<p>სერია A-ს მორიგი ტური ძალიან მოულოდნელად დაიწყო. გრანდთაგან პირველად მინდორზე "იუვენტუსი" გავიდა და დაგეგმილი 3 ქულა ვერ აიღო. ბოლო დროს შესანიშნავ ფორმაში მყოფი ტურინული გრანდი ლამის ყველაფერს იგებდა. დასასრული ყველაფერს აქვს და ეს სერიაც უნდა დასრულებულიყო, მაგრამ... სპალ-თან?</p><p>ნახევარმომენტების ამარა დარჩენილმა "ბებერმა ქალბატონმა" მხოლოდ ქულა მოიპოვა. სპალ-ის ფეხბურთელების სასახელოდ უნდა ითქვას, რომ მათ მართლაც ლომებივით იბრძოლეს. ძალიან ცუდი იყო "იუვესთვის" ჯორჯო კიელინის ტრავმა, ვინც უახლოეს შეხვედრებში იტალიის ნაკრებსაც დააკლდება.</p><p>"რა თქმა უნდა, ჩვენი მიზანი გამარჯვება იყო, მაგრამ, სამწუხაროდ, ვერ მოვიგეთ. სამაგიეროდ, შევეცადოთ და საკითხს დადებითი კუთხით შევხედოთ - გოლი არ გაგვიშვია და ეს უკვე კარგია. ჩემი კომპლიმენტები მოწინააღმდეგეს - მათ ბოლომდე იბრძოლეს და ეს ქულა დაიმსახურეს", - თქვა "იუვენტუსის" მწვრთნელმა მასიმილიანო ალეგრიმ.</p><p>"ინტერმა" სეზონის საუკეთესო თამაში ჩაატარა და გასვლაზე 5 უპასუხო გოლი შეუგდო "სამპდორიას". ვნახოთ, იქნება თუ არა ეს ლუჩანო სპალეტის გუნდის აღმასვლის დასაწყისი. თუ მაურო იკარდიმ ასე გააგრძელა, ალბათ, ეს გარდაუვალია.</p><p>ყოფილი გუნდის წინააღმდეგ არგენტინელი შემტევი მართლაც რომ შეუდარებელი იყო. მას მინდორზე ყველაფერი გამოსდიოდა. შედეგად, ექსსამპდორიელმა "პოკერი" მიითვალა და მთლიანად ტურის უდავო გმირად იქცა.</p><p>"ჩვენთვის ეს ძალიან მნიშვნელოვანი გამარჯვება იყო. ესაა ის, რისკენაც მივდივართ. ამასთან ერთად, არ მინდა, კომპლიმენტები დავიშურო იკარდის მისამართით. ის, უბრალოდ, დიდებული გახლდათ", - თქვა ნამატჩევს სპალეტიმ.</p><p><p><div class="ws_video" id="11583" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-5/2018/03-19/interi.jpg" border="0" alt="Sportall.Ge" title="სერია A. XXIX ტური: მაურო იკარდის ტური [VIDEO]" /></p><p><span style="padding: 2px; display: block;">18.03.18 სამპდორია - ინტერი 0:5</span></div></p></p><p>"მილანმა" პატარა სკანდალის ფონზე რთულად დაამარცხა "კიევო". თამაშის წინ გავრცელდა ინფორმაცია, თითქოს, ჯენარო გატუზოსა და გუნდის ხორვატ თავდამსხმელ ნიკოლა კალინიჩს შორის გაუგებრობა მოხდა და ამის გამო ბალკანელი მატჩის განაცხადს მიღმა დარჩა. ისიც ითქვა, რომ "როსონერიდან" კალინიჩის წასვლა მხოლოდ დროის ამბავია...</p><p>ასე იყო თუ ისე, "მილანმა" 3:2 მოუგო "კიევოს". არადა, პირველი ტაიმი "მფრინავმა ვირებმა" მოიგეს. მატჩის დასრულების შემდეგ გატუზომ, ვისაც მალე ახალ კონტრაქტს გაუფორმებენ, კალინიჩის თაობაზეც ილაპარაკა:</p><p>"რაც შეეხება კალინიჩის ამბავს, გუნდში 25 ფეხბურთელი მყავს და თითოეული მათგანის მიმართ ჩემი მოთხოვნები ერთნაირია. საჭიროა, ვარჯიშებზე ყველამ ბოლომდე აჩვენოს თავისი შესაძლებლობები, რადგან ჩვენთვის ახლა ყველა მატჩი გადამწყვეტია. ვინც ვარჯიშებზე ბოლომდე არ იხარჯება, შინ რჩება".</p><p><p><div class="ws_video" id="11585" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-5/2018/03-19/milani.jpg" border="0" alt="Sportall.Ge" title="სერია A. XXIX ტური: მაურო იკარდის ტური [VIDEO]" /></p><p><span style="padding: 2px; display: block;">18.03.18 მილანი - კიევო 3:2</span></div></p></p><p>"რომამ" ელ შაარავისა და ნაინგოლანის გოლებით კლასის ხარჯზე დაამარცხა "კროტონე". ფაქტია, რომაელები თანდათან და გეგმაზომიერად უმატებენ, თან ახლა ყოველ მატჩს "ბარსელონასთან" დაპირისპირებისთვის მზადების კუთხით უყურებენ.</p><p>ეს იქნება ურთულესი გამოცდა ეუსებიო დი ფრანჩესკოს გუნდისათვის. რომაელები სერია A-შიც მაღალ მიზნებს (რა თქმა უნდა, ჩემპიონობას არ ვგულისხმობთ) ისახავენ და მათი თამაშიც ხშირ შემთხვევაში თვალსასეიროა.</p><p><p><div class="ws_video" id="11589" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-5/2018/03-19/roma.jpg" border="0" alt="Sportall.Ge" title="სერია A. XXIX ტური: მაურო იკარდის ტური [VIDEO]" /></p><p><span style="padding: 2px; display: block;">18.03.18 კროტონე - რომა 0:2</span></div></p></p><p>გვიანდელ მატჩებს შორის განსაკუთრებულ ინტერესს იწვევდა "ნაპოლისა" და "ჯენოას" დაპირისპირება. გამარჯვების შემთხვევაში, მაურიციო სარის გუნდი, რომელიც კარგა ხანს ლიდერობდა, "იუვესთან" სხვაობას ორ ქულამდე შეამცირებდა...</p><p>მოლოდინი გამართლდა - "ნაპოლიმ" გაჭირვებით, მაგრამ მაინც მოიგო და სკუდეტოს შანსი შეინარჩუნა. თუმცა თამაშმა აჩვენა, რომ ბოლოდროინდელი კრიზისი, რომელმაც ნეაპოლელებს ლიდერობა დააკარგვინა, დაძლეული ჯერ არ არის. ამას დაემატა მარეკ ჰამშიკის ტრავმაც, რის გამოც "ნაპოლის" სლოვაკი ლიდერი თამაშს მე-20 წუთიდან გამოეთიშა.</p><p>ასეა თუ ისე, ბრძოლა გრძელდება, თუმცა ასეთ "ნაპოლის" ძალიან გაუჭირდება "ქალბატონის" დევნა.</p><p><p><div class="ws_video" id="11586" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-5/2018/03-19/napoli.jpg" border="0" alt="Sportall.Ge" title="სერია A. XXIX ტური: მაურო იკარდის ტური [VIDEO]" /></p><p><span style="padding: 2px; display: block;">18.03.18 ნაპოლი - ჯენოა 1:0</span></div></p></p><p><span style="color: #3366ff;"><strong>ფაქტები</strong></span></p><p><ul> <li>2014 წლის აპრილის შემდეგ "მილანმა" პირველად მოიგო სერია A-ს ზედიზედ 5 მატჩი.</li> <li>ჰაკან ჩალჰანოღლუმ ("მილანი") ამ სეზონში, ყველა ტურნირის ჩათვლით, პირველად მოახერხა ზედიზედ ორ მატჩში გოლის გატანა.</li> <li>ალექსანდარ კოლაროვმა ("რომა") მიმდინარე სერია A-ში 6 საგოლე პასი გააკეთა, რაც ორჯერ მეტია ყველა სხვა მცველის მონაცემებზე.</li> <li>2014 წლის მარტის შემდეგ "ტორინომ" პირველად წააგო სერია A-ს ზედიზედ 4 მატჩი.</li> <li>მაურო იკარდიმ "ინტერის" მაისურით 172 მატჩში (ყველა ტურნირის ჩათვლით) 103 გოლი გაიტანა.</li> <li>სერია A-ში დებიუტის (2012/13) შემდეგ მაურო იკარდიმ მეექვსედ მოახერხა ერთ მატჩში 3 (და მეტი) გოლის გატანა, რაც აღნიშნულ პერიოდში არც ერთ სხვა ფეხბურთელს არ გაუკეთებია.</li> <li>ასაკის მიხედვით, მაურო იკარდი მეექვსეა იმ ფეხბურთელებს შორის, ვინც სერია A-ში100-გოლიან ზღვარს უწია.</li> <li>"იუვენტუსმა" სერია A-ს ზედიზედ მე-10 მატჩში შეძლო კარის "მშრალად" შენახვა. ეს არის გამეორება იმ შედეგის, რაც "იუვენტუსს" 2016 წლის მარტისთვის ჰქონდა.</li> <li>2017 წლის სექტემბრის შემდეგ "იუვენტუსმა", ყველა ტურნირის ჩათვლით, პირველად ვერ შეძლო საგარეო მატჩში გოლის გატანა.</li> <li>დეკემბრის შემდეგ "სასუოლომ" პირველი მატჩი მოიგო სერია A-ში.</li> </ul></p><p><span style="color: #3366ff;"><strong>სერია A. XXIX ტური</strong></span></p><p><em><strong>სპალ-იუვენტუსი 0:0</strong></em></p><p>იუვენტუსი (4-2-3-1): ბუფონი - დე შილიო, რუგანი, კიელინი (81. ბარძალი), ასამოა (64. მანჯუკიჩი) - პიანიჩი, მატუიდი (84. ბენტანკური) - დუგლას კოშტა, დიბალა, ალექს სანდრო - იგუაინი.</p><p><em><strong>სამპდორია-ინტერი 0:5</p><p></strong></em>გოლები: 0:1 პერიშიჩი (26), 0:2 იკარდი (30-პენ), 0:3 იკარდი (31), 0:4 იკარდი (44), 0:5 იკარდი (51)</p><p>ინტერი (4-2-3-1): ჰანდანოვიჩი - კანსელო, შკრინიარი, მირანდა, დ"ამბროზიო - გალიარდინი, ბროზოვიჩი - კანდრევა (78. ვესინო), რაფინია (80. ბორხა ვალერო), პერიშიჩი - იკარდი (66. ედერი).</p><p><em><strong>მილანი-კიევო 3:2</p><p></strong></em>გოლები: 1:0 ჩალჰანოღლუ (10), 1:1 სტეპინსკი (33), 1:2 ინგზელე (34), 2:2 კუტრონე (52), 3:2 ანდრე სილვა (82)</p><p>მილანი (4-3-3): ჯ. დონარუმა - ბორინი (60. ანდრე სილვა), ბონუჩი, საპატა, როდრიგესი - კესი, ბილია, ბონავენტურა - სუსო, ჩალჰანოღლუ, კუტრონე (83. მუზაკიო).</p><p>გამოუყენებელი პენალტი: კესი (90+4. მილანი)</p><p><em><strong>ბენევენტო-კალიარი 1:2</p><p></strong></em>გოლები: 1:0 ბრინიოლა (46), 1:1 პავოლეტი (90+1), 1:2 ბარელა (90+7-პენ)</p><p><em><strong>კროტონე-რომა 0:2</p><p></strong></em>გოლები: 0:1 ელ შაარავი (39), 0:2 ნაინგოლანი (75)</p><p>რომა (4-3-3): ალისონი - პერესი, ფასიო, ჟეზუში, კოლაროვი - პელეგრინი (65. სტროოტმანი), გონალონი, ნაინგოლანი - ჟერსონი (71. ფლორენცი), ელ შაარავი (83. იუნდერი), ჯეკო.</p><p><em><strong>ტორინო-ფიორენტინა 1:2</p><p></strong></em>გოლები: 0:1 ვერეტუტი (59), 1:1 ბელოტი (86), 1:2 ტერო (90+4-პენ)</p><p><em><strong>ვერონა-ატალანტა 0:5</p><p></strong></em>გოლები: 0:1 კრისტანტე (2), 0:2 ილიჩიჩი (45+4-პენ), 0:3 ილიჩიჩი (48), 0:4 ილიჩიჩი (69), 0:5 გომესი (71)</p><p><em><strong>ლაციო-ბოლონია 1:1</p><p></strong></em>გოლები: 0:1 ვერდი (3), 1:1 ლუკას ლეივა (16)</p><p>ლაციო (3-5-2): სტრაკოშა - რამოს მარკი, დე ვრეი, უოლასი (46. ბასტოსი) - მარუშიჩი, პაროლო, ლუკას ლეივა, ალბერტო, ანდერსონი (83. კაისედო) - ნანი (46. ლუკაკუ), იმობილე.</p><p><em><strong>ნაპოლი-ჯენოა 1:0</p><p></strong></em>გოლი: 1:0 ალბიოლი (72)</p><p>ნაპოლი (4-3-3): რეინა - ჰისაი, ალბიოლი, კულიბალი, მარიო რუი - ალანი, ჟორჟინიო, ჰამშიკი (20. ზელინსკი) - კალიეხონი (86. როგი), ინსინიე, მერტენსი (82. მილიკი).</p><p><span style="color: #3366ff;"><strong>ბომბარდირები</strong></span>: 24 - ჩირო იმობილე (ლაციო); 22 - მაურო იკარდი (ინტერი); 17 - ფაბიო კვალიარელა (სამპდორია), დრის მერტენსი (ნაპოლი), პაულო დიბალა (იუვენტუსი); 15 - გონსალო იგუაინი (იუვენტუსი).</p><p><span style="text-decoration: underline;">მომდევნო ტური</p><p></span>31 მარტი: ბოლონია-რომა, ატალანტა-უდინეზე, კალიარი-ტორინო, ფიორენტინა-კროტონე, ჯენოა-სპალ, ინტერი-ვერონა, ლაციო-ბენევენტო, სასუოლო-ნაპოლი, კიევო-სამპდორია, იუვენტუსი-მილანი</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p><p><br></p>
გატუზო თავის სტიქიაშია - ზოგს წაუთაქა, ზოგს სილა გააწნა
"მილანი" ადლის საუდის არაბეთში გაასხვისებს
40 წლის რაულ ალბიოლი სერია A-ში დაბრუნდა
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
"ოქროს ბურთი" როდრის და დემბელეს - მაშ ვინისიუსს რაღა? - რეალი აღშფოთებულია
ქართველი მსაჯები სომხეთისა და ირლანდიის მატჩს განსჯიან
"ფენერბაჰჩეს" დომენიკო ტედესკო ჩაიბარებს
ნიკოლოზ ბასილაშვილი ჩინური ტურნირის პირველივე წრეში დამარცხდა
ჯიკიჩი ევრობასკეტის საუკეთესო მწვრთნელის პრიზისთვის იბრძვის - როგორ შეგიძლიათ მისცეთ ხმა საქართველოს ნაკრების დამრიგებელს
თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ
"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია
"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე
"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია
საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება
აბურჯანია კარიერას საუდის არაბეთში გააგრძელებს
U21 | საქართველო V ჩრდილოეთ ირლანდია - მატჩისწინა ვარჯიში წყალტუბოში
ხარატიშვილი ჩეხურ კლუბში გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
ქართული ბანერი იტალიურ დერბიში - ინტერვიუ "ინტერის" ქართული აკადემიის დირექტორთან
ოფიციალურად: სატრანსფერო ფანჯრის ბოლო დღეს "ნაპოლიმ" ელმასი დაიბრუნა
"მარსელიდან" მოკვეთილი რაბიოს დამატება "მილანმა" მოინდომა
2020 წლის ევროპის ჩემპიონმა საფეხბურთო კარიერა დაასრულა
მილანის "ინტერი" საქართველოში - ექსკლუზიური ინტერვიუ იტალიელ მწვრთნელთან
"ნა***რო ციგანო, დაცვა სიკვდილისგან ვერ გიხსნის" - სერბს ემუქრებიან
16 წლის ქართველი ტალანტი "იუვენტუსში" - ყველაფერი მალე უნდა გადაწყდეს
უკრაინელი თავდამსხმელი "ვილიარეალში" არ გადავა, რომელიც მიქაუტაძის შეძენას ცდილობს
"ინტერმა" "რომას" კუთხურიდან გაუტანა - მოურინიო ისევ ბრაზობს
"ლამის ვიტირე" - არგენტინელი "იუვენტუსზე" ნაწყენია
"ნაპოლიში" კვარაცხელიას ეს ფენომენი შეცვლის" - ანტონიო კასანო
"მილანი" ადლის საუდის არაბეთში გაასხვისებს
ნკუნკუს შემდეგ აკანჯიც? - "მილანი" ტრანსფერის განხორციელებას გეგმავს
"სკუდეტოს მოგება რეალურია" - ლაუტარო "ინტერის" შანსებზე
Gazzetta dello Sport: მამარდაშვილი "იუვენტუსის" პრიორიტეტი აღარაა
"მილანის" ნახევარმცველი იჯარის წესით ზაგრების "დინამოში" ითამაშებს
არგენტინის ნაკრების ყოფილმა ნახევარმცველმა 33 წლის ასაკში ფეხბურთელის კარიერა დაასრულა
მოურინიო "იუვესთან" წაგების მერე: ბრწყინვალედ ვითამაშეთ! [VIDEO]
ჯეიდონ სანჩო "რომაში" გადასვლასთან ახლოსაა
ფინანსური რესურსები აქვთ და მიქაუტაძის დამატება სურთ - ქართველი "რომას" შემდეგ იტალიაში კიდევ ერთ გუნდს დაუკავშირეს
გახსოვთ კვარაცხელიას ყოფილი თანაგუნდელი ელმასი? - მისი შეძენის სურვილი "რომას" აქვს
"მილანს" ზინჩენკოს დამატება სურს - "არსენალმა" ფასი დაასახელა
ანგისას გოლი 90+5-ე წუთზე - "ნაპოლიმ" "კალიარის" სძლია
ჰოილუნი "ნაპოლის" უახლოვდება - "პარტენოპეი" ფეხბურთელის დაყოლიებას ცდილობს
ჰოილუნი უკვე ნეაპოლში და დღეს "ნაპოლის" ფეხბურთელი ოფიციალურად გახდება
პსჟ-ს ახალი იტალიელი მეკარე ჰყავს
"იუვენტუსი" მოტამ ჩაიბარა
„სპორტი ჩვენთვის იდენტობის განუყოფელ ნაწილს წარმოადგენს“ — იტალიის ელჩი თბილისში „მილანის“ საფეხბურთო ბანაკის დაწყებას ეხმაურება
ბოლო დეტალები თანხმდება - ჰოილუნი კარიერას "ნაპოლიში" განაგრძობს
"გეტყვით, რატომ მოუგო პსჟ-მ "ინტერს" დიდი ანგარიშით" - რობერტო დე ძერბი