<p>დიდი 10: "ჯიქმა" "ბათუმს" 25:19 მოუგო <br> საქართველოს ჩემპიონმა გორის ‘ჯიქმა’ დიდი 10-ის გასავარდნ ფინალში ‘ბათუმს’ გორში 25:19 სძლია და ტიტულის დაცვას აგრძელებს. მასპინძლების გამარჯვებაში უდიდესი როლი ითამაშა გუნდის კაპიტანმა გურამ შენგელიამ, რომელმაც ორი ლელო გაიტანა და დაცვაშიც შეუდარებლად იდგა.</p><p>შეხვედრა ‘ჯიქის’ აქტიურობით დაიწყო და მასპინძლები მე-7 წუთზე დაწინაურდნენ. მამუკა ნინიძემ ბურთი მარჯვენა ფლანგზე რბილად ჩაკიდა და ის ზედ ლელოს ხაზთან ირაკლი სვანიძეს პირდაპირ ხელებში ჩაუვარდა - 5:0. ბათუმელებმა შერკინებაში დიდი უპირატესობა მოიპოვეს, 21-ე წუთზე ჯარიმა გამოიმუშავეს და ბახვა კობახიძემ კარის წინ 10 მეტრიდან 3 ქულა გაქვითა, რაზეც 5 წუთში ნინიძემ ასევე ზუსტი დარტყმით უპასუხა.</p><p>მასპინძლებმა აგრესიული დაცვით ‘ბათუმს’ გასაქანი არ მისცეს, რაქებში კარგი თამაშით და სწრაფი კონტრშეტევებით მეტოქს პრობლემები შეუქმნეს, 35-ე წუთზე ჯარიმა გამოიმუშავეს და ნინიძე კვლავ ზუსტი იყო. თამაში რომ განახლდა ‘ჯიქი’ პირველ ბურთზე თამაშისას შეცდა, მაგრამ წითელ ზოლში თავი დაიცვა. უკვე გაწითლებულ დროზე ‘ბათუმმა’ აღარ გარისკა, კობახიძემ ჯარიმა გაიტანა და ტაიმი 11:6 დასრულდა.</p><p>დაიწყო მეორე ტაიმი და კვლავ მე-7 წუთზე ‘ჯიქმა’ მეორე ლელო გაიტანა. მოლით რამდენიმე წარუმატებელი მცდელობის შემდეგ გუნდის კაპიტანმა გურამ შენგელიამ შეუტია, მასზე სამი მბოჭვი მივიდა, მაგრამ ვერავინ შეაჩერა და ხელსაყრელი პოზიციიდან ნინიძემაც გარდასახა. ‘ბათუმმა’ სწრაფად სცადა პასუხის გაცემა და მეტოქის ლელოდან 5 მეტრში დიდი დრო გაატარა, მაგრამ ბოლო ზღუდე ვეღარ გადალახა და კობახიძემ ჯარიმის კარში დარტყმა გადაწყვიტა - 18:9.</p><p>58-ე წუთზე სხვაობა კიდევ უფრო შემცირდა. მართალია ‘ბათუმმა’ საკუთარი დერეფანი დათმო, მაგრამ სანდრო ქოიავამ რაქში ბურთი დაიბრუნა, შეტევის მიმართულება ორჯერ შეიცვალა და ამირან მიქაძეს ლელომდე მეტრი დააკლდა, თუმცა შემდეგ მიძალებაზე ქოიავა მიზანს მიწვდა. კობახიძეს გარდასახვა გაუცუდდა და სხვაობა 4 ქულა დარჩა.</p><p>68-ე წუთზე გურამ შენგელიამ ერთხელაც გაიბრწყინა და ‘ჯიქი’ გამარჯვებას დაუახლოვა. მან შერკინებიდან მოკლე ფრთაზე შეუტია, კონტაქტით სამი მცველი ჩამოიცილა და თავისი მეორე ლელო გაიტანა, ხოლო ნინიძემ გარდასახა და ანგარიში 25:14 გახდა. ‘ბათუმმა’ ბოლომდე იბრძოლა და საფინალო სასტვენამდე 2 წუთით ადრე გიორგი გოგიტიძემ ლელო გაიტანა, მაგრამ გორელებმა დარჩენილი დრო მეტოქის ნახევარზე გაატარეს და 25:19 მოგებით მცირე ფინალში გავიდნენ.</p><p>6 მაისს ‘ჯიქი’ თბილისში ‘ლოკომოტივს’ ეთამაშება და ამ წყვილის გამარჯვებული ფინალში გავა, სადაც მას ქუთაისის ‘აია’ ელოდება.</p><p><strong>მომზადებულია Rugby.ge-ს მიხედვით</strong></p>
crocobet დიდი 10 | ყაზბეგი 17:36 ბათუმი
დიდი 10 | ბათუმი 32:20 გორი
Crocobet დიდი 10-ის ახალი სეზონის დაწყებამდე დარჩა 4 დღე!
"შავი ლომი" - სამხრეთ აფრიკაში "ჩიტასთან" ორი ტესტისთვის
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
"მილანსა" და "ინტერს" ახალი სტადიონი ექნებათ - 2031 წლიდან კლუბები ლეგენდარულ "სან სიროზე" აღარ ითამაშებენ
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება
კორსანტიას 15-ქულიანი დებიუტი ესპანეთში
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
თსუ-მა "ბათუმი" დამაჯერებლად დაამარცხა და საქართველოს სუპერთასს დაეუფლა
"შავი ლომი" | ორი ცვლილება "ბათუმთან"
დიდი 10: "ჯიქმა" "იუნკერებს" სძლია
სუპერთასი | თელ-ავივი ქართულ გუნდებს არ სწყალობს
ოთარ ქორქიას სახელობის სუპერთასი "ბათუმმა" მოიგო
დიდი 10: "ჯიქმა" "აიას" 19:15 სძლია
სუპერლიგის სადებიუტო მატჩში "ვსა-BASKETBALL"-მა "ბათუმი" 80:72 დაამარცხა
დიდი 10: "ჯიქმა" "არმაზი" დაამარცხა და წელი სერიით დაასრულა
კაცნაკლულმა "ჯიქმა" "აკადემია" დაამარცხა
დიდი 10: "ჯიქმა" "ლოკომოტივს" 17:8 მოუგო
დიდი 10: "ჯიქმა" "ლოკომოტივი" დაამარცხა
სუპერთასი | "შავი ლომი" აღმოსავლეთში, "ლუზიტანუში" დასავლეთში