირდება:</p><p>"მინდა ჩვენს ბიჭებს წარმატება ვუსურვო რუმინეთთან. სამწუხაროდ, მათ გვერდით ვერ ვიქნები, მაგრამ ისე, როგორც მე-16 მოთამაშე, მათ მხარს საფრანგეთიდან დავუჭერ".</p><p>თაზო იმედოვნებს, რომ ოპტიმალურ ფორმაში შესვლასთან ერთად, ის "ბორჯღალოსნებშიც" მალე დაბრუნდება:</p><p>"ერთი სული მაქვს, როდის მომიწევს ნაკრების კვართის მორგება, ჰიმნზე დადგომა და თამაში. იმედია, ეს ყველაფერი ძალიან მალე მოხდება".</p><p><strong></p><p>მომზადებულია rugby.ge-ს მიხედვით</strong><br></p>
სოსო
მაგარი ბიჭია თაზო და დიდი ძალაა ნაკრებისათვის,მისი უნივერსალიზმი ფასდაუდებელია მსოფლიო ჩემპიონატის ფორმატის მსგავსი ტურნირების დროს.თუ ჯანმრთელად იქნება,დარწმუნებული ვარ, მსოფლიო ჩემპიონატზე ითამაშებს.სწორედ ამას ვუსურვებ მას.
ანდრი
ჩვენც გვენატრები
zvio
კარგი ბიჭია
გულშემატკივარი
ჰიმნს ყველაზე ემოციურად სწორედ თამაზ მჭედლიძე მღეროდა უკანასკნელ მსოფლიოს თასზე, ძალიან კარგი მორაგბეა და იმედია მალე დაუბრუნდება ნაკრებს.
tazo
წარმატებები თაზო!ყოველთვის გვჯეროდა შენი!იმედი მაქვს ცუდი პერიოდი უკან დაგრჩა და ისევ ძველებურად მებრძოლი,საიმედო და უშიშარი იქნები!ღმერთი შენთან!
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
"ბორჯღალოსნები" | კაპიტნის ვარჯიში ტონგამდე
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
ლეგიონერები: ვინ როგორ ხვდება ახალ წელს
რაგბის ლეგიონი: თამაზ მჭედლიძემ ლამაზი ლელოთი დაიწყო [VIDEO]
ბორჯღალოსნები | სამოასთვის შემადგენლობა შეირჩა
მჭედლიძის ლელო და ქუბრიაშვილის დაბრუნება
დემეტრე დევდარიანი - „მჯერა, ამ გუნდით ყველაფრის მიღწევა შეგვიძლია“
lerugbynistere: თამაზ მჭედლიძე "რუონში" ითამაშებს; ალბათ, სოსო მათიაშვილიც
ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა
ბორჯღალოსნები | ახალი მწვრთნელების პირველი რაზმი - დებიუტანტებით
მილტონ ჰეიგი: უელსის დამარცხება? - რატომაც არა?!
ბორჯღალოსნები | პირველი შეკრება ცვლილებით დაიწყო
პრო დე2: სათამაშო პრაქტიკა "შემოდგომის ერთა თასამდე